1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.09.00 Tadbirkorlarni davlat tomonidan qoʻllab-quvvatlash va huquqlarini himoya qilish;
2.09.00.00.00 Tadbirkorlik va xoʻjalik faoliyati / 09.05.00.00 Birja faoliyati / 09.05.05.00 Birja orqali alohida mahsulot va mol-mulk turlarini sotish;
3.09.00.00.00 Tadbirkorlik va xoʻjalik faoliyati / 09.08.00.00 Asillik darajasi ishlari. Qimmatbaho metallar va toshlar]
[TSZ:
1.Fuqarolik qonunchiligi. Tadbirkorlik / Tadbirkorlik faoliyatini davlat tomonidan qoʻllab-quvvatlash;
2.Moliya / Valyutani tartibga solish. Qimmatbaho metallar (toshlar)]
Oʻzbekiston Respublikasi Vazirlar Mahkamasining
qarori
Qimmatbaho metallarni birja savdolarida sotishda zargarlik sohasida ish oʻrinlarini yaratgan tadbirkorlik subyektlariga chegirmalar berish tartibini takomillashtirish toʻgʻrisida
Oʻzbekiston Respublikasi Prezidentining “Zargarlik buyumlarini ishlab chiqarish quvvatlarini kengaytirish va mahalliy zargarlarni har tomonlama qoʻllab-quvvatlash boʻyicha qoʻshimcha chora-tadbirlar toʻgʻrisida” 2022-yil 22-dekabrdagi PQ-452-son qarori ijrosini taʼminlash, shuningdek, qimmatbaho metallarni birja savdolarida sotishda zargarlik sohasida ish oʻrinlarini yaratgan tadbirkorlik subyektlariga chegirmalar berish tartibini takomillashtirish maqsadida Vazirlar Mahkamasi qaror qiladi:
LexUZ sharhi
Qarang: Vazirlar Mahkamasining 2019-yil 2-oktabrdagi “Zargarlik buyumlarini ishlab chiqarish, import qilish va ularning realizatsiyasi monitoringini amalga oshirish tartibi toʻgʻrisidagi nizomni tasdiqlash haqida” 834-son qarori.
[OKOZ:
1.05.00.00.00 Mehnat va aholining bandligi toʻgʻrisidagi qonunchilik / 05.02.00.00 Mehnat / 05.02.06.00 Ishga qabul qilishda kafolatlar;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.08.00 Tadbirkorlik faoliyati subyektlarining faoliyati kafolatlari;
3.09.00.00.00 Tadbirkorlik va xoʻjalik faoliyati / 09.05.00.00 Birja faoliyati / 09.05.05.00 Birja orqali alohida mahsulot va mol-mulk turlarini sotish;
4.09.00.00.00 Tadbirkorlik va xoʻjalik faoliyati / 09.08.00.00 Asillik darajasi ishlari. Qimmatbaho metallar va toshlar]
1 .Oʻzbekiston Respublikasi Prezidentining “Zargarlik buyumlarini ishlab chiqarish quvvatlarini kengaytirish va mahalliy zargarlarni har tomonlama qoʻllab-quvvatlash boʻyicha qoʻshimcha chora-tadbirlar toʻgʻrisida” 2022-yil 22-dekabrdagi PQ-452-son qarorining 2-bandida:
a) 2023-yil 1-fevraldan boshlab 2026-yil 1-fevralga qadar “Navoiy kon-metallurgiya kombinati” AJ va “Olmaliq kon-metallurgiya kombinati” AJ tomonidan ishlab chiqarilgan qimmatbaho metallarni birja savdolarida sotishda zargarlik sohasida 100 dan 300 tagacha ish oʻrinlarini yaratgan tadbirkorlik subyektlariga — London qimmatbaho metallar bozori uyushmasining ertalabki fiksing narxining 1 foizi miqdorida, 300 dan 500 tagacha ish oʻrinlarini yaratganlarga — 2 foizi miqdorida, 500 dan 1 000 tagacha ish oʻrinlarini yaratganlarga — 3 foizi miqdorida, 1 000 ta va undan ortiq ish oʻrinlarini yaratganlarga — 4 foizi miqdorida chegirma berish joriy etilganligi;
b) Iqtisodiyot va moliya vazirligi tomonidan Kambagʻallikni qisqartirish va bandlik vazirligi hamda “Oʻzbekzargarsanoati” uyushmasi bilan birgalikda zargarlik buyumlarini ishlab chiqaruvchi tadbirkorlik subyektlarining roʻyxatini va ular tomonidan yaratilgan zargarlik sohasidagi ish oʻrinlari toʻgʻrisidagi maʼlumotlar “Oʻzbekiston respublika tovar-xom ashyo birjasi” AJga kiritib borilishi va yangilab borilishi;
Qarang: Oʻzbekiston Respublikasi Prezidentining 2022-yil 23-dekabrdagi “Zargarlik buyumlarini ishlab chiqarish quvvatlarini kengaytirish va mahalliy zargarlarni har tomonlama qoʻllab-quvvatlash boʻyicha qoʻshimcha chora-tadbirlar toʻgʻrisida” PQ-452-son qarorining 2-bandi.
v) chegirmalardan foydalanadigan zargarlik buyumlarini ishlab chiqaruvchi tadbirkorlik subyektlarining roʻyxati (keyingi oʻrinlarda — roʻyxat) quyidagi mezonlarni inobatga olgan holda shakllantirilishi:
zargarlik buyumlarini ishlab chiqaruvchi tadbirkorlik subyektlari tomonidan yaratilgan ish oʻrinlari soni.
Bunda ushbu ish oʻrinlarining kamida 70 foizini Xizmatchilarning asosiy lavozimlari va ishchilar kasblari klassifikatorida (MXSK — 08 boʻyicha kodi 7313) belgilangan zargarlik buyumlari va qimmatbaho metall buyumlari ishlab chiqarish bilan shugʻullanadigan ishchilar kasblari tashkil etishi lozimligi;
yaratilgan ish oʻrinlariga ishga qabul qilingan xodimlar bilan belgilangan tartibda mehnat shartnomasi tuzilganligi, ularga kamida olti oy davomida mehnatga haq toʻlashning eng kam miqdorining bir baravaridan kam boʻlmagan miqdorda ish haqi hisoblanganligi hamda ushbu holat soliq organlari tomonidan tasdiqlanganligi;
LexUZ sharhi
Qarang: Oʻzbekiston Respublikasi Mehnat kodeksining 12-bobi.
zargarlik buyumlarini ishlab chiqaruvchi tadbirkorlik subyektlarida yuqori qoʻshilgan qiymatli zargarlik buyumlarini ishlab chiqarish uchun zarur boʻlgan moddiy-texnika bazasi, uskunalar va boshqa texnika vositalari, shuningdek, zargarlik buyumlarini ishlab chiqarish boʻyicha belgilangan talablarga javob beradigan ishlab chiqarish maydonlari va sharoitlarining mavjudligi;
g) Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibi Vazirlar Mahkamasi tomonidan tasdiqlanishi belgilanganligi maʼlumot uchun qabul qilinsin.
