toggle_night_mode
Hujjat 12.03.2025 sanasi holatiga
Amaldagi versiyaga o‘tish
Oʻzbekiston Respublikasi Istiqbolli loyihalar milliy agentligi direktorining
buyrugʻi
Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga oʻzgartirish va qoʻshimchalar kiritish toʻgʻrisida
[Oʻzbekiston Respublikasi Adliya vazirligi tomonidan 2025-yil 11-martda roʻyxatdan oʻtkazildi, roʻyxat raqami 2000-11]
Oʻzbekiston Respublikasining “Qimmatli qogʻozlar bozori toʻgʻrisida”gi Qonuni va Oʻzbekiston Respublikasi Prezidentining 2023-yil 2-sentabrdagi PQ-291-son “Kapital bozorini rivojlantirishning qoʻshimcha chora-tadbirlari toʻgʻrisida”gi qaroriga muvofiq buyuraman:
1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2009-yil 16-iyuldagi 2009-40-son buyrugʻi (roʻyxat raqami 2000, 2009-yil 30-avgust) (Oʻzbekiston Respublikasi qonun hujjatlari toʻplami, 2009-y., 36-son, 394-modda) bilan tasdiqlangan Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga ilovaga muvofiq oʻzgartirish va qoʻshimchalar kiritilsin.
2. Mazkur buyruq Oʻzbekiston Respublikasi Markaziy banki bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Direktor D. LI
Toshkent sh.,
2025-yil 13-fevral,
1-son
Kelishildi:
Markaziy bank raisi T. ISHMETOV
2025-yil 11-fevral
Oʻzbekiston Respublikasi Istiqbolli loyihalar milliy agentligi direktorining 2025-yil 13-fevraldagi 1-son buyrugʻiga
ILOVA
Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga kiritilayotgan oʻzgartirish va qoʻshimchalar
1. 1-bandning oʻn beshinchi xatboshisi quyidagi tahrirda bayon etilsin:
“Qimmatli qogʻozlar markaziy depozitariysi — depo hisobvaraqlari boʻyicha qimmatli qogʻozlarni saqlashning, bunday qimmatli qogʻozlarga boʻlgan huquqlarni hisobga olishning va qimmatli qogʻozlar harakatining yagona tizimini taʼminlovchi tashkilot;”.
2. 22-bandda:
ikkinchi xatboshi quyidagi tahrirda bayon etilsin:
“emitentning bunday obligatsiyalar chiqarish toʻgʻrisida qaror qabul qilingan sanadagi oʻz kapitali miqdori doirasida, bundan ipotekani qayta moliyalashtirish tashkilotlari mustasno. Agar korporativ obligatsiyalar summasi emitentning oʻz kapitali miqdoridan oshsa, emitent oshgan summa uchun taʼminot berishi shart;”;
oltinchi xatboshi quyidagi tahrirda bayon etilsin:
“Bunda, korporativ obligatsiyalar quyidagi shartlarga rioya etgan holda joylashtiriladi:”;
quyidagi mazmundagi oʻn ikkinchi va oʻn uchinchi xatboshilar bilan toʻldirilsin:
“garov xati;
ipotekani qayta moliyalashtirish tashkilotining banklarga nisbatan talab qilish huquqi;”;
oʻn ikkinchi va oʻn uchinchi xatboshilar tegishli ravishda oʻn toʻrtinchi va oʻn beshinchi xatboshilar deb hisoblansin.
3. 24-band “chiqarilgan” degan soʻzdan keyin “(taʼminlanmagan)” degan soʻz bilan toʻldirilsin.
4. Quyidagi mazmundagi 291-band bilan toʻldirilsin:
“291. Seriyali (obligatsiya dasturi asosida) obligatsiyalar dasturi (bundan buyon matnda obligatsiya dasturi deb yuritiladi) emitentga uning doirasida bir nechta obligatsiya emissiyalarini (ochiq yoki yopiq tarzda joylashtirish) ketma-ket chiqarish huquqini beradi. Obligatsiya dasturi doirasida joylashtiriladigan barcha chiqarilgan obligatsiyalar nominal qiymatlarining umumiy summasi obligatsiya dasturida koʻrsatilgan summadan oshmasligi kerak. Obligatsiya dasturi roʻyxatdan oʻtkazuvchi organ tomonidan roʻyxatga olinadi.
Obligatsiya dasturida quyidagi maʼlumotlar koʻrsatiladi:
emitentning vakolatli boshqaruv organi tomonidan obligatsiya dasturi boʻyicha qabul qilingan qaror;
obligatsiya dasturi doirasidagi obligatsiyalarning turi va soni, ularni chiqarish shakli, nominal qiymati va umumiy hajmi;
obligatsiya dasturining amal qilish muddati (ikki yildan oshmasligi lozim);
obligatsiyalar chiqarilishining muomala muddatlari;
obligatsiya dasturi doirasida joylashtiriladigan obligatsiyalar egalarining huquqlari;
obligatsiyalar boʻyicha daromadlarni toʻlash tartibi va shartlari (obligatsiyalar boʻyicha daromadlar obligatsiya dasturi doirasida chiqariladigan har bir chiqarish boʻyicha emitentning vakolatli boshqaruv organi tomonidan bozor talab va takliflaridan kelib chiqib tasdiqlanadigan alohida qarorda (risolada) belgilanadi);
obligatsiya dasturi doirasida joylashtiriladigan obligatsiyalar boʻyicha majburiyatlarni bajarish kafolatlari toʻgʻrisidagi maʼlumotlar;
