toggle_night_mode
Hujjat 16.11.2024 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Vazirlar Mahkamasining “Soliq toʻlovchilarni hisobga qoʻyish sohasidagi ayrim davlat xizmatlarini koʻrsatish boʻyicha maʼmuriy reglamentlarni tasdiqlash toʻgʻrisida” 2022-yil 2-apreldagi 150-son qaroriga oʻzgartirish va qoʻshimchalar kiritish haqida
Oʻzbekiston Respublikasi Prezidentining “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida” 2024-yil 24-maydagi PF-80-son Farmoni ijrosini taʼminlash, shuningdek, chet el yuridik shaxslarining doimiy muassasalarini hamda alohida boʻlinmalarini soliq xizmati organlarida hisobga qoʻyish (hisobdan chiqarish) tartibini yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining “Soliq toʻlovchilarni hisobga qoʻyish sohasidagi ayrim davlat xizmatlarini koʻrsatish boʻyicha maʼmuriy reglamentlarni tasdiqlash toʻgʻrisida” 2022-yil 2-apreldagi 150-son qaroriga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
chet el yuridik shaxslarining doimiy muassasalarini hamda alohida boʻlinmalarini soliq organlarida hisobga qoʻyish (hisobdan chiqarish) tartibini raqamlashtirish;
davlat xizmatini koʻrsatishni Davlat xizmatlari markazlari, Oʻzbekistan Respublikasi Yagona interaktiv davlat xizmatlari portali (keyingi oʻrinlarda — YIDXP) hamda Elektron soliq xizmatlari portali orqali joriy etish.
2. Oʻzbekistan Respublikasi Soliq qoʻmitasi Adliya vazirligi bilan birgalikda bir oy muddatda ushbu qarorga muvofiq amalga kiritilayotgan oʻzgartirishlardan kelib chiqib, axborot tizimlari oʻzaro integratsiya qilinishini taʼminlasin.
3. Mazkur qarorning bajarilishini nazorat qilish Oʻzbekistan Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Soliq qoʻmitasi raisi Sh.D. Kudbiyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 15-noyabr,
763-son
Vazirlar Mahkamasining 2024-yil 15-noyabrdagi 763-son qaroriga
ILOVA
Vazirlar Mahkamasining “Soliq toʻlovchilarni hisobga qoʻyish sohasidagi ayrim davlat xizmatlarini koʻrsatish boʻyicha maʼmuriy reglamentlarni tasdiqlash toʻgʻrisida” 2022-yil 2-apreldagi 150-son qaroriga kiritilayotgan oʻzgartirish va qoʻshimchalar
1. 3-band quyidagi mazmundagi beshinchi xatboshi bilan toʻldirilsin:
“yuridik shaxsning rahbar va (yoki) hisobchisi oʻzgarganda, yuridik shaxsning mansabdor shaxsi tomonidan bunday oʻzgarishlar yuzaga kelgan kundan eʼtiboran oʻn kun muddatda soliq toʻlovchining shaxsiy kabineta yoki soliq mobil ilovasi orqali soliq organlari xabardor qilinadi”;
2. 2-ilovada:
2-band quyidagi tahrirda bayon etilsin:
“2. Davlat xizmati Davlat xizmatlari markazlari, Oʻzbekistan Respublikasi Yagona interaktiv davlat xizmatlari portali (keyingi oʻrinlarda — YIDXP) hamda Elektron soliq xizmatlari portali orqali soliq organlari tomonidan koʻrsatiladi”;
4-banddagi “davlat” soʻzi chiqarib tashlansin;
6-band quyidagi mazmundagi ikkinchi xatboshi bilan toʻldirilsin:
“Faoliyatini doimiy muassasa yoki alohida boʻlinma orqali amalga oshirayotgan chet el yuridik shaxsining vakili davlat xizmatidan foydalanish uchun Davlat xizmatlari markaziga shaxsan tashrif buyurgan holda murojaat qiladi yoki davlat xizmatidan elektron shaklda foydalanish uchun YIDXPda roʻyxatdan oʻtadi”;
7-bandning birinchi xatboshisi quyidagi tahrirda bayon etilsin:
