|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
BINOLAR VA INShOOTLAR MAJMUINI JAHON IQTISODIYOTI VA DIPLOMATIYA UNIVERSITETI BALANSIGA OʻTKAZISh TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Konrad Adenauer nomidagi jamgʻarmaning Toshkent shahridagi vakolatxonasi ishlashi uchun zarur shart-sharoitlar yaratish, Jahon iqtisodiyoti va diplomatiya universiteti negizida ishlayotgan gʻarb mutaxassislari va missiyalari, xalqaro moliya va jamoat tashkilotlarining texnikaviy yordamidan oqilona foydalanish maqsadida Vazirlar Mahkamasi qaror qiladi:
1. Oʻzbekiston Respublikasi Tashqi ishlar vazirligi bir oy muddatda akademik H.Abdullayev koʻchasi, 47-uydagi binolar va inshootlar majmuini yon-atrofidagi joylar bilan birgalikda Jahon iqtisodiyoti va diplomatiya universiteti balansiga oʻtkazsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.Sultonov zimmasiga yuklansin.
Oʻzbekiston Respublikasining Bosh vaziri A. MUTALOV
Toshkent sh.,
1994-yil 15-iyun,
298-son