obligatsiya dasturi doirasida obligatsiyalarni joylashtirish shartlari;
boshqa maʼlumotlar.
Obligatsiya dasturi doirasidagi har bir chiqarish boʻyicha obligatsiyalar chiqarilishini tasdiqlash toʻgʻrisidagi qaror mazkur Qoidalarning 1a-ilovasida keltirilgan shaklda hamda risola ushbu Qoidalarning 40-bandida belgilangan talablarga muvofiq rasmiylashtiriladi.
Obligatsiya dasturining amal qilish muddati 2 yildan oshmagan holda tasdiqlanadi.
Obligatsiya dasturi doirasida chiqariladigan obligatsiyalarning joylashtirish muddati obligatsiyalar dasturining amal qilish muddatidan oshmasligi lozim.
Obligatsiya dasturining amal qilish muddati tugaganidan soʻng dastur doirasida chiqarilmagan obligatsiyalarni chiqarish va joylashtirishga yoʻl qoʻyilmaydi.”.
5. 33-band quyidagi mazmundagi xatboshi bilan toʻldirilsin:
“Obligatsiya dasturi mazkur Qoidalarning 1b-ilovasiga muvofiq axborotni oʻz ichiga olishi lozim.”.
6. 44-band quyidagi mazmundagi xatboshi bilan toʻldirilsin:
“Mazkur bandning “g”, “d” va “e” kichik bandlaridagi hujjatlar obligatsiya dasturi doirasida chiqarilgan obligatsiyalarni davlat roʻyxatidan oʻtkazishda taqdim etilishi talab etilmaydi.”.
7. Quyidagi mazmundagi 441-band bilan toʻldirilsin:
“441. Obligatsiya dasturini roʻyxatdan oʻtkazish uchun emitent roʻyxatdan oʻtkazuvchi organga quyidagi hujjatlarni taqdim etishi shart:
a) quyidagilarni oʻz ichiga olgan obligatsiya dasturini roʻyxatdan oʻtkazishga ariza:
emitentning nomi;
emitentning yuridik manzili;
obligatsiyalarning soni, koʻrinishlari va turlari;
bir dona obligatsiyaning nominal qiymati;
chiqarilishning umumiy hajmi;
obligatsiya dasturini roʻyxatdan oʻtkazish boʻyicha hujjatlarni koʻrib chiqish uchun toʻlov summasi, toʻlov qogʻozi sanasi va raqami;
emitentning masʼul xodimi haqidagi maʼlumot va uning aloqa maʼlumotlari;
b) mazkur Qoidalarga muvofiq rasmiylashtirilgan obligatsiyalar dasturi (uch nusxada);
g) obligatsiya dasturini qabul qilinganligini va uni tasdiqlanganligini tasdiqlovchi aksiyadorlarning yoki jamiyat ishtirokchilarining umumiy yigʻilishi bayonnoma nusxasi, agar mazkur qaror aksiyadorlik jamiyati kuzatuv kengashi tomonidan qaror qabul qilingan boʻlsa — ovoz berishda ishtirok etgan aksiyadorlik jamiyati kuzatuv kengashi aʼzolarining familiyasi, ismi, otasining ismi, imzosi koʻrsatilgan yigʻilish bayonnoma nusxasi;
d) emitentning obligatsiyalar dasturini qabul qilish va tasdiqlash toʻgʻrisidagi qarori tasdiqlangan sanadan oldingi tugallangan yil davomida rentabellik, toʻlov qobiliyati, moliyaviy barqarorlik va likvidlik boʻyicha ijobiy koʻrsatkichlari mavjudligini tasdiqlovchi auditorlik tashkiloti xulosasining asl nusxasi (yoki tasdiqlangan nusxasi);
e) emitentning obligatsiyalar dasturini qabul qilish va tasdiqlash toʻgʻrisidagi qarori tasdiqlangan sana uchun oʻz kapitali miqdorini (Oʻzbekiston Respublikasi milliy valyutasida) tasdiqlovchi auditorlik tashkiloti xulosasining asl nusxasi (yoki tasdiqlangan nusxasi);
j) emitentning mustaqil reyting bahosi mavjud hujjat nusxasi. Bunda, emitentga reyting bahosini berish sanasi obligatsiya dasturini chiqarish toʻgʻrisidagi qaror qabul qilingan sanadan bir yildan oshmasligi kerak.”.
8. 47-band quyidagi mazmundagi ikkinchi xatboshi bilan toʻldirilsin:
“Bunda taqdim etilgan hujjatlardagi vakolatli shaxslarning imzolari faksimil orqali qoʻyilishiga yoʻl qoʻyilmaydi.”.
9. 1a-ilova quyidagi mazmundagi 19-band bilan toʻldirilsin:
“19. Mazkur chiqariluv uchun asos boʻlgan seriyali obligatsiyalar dasturi toʻgʻrisidagi maʼlumotlar (obligatsiya dasturi doirasida ilgari chiqarilgan va joylashtirilgan obligatsiyalar soni, umumiy hajmi, roʻyxatdan oʻtgan sana, raqami va hokazo):_______”.
10. Mazkur oʻzgartirish va qoʻshimchalarning ilovasiga muvofiq tahrirdagi 1b-ilova bilan toʻldirilsin.
11. 2b-ilova quyidagi mazmundagi 171-band bilan toʻldirilsin:
“171. Mazkur chiqariluv asos uchun boʻlgan seriyali obligatsiyalar dasturi toʻgʻrisidagi maʼlumotlar (obligatsiya dasturi doirasida ilgari chiqarilgan va joylashtirilgan obligatsiyalar soni, umumiy hajmi, roʻyxatdan oʻtgan sana, raqami va hokazo):________”.
Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga kiritilayotgan oʻzgartirish va qoʻshimchalarga
ILOVA
“Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga
1b-ILOVA