[OKOZ:
1.02.00.00.00 Davlat boshqaruvi asoslari / 02.07.00.00 Maʼmuriy-huquqiy tartiblar (rejimlar) / 02.07.08.00 Jismoniy va yuridik shaxslarning murojaatlari;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.02.00 Tadbirkorlik subyektlari. Tadbirkorlik subyektlarini roʻyxatga olish;
3.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.08.00 Tadbirkorlik faoliyati subyektlarining faoliyati kafolatlari]
2. Quyidagilarni nazarda tutuvchi Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibi toʻgʻrisidagi nizom 1-ilovaga muvofiq tasdiqlansin:
qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining murojaatlarini har oyning 5-sanasiga qadar Iqtisodiyot va moliya vazirligi (Vakolatli organ) tomonidan qabul qilish;
manfaatdor vazirlik va idoralar tomonidan zargarlik buyumlarini ishlab chiqaruvchi tadbirkorlik subyektlarining murojaatlarini har oyning 20-sanasiga qadar belgilangan mezonlarga muvofiqligini oʻrganib chiqish, shu jumladan, yuqori qoʻshilgan qiymatli zargarlik buyumlarini ishlab chiqarish hamda zamonaviy texnologiyalar joriy etilganligini baholash;
zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish tartibi;
zargarlik buyumlarini ishlab chiqaruvchi tadbirkorlik subyektlarining roʻyxati Komissiya tomonidan har oyning 25-sanasiga qadar koʻrib chiqilishi va maʼqullanishi, shuningdek, chegirmalarning toʻgʻri qoʻllanilishi muvofiqlashtirilishi;
Iqtisodiyot va moliya vazirligi tomonidan zargarlik buyumlarini ishlab chiqaruvchi tadbirkorlik subyektlarining roʻyxati har oyning 25-sanasiga qadar chegirmalar qoʻllash uchun “Oʻzbekiston respublika tovar-xom ashyo birjasi” AJga kiritib borilishi.
3. Zargarlik sohasidagi tadbirkorlik subyektlariga taqdim etilgan imtiyozlarning toʻgʻri qoʻllanilishini muvofiqlashtirish komissiyasi 2-ilovaga muvofiq tarkibda tashkil etilsin va uning asosiy vazifalari etib quyidagilar belgilansin:
zargarlik sohasidagi tadbirkorlik subyektlariga taqdim etilgan imtiyozlarning toʻgʻri qoʻllanilishini tahlil qilish;
imtiyozlardan foydalanish natijasida zargarlik sohasidagi tadbirkorlik subyektlarida yaratiladigan qoʻshilgan qiymat miqdorini oʻrganish, shu jumladan yuqori qoʻshilgan qiymatga ega mahsulotlarni eksport qilish boʻyicha takliflar ishlab chiqish;
imtiyozlardan foydalanishda zargarlik sohasidagi tadbirkorlik subyektlari tomonidan ish oʻrinlarini yaratish boʻyicha mavjud talablarga rioya etilishini oʻrganish.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchkorov hamda Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 4-mart,
109-son
Vazirlar Mahkamasining 2024-yil 4-martdagi 109-son qaroriga
1-ILOVA
Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibi toʻgʻrisida
1. Mazkur Nizom qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibini belgilaydi.
Qarang: Vazirlar Mahkamasining 2019-yil 1-martdagi 186-son qarori bilan tasdiqlangan “Oʻzbekiston respublika tovar-xom ashyo birjasi” AJ birja savdolarida qimmatbaho metallarni sotish tartibi toʻgʻrisidagi nizom.
