2773-12-сон 24.06.2025. Bojxona yuk deklaratsiyasini toʻldirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida

Hujjat 26.06.2025 sanasi holatiga
Amaldagi versiyaga o‘tish

OʻZBEKISTON RESPUBLIKASI IQTISODIYOT VA MOLIYA VAZIRINING

buyrugʻi

Bojxona yuk deklaratsiyasini toʻldirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida

[Oʻzbekiston Respublikasi Adliya vazirligi tomonidan 2025-yil 24-iyunda roʻyxatdan oʻtkazildi, roʻyxat raqami 2773-12]

Oʻzbekiston Respublikasi Vazirlar Mahkamasining 2025-yil 11-fevraldagi 77-son “Bojxona maʼmuriyatchiligi tartib-taomillarini takomillashtirish boʻyicha qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi Davlat bojxona qoʻmitasining 2016-yil 29-fevraldagi 01-02/15-07-son qarori (roʻyxat raqami 2773, 2016-yil 6-aprel) (Oʻzbekiston Respublikasi qonun hujjatlari toʻplami, 2016-y., 14-son, 133-modda) bilan tasdiqlangan Bojxona yuk deklaratsiyasini toʻldirish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Savdo-sanoat palatasi hamda Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. KUCHKAROV

Toshkent sh.,

2025-yil 23-may,

260-son

Kelishildi:

Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil oʻrinbosari J. URUNOV

2025-yil 14-may

Savdo-sanoat palatasi raisi D. VAXABOV

2025-yil 12-may

Oʻzbekiston Respublikasi iqtisodiyot va moliya vazirining 2025-yil 23-maydagi 260-son buyrugʻiga
ILOVA

Bojxona yuk deklaratsiyasini toʻldirish tartibi toʻgʻrisidagi yoʻriqnomaga kiritilayotgan oʻzgartirish va qoʻshimchalar

1. 22-bandning 43-kichik bandida:

oʻninchi xatboshi quyidagi tahrirda bayon etilsin:

“TR.XX.KK.OO.YYYY.SUMMA”;

quyidagi mazmundagi oʻn birinchi — oʻn beshinchi xatboshilar bilan toʻldirilsin:

“Masalan:

300 000 000.00 soʻm miqdoridagi bojxona bojini boʻlib-boʻlib toʻlash imkoniyati 3 oyga taqdim etilganda va toʻlov sharti boʻyicha dastlabki toʻlanadigan bojxona boji iyun oyidan boshlansa, boʻlib toʻlash oyining tartib raqami, bojxona toʻlovi turi, boʻlib toʻlash muddati, har bir oy uchun boʻlib toʻlash summasi quyidagi tartibda koʻrsatiladi:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.”;

oʻn birinchi — oʻn yettinchi xatboshilar tegishli ravishda oʻn oltinchi — yigirma ikkinchi xatboshilar deb hisoblansin;

quyidagi mazmundagi oʻn yettinchi xatboshi bilan toʻldirilsin:

“TR — boʻlib-boʻlib toʻlanadigan bojxona toʻlovlari turini toʻlash oyining tartib raqami;”;

oʻn yettinchi — yigirma ikkinchi xatboshilar tegishli ravishda oʻn sakkizinchi — yigirma uchinchi xatboshilar deb hisoblansin.

2. 25-bandda:

a) 32-kichik bandning toʻrtinchi xatboshisi quyidagi tahrirda bayon etilsin:

“keyingi ikkita raqam — Bojxona rejimlari tasniflagichiga muvofiq avvalgi bojxona rejimi kodi (bundan bojxona tranziti bojxona rejimi mustasno). Agar avvalgi bojxona rejimi mavjud boʻlmasa yoki tovar avval faqat bojxona tranziti bojxona rejimiga rasmiylashtirilgan boʻlsa “00” koʻrsatiladi;”;

b) 35-kichik bandda:

oʻttiz ikkinchi — oʻttiz toʻrtinchi xatboshilar quyidagi tahrirda bayon etilsin:

“Agar tovar bojxona rejimiga joylashtirilmasdan transport vositasi sifatida “Avtotransport vositasini qaytarib olib chiqish toʻgʻrisida majburiyatnoma” (bundan buyon ushbu bandda majburiyatnoma deb yuritiladi) rasmiylashtirilgan holda olib kirilgan boʻlsa, grafada majburiyatnoma haqida quyidagi maʼlumotlar koʻrsatiladi:

avvalgi hujjatning kodi — ushbu holatda “MB”;

majburiyatnomaning roʻyxat raqami (99999/99.99.9999/MB99999999999 — post kodi/sana/majburiyatnomaning tartib raqami). Bunda, majburiyatnomaning tartib raqamidagi harflar lotin alifbosida yoziladi;”;

oʻttiz beshinchi — oʻttiz sakkizinchi xatboshilar chiqarib tashlansin;

d) 43-kichik bandda:

oʻn birinchi xatboshi quyidagi tahrirda bayon etilsin:

“TR.XX.KK.OO.YYYY.SUMMA”;

quyidagi mazmundagi oʻn ikkinchi — oʻn oltinchi xatboshilar bilan toʻldirilsin:

“Masalan:

300 000 000.00 soʻm miqdoridagi bojxona bojini boʻlib-boʻlib toʻlash imkoniyati 3 oyga taqdim etilganda va toʻlov sharti boʻyicha dastlabki toʻlanadigan bojxona boji iyun oyidan boshlansa, boʻlib toʻlash oyi tartib raqami, bojxona toʻlovi turi, boʻlib toʻlash muddati, har bir oy uchun boʻlib toʻlash summasi quyidagi tartibda koʻrsatiladi:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.”;

oʻn ikkinchi — oʻn sakkizinchi xatboshilar tegishli ravishda oʻn yettinchi — yigirma uchinchi xatboshilar deb hisoblansin;

quyidagi mazmundagi oʻn sakkizinchi xatboshi bilan toʻldirilsin:

“TR — boʻlib-boʻlib toʻlanadigan bojxona toʻlovlari turini toʻlash oyining tartib raqami;”;

oʻn sakkizinchi — yigirma uchinchi xatboshilar tegishli ravishda oʻn toʻqqizinchi — yigirma toʻrtinchi xatboshilar deb hisoblansin.

3. 43-band quyidagi tahrirda bayon etilsin:

“43. Tovarlarni bojxona ombori bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 17, 17a, 18, 19, 21, 22, 23, 24, 25, 26, 28, 29, 30, 31, 32, 33, 35, 37, 38, 40, 41, 42, 44, 45, 46, 47, 49, 50, 54 va “S”.”.

4. 45-bandda:

a) birinchi xatboshi quyidagi tahrirda bayon etilsin:

“45. BYDning 9, 11, 24, 44, 45, 46, 49, 50 va “S” grafalarini toʻldirilishi quyidagi oʻziga xos xususiyatlarga ega:”;

b) 1-kichik bandning uchinchi xatboshisi quyidagi tahrirda bayon etilsin:

“Ushbu grafa tovarlarni “erkin muomalaga chiqarish (import)” bojxona rejimiga rasmiylashtirmasdan keyinchalik tashqi savdo kontrakti asosida xorijga sotish nazarda tutilgan hollarda toʻldiriladi;”;

v) 1¹-kichik bandning beshinchi xatboshisi quyidagi tahrirda bayon etilsin:

g) 1²-kichik band quyidagi tahrirda bayon etilsin:

“1²) 24-grafa. “Bitim xususiyati”.

Grafaning chap boʻlmasida mazkur Yoʻriqnomaning 9-ilovasida keltirilgan Bitim xususiyatlari tasniflagichiga muvofiq bitim xususiyatining kodi koʻrsatiladi.

Grafaning oʻng boʻlmasida Valyutalar tasniflagichiga muvofiq yetkazib berilayotgan tovar uchun kontragent bilan hisob-kitob valyutasining raqamli kodi koʻrsatiladi.

Hisob-kitob valyutasi deganda BYDni 9-grafasida koʻrsatilgan shaxsning tashqi savdo kontrakti (shartnomasi, kelishuvi) boʻyicha hisob-kitob amalga oshirilgan yoki amalga oshiriladigan valyuta, tashqi savdo kontrakti (shartnomasi, kelishuvi) mavjud boʻlmagan holatlarda tovarning kuzatuv hujjatlarida koʻrsatilgan valyuta tushuniladi.