“TASDIQLANGAN”

“ROʻYXATDAN OʻTKAZILGAN”

_______________________________________

_______________________________________

(emitentning nomi)

(roʻyxatdan oʻtkazuvchi organning nomi)

____________________________________________

____________________________________________

(jamiyat kuzatuv kengashi raisining yoki boshqa vakolatli shaxsning F.I.O. va imzosi)

(roʻyxatdan oʻtkazuvchi organ vakolatli shaxsining lavozimi, F.I.O., imzo)

________________________

________-son

__________________________

_______-son

(sana)

(sana)

M.Oʻ.

OBLIGATSIYA DASTURI

_____________________________________________________________________________________________________

(Obligatsiya dasturining davomiyligi koʻrsatiladi)

_____________________________________________________________________________________________________

(obligatsiyalar dasturi doirasida joylashtiriladigan obligatsiyalarning turlari)

Obligatsiya dasturining tartib raqami ____________________________________________.

Tasdiqlangan _____________________________________________________________________________________

(emitentning obligatsiya dasturini chiqarish haqidagi qarorni tasdiqlagan organi koʻrsatiladi)

“___” __________ 20___ y. Bayonnoma № ____ asosida ___________________________________________________

(emitentning obligatsiya dasturini chiqarish haqidagi qarorni qabul qilgan organi koʻrsatiladi)

Emitentning joylashgan manzili, pochta manzili va muloqot telefonlari: _____

Emitent rahbari: _____________________________________________

________________________________ (F.I.O., imzo)

Bosh buxgalter: __________________________________

_________________________ (F.I.O., imzo)

Sana

1. Joylashtiriladigan obligatsiyalar nominal qiymatlari va ularning umumiy summasi:

______________________________________________________________________________________________________________________

(Obligatsiya dasturi doirasida joylashtiriladigan obligatsiyalarning nominal qiymatlari va ularning umumiy summasi koʻrsatiladi.)

