Oʻzbekiston Respublikasining “Jismoniy tarbiya va sport toʻgʻrisida”gi Qonuni va Oʻzbekiston Respublikasi Vazirlar Mahkamasining 2025-yil 7-avgustdagi 500-son “Jismoniy tarbiya-sport tashkilotlarining trener-oʻqituvchilari va yoʻriqchi-uslubchilari hamda sport hakamlariga malaka toifalarini berish tizimini takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi Jismoniy tarbiya va sport davlat qoʻmitasining 2017-yil 2-oktabrdagi 10-mh-son “Sport hakamlari va ularning malaka toifalarini berish tartibi toʻgʻrisidagi nizomni tasdiqlash haqida”gi qarorga (roʻyxat raqami 2942, 2017-yil 27-oktabr) (Qonun hujjatlari maʼlumotlari milliy bazasi, 27.10.2017-y., 10/17/2942/0182-son) ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Mudofaa vazirligi, Ichki ishlar vazirligi hamda Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

1. Qarorda:

a) nomi quyidagi tahrirda bayon etilsin:

b) 1-band quyidagi tahrirda bayon etilsin:

“1. Sport hakamlari va ularni sport hakamligidan chetlashtirish tartibi toʻgʻrisidagi nizom ilovaga muvofiq tasdiqlansin.”.

2. Nizomda:

a) nomi quyidagi tahrirda bayon etilsin:

b) muqaddima quyidagi tahrirda bayon etilsin:

“Mazkur Nizom sport hakamlarining vazifalari, huquq va majburiyatlari hamda ularni sport hakamligidan chetlashtirish tartibini belgilaydi.”;

v) 1-band quyidagi tahrirda bayon etilsin:

“1. Mazkur Nizomda quyidagi asosiy tushunchalardan foydalaniladi:

vakolatli organ — Oʻzbekiston Respublikasi Sport vazirligi;

sport hakami — sport turi qoidalariga va sport musobaqasi toʻgʻrisidagi nizomga (reglamentga) rioya etilishini taʼminlash uchun vakolat berilgan jismoniy shaxs sport hakamidir.”;

g) 2-band oʻz kuchini yoʻqotgan deb topilsin;

d) 4-band quyidagi tahrirda bayon etilsin:

“4. Sport hakami quyidagi huquqlarga ega:

sport musobaqalarida hakamlik qilish;

sport musobaqalarida hakamlik qilganlik uchun haq (daromad) olish;

jamoat birlashmalariga birlashish;

sport musobaqasida hakamlik qilishda sport musobaqasi tashkilotchisidan tegishli shart-sharoitlar yaratilishini talab qilish.

Sport hakami qonunchilik hujjatlarida belgilangan boshqa huquqlarga ham ega boʻlishi mumkin.”;

e) 5-band quyidagi tahrirda bayon etilsin:

“5. Sport hakami:

xalqaro sport tashkilotlari tomonidan tasdiqlangan qoidalarni (reglamentlarni, nizomlarni), sport turi qoidalarini hamda sport musobaqalari qoidalarini (nizomlarini, reglamentlarini) bilishi va ularning talablariga qatʼiy rioya etishi;

yuksak madaniyatni va hamjihatlikni namuna qilib koʻrsatishi, shuningdek qoʻpollik, tartibsizlikning, ishtirokchilar (sportchilar, trenerlar, vakillar, tomoshabinlar) tomonidan sport turlari qoidalari buzilishining oldini olish choralarini koʻrishi shart.

Sport hakamiga qonunchilik hujjatlarida boshqa majburiyatlar ham belgilanishi mumkin.”;

yo) 6-bandda:

uchinchi xatboshisi quyidagi tahrirda bayon etilsin:

“vakolatli organ tomonidan yilning eng yaxshi sport hakami sifatida tan olinishi mumkin.”;

toʻrtinchi xatboshisi oʻz kuchini yoʻqotgan deb topilsin;

j) 3, 4 va 6-boblar oʻz kuchini yoʻqotgan deb topilsin;

z) Ilova oʻz kuchini yoʻqotgan deb topilsin.