|
Hujjat kuchini yo‘qotgan 24.07.2025
|
Hujjat 16.07.1994 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
KOʻMIR, NEFT, GAZ QAZIB OLISH VA GEOLOGIYA-RAZVEDKA ISHLARI TIZIMI XODIMLARINING MAJBURIY DAVLAT SHAXSIY SUGʻURTASI TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2025-yil 23-iyuldagi 458-sonli “Oʻzbekiston Respublikasi Prezidentining “Sugʻurta xizmatlari bozorini yanada rivojlantirishning kompleks chora-tadbirlari toʻgʻrisida” 2024-yil 1-martdagi PQ-108-son qarorini amalga oshirish chora-tadbirlari haqida”gi qaroriga asosan oʻz kuchini yoʻqotgan.
“Sugʻurta toʻgʻrisida” Oʻzbekiston Respublikasi Qonuniga muvofiq Vazirlar Mahkamasi qaror qiladi:
Keyingi tahrirga qarang.
1. 1994-yil 1-avgustidan boshlab ishlab chiqarish xarajatlarining mana shu maqsadlar uchun nazarda tutilgan moddalari hisobidan koʻmir, neft, gaz qazib olish va geologiya-razvedka ishlari tizimi xodimlarining majburiy davlat shaxsiy sugʻurtasi joriy qilinsin.
2. Koʻmir, neft, gaz qazib olish va geologiya-razvedka ishlari tizimi xodimlarining majburiy shaxsiy sugʻurtasi boʻyicha sugʻurta puli ishlab chiqarish faoliyatini bajarish chogʻida halok boʻlish {vafot etish) hodisasi yuz bergan taqdirda eng kam ish haqining 36 baravari miqdorida belgilansin.
Keyingi tahrirga qarang.
Sugʻurta qilingan shaxsga baxtsiz hodisa munosabati bilan nogironlik belgilanganda:
Keyingi tahrirga qarang.
I guruh nogironga—sugʻurta pulining 50 foizi;
II guruh nogironga—sugʻurta pulining 30 foizi;
III guruh nogironga—sugʻurta pulining 20 foizi toʻlanadi.
Keyingi tahrirga qarang.
Nogironlikka olib kelmagan baxtsiz hodisa oqibati “Sugʻurta hodisalari munosabati bilan sugʻurta pullari va bir martalik nafaqalarni belgilash va toʻlash tartibi toʻgʻrisida”gi uslubiy koʻrsatmalarga asosan baholanadi.
Bir yilda bir marta toʻlanadigan sugʻurta toʻlovi amaldagi eng kam ish haqining 20 foizi miqdorida belgilansin.
Keyingi tahrirga qarang.
3. Oʻzbekiston Respublikasi Moliya vazirligi bir oy muddatda Koʻmir, neft, gaz qazib olish va geologiya-razvedka ishlari tizimi xodimlarining majburiy davlat shaxsiy sugʻurtasi boʻyicha yoʻriqnomani tasdiqlasin hamda barcha manfaatdor vazirliklar, idoralar, korporatsiyalar, konsernlar va uyushmalarga yetkazsin.
4. Mazkur qarorning bajarilishini nazorat qilish Vazirlar Mahkamasining Yoqilgʻi sanoati va energetika majmuiga yuklansin.
Oʻzbekiston Respublikasining Bosh vaziri A. MUTALOV
Toshkent sh.,
1994-yil 16-iyul,
365-son
