Turizmni yanada rivojlantirish va uni tashkil etishni takomillashtirish, sayyohlik xizmatlari bozorida kichik va oʻrta sayyohlik tashkilotlarining qatnashishini faollashtirish, shuningdek xorijiy investorlarni turizm sohasiga keng jalb qilish maqsadida Vazirlar Mahkamasi qaror qiladi:

1. “Oʻzbekturizm” milliy kompaniyasining, shuningdek xususiy turistik firmalarning Xususiy sayyohlik tashkilotlari uyushmasini tashkil etish toʻgʻrisidagi taklifi qabul qilinsin.

“Oʻzbekturizm” milliy kompaniyasi Xususiy sayyohlik tashkilotlari uyushmasiga, sayyohlik tashkilotlarining faoliyatini tashkil etish, marketing, malakali kadrlar tayyorlash va ularni qayta tayyorlash, shuningdek sayyohlik faoliyati sohasida qonun hujjatlariga rioya qilish bilan bogʻliq boʻlgan masalalarda uslubiy va huquqiy yordam koʻrsatishi maʼlumot uchun qabul qilinsin.

2. Quyidagilarga:

Xususiy sayyohlik tashkilotlari uyushmasining namunaviy tashkiliy tuzilmasiga va uning boshqaruvi ijro etuvchi apparatining namunaviy tuzilmasiga 3 va 4-ilovalarga muvofiq rozilik berilsin.

4. Xususiy sayyohlik tashkilotlari uyushmasi faoliyatining asosiy yoʻnalishlari:

Buyuk ipak yoʻlini tiklashda, respublikada turizmning zamonaviy infratuzilmasini rivojlantirishda faol qatnashish;

Uyushma aʼzolari boʻlgan xususiy sayyohlik tashkilotlariga koʻmaklashish va ular faoliyatini muvofiqlashtirish;

turizm sohasida marketing tadqiqotlari oʻtkazish;

xususiy sayyohlik tashkilotlarini rivojlantirishga xorijiy investitsiyalarni va mamlakatimiz yuridik va jismoniy shaxslarining mablagʻlarini jalb qilish;

“Oʻzbekturizm” milliy kompaniyasida, shuningdek davlat organlarida va jamoat tashkilotlarida Uyushma aʼzolari boʻlgan xususiy sayyohlik tashkilotlarining manfaatlarini ifodalash;

Uyushma aʼzolariga axborot, maslahat va uslubiy yordam koʻrsatish;

sayyohlik biznesi sohasida xodimlarning kasb tayyorgarligiga va ularni qayta tayyorlashga koʻmaklashish ekanligi maʼlumot uchun qabul qilinsin.

5. Xususiy sayyohlik tashkilotlari uyushmasi “Oʻzbekturizm” milliy kompaniyasi ishtirokida ikki hafta muddatda oʻzining taʼsis hujjatlarini mazkur qarorga muvofiqlashtirsin va belgilangan tartibda ularni qayta roʻyxatdan oʻtkazsin.

6. “Oʻzbekturizm” milliy kompaniyasi 1999-yil 1-yanvargacha:

Oʻzbekiston Respublikasi Adliya vazirligi bilan birgalikda “Turizm toʻgʻrisida”gi qonun loyihasini ishlab chiqsin va belgilangan tartibda kiritsin;

“Oʻzdavstandart” markazi, Oʻzbekiston Respublikasi Kommunal xizmat koʻrsatish vazirligi, boshqa manfaatdor vazirliklar va idoralar bilan birgalikda sayyohlik xizmatlari sohasida yagona davlat standartlarini ishlab chiqsin;

Oʻzbekiston Respublikasi Makroiqtisodiyot va statistika vazirligi, Moliya vazirligi hamda boshqa manfaatdor vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2005-yilgacha boʻlgan davrda respublikada turizmni rivojlantirish Dasturini ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin.

7. Oʻzbekiston Respublikasi Davlat mulki qoʻmitasi “Oʻzbekturizm” milliy kompaniyasi bilan birgalikda ikki oy muddatda sayyohlik tashkilotlarini davlat tasarrufidan chiqarishni yanada chuqurlashtirish va aksiyalashtirish, aksiyalar paketlarini va kichik sayyohlik tashkilotlarini xorijiy investorlarga sotish, mehmonxona xoʻjaligini boshqarishga xorijiy sayyohlik firmalarini jalb qilish boʻyicha aniq takliflar kiritsin.

8. “Oʻzbekturizm” milliy kompaniyasiga Vazirlar Mahkamasining turizm faoliyatini litsenziyalash komissiyasining qarorlari asosida, mulkchilik shakllaridan qatʼi nazar, xoʻjalik yurituvchi subyektlarga ularning turizm sohasida faoliyatni amalga oshirishiga maxsus ruxsatnomalar (litsenziyalar)ni texnik rasmiylashtirish huquqi berilsin.

“Oʻzbekturizm” milliy kompaniyasiga turizm sohasida faoliyat koʻrsatishga litsenziyalar olgan tashkilotlar tomonidan amaldagi qonun hujjatlarida belgilangan talablarga rioya qilinishi ustidan nazorat qilish funksiyasi yuklansin.

9. Oʻzbekiston Respublikasi Tashqi iqtisodiy faoliyat milliy banki va “Oʻzbekturizm” milliy kompaniyasining “Oʻzsayohatinvest-bank” negizida Tashqi iqtisodiy faoliyat milliy bankining “Oʻzsayohat” boʻlimini tashkil etish toʻgʻrisidagi taklifiga rozilik berilsin.

10. Oʻzbekiston Respublikasi Vazirlar Mahkamasining 1992-yil 20-oktabrdagi 484-son qarorining 1-bandi va 5-bandining toʻrtinchi xatboshi, shuningdek koʻrsatib oʻtilgan qarorga 1 va 2-ilovalar oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Azizxoʻjayev zimmasiga yuklansin.