|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI DAVLAT MULKI QOʻMITASI HUDUDIY BOShQARMALARI BOShLIQLARINING MAQOMINI VA MASʼULIYATINI OShIRISh TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Mulkchilik shakllarini qayta oʻzgartirish jarayonlari chuqurlashayotganligi munosabati bilan Oʻzbekiston Respublikasi Davlat mulki qoʻmitasi xodimlarining masʼuliyatini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Davlat mulki qoʻmitasi hududiy boshqarmalari boshliqlari maqomi boʻyicha, tegishli ravishda Qoraqalpogʻiston Respublikasi Vazirlar Kengashi Raisining oʻrinbosariga, viloyatlar va Toshkent shahar hokimlarining oʻrinbosarlariga tenglashtirilsin.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bozor tuzilmalarini shakllantirish ishida Davlat mulki qoʻmitasi organlariga yordam bersinlar, bu jarayonni samarali amalga oshirish uchun zarur sharoitlar yaratsinlar.
3. Mazkur qarorning bajarilishini nazorat qilish Bosh vazirning oʻrinbosari V.A.Chjen zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1994-yil 27-sentabr
484-son