2. Ushbu Nizomda kuyidagi asosiy tushunchalar qoʻllaniladi:
tadbirkorlik subyektlari — belgilangan mezon va talablarga muvofiq faoliyatini yoʻlga qoʻygan zargarlik buyumlarini ishlab chiqaruvchi tadbirkorlik subyektlari;
tadbirkorlik subyektlarining roʻyxati — Oʻzbekiston Respublikasi Prezidentining “Zargarlik buyumlarini ishlab chiqarish quvvatlarini kengaytirish va mahalliy zargarlarni har tomonlama qoʻllab-quvvatlash boʻyicha qoʻshimcha chora-tadbirlar toʻgʻrisida” 2022-yil 22-dekabrdagi PQ-452-son qarorining 2-bandida nazarda tutilgan chegirmalardan foydalanish maqsadida shakllantirilgan belgilangan mezon va talablarga muvofiq faoliyatini yoʻlga qoʻygan zargarlik buyumlarini ishlab chiqaruvchi tadbirkorlik subyektlarining roʻyxati;
chegirma — “Navoiy kon-metallurgiya kombinati” AJ va “Olmaliq kon-metallurgiya kombinati” AJ tomonidan ishlab chiqarilgan qimmatbaho metallarni birja savdolarida sotishda zargarlik sohasida 100 dan 300 tagacha ish oʻrinlarini yaratgan tadbirkorlik subyektlariga — London qimmatbaho metallar bozori uyushmasining ertalabki fiksing narxining 1 foizi miqdorida, 300 dan 500 tagacha ish oʻrinlarini yaratganlarga — 2 foizi miqdorida, 500 dan 1000 tagacha ish oʻrinlarini yaratganlarga — 3 foizi miqdorida, 1 000 ta va undan ortiq ish oʻrinlarini yaratganlarga — 4 foizi miqdorida chegirma;
Komissiya — Vazirlar Mahkamasi tomonidan tarkibi tasdiqlanadigan zargarlik sohasidagi tadbirkorlik subyektlariga taqdim etilgan imtiyozlarning toʻgʻri qoʻllanilishini muvofiqlashtirish komissiyasi;
Vakolatli organ — Iqtisodiyot va moliya vazirligi;
yuqori texnologiyali ishlab chiqarish jarayoni — zargarlik sohasidagi tadbirkorlik subyektlari tomonidan baholash mezonlari asosida aniqlanadigan ishlab chiqarish jarayonlari.
[OKOZ:
1.05.00.00.00 Mehnat va aholining bandligi toʻgʻrisidagi qonunchilik / 05.02.00.00 Mehnat / 05.02.06.00 Ishga qabul qilishda kafolatlar;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.02.00 Tadbirkorlik subyektlari. Tadbirkorlik subyektlarini roʻyxatga olish;
3.09.00.00.00 Tadbirkorlik va xoʻjalik faoliyati / 09.02.00.00 Raqobat toʻgʻrisida qonunchilik. Tabiiy monopoliyalar / 09.02.01.00 Umumiy qoidalar;
4.10.00.00.00 Tashqi iqtisodiy faoliyat. Bojxona ishi / 10.05.00.00 Tovarlar va transport vositalari bojxona chegarasidan olib oʻtilganda undiriladigan soliqlar va yigʻimlar / 10.05.03.00 Eksport vaqtida qoʻshilgan qiymat soligʻining qoʻllanilishi (shuningdek, 07.10.03.00ga qarang)]
3. Tadbirkorlik subyektlarining roʻyxatini shakllantirish va yuritishning asosiy maqsadi quyidagilardan iborat:
tadbirkorlik subyektlari tomonidan zargarlik buyumlari va qimmatbaho metall buyumlari ishlab chiqarish bilan shugʻullanadigan ishchilar uchun yangi ish oʻrinlari yaratilishini ragʻbatlantirish;
tadbirkorlik subyektlari tomonidan zamonaviy texnologiyalarni joriy qilgan holda yuqori qoʻshilgan qiymatli eksportga yoʻnaltiriladigan zargarlik buyumlari ishlab chiqarilishini kengaytirish;
tadbirkorlik subyektlari oʻrtasida sogʻlom raqobat muhitini yaratish, chegirmalarni toʻgʻri qoʻllash va ulardan foydalanish samaradorligini oshirish.
2-bob. Tadbirkorlik subyektlarining roʻyxatini shakllantirish va yuritish tartibi
4. Tadbirkorlik subyektlari roʻyxatining shakli Vakolatli organ tomonidan ishlab chiqiladi va Komissiya tomonidan tasdiqlanadi.
[OKOZ:
1.01.00.00.00 Konstitutsiyaviy tuzum / 01.03.00.00 Davlat tili;
2.05.00.00.00 Mehnat va aholining bandligi toʻgʻrisidagi qonunchilik / 05.02.00.00 Mehnat / 05.02.06.00 Ishga qabul qilishda kafolatlar]
5. Tadbirkorlik subyektlarining roʻyxati davlat tilida shakllantiriladi va yuritiladi.
LexUZ sharhi
Qarang: Oʻzbekiston Respublikasining “Davlat tili haqida”gi Qonuni.