Ushbu grafa tovarlarni “erkin muomalaga chiqarish (import)” bojxona rejimiga rasmiylashtirmasdan keyinchalik tashqi savdo kontrakti asosida xorijga sotish nazarda tutilgan hollarda toʻldiriladi;”;

d) quyidagi mazmundagi 1³-kichik band bilan toʻldirilsin:

“1³) 44-grafa. “Qoʻshimcha maʼlumotlar/taqdim etilayotgan hujjatlar”.

Grafa tovarlarni olib chiqishda mazkur Yoʻriqnomaning 22-bandida, olib kirishda — 25-bandida belgilangan tartibda toʻldiriladi.

Grafada quyidagilar koʻrsatiladi (maʼlumotlarning har biri yangi satrdan boshlanadi):

tovarning kuzatuv hujjatlarining raqamlari (roʻyxat raqamlari);

tovarlarni bojxona omboriga joylashtirayotgan shaxs bilan bojxona ombori egasi oʻrtasidagi bitim raqami va sanasi;

bojxona rasmiylashtiruvi uchun zarur boʻlgan boshqa hujjatlar va maʼlumotlar (bojxona toʻgʻrisidagi qonun hujjatlari buzilganligi toʻgʻrisidagi bayonnomalar, tovarlarni bojxona ombori maqomiga ega boʻlmagan binolar va (yoki) ochiq maydonlarga joylashtirilganda vakolatli shaxsning arizasi va bojxona toʻlovlari toʻlanishi taʼminlanishini tasdiqlovchi hujjat nomi, raqami, sanasi, summasi va qonunchilik hujjatlarida nazarda tutilgan boshqa hujjatlar);

905 tartib raqami ostida tovarni bojxona ombori bojxona rejimi ostida saqlanishi sabablariga oid quyidagi kodlardan biri koʻrsatiladi:

“001” — agar tovarning saqlanish sababi tegishli sertifikat olish bilan bogʻliq boʻlsa;

“002” — agar tovarning saqlanish sababi tegishli ruxsatnoma va litsenziya olish bilan bogʻliq boʻlsa;

“003” — agar tovarning saqlanish sababi bojxona toʻlovlari boʻyicha imtiyoz olish bilan bogʻliq boʻlsa;

“004” — agar tovarning saqlanish sababi tegishli shartnoma bilan bogʻliq boʻlsa;

“005” — agar tovarning saqlanish sababi moliyaviy mablagʻ yoʻqligi bilan bogʻliq boʻlsa;

“006” — agar tovarning saqlanish sababi keyinchalik tovarni Oʻzbekiston Respublikasi hududidan qaytarib olib chiqib ketilishi kutilayotganligi bilan bogʻliq boʻlsa;

“007” — agar tovarning saqlanish sababi tovarni boshqa shaxsga oʻtkazilishi kutilayotganligi bilan bogʻliq boʻlsa;

“008” — agar tovarning saqlanish sababi tovarga nisbatan taqiq qoʻyilganligi bilan bogʻliq boʻlsa;”;

e) 6-kichik bandning uchinchi xatboshisi quyidagi tahrirda bayon etilsin:

“tovarlarni “erkin muomalaga chiqarish (import)” bojxona rejimiga rasmiylashtirmasdan keyinchalik tashqi savdo kontrakti asosida xorijga sotish nazarda tutilgan hollarda, 1 raqami ostida tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami;”.

5. Quyidagi mazmundagi 64¹-band bilan toʻldirilsin:

“64¹. Bojxona hududida qayta ishlash bojxona rejimida qayta ishlanib, erkin omborga joylashtirilgan tovarlar keyingi qayta ishlash maqsadida “bojxona hududida qayta ishlash” bojxona rejimiga joylashtiriladi.”.

6. 78-bandning 1-kichik bandi quyidagi tahrirda bayon etilsin:

“1) 42-grafa. “Tovarning faktura qiymati”.

Grafada eksport kontrakti boʻyicha 31-grafada deklaratsiyalanayotgan tovarni qayta ishlash boʻyicha xizmat qiymati koʻrsatiladi.

Begʻaraz asosda qayta ishlashda grafada “0” koʻrsatiladi.

Import kontrakti asosida qayta ishlash uchun olib kirilgan tovarlarni deklaratsiyalashda tovarning qiymati koʻrsatiladi.

