Respublika korxonalarida tayyorlanayotgan teri, mo‘yna xomashyosi va qorako‘lni yanada to‘liq qayta ishlash maqsadida va O‘zbekiston Respublikasi Prezidentining “Teri, mo‘yna xomashyosi va qorako‘l eksportini tartibga solish to‘g‘risida”gi Farmoniga muvofiq Vazirlar Mahkamasi qaror qiladi:

3. Tayyorlanayotgan xomashyoni raqobatbardosh mahsulot qilib yanada chuqurroq qayta ishlash uchun shart-sharoitlar yaratish maqsadida “O‘zbekyengilsanoat” davlat uyushmasi, O‘zbekiston Respublikasi Qishloq va suv xo‘jaligi vazirligi, O‘zbekbirlashuv, “Mahalliy sanoat” hududiy aksiyadorlik kompaniyalari Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda ko‘rsatib o‘tilgan xomashyoni qayta ishlovchi mavjud ishlab chiqarish quvvatlarini qayta ro‘yxatdan o‘tkazsinlar, ulardan samarali foydalanish, ularni texnika bilan qayta jihozlash, shu jumladan xorijiy investitsiyalarni jalb etgan holda qayta jihozlash chora-tadbirlarini belgilasinlar.

5. O‘zbekiston Respublikasi Vazirlar Mahkamasining “O‘zbekiston tovar-xomashyo birjasida savdoni yanada rivojlantirish chora-tadbirlari to‘g‘risida” 1996-yil 20-sentabrdagi 329-son qaroriga 1-ilovadan 5-band chiqarib tashlansin.

6. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari I. H. Jo‘rabekov va O‘zbekiston Respublikasi Bosh vazirining o‘rinbosari M .Z. Usmonov zimmasiga yuklansin.