|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
TOLIMARJON GRESIDAGI MONTAJ IShLARINI MABLAGʻ BILAN TAʼMINLASh TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Tolimarjon GRESining 800 ming kVt quvvatlik energoblokida bajarilgan montaj ishlari uchun “Mosenergomontaj” tresti “Energomontaj” aksionerlik jamiyatining ixtisoslashgan tashkilotlariga qarzlarni toʻlash maqsadida Vazirlar Mahkamasi qaror qiladi:
1. Energetika va elektrlashtirish vazirligi vazirlikka ajratilgan 20 ming tonna paxta lintini “Xeylunszyankoopvneshtorg” firmasiga va 100 ming tonna neftni Rossiya Federatsiyasiga sotishdan olingan valyuta tushumining 30 foizini Oʻzbekiston Respublikasi Markaziy bankiga majburiy sotishdan ozod qilinsin.
2. Oʻzbekiston Respublikasi Energetika va elektrlashtirish vazirligi paxta lintini va neftni sotishdan olingan valyuta tushumi Tolimarjon GRESidagi bajarilgan montaj ishlari uchun “Energomontaj” aksionerlik jamiyatiga qarzlarini toʻlashga maqsadli foydalanilishini taʼminlasin.
3. Mazkur qarorning bajarilishini nazorat qilish Bosh vazir oʻrinbosari Q.J. Haqqulov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1994-yil 26-sentabr,
481-son
