|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
HARBIY VA MUQOBIL XIZMATNING BELGILANGAN MUDDATLARINI OʻTAB BOʻLGAN ShAXSLARNI QUROLLI KUChLAR, ChEGARA VA IChKI QOʻShINLAR SAFLARIDAN ZAXIRAGA BOʻShATISh VA FUQAROLARNI MUDDATLI HARBIY VA MUQOBIL XIZMATGA NAVBATDAGI ChAQIRISh TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
“Umumiy harbiy majburiyat va harbiy xizmat toʻgʻrisida” va “Muqobil xizmat toʻgʻrisida” gi Oʻzbekiston Respublikasi qonunlariga muvofiq Vazirlar Mahkamasi qaror qiladi:
1. Harbiy va muqobil xizmatning belgilangan muddatlarini oʻtab boʻlgan shaxslar Oʻzbekiston Respublikasining Qurolli Kuchlari, chegara va ichki qoʻshinlari sarflaridan zaxiraga boʻshatilsin.
2. 1967—1976-yillarda tugʻilgan, chaqiriq muddatini uzaytirish huquqiga ega boʻlmagan Oʻzbekiston Respublikasi fuqarolari 1994-yilning oktyabr-noyabr oylarida muddatli harbiy va muqobil xizmatga chaqirilsin.
3. Oʻzbekiston Respublikasi Mudofaa vazirligiga chaqiriluvchilarning harbiy xizmatga olinmagan resurslarini hokimiyatlar, vazirliklar, idoralar, korporatsiyalar, konsernlar, uyushmalar va tashkilotlar buyurtmanomalari boʻyicha, chaqiriluvchining yashash joyidan qatʼi nazar, mehnat resurslari cheklangan joylarda, shuningdek, qurilish, transport, aloqa, sogʻliqni saqlash, ijtimoiy taʼminot, kommunal va qishloq xoʻjaligi obyektlarida foydalanish maqsadida muqobil xizmatni oʻtash uchun yoʻllashga ruxsat etilsin.
Vazirlar Mahkamasining Raisi I. KARIMOV
Toshkent sh.,
1994-yil 30-sentabr,
492-son