Tovarlar va xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;”.

7. 81-bandning 1-kichik bandi quyidagi tahrirda bayon etilsin:

“1) 42-grafa. “Tovarning faktura qiymati”.

Grafada eksport kontrakti boʻyicha 31-grafada deklaratsiyalanayotgan tovarni qayta ishlash boʻyicha xizmat qiymati koʻrsatiladi.

Begʻaraz asosda qayta ishlashda grafada “0” koʻrsatiladi.

Import kontrakti asosida qayta ishlangan tovarlarni eksporti kontrakti asosida olib chiqishda tovar qiymati koʻrsatiladi.

Tovarlar va xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;”.

8. 4-ilova mazkur oʻzgartirish va qoʻshimchalarning ilovasiga muvofiq tahrirda bayon etilsin.

9. 12-ilova quyidagi mazmundagi 14¹-pozitsiya bilan toʻldirilsin:

“

14¹

Yangi (tovar bojxona chegarasi orqali olib oʻtilgandan keyin taqdim etilgan) invoys (hisob, hisob-faktura)

224

NOV

INV

”.

Bojxona yuk deklaratsiyasini toʻldirish tartibi toʻgʻrisidagi yoʻriqnomaga kiritilayotgan oʻzgartirish va qoʻshimchalarga
ILOVA

“Bojxona yuk deklaratsiyasini toʻldirish tartibi toʻgʻrisidagi yoʻriqnomaga
4-ILOVA

