385-сон 05.07.2024. Oʻzbekiston Respublikasi Hukumatining ayrim qarorlariga yonish va portlash xavfi yuqori boʻlgan kimyoviy moddalar bilan bogʻliq favqulodda vaziyatlarning oldini olish boʻyicha chora-tadbirlar samaradorligini oshirishga qaratilgan oʻzgartirish va qoʻshimchalar kiritish toʻgʻrisida

Hujjat 05.07.2024 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Hukumatining ayrim qarorlariga yonish va portlash xavfi yuqori boʻlgan kimyoviy moddalar bilan bogʻliq favqulodda vaziyatlarning oldini olish boʻyicha chora-tadbirlar samaradorligini oshirishga qaratilgan oʻzgartirish va qoʻshimchalar kiritish toʻgʻrisida

Oʻzbekiston Respublikasi Prezidentining “Yonish va portlash xavfi yuqori boʻlgan kimyoviy moddalar bilan bogʻliq favqulodda vaziyatlarning oldini olish boʻyicha chora-tadbirlar samaradorligini oshirish toʻgʻrisida” 2023-yil 6-noyabrdagi PQ-357-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

bojxona ombori, erkin ombor va boj olinmaydigan savdo doʻkoni faoliyatini litsenziyalashda kelishiladigan organlar roʻyxatiga Oʻzbekiston Respublikasi Favqulodda vaziyatlar vazirligi hamda Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasini kiritish;

Oʻzbekiston Respublikasi Favqulodda vaziyatlar vazirligi tomonidan bojxona nazorati ostidagi kimyoviy moddalar saqlanadigan bojxona ombori hisoblanmaydigan joylar uchun yongʻin va sanoat xavfsizligi talablariga muvofiqligi yuzasidan bojxona organlariga xulosa taqdim etish;

bojxona omboriga joylashtirilishi mumkin boʻlmagan tovarlarni bojxona ombori hisoblanmaydigan joylarda saqlash talablarini kuchaytirish;

kimyoviy moddalar (mahsulotlar) tarkibiga kiruvchi xavfli yuklarni avtotransport vositalarida tashishda hududiy yoʻl harakati xavfsizligi boshqarmalarining yoʻl-patrul xizmati tomonidan kuzatib borish tartibini belgilash.

2. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 5-iyul,

385-son

Vazirlar Mahkamasining 2024-yil 5-iyuldagi 385-son qaroriga

ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Bojxona ombori, erkin ombor va boj olinmaydigan savdo doʻkoni faoliyatini litsenziyalash yuzasidan davlat xizmatlarini koʻrsatishning maʼmuriy reglamentlarini tasdiqlash toʻgʻrisida” 2020-yil 9-apreldagi 210-son qarorida:

a) 1-ilovada:

30-bandda:

oʻn yettinchi xatboshi “sanitariya” soʻzidan keyin “yongʻin va sanoat xavfsizligi” soʻzlari bilan toʻldirilsin;

quyidagi mazmundagi yigirma yettinchi xatboshi bilan toʻldirilsin:

“yonish va portlash xavfi yuqori boʻlgan kimyoviy moddalarni (mahsulotlarni) faqat Favqulodda vaziyatlar vazirligining yonish va portlash xavfi yuqori boʻlgan kimyoviy moddalarni (mahsulotlarni) saqlash uchun obyektning (omborning) yongʻin va sanoat xavfsizligi talablariga muvofiqligi yuzasidan xulosasi mavjud boʻlganda saqlash”;

38-band quyidagi mazmundagi uchinchi — oltinchi xatboshilar bilan toʻldirilsin:

“Talabgor tomonidan kiritilgan hujjatlar Bojxona ombori faoliyatini litsenziyalash pasportining 14-bandida belgilangan kelishiladigan organlarga bir vaqtning oʻzida yuboriladi.