2. Obligatsiya dasturining amal qilish muddati:

__________________________________________________________________________________________________________________

(Obligatsiya dasturi doirasida obligatsiyalar joylashtirilishi mumkin boʻlgan muddat koʻrsatiladi.)

3. Obligatsiyalarning muomala muddati:

__________________________________________________________________________________________________________________

Obligatsiya dasturi doirasida joylashtirilgan obligatsiyalarning muomala muddati koʻrsatiladi.

4. Obligatsiya dasturi doirasida joylashtirilishi mumkin boʻlgan obligatsiyalar egalarining huquqlari:

_________________________________________________________________________________________________________________

4.1. Emitentning ixtiyoriga koʻra, obligatsiya egasining emitentdan belgilangan muddatda obligatsiyaning nominal qiymatini yoki boshqa mol-mulk ekvivalentini olish huquqi koʻrsatiladi, shuningdek obligatsiya boʻyicha foiz yoki boshqa mol-mulkni olish huquqi ham koʻrsatilishi mumkin.

Obligatsiya dasturi doirasida joylashtiriladigan obligatsiyalarga taʼminot berilgan hollarda, ushbu taʼminotdan kelib chiqadigan obligatsiya egalari huquqlari koʻrsatiladi. Shuningdek, obligatsiyalar boʻyicha majburiyatlar bajarilmagan taqdirda, taʼminlangan obligatsiya boʻyicha huquqlar egasiga (sotib oluvchiga) garov taʼminotidan kelib chiqadigan barcha huquqlar oʻtishi va taʼminotdan kelib chiqqan huquqlarni obligatsiyaga boʻlgan huquqlarni oʻtkazmasdan turib berish haqiqiy emasligi koʻrsatiladi.

4.2. Agar obligatsiyalar muomalasida boshqa cheklovlar mavjud boʻlsa, Oʻzbekiston Respublikasi qonunchiligida nazarda tutilgan tartibda ushbu obligatsiyalarga boʻlgan huquqlarni hisobga olish va ularning oʻtishi bilan bogʻliq xususiyatlar koʻrsatiladi.

5. Obligatsiyalar boʻyicha toʻlovlar va daromadlarni toʻlash tartibi hamda shartlari:

_________________________________________________________________________________________________________________

5.1. Obligatsiyalarni soʻndirish shakli:

Obligatsiyalarni qaytarish shakli (naqd pul, mol-mulk), shuningdek obligatsiya egalariga qaytarish shaklini tanlash imkoniyati va shartlari koʻrsatiladi. Agar obligatsiyalar mulk bilan qaytarilsa, bu mulk haqidagi maʼlumotlar koʻrsatiladi.

5.2. Obligatsiyalarni soʻndirish tartibi va shartlari:

Emitentning vakolatli boshqaruv organi qaroriga asosan obligatsiya dasturi doirasida chiqariladigan obligatsiyalarni soʻndirish boʻyicha toʻlovlar tartibi va shartlari belgilanishida quyidagi maʼlumotlar koʻrsatiladi:

obligatsiyalarni soʻndirish muddati (sanasi) va uni aniqlash tartibi;

obligatsiyalarni soʻndirish tartibi va shartlari;

5.3. Har bir obligatsiya boʻyicha toʻlanadigan daromadni aniqlash tartibi.

Daromad miqdori va uni aniqlash tartibi, jumladan har bir kupon boʻyicha toʻlanadigan daromad miqdori va uni aniqlash tartibi koʻrsatiladi.

Agar obligatsiyalar boʻyicha daromad belgilangan davrlar (kupon davrlari) boʻyicha toʻlanishi nazarda tutilayotgan boʻlsa, qoʻshimcha ravishda bunday davrlar va ularni aniqlash tartibi, shuningdek har bir yoki alohida kupon boʻyicha toʻlanadigan daromad miqdori va uni aniqlash tartibi koʻrsatiladi.