“7. Davlat xizmatidan foydalanish uchun faoliyatini doimiy muassasa orqali amalga oshirayotgan chet el yuridik shaxsining vakili tomonidan mazkur faoliyatni amalga oshirish boshlangan kundan eʼtiboran bir yuz sakson uch kalendar kundan kechiktirmay, soliq organiga hisobga qoʻyish toʻgʻrisida Davlat xizmatlari markazi xodimi arizani yuboruvchi nomidan, YIDXP yoki Elektron soliq xizmatlari portali orqali murojaat etilgan takdirda esa, mustaqil ravishda ushbu Reglamentning 2-ilovasida koʻrsatilgan shaklda elektron tarzda ariza takdim etiladi”;
9-band quyidagi tahrirda bayon etilsin:
“9. Faoliyatini akkreditatsiya qilingan filial va (yoki) vakolatxonadan boshqa alohida boʻlinma orqali amalga oshirayotgan chet el yuridik shaxsining vakili tomonidan u Oʻzbekistan Respublikasi xududida oʻz faoliyatini boshlagan kundan eʼtiboran oʻttiz kalendar kundan kechiktirmay, soliq organiga hisobga qoʻyish toʻgʻrisida Davlat xizmatlari markazi xodimi arizani yuboruvchi nomidan, YIDXP yoki Elektron soliq xizmatlari portali orqali murojaat etilgan takdirda, mustaqil ravishda ushbu Reglamentga 3-ilovada koʻrsatilgan shaklda elektron tarzda ariza taqdim etiladi.
Arizaga quyidagi hujjatlarning davlat tiliga tarjima qilingan asl nusxalari yoki notarial tartibda tasdiqlangan nusxalari ilova qilinadi:
a) taʼsis etilgan mamlakatda davlat roʻyxatidan oʻtkazilganligini tasdiqlovchi hujjat (soliq toʻlovchining xos raqami koʻrsatilgan holda) nusxasi;
b) chet el yuridik shaxsi vakolatli organining Oʻzbekistan Respublikasida alohida boʻlinma tashkil etish toʻgʻrisidagi qarori;
v) vakilning chet el yuridik shaxsi nomidan Oʻzbekistan Respublikasi hududida harakatlarni amalga oshirish huquqini tasdiqlovchi ishonchnoma yoki boshqa hujjat nusxasi (ular mavjud boʻlgan takdirda)”;
13-banddagi “Oʻzbekistan Respublikasi Davlat soliq qoʻmitasining” soʻzlari “Oʻzbekistan Respublikasi Soliq qoʻmitasining” soʻzlari bilan almashtirilsin;
17-bandning birinchi xatboshisi quyidagi tahrirda bayon etilsin:
“17. Davlat xizmatidan foydalanish uchun faoliyatini doimiy muassasa orqali amalga oshirayotgan chet el yuridik shaxsining vakili tomonidan Oʻzbekistan Respublikasi xududida oʻz faoliyatini tugallagan kundan eʼtiboran oʻn besh kalendar kundan kechiktirmay, soliq organiga hisobdan chiqarish toʻgʻrisida Davlat xizmatlari markazi xodimi arizani yuboruvchi nomidan, YIDXP yoki Elektron soliq xizmatlari portali orqali murojaat etilgan takdirda, mustaqil ravishda ushbu Reglamentga 8-ilovada keltirilgan shaklga muvofiq ariza takdim etiladi”;
18-bandning birinchi xatboshisi quyidagi tahrirda bayon etilsin:
“18. Faoliyatini alohida boʻlinma orqali amalga oshiradigan chet el yuridik shaxsining vakili tomonidan Oʻzbekistan Respublikasi xududida oʻz faoliyatini tugallagan kundan eʼtiboran oʻn besh kalendar kundan kechiktirmay, soliq organiga hisobdan chiqarish toʻgʻrisida Davlat xizmatlari markazi xodimi arizani yuboruvchi nomidan, YIDXP yoki Elektron soliq xizmatlari portali orqali murojaat etilgan takdirda, mustaqil ravishda ushbu Reglamentga 9-ilovada keltirilgan shaklga muvofiq ariza takdim etiladi”;
19-bandning uchinchi xatboshisidagi “Davlat soliq qoʻmitasiga” soʻzlari “Soliq qoʻmitasiga” soʻzlari bilan almashtirilsin;
1-ilovaning matni qoʻyidagi tahrirda bayon etilsin:
“Chet el yuridik shaxslarining doimiy muassasalarini hamda alohida boʻlinmalarini soliq organlarida hisobga qoʻyish (hisobdan chiqarish)
SXEMASI