Tegishli xulosani taqdim etish uchun obyektlarni joyiga chiqib oʻrganish talab etilgan hollarda, kelishiladigan organlar faqat oʻz faoliyat yoʻnalishi boʻyicha oʻrganish oʻtkazishi mumkin.

Kelishiladigan organlar belgilangan muddatlarda xulosa taqdim etmagan taqdirda ariza ushbu organlar bilan kelishilgan, xulosalar esa ijobiy deb hisoblanadi.

Bunday hollarda kelishiladigan organlar yuzaga kelishi mumkin boʻlgan barcha oqibatlar uchun javobgar hisoblanadi. Bunda kelishiladigan organlarning tegishli xulosalarisiz litsenziya berish imkoni boʻlmaganda, talabgorning arizasini koʻrib chiqish muddati va tartibi buzilganligi uchun kelishiladigan organlar javobgardir”;

44-bandda:

ikkinchi xatboshidagi “Davlat soliq qoʻmitasidan” soʻzlari “Vazirlar Mahkamasi huzuridagi Soliq qoʻmitasidan” soʻzlari bilan almashtirilsin;

uchinchi xatboshidagi “Davlat soliq qoʻmitasi” soʻzlari “Iqtisodiyot va moliya vazirligi” soʻzlari bilan almashtirilsin;

toʻrtinchi xatboshi chiqarib tashlansin;

beshinchi xatboshi toʻrtinchi xatboshi deb hisoblansin;

73-bandda:

quyidagi mazmundagi oʻn birinchi xatboshi bilan toʻldirilsin:

“bojxona omborida yonish va portlash xavfi yuqori boʻlgan kimyoviy moddalarni (mahsulotlarni) saqlash uchun obyektning (omborning) yongʻin va sanoat xavfsizligi talablariga muvofiqligi yuzasidan olingan xulosa raqami va sanasi”;

oʻn birinchi xatboshi oʻn ikkinchi xatboshi deb hisoblansin;

4-ilovaning 14-bandi quyidagi tahrirda bayon etilsin:

“

14. Litsenziya berishda kelishiladigan organlar

1. Oʻzbekiston Respublikasi Favqulodda vaziyatlar vazirligidan:

bojxona omborining hududi yongʻin xavfsizligi talablariga muvofiqligi toʻgʻrisidagi xulosa (10 ish kuni ichida);

agar bojxona omborida yonish va portlash xavfi yuqori boʻlgan kimyoviy moddalarni (mahsulotlarni) saqlash koʻzda tutilsa, obyektning (omborning) yongʻin va sanoat xavfsizligi talablariga muvofiqligi yuzasidan xulosa (10 ish kuni ichida).

2. Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasidan — bojxona ombori hududining sanitariya-epidemiologik normalariga muvofiqligi toʻgʻrisidagi xulosa (10 ish kuni ichida).

”;

b) 2-ilovada:

28-bandda:

oʻn yettinchi xatboshi “sanitariya” soʻzidan keyin “yongʻin va sanoat xavfsizligi” soʻzlari bilan toʻldirilsin;

quyidagi mazmundagi yigirma oltinchi xatboshi bilan toʻldirilsin:

36-band quyidagi mazmundagi uchinchi — oltinchi xatboshilar bilan toʻldirilsin:

“Talabgor tomonidan kiritilgan hujjatlar Erkin ombor faoliyatini litsenziyalash pasportining 14-bandida belgilangan kelishiladigan organlarga bir vaqtning oʻzida yuboriladi.

Tegishli kelishuvni yoki xulosani taqdim etish uchun obyektlarni joyiga chiqib oʻrganish talab etilgan hollarda, kelishiladigan organlar faqat oʻz faoliyat yoʻnalishi boʻyicha oʻrganish oʻtkazishi mumkin.

Kelishiladigan organlar belgilangan muddatlarda xulosa taqdim etmagan taqdirda ariza ushbu organlar bilan kelishilgan, xulosalar esa ijobiy deb hisoblanadi.