6. Tadbirkorlik subyektlarining roʻyxati ushbu Nizomga 1-ilovada keltirilgan sxemaga muvofiq shakllantiriladi.
[OKOZ:
1.05.00.00.00 Mehnat va aholining bandligi toʻgʻrisidagi qonunchilik / 05.02.00.00 Mehnat / 05.02.19.00 Mehnat shartnomasi tuzishning boshqa masalalari;
2.09.00.00.00 Tadbirkorlik va xoʻjalik faoliyati / 09.10.00.00 Sanoat / 09.10.04.00 Ishlab chiqarishni modernizatsiyalash va texnik qayta jihozlash;
3.09.00.00.00 Tadbirkorlik va xoʻjalik faoliyati / 09.10.00.00 Sanoat / 09.10.05.00 Sanoat uskunalari, mashinalari va asboblariga texnik xizmat koʻrsatish va taʼmirlash. Asosiy fondlarning amortizatsiyasi]
7. Tadbirkorlik subyektlari tadbirkorlik subyektlarining roʻyxatiga kirish uchun Vakolatli organga har oyning 5-sanasiga qadar quyidagi maʼlumotlarni ilova qilgan holda ariza bilan murojaat qiladi:
chegirma berish mezonlariga muvofiq yaratilgan ish oʻrinlari soni haqidagi maʼlumot (bunda ushbu ish oʻrinlarining kamida 70 foizi Xizmatchilarning asosiy lavozimlari va ishchilar kasblari klassifikatorida (MXSK — 08 boʻyicha kodi 7313) belgilangan zargarlik buyumlari va qimmatbaho metall buyumlari ishlab chiqarish bilan shugʻullanadigan ishchilar tashkil etishi lozim);
tadbirkorlik subyektlarida yaratilgan ish oʻrinlariga ishga qabul qilingan va qonunchilik hujjatlari asosida mehnat shartnomasi tuzilgan xodimlarga kamida olti oy davomida mehnatga haq toʻlashning eng kam miqdorining bir baravaridan kam boʻlmagan miqdorda ish haqi hisoblanganligi haqidagi maʼlumot;
mazkur Nizomga 2-ilovada keltirilgan mezonlarga muvofiq yuqori texnologiyali ishlab chiqarish jarayoni joriy etilganligi toʻgʻrisida maʼlumot;
yuqori qoʻshilgan qiymatli zargarlik buyumlarini ishlab chiqarish uchun zarur boʻlgan moddiy-texnika bazasi, uskunalar va boshqa texnika vositalari, shuningdek, zargarlik buyumlarini ishlab chiqarish boʻyicha belgilangan talablarga javob beradigan ishlab chiqarish maydonlari va sharoitlarning mavjudligi haqidagi maʼlumot.
Tadbirkorlik subyektlari oʻz xohishiga koʻra oʻzida yaratilgan imkoniyatlar haqidagi boshqa maʼlumotlarni ham taqdim etishi mumkin.
8. Vakolatli organ tomonidan Kambagʻallikni qisqartirish va bandlik vazirligi, Soliq qoʻmitasi, Davlat asillik darajasi nazorati inspeksiyasi hamda “Oʻzbekzargarsanoati” uyushmasi bilan birgalikda har oyning 20-sanasiga qadar mazkur Nizomning 7-bandiga asosan taqdim etilgan ariza va maʼlumotlarning belgilangan talablarga muvofiqligi oʻrganib chiqiladi.
1.05.00.00.00 Mehnat va aholining bandligi toʻgʻrisidagi qonunchilik / 05.03.00.00 Mehnatga haq toʻlash / 05.03.02.00 Ish haqining eng kam miqdori;
2.09.00.00.00 Tadbirkorlik va xoʻjalik faoliyati / 09.08.00.00 Asillik darajasi ishlari. Qimmatbaho metallar va toshlar]
9. Oʻrganish jarayonida mazkur Nizomning 8-bandida belgilangan muddat doirasida Vakolatli organga quyidagi xulosalar taqdim etiladi:
a) Kambagʻallikni qisqartirish va bandlik vazirligi tomonidan — tadbirkorlik subyektlari tomonidan belgilangan talablarga muvofiq ish oʻrinlari yaratilganligi toʻgʻrisidagi xulosa.
Bunda xulosada ushbu ish oʻrinlarining kamida 70 foizi Xizmatchilarning asosiy lavozimlari va ishchilar kasblari klassifikatorida (MXSK — 08 boʻyicha kodi 7313) belgilangan zargarlik buyumlari va qimmatbaho metall buyumlari ishlab chiqarish bilan shugʻullanadigan ishchilar tashkil etishi tahlil qilinadi;
b) Soliq qoʻmitasi tomonidan — yaratilgan ish oʻrinlariga ishga qabul qilingan va qonunchilik hujjatlari asosida mehnat shartnomasi tuzilgan xodimlarga tadbirkorlik subyektlari tomonidan kamida olti oy davomida mehnatga haq toʻlashning eng kam miqdorining bir baravaridan kam boʻlmagan miqdorda ish haqi hisoblanganligini tasdiqlash toʻgʻrisida xulosa;
v) Davlat asillik darajasi nazorati inspeksiyasi “Oʻzbekzargarsanoati” uyushmasi bilan birgalikda quyidagilarni nazarda tutuvchi xulosa:
mazkur Nizomga 2-ilovada keltirilgan mezonlarga muvofiq yuqori texnologiyali ishlab chiqarish jarayoni joriy etilganligini baholash natijalari;
yuqori qoʻshilgan qiymatli zargarlik buyumlarini ishlab chiqarish uchun zarur boʻlgan moddiy-texnika bazasi, uskunalar va boshqa texnika vositalari, shuningdek, zargarlik buyumlarini ishlab chiqarish boʻyicha belgilangan talablarga javob beradigan ishlab chiqarish maydonlari va sharoitlarning mavjudligi.
10. Vakolatli organ har oyning 20-sanasiga qadar tadbirkorlik subyektlarining arizalarini va ular yuzasidan tegishli tashkilotlarning xulosalari asosida tadbirkorlik subyektlarining roʻyxatini shakllantirib, koʻrib chiqish uchun Komissiyaga kiritadi.
11. Komissiya har oyning 25-sanasiga qadar tadbirkorlik subyektlarining roʻyxatini kollegial tarzda koʻrib chiqadi va uni maʼqullash toʻgʻrisida qaror qabul qiladi.
Komissiyaning tadbirkorlik subyektlarining roʻyxatini maʼqullash toʻgʻrisidagi qarori bayon koʻrinishida rasmiylashtiriladi.
12. Komissiya tomonidan maʼqullangan tadbirkorlik subyektlarining roʻyxati Vakolatli organ tomonidan har oyning 25-sanasiga qadar “Oʻzbekiston respublika tovar-xom ashyo birjasi” AJga kiritiladi.
1.03.00.00.00 Fuqarolik qonunchiligi / 03.03.00.00 Yuridik shaxslar / 03.03.02.00 Yuridik shaxslarni tashkil etish, qayta tashkil etish va tugatish. Yuridik shaxslarni davlat roʻyxatiga olish]
13. Tadbirkorlik subyektlarining roʻyxatiga kiritishni rad etish va undan chiqarish uchun quyidagilar asos boʻladi:
tadbirkorlik subyektlarining oʻz arizalariga asosan;
tadbirkorlik subyektlari ushbu Nizomning 7 va 9-bandlarida belgilangan mezon va talablarga mos kelmasligi aniqlanganda;
tadbirkorlik subyektlari tomonidan soxta hujjatlar, notoʻgʻri yoki yolgʻon maʼlumotlar taqdim etilganda;
tadbirkorlik subyektlari tugatilganda.
Ushbu bandda koʻrsatilmagan boshqa asoslar boʻyicha tadbirkorlik subyektlarining roʻyxatiga kiritish rad etilishi va roʻyxatdan chiqarilishiga yoʻl qoʻyilmaydi.
14. Vakolatli organ tadbirkorlik subyektlarining roʻyxatiga kiritish rad etilgan taqdirda tadbirkorlik subyektini bir kun muddatda rad etishning aniq sabablarini koʻrsatgan holda xabardor qiladi.
15. Tadbirkorlik subyektlarining roʻyxatiga kiritish rad etilgan tadbirkorlik subyektlari koʻrsatilgan rad etish sabablarini bartaraf etgan holda Vakolatli organga umumiy asoslarda qayta murojaat qilish huquqiga ega.
3-bob. Yakunlovchi qoidalar
16. Tadbirkorlik subyektlariga mazkur Nizomda belgilangan chegirmalar toʻgʻri qoʻllanilishini muvofiqlashtirish va nazorat qilish Komissiya tomonidan amalga oshiriladi.
17. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.
LexUZ sharhi
Qarang: Maʼmuriy javobgarlik toʻgʻrisidagi kodeksining XVI1 bobi.
18. Mazkur Nizom 2026-yil 1-fevralga qadar amal qiladi.
Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibi toʻgʻrisidagi nizomga
1-ILOVA
Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish
SXEMASI
Bosqichlar
Subyektlar
Tadbirlar
Muddatlar
1-bosqich
Zargarlik buyumlarini ishlab chiqaruvchi tadbirkorlik subyekti (keyingi oʻrinlarda — tadbirkorlik subyekti)
Tadbirkorlik subyektlarining roʻyxatiga kiritish toʻgʻrisida Iqtisodiyot va moliya vazirligiga (keyingi oʻrinlarda — Vakolat organ) ariza bilan murojaat qiladi.
Har oyning 5-sanasiga qadar
2-bosqich
Vakolatli organ
Tadbirkorlik subyektlarining arizasini Kambagʻallikni qisqartirish va bandlik vazirligi, Soliq qoʻmitasi, Davlat asillik darajasi nazorati inspeksiyasi hamda “Oʻzbekzargarsanoati” uyushmasi bilan birgalikda belgilangan talablarga muvofiqligini oʻrganib chiqadi xamda Tadbirkorlik subyektlariga taqdim etilgan imtiyozlarning toʻgʻri qoʻllanilishini muvofiqlashtirish boʻyicha Komissiyaga maʼqullash uchun kiritadi.
Har oyning 20-sanasiga qadar
3-bosqich
Komissiya
Tadbirkorlik subyektlarining roʻyxatini koʻrib chiqadi va maʼqullaydi.
Har oyning 25-sanasiga qadar
4-bosqich
Vakolatli organ
Komissiya tomonidan maʼqullangan roʻyxatni “Oʻzbekiston respublika tovar-xom ashyo birjasi” AJga kiritib boradi.
Har oyning 25-sanasiga qadar
5-bosqich
“Oʻzbekiston respublika tovar-xom ashyo birjasi” AJ
Komissiya tomonidan maʼqullangan roʻyxatga kiritilgan tadbirkorlik subyektlariga qonunchilikda nazarda tutilgan chegirmalarni qoʻllagan holda birja savdolarini amalga oshiradi.
Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibi toʻgʻrisidagi nizomga
2-ILOVA
Yuqori texnologiyali ishlab chiqarish jarayonini joriy etgan zargarlik buyumlarini ishlab chiqaruvchi tadbirkorlik subyektlarini baholash
MEZONLARI
T/r
Koʻrsatkichlar
Salmoq oʻlchovi
Minimal meʼyor
1.
Korxonaning ishlab chiqarish texnologiyalari bilan jihozlanganligi, shundan:
1.1.
Xomashyo tayyorlash boʻlimi (umumlashtirilgan tarzda hisoblanadi):
30
5 ball
1.1.1.
Uzluksiz uyish uskunasi
10
1.1.2.
Sim va plastina tortish dastgohlari
5
1.1.3.
Shakl berish, prokatlash uskunalari
5
1.1.4.
Sim va prokatni toblash pechi
10
1.2.
Avtomatlashtirilgan zanjir toʻqish texnologiyasi asosida zargarlik buyumlari ishlab chiqarish yoʻnalishida (umumlashtirilgan tarzda hisoblanadi):
20
5 ball
1.2.1.
Avtomatlashtirilgan zanjir toʻqish dastgohi
5
1.2.2.
Tunelsimon payvandlash pechi yoki lazer uskunasi
5
1.2.3.
Olmos yordamida jilo berish uskunasi
5
1.2.4.
Zanjirga shakl berish dastgohlari
5
1.3.
Ichi boʻsh zargarlik buyumlari ishlab chiqarish yoʻnalishida (umumlashtirilgan holda hisoblanadi):
10
5 ball
1.3.1.
Trubkalar va naychalarni tortish va bukish dastgohi
5
1.3.2.
Tortish dastgohlari
5
1.4.
Shtamplash texnologiyasi asosida zargarlik buyumlari ishlab chiqarish yoʻnalishida (umumlashtirilgan holda hisoblanadi):
6
6 ball
1.4.1.
Shtamplash uskunasi
6
1.5.
Quyma zargarlik buyumlari ishlab chiqarish yoʻnalishida (umumlashtirilgan holda hisoblanadi):
Sinov laboratoriyaning mavjudligi (asillik darajasini belgilash yuzasidan texnik jihatdan tartibga solish organlarida yoki xalqaro tashkilotlar tomonidan akkreditatsiyadan oʻtgan, attestatsiya qilingan boʻlishi)
10
10 ball
3.
Affinaj faoliyatini amalga oshirish huquqini beruvchi litsenziya mavjudligi
5
5 ball
4.
Ishlab chiqarilgan tayyor mahsulotda eksportning ulushi (kontrakt asosida eksport qilingan mahsulotning qiymati boʻyicha hisoblanadi)
10 ball
4.1.
0 dan 5 foizgacha
10
4.2.
6 dan 10 foizgacha
12
4.3.
11 dan 15 foizgacha
14
4.4.
16 dan 20 foizgacha
16
4.5.
21 dan 30 foizgacha
18
4.6.
31 foiz va undan yuqori
20
5.
Koʻrgazma zali (show room) mavjudligi
10
10 ball
Jami:
201
60 ball
Izoh. Yuqori texnologiyali ishlab chiqarish jarayonini joriy etgan zargarlik buyumlarini ishlab chiqaruvchi tadbirkorlik subyektlarini baholashda tegishli koʻrsatkichlar natijalari ular boʻyicha belgilangan minimal meʼyorlardan kam boʻlgan holatlarda boshqa koʻrsatkichlar natijalari hisobidan shakllangan ballar umumiy ballni hisoblashda inobatga olinadi.
Vazirlar Mahkamasining 2024-yil 4-martdagi 109-son qaroriga
2-ILOVA
Zargarlik sohasidagi tadbirkorlik subyektlariga taqdim etilgan imtiyozlarning toʻgʻri qoʻllanilishini muvofiqlashtirish komissiyasining
TARKIBI
1.
J.A. Xodjayev
—
Oʻzbekiston Respublikasi Bosh vazirining oʻrinbosari, Komissiya rahbari
2.
B.B. Xodjayev
—
iqtisodiyot va moliya vazirining oʻrinbosari
3.
Kelishuv asosida
—
Bosh prokuror oʻrinbosari
4.
M.M. Mirzayev
—
Soliq qoʻmitasi raisining birinchi oʻrinbosari
5