Bojxona postlari
TASNIFLAGICHI

T/r	Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining hududiy boshqarmalari postlarining nomi	Post kodi
Qoraqalpogʻiston Respublikasi boʻyicha boshqarmasi
1.	“Nukus aeroporti” chegara bojxona posti	35001
2.	“Nukus” TIF bojxona posti	35002
3.	“Xoʻjayli” chegara bojxona posti	35003
4.	“Dovut-ota” chegara bojxona posti	35004
5.	“Qoraqalpogʻiston” temir yoʻl chegara bojxona posti	35010
Andijon viloyati boʻyicha boshqarmasi
6.	“Doʻstlik” chegara bojxona posti	03002
7.	“Andijon aeroporti” chegara bojxona posti	03003
8.	“Mingtepa” chegara bojxona posti	03005
9.	“Qorasuv” chegara bojxona posti	03006
10.	“Xonobod” chegara bojxona posti	03007
11.	“Pushmon” chegara bojxona posti	03008
12.	“Madaniyat” chegara bojxona posti	03009
13.	“Andijon” TIF bojxona posti	03011
14.	“Keskanyor” chegara bojxona posti	03013
15.	“Savay” temir yoʻl chegara bojxona posti	03014
16.	“Asaka” TIF bojxona posti	03015
Buxoro viloyati boʻyicha boshqarmasi
17.	“Buxoro aeroporti” chegara bojxona posti	06001
18.	“Buxoro” TIF bojxona posti	06006
19.	“Qorakoʻl” TIF bojxona posti	06009
20.	“Olot” chegara bojxona posti	06010
21.	“Xoʻjadavlat” temir yoʻl chegara bojxona posti	06011
Jizzax viloyati boʻyicha boshqarmasi
22.	“Uchtoʻrgʻon” chegara bojxona posti	08003
23.	“Jizzax” TIF bojxona posti	08004
24.	“Qoʻshkent” chegara bojxona posti	08007
Qashqadaryo viloyati boʻyicha boshqarmasi
25.	“Nasaf” TIF bojxona posti	10002
26.	“Qamashi-Gʻuzor” TIF bojxona posti	10007
27.	“Qarshi-Kerki” chegara bojxona posti	10008
28.	“Qarshi aeroporti” chegara bojxona posti	10012
Navoiy viloyati boʻyicha boshqarmasi
29.	“Navoiy aeroporti” chegara bojxona posti	12002
30.	“Navoiy” TIF bojxona posti	12003
31.	“Zarafshon” TIF bojxona posti	12008
Namangan viloyati boʻyicha boshqarmasi
32.	“Namangan aeroporti” chegara bojxona posti	14002
33.	“Uchqoʻrgʻon” chegara bojxona posti	14003
34.	“Kosonsoy” chegara bojxona posti	14004
35.	“Pop” chegara bojxona posti	14005
36.	“Namangan” TIF bojxona posti	14010
Samarqand viloyati boʻyicha boshqarmasi
37.	“Samarqand aeroporti” chegara bojxona posti	18001
38.	“Jartepa” chegara bojxona posti	18002
39.	“Samarqand” TIF bojxona posti	18005
40.	“Ulugʻbek” TIF bojxona posti	18007
Surxondaryo viloyati boʻyicha boshqarmasi
41.	“Termiz aeroporti” chegara bojxona posti	22002
42.	“Sariosiyo” chegara bojxona posti	22003
43.	“Sariosiyo” temir yoʻl chegara bojxona posti	22004
44.	“Termiz” TIF bojxona posti	22005
45.	“Denov” TIF bojxona posti	22006
46.	“Gulbahor” chegara bojxona posti	22007
47.	“Daryo porti” TIF bojxona posti	22011
48.	“Boldir” temir yoʻl chegara bojxona posti	22015
49.	“Ayritom” chegara bojxona posti	22017
50.	“Termiz xalqaro savdo markazi” TIF bojxona posti	22022
Sirdaryo viloyati boʻyicha boshqarmasi
51.	“Xovosobod” chegara bojxona posti	24002
52.	“Sirdaryo” chegara bojxona posti	24004
53.	“Oq oltin” chegara bojxona posti	24006
54.	“Guliston” TIF bojxona posti	24009
55.	“Malik” chegara bojxona posti	24014
Toshkent viloyati boʻyicha boshqarmasi
56.	“Yallama” chegara bojxona posti	27001
57.	“Navoiy” chegara bojxona posti	27008
58.	“S. Najimov” chegara bojxona posti	27009
59.	“Oybek” chegara bojxona posti	27011
60.	“Bekobod avto” chegara bojxona posti	27013
61.	“Chirchiq” TIF bojxona posti	27014
62.	“Olmaliq” TIF bojxona posti	27015
63.	“Yangiyoʻl” TIF bojxona posti	27016
64.	“Nazarbek” TIF bojxona posti	27019
65.	“Keles” TIF bojxona posti	27020
66.	“Gʻishtkoʻprik” chegara bojxona posti	27021
67.	“Farhod” chegara bojxona posti	27023
68.	“Bekobod” temir yoʻl chegara bojxona posti	27024
69.	“Angren” TIF bojxona posti	27028
Fargʻona viloyati boʻyicha boshqarmasi
70.	“Fargʻona aeroporti” chegara bojxona posti	30001
71.	“Qoʻqon” TIF bojxona posti	30002
72.	“Fargʻona” chegara bojxona posti	30004
73.	“Andarxon” chegara bojxona posti	30005
74.	“Rishton” chegara bojxona posti	30006
75.	“Rovot” chegara bojxona posti	30008
76.	“Vodiy” TIF bojxona posti	30009
77.	“Oʻzbekiston” chegara bojxona posti	30010
78.	“Soʻx” chegara bojxona posti	30012
Xorazm viloyati boʻyicha boshqarmasi
79.	“Shovot” chegara bojxona posti	33001
80.	“Doʻstlik” chegara bojxona posti	33004
81.	“Urganch” TIF bojxona posti	33007
82.	“Urganch aeroporti” chegara bojxona posti	33011
Toshkent shahri boʻyicha boshqarmasi
83.	“Toshkent-tovar” TIF bojxona posti	26002
84.	“Ark buloq” TIF bojxona posti	26003
85.	“Chuqursoy” TIF bojxona posti	26004
86.	“Keles” temir yoʻl chegara bojxona posti	26009
87.	“Sirgʻali” TIF bojxona posti	26010
88.	“Chuqursoy texnik idora” temir yoʻl chegara bojxona posti	26013
“Toshkent-AERO” ixtisoslashtirilgan bojxona kompleksi
89.	“Islom Karimov nomidagi “Toshkent” xalqaro aeroporti” chegara bojxona posti	00101
90.	“Avia yuklar” TIF bojxona posti	00102
91.	“Elektron tijorat” TIF bojxona posti	00107
		”.

(Qonunchilik maʼlumotlari milliy bazasi, 26.06.2025-y., 10/25/2773-12/0544-son)