Bunday hollarda kelishiladigan organlar yuzaga kelishi mumkin boʻlgan barcha oqibatlar uchun javobgar hisoblanadi. Bunda kelishiladigan organning tegishli xulosalarisiz litsenziya berish imkoni boʻlmaganda, talabgorning arizasini koʻrib chiqish muddati va tartibi buzilganligi uchun kelishiladigan organlar javobgardir”;

42-bandda:

ikkinchi xatboshidagi “Davlat soliq qoʻmitasidan” soʻzlari “Vazirlar Mahkamasi huzuridagi Soliq qoʻmitasidan” soʻzlari bilan almashtirilsin;

uchinchi xatboshidagi “Davlat soliq qoʻmitasi” soʻzlari “Iqtisodiyot va moliya vazirligi” soʻzlari bilan almashtirilsin;

toʻrtinchi xatboshi chiqarib tashlansin;

beshinchi xatboshi toʻrtinchi xatboshi deb hisoblansin;

71-band quyidagi mazmundagi oʻn birinchi xatboshi bilan toʻldirilsin:

“erkin omborda yonish va portlash xavfi yuqori boʻlgan kimyoviy moddalarni (mahsulotlarni) saqlash uchun obyektning (omborning) yongʻin va sanoat xavfsizligi talablariga muvofiqligi yuzasidan olingan xulosa raqami va sanasi”;

4-ilovaning 14-bandi quyidagi tahrirda bayon etilsin:

“

14. Litsenziya berishda kelishiladigan organlar

1. Oʻzbekiston Respublikasi Favqulodda vaziyatlar vazirligidan:

erkin ombor hududining yongʻin xavfsizligi talablariga muvofiqligi toʻgʻrisidagi xulosa (10 ish kuni ichida);

agar erkin omborda yonish va portlash xavfi yuqori boʻlgan kimyoviy moddalarni (mahsulotlarni) saqlash koʻzda tutilsa, obyektning (omborning) yongʻin va sanoat xavfsizligi talablariga muvofiqligi yuzasidan xulosa (10 ish kuni ichida).

2. Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasidan — erkin ombor hududining sanitariya-epidemiologik normalariga muvofiqligi toʻgʻrisidagi xulosa (10 ish kuni ichida).

”;

v) 3-ilovada:

22-bandda:

oʻn birinchi xatboshi “sanitariya” soʻzidan keyin “yongʻin va sanoat xavfsizligi” soʻzlari bilan toʻldirilsin;

quyidagi mazmundagi yigirma birinchi xatboshi bilan toʻldirilsin:

32-band quyidagi mazmundagi uchinchi — oltinchi xatboshilar bilan toʻldirilsin:

“Talabgor tomonidan kiritilgan hujjatlar Boj olinmaydigan savdo doʻkoni faoliyatini litsenziyalash pasportining 14-bandida belgilangan kelishiladigan organlarga bir vaqtning oʻzida yuboriladi.

Kelishiladigan organlar belgilangan muddatlarda xulosa taqdim etmagan taqdirda ariza ushbu organlar bilan kelishilgan, xulosalar esa ijobiy deb hisoblanadi.

38-bandda:

ikkinchi xatboshidagi “Davlat soliq qoʻmitasidan” soʻzlari “Vazirlar Mahkamasi huzuridagi Soliq qoʻmitasidan” soʻzlari bilan almashtirilsin;

uchinchi xatboshidagi “Davlat soliq qoʻmitasi” soʻzlari “Iqtisodiyot va moliya vazirligi” soʻzlari bilan almashtirilsin;

toʻrtinchi xatboshi chiqarib tashlansin;

beshinchi — yettinchi xatboshilari tegishlicha toʻrtinchi — oltinchi xatboshilar deb hisoblansin;

67-band quyidagi mazmundagi oʻn birinchi xatboshi bilan toʻldirilsin:

“boj olinmaydigan savdo doʻkonida yonish va portlash xavfi yuqori boʻlgan kimyoviy moddalarni (mahsulotlarni) saqlash uchun obyektning (omborning) yongʻin va sanoat xavfsizligi talablariga muvofiqligi yuzasidan olingan xulosa raqami va sanasi”;

5-ilovaning 14-bandi quyidagi tahrirda bayon etilsin:

“

14. Litsenziya berishda kelishiladigan organlar

1. Oʻzbekiston Respublikasi Favqulodda vaziyatlar vazirligidan:

boj olinmaydigan savdo doʻkonining hududi yongʻin xavfsizligi talablariga muvofiqligi toʻgʻrisidagi xulosa (10 ish kuni ichida);

agar boj olinmaydigan savdo doʻkonida yonish va portlash xavfi yuqori boʻlgan kimyoviy moddalarni (mahsulotlarni) saqlash koʻzda tutilsa, obyektning (omborning) yongʻin va sanoat xavfsizligi talablariga muvofiqligi yuzasidan xulosa (10 ish kuni ichida).

2. Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasidan — boj olinmaydigan savdo doʻkonining hududi sanitariya-epidemiologik normalariga muvofiqligi toʻgʻrisidagi xulosa (10 ish kuni ichida).

”.

Keyingi tahrirga qarang.

2. Vazirlar Mahkamasining 2021-yil 20-avgustdagi 531-son qarori bilan tasdiqlangan Bojxona nazorati ostidagi tovarlarga nisbatan yuk operatsiyalarini amalga oshirish tartibi toʻgʻrisidagi nizomda:

a) 29-bandning toʻrtinchi xatboshisi quyidagi tahrirda bayon etilsin:

“tovarlarni saqlash uchun moʻljallangan joy (joylashgan joyi, pochta manzili, agar yuridik shaxs boʻlsa uning toʻliq nomi bilan, yonish va portlash xavfi yuqori boʻlgan kimyoviy moddalarni (mahsulotlarni) saqlash koʻzda tutilsa, obyektning (omborning) yongʻin va sanoat xavfsizligi talablariga muvofiqligi yuzasidan xulosa olinganligi) va saqlash uchun javobgar shaxs toʻgʻrisidagi maʼlumotlar (F.I.O., yashash joyi, telefon raqami) aks ettirilgan vakolatli shaxsning bojxona yuk deklaratsiyasiga ilova qilingan arizasi”;

b) quyidagi mazmundagi 30¹-band bilan toʻldirilsin:

“30¹. Ushbu Nizomning 29 va 30-bandlarida koʻrsatilgan holatlar boʻyicha tovarlarning oʻz vaqtida manzilga yetkazilganligi bojxona ombori hisoblanmaydigan joyga tovarlarni joylashtirish uchun murojaat qilgan shaxs tomonidan tasdiqlanadi”.

3. Vazirlar Mahkamasining 2011-yil 16-fevraldagi 35-son qarori bilan tasdiqlangan Oʻzbekiston Respublikasida xavfli yuklarni avtomobil transportida tashish qoidalarining 51-bandi quyidagi mazmundagi uchinchi va toʻrtinchi xatboshilar bilan toʻldirilsin:

“Yonish va portlash xavfi yuqori boʻlgan kimyoviy moddalar (mahsulotlar) ortilgan avtotransport vositalari tegishli manzilga shartnoma asosida hududiy yoʻl harakati xavfsizligi boshqarmalarining yoʻl-patrul xizmati tomonidan kuzatib boriladi.

Yonish va portlash xavfi yuqori boʻlgan kimyoviy moddalar (mahsulotlar) ikkitadan ortiq avtotransport vositasida kolonna boʻlib, oldinda va orqada hududiy yoʻl harakati xavfsizligi boshqarmalari yoʻl-patrul xizmatining ikkita patrul avtomashinalari kuzatuvida tashiladi”.

(Qonunchilik maʼlumotlari milliy bazasi, 05.07.2024-y., 09/24/385/0479-son; 25.12.2025-y., 09/25/821/1211-son)