toggle_night_mode
Hujjat kuchini yo‘qotgan 27.05.2021
Hujjat 15.03.2002 sanasi holatiga
Amaldagi versiyaga o‘tish
Oʻzbekiston Respublikasi Oliy Kengashi
Qarori
“AUDITORLIK FAOLIYATI TOʻGʻRISIDA”GI OʻZBEKISTON RESPUBLIKASI QONUNINI AMALGA KIRITISh TARTIBI HAQIDA
 LexUZ sharhi
Mazkur qaror Oʻzbekiston Respublikasining 2021-yil 25-fevraldagi OʻRQ-677-sonli “Auditorlik faoliyati toʻgʻrisida”gi Qonuniga asosan 2021-yil 27-maydan oʻz kuchini yoʻqotadi.
Oʻzbekiston Respublikasi Oliy Kengashi qaror qiladi:
1. “Auditorlik faoliyati toʻgʻrisida”gi Oʻzbekiston Respublikasi Qonuni eʼlon qilingan kundan boshlab amalga kiritilsin.
 LexUZ sharhi
“Auditorlik faoliyati toʻgʻrisida”gi Oʻzbekiston Respublikasining Qonuni “Xalq soʻzi” gazetasining 1992-yil 30-dekabrdagi 253(504)-sonida eʼlon qilingan.
2. Oʻzbekiston Respublikasi Vazirlar Mahkamasi:
ikki oylik muddat ichida:
“Auditorlik faoliyati toʻgʻrisida”gi Oʻzbekiston Respublikasi Qonun ijrosini taʼminlovchi zarur meʼyoriy hujjatlar tayyorlasin;
Oʻzbekiston Respublikasi Hukumatining qarorlarini “Auditorlik faoliyati toʻgʻrisida”gi Oʻzbekiston Respublikasi Qonuniga muvofiqlashtirsin;
Oʻzbekiston Respublikasi vazirliklari, davlat qoʻmitalari oʻzlari chiqargan, ushbu Qonunga zid keluvchi meʼyoriy hujjatlarni qayta koʻrib chiqishlari va bekor qilishlarini taʼminlasin;
bir oylik muddat ichida:
Oʻzbekiston Respublikasi Auditorlar palatasi toʻgʻrisida muvaqqat nizomni tayyorlasin va uni tasdiqlasin;
yillik hisobotlar bilan bir vaqtda ana shu hisobotlarning mukammalligiga doir auditorlik xulosalari taqdim etishi shart boʻlgan korxonalar va tashkilotlar doirasini belgilasin.
Oldingi tahrirga qarang.
(3-band Oʻzbekiston Respublikasi Oliy Majlisining 2001-yil 12-maydagi 222-II-son Qarori bilan oʻz kuchini yoʻqotgan — Oʻzbekiston Respublikasi qonun hujjatlari toʻplami, 2002-y., 2-son, 14-modda)
Oʻzbekiston Respublikasi Oliy Kengashining Raisi Sh. YOʻLDOShEV
Toshkent sh.,
1992-yil 9-dekabr,
735-XII-son
(Oʻzbekiston Respublikasi Oliy Kengashining Axborotnomasi, 1993-y., 1-son, 16-modda; Oʻzbekiston Respublikasi qonun hujjatlari toʻplami, 2002-y., 2-son, 14-modda)