5.4. Obligatsiyalar boʻyicha daromadni toʻlash tartibi va muddati.

Obligatsiyalar boʻyicha daromadni toʻlash muddati va uni aniqlash tartibi koʻrsatiladi.

Agar obligatsiyalar boʻyicha daromadni puldan oʻzga vositalar bilan toʻlash koʻzda tutilgan boʻlsa, obligatsiyalar boʻyicha daromadlarni pulsiz toʻlash (oʻtkazish) tartibi ham koʻrsatilishi mumkin.

5.5. Obligatsiyalarni muddatidan oldin qaytarib sotib olish tartibi va shartlari.

Obligatsiyalarni muddatidan oldin qaytarib sotib olish shartlari (qiymatni aniqlash tartibi), obligatsiyalarni emitent tomonidan yoki obligatsiya egalari tomonidan ertaroq toʻlash talabini oʻz ichiga olgan arizalarni yoʻllash (muddatni belgilash tartibi), emitent tomonidan obligatsiyalarni muddatidan oldin qaytarib sotib olish shartlari va natijalari haqida axborotni oshkor qilish (taqdim etish) tartibi, shuningdek emitentning yoki obligatsiya egalari talabiga binoan muddatidan oldin amalga oshirish holatiga koʻra belgilangan boshqa shartlar koʻrsatiladi.

5.6. Obligatsiyalar boʻyicha toʻlov agentlari toʻgʻrisidagi maʼlumotlar.

Toʻlov agentlari haqidagi maʼlumotlar (shu jumladan, emitent tomonidan qoʻshimcha toʻlov agentlarini tayinlash va bunday tayinlashlarni bekor qilish imkoniyati, shuningdek bunday harakatlar haqidagi maʼlumotlarni oshkor etish tartibi) koʻrsatiladi.

Agar obligatsiyalar boʻyicha qaytarish va (yoki) daromadlarni toʻlash (oʻtkazish) uchun toʻlov agentlarini jalb qilish koʻzda tutilgan boʻlsa, har bir toʻlov agentlari boʻyicha quyidagilar koʻrsatiladi:

toʻlov agentlarining toʻliq va qisqartirilgan (agar mavjud boʻlsa) tashkilot nomlari, joylashuvi va davlat roʻyxatidan oʻtkazilgan raqami;

toʻlov agentining emitent bilan tuzilgan shartnoma asosidagi majburiyatlari.

6. Obligatsiyalar dasturi doirasida joylashtirilgan obligatsiyalar boʻyicha majburiyatlarning bajarilishini taʼminlashga doir maʼlumotlar:

_________________________________________________________________________________________________________________

6.1. Obligatsiyalar boʻyicha majburiyatlarni bajarish uchun taʼminot bergan shaxs toʻgʻrisidagi maʼlumotlar.

Agar obligatsiya dasturi obligatsiyalarni joylashtirish doirasida taʼminot taqdim etilishini nazarda tutayotgan boʻlsa, har bir taʼminot beruvchi shaxs boʻyicha ularning toʻliq va qisqartirilgan (agar mavjud boʻlsa) nomlari (notijorat tashkilotlari uchun — nomi) va joylashgan manzili, shuningdek jismoniy shaxsning familiyasi, ismi, otasining ismi va yashash manzili koʻrsatiladi.

Obligatsiyalar boʻyicha taʼminot beruvchi shaxsning moliyaviy va xoʻjalik faoliyati haqidagi maʼlumotlarni oshkor etish majburiyati mavjudligi koʻrsatiladi.

6.2. Obligatsiyalar boʻyicha majburiyatlarni bajarishni taʼminlash shartlari.

7. Obligatsiyalar dasturi doirasida chiqariladigan obligatsiyalarni joylashtirish shartlari:

_________________________________________________________________________________________________________________

Obligatsiyalar dasturida doirasida chiqariladigan obligatsiyalarni joylashtirish shartlarida obligatsiyalar joylashtirish usuli, obligatsiyalarni joylashtirish tartibi, narxi va obligatsiyalarni joylashtirish narxini aniqlash tartibi, obligatsiyalar toʻlovining shartlari va tartibi qoʻshimcha ravishda koʻrsatiladi.

8. Boshqa maʼlumotlar:

_________________________________________________________________________________________________________________”.

(Qonunchilik maʼlumotlari milliy bazasi, 12.03.2025-y., 10/25/2000-11/0231-son)