|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
QIShLOQ XOʻJALIGI IShLAB ChIQARIShINI DAVLAT TOMONIDAN QOʻLLAB-QUVVATLAShGA DOIR QOʻShIMChA ChORA-TADBIRLAR TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Qishloq xoʻjaligi tovar ishlab chiqaruvchilari va mashina-traktor parklarini davlat tomonidan moliyaviy qoʻllab-quvvatlash maqsadida Vazirlar Mahkamasi qaror qiladi:
1. 2003—2005-yillarda Oʻzbekiston Respublikasi Qishloq va suv xoʻjaligi vazirligi hamda “Oʻzagromashservis” uyushmasining respublika taʼminot korxonalari:
qishloq xoʻjaligi mashinalari shinalarini import qilishda bojxona toʻlovlaridan (bojxonada rasmiylashtirish yigʻimlaridan tashqari);
import qilinayotgan shinalarni qishloq xoʻjaligi korxonalari va mashina-traktor parklariga sotishda qoʻshilgan qiymat soligʻi hisoblashdan va uni toʻlashdan ozod qilinsin.
2. Oʻzbekiston Respublikasi Iqtisodiyot vazirligi, Davlat bojxona qoʻmitasi, Moliya vazirligi va Tashqi iqtisodiy aloqalar agentligi Oʻzbekiston Respublikasi bojxona chegarasi orqali olib kelinadigan isteʼmol tovarlari roʻyxatiga tegishli oʻzgartirishlar kiritsinlar, roʻyxatdan qishloq xoʻjaligida va oʻrmon xoʻjaligida foydalaniladigan transport vositalari uchun shinalarni chiqarib tashlashni nazarda tutsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S.Yusupov zimmasiga yuklansin.
Oʻzbekiston Respublikasining Bosh vaziri Oʻ. SULTONOV
Toshkent sh.,
2003-yil 14-fevral,
79-son