Bosqichlar

Subyektlar

Chora-tadbirlar

Muddatlar

I. Hisobga qoʻyish boʻyicha

1-bosqich

Faoliyatini doimiy muassasa orqali amalga oshirayotgan chet el yuridik shaxsining vakili

Davlat xizmatidan foydalanish uchun Davlat xizmatlari markaziga tashrif buyurgan holda yoki YIDXP yoxud Elektron soliq xizmatlari portali orqali zarur hujjatlarni ilova qilgan holda elektron ariza topshiradi.

Faoliyatni amalga oshirish boshlangan kundan eʼtiboran bir yuz sakson uch kalendar kunidan kechiktirmay

Faoliyati doimiy muassasa tashkil etilishiga olib keladigan Oʻzbekiston Respublikasining norezidenti

Oʻttiz kalendar kuni ichida

2-bosqich

Davlat xizmatlari markazi va YIDXP

Ariza yuboruvchi Davlat xizmatlari markaziga tashrif buyurgan holda murojaat etgan taqdirda, uning arizasi Davlat xizmatlari markazi hodimi tomonidan toʻldirilib, vakolatli organga elektron shaklda yuboriladi.

YIDXP orqali murojaat qilingan taqdirda esa, ariza avtomatik tarzda soliq organiga yuboriladi.

10 daqiqa ichida



Real vaqt rejimida

3-bosqich

Soliq organi

1. Faoliyatini doimiy muassasa yoki alohida boʻlinma orqali amalga oshirayotgan chet el yuridik shaxslarini hisobga qoʻyadi.

2. Arizada keltirilgan maʼlumotlarni Oʻzbekiston Respublikasi soliq toʻlovchilarining yagona reyestriga kiritadi.

Ariza taqim qilingan kundan eʼtiboran uch ish kuni ichida

II. Hisobdan chiqarish boʻyicha

4-bosqich

Soliq organi

Faoliyatini doimiy muassasa orqali amalga oshirayotgan chet el yuridik shaxsiga — soliq organida hisobga qoʻyilganligi toʻgʻrisida QR-kod (matrik shtrixli kod) qoʻyilgan maʼlumotnoma, faoliyatini alohida boʻlinma orqali amalga oshirayotgan chet el yuridik shaxsiga — soliq organida hisobga qoʻyilganligi va unga identifikatsiya raqami berilganligi toʻgʻrisida QR-kod (matrik shtrixli kod) qoʻyilgan guvohnomani  Davlat xizmatlari markaziga, YIDXP orqali murojaat qilingan taqdirda, YIDXP orqali elektron tarzda, Elektron soliq xizmatlari portali orqali murojaat qilinganda esa elektron pochta manziliga yuboradi.

Maʼlumotlar Oʻzbekiston Respublikasi soliq toʻlovchilarining yagona reyestriga kiritilgandan soʻng darhol

5-bosqich

Faoliyatini doimiy muassasa yoki alohida boʻlinma orqali amalga oshirayotgan chet el Yuridik shaxsining vakili

Hisobdan chiqarish toʻgʻrisida Davlat xizmatlari markaziga yoki YIDXP yohud Elektron soliq xizmatlari portali orqali soliq organiga ariza taqdim etadi.

Oʻzbekiston Respublikasi hududida oʻz faoliyatini tugallagan kundan eʼtiboran oʻn besh kalendar kunidan kechiktirmay

6-bosqich

Soliq organi

Chet el yuridik shaxsining moliya-xoʻjalik faoliyatini tekshiradi.

Oʻttiz kalendar kunidan koʻp boʻlmagan muddatda

7-bosqich

Soliq organi

1. Chet el yuridik shaxslarini belgilangan shartlar bajarilgan taqdirda, hisobdan chiqaradi.

2. Faoliyatini doimiy muassasa yoki alohida boʻlinma orqali amalga oshirayotgan chet el yuridik shaxslari hisobdan chiqarilganligi toʻgʻrisida maʼlumotnoma taqdim etadi.

Bir ish kuni ichida

”;
2-ilovaning matni qoʻyidagi tahrirda bayon etilsin:
“Faoliyatini doimiy muassasa orqali amalga oshiradigan chet el yuridik shaxsini soliq organida hisobga qoʻyish toʻgʻrisida
ARIZA
”;
3-ilovaning matni qoʻyidagi tahrirda bayon etilsin:
“Faoliyatini alohida boʻlinmalar orqali amalga oshiradigan chet el yuridik shaxsini soliq organida hisobga qoʻyish toʻgʻrisida
ARIZA
”;
4-ilovaning matni qoʻyidagi tahrirda bayon etilsin:
“OʻZBEKISTON RESPUBLIKASI SOLIQ QOʻMITASI
Oʻzbekiston Respublikasining norezidenti soliq organida doimiy muassasa sifatida hisobga qoʻyilganligi toʻgʻrisida
MALUMOTNOMA
”;
5-ilovaning matni qoʻyidagi tahrirda bayon etilsin:
“OʻZBEKISTON RESPUBLIKASI SOLIQ QOʻMITASI
Oʻzbekiston Respublikasida faoliyatini alohida boʻlinma orqali amalga oshiradigan chet el yuridik shaxsi soliq organida hisobga qoʻyilganligi va unga identifikatsiya raqami berilganligi toʻgʻrisida
GUVOHNOMA
”;
6-ilovaning matni qoʻyidagi tahrirda bayon etilsin:
“Oʻzbekiston Respublikasida faoliyatini doimiy muassasa orqali amalga oshiradigan chet el yuridik shaxsi tomonidan soliq organiga avval taqdim qilingan maʼlumotlar oʻzgarganligi toʻgʻrisida
ARIZA
”;
7-ilovaning matni qoʻyidagi tahrirda bayon etilsin:
“Oʻzbekiston Respublikasida faoliyatini alohida boʻlinma orqali amalga oshiradigan chet el yuridik shaxsi tomonidan soliq organiga avval taqdim qilingan maʼlumotlar oʻzgarganligi toʻgʻrisida
ARIZA
”;
8-ilovaning matni qoʻyidagi tahrirda bayon etilsin:
“Faoliyatini doimiy muassasa orqali amalga oshiradigan chet el yuridik shaxsini soliq organida hisobdan chiqarish toʻgʻrisida
ARIZA
”;
9-ilovaning matni qoʻyidagi tahrirda bayon etilsin:
“Faoliyatini alohida boʻlinmalar orqali amalga oshiradigan chet el yuridik shaxsini soliq organida hisobdan chiqarish toʻgʻrisida
ARIZA
”;
10-ilovaning matni qoʻyidagi tahrirda bayon etilsin:
“
”.
(Qonunchilik maʼlumotlari milliy bazasi, 16.11.2024-y., 09/24/763/0930-son)