|
Hujjat kuchini yo‘qotgan 01.07.2025
|
Hujjat 26.08.2024 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining 2017-yil 15-dekabrdagi “Tashqi bozorlarda mahalliy mahsulotlar raqobatdoshligini taʼminlash va eksportini ragʻbatlantirishga doir qoʻshimcha chora-tadbirlari toʻgʻrisida”gi PF-5286-son Farmoniga chorvachilik sohasida eksportni rivojlantirishga qaratilgan oʻzgartirish kiritish haqida
LexUZ sharhiMazkur Farmon Oʻzbekiston Respublikasi Prezidentining 2025-yil 14-martdagi PF-47-sonli “Mahsulotlarni eksport qilish tartib-taomillarini takomillashtirish va qoʻshilgan qiymatga ega tayyor mahsulotlar ishlab chiqarishni ragʻbatlantirish chora-tadbirlari toʻgʻrisida”gi Farmoniga asosan 2025-yil 1-iyuldan oʻz kuchini yoʻqotadi.
Chorvachilik sohasida eksport salohiyatini kengaytirish orqali valyuta tushumini oshirish hamda mahalliy chorva mahsulotlarining tashqi bozorlarga kirib borishi uchun qulay sharoitlar yaratish maqsadida:
1. Oʻzbekiston Respublikasi Prezidentining 2017-yil 15-dekabrdagi “Tashqi bozorlarda mahalliy mahsulotlar raqobatdoshligini taʼminlash va eksportini ragʻbatlantirishga doir qoʻshimcha chora-tadbirlari toʻgʻrisida”gi PF-5286-son Farmoniga 1-ilovaning 2-pozitsiyasi quyidagi tahrirda bayon etilsin:
|
“ |
||
|
2. |
Goʻsht va qoʻshimcha ozuqabop goʻshtli mahsulotlar |
0201 — 0210 (avtomatlashtirilgan majmualar bilan jihozlangan soʻyish korxonalari tomonidan import qilingan chorva mollaridan 0201 va 0202 TIF TN kodlari boʻyicha hosil boʻlgan goʻshtning umumiy vaznini 50 foizigacha, 0203, 0207, 0205 00 yordamchi pozitsiyalari boʻyicha eshak, xachir yoki ot xachirning goʻshti, 0206 30 000 — 0206 80 910 0, 0206 90 910 0, 0208 10 kodlari boʻyicha choʻchqa, eshak, xachir yoki ot xachir goʻshti qoʻshimcha ozuqabop mahsulotlari, shuningdek, 0208 50 000 0, 0208 90 700 0, 0209, 0210 11 — 0210 19, 0210 99 410 0, 0210 99 490 0, 0210 99 710 0, 0210 99 790 0, 0210 99 800 0 dan tashqari) |
|
”. |
2. Qishloq xoʻjaligi vazirligi Investitsiyalar, sanoat va savdo vazirligi, Bojxona qoʻmitasi hamda Veterinariya va chorvachilikni rivojlantirish qoʻmitasi bilan birgalikda bir oy muddatda avtomatlashtirilgan majmualar bilan jihozlangan soʻyish korxonalari tomonidan xorijiy davlatlardan import qilingan chorva mollarini soʻyishdan olingan goʻsht mahsulotining 50 foizidan oshmagan qismini eksportga yoʻnaltirishni monitoring qilish va tegishli davlat organlari bilan maʼlumot almashish tartibini tasdiqlashga oid Hukumat qarori loyihasini Vazirlar Mahkamasiga kiritsin.
3. Mazkur Farmonning ijrosini nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 26-avgust,
PF-125-son
(Qonunchilik maʼlumotlari milliy bazasi, 26.08.2024-y., 06/24/125/0647-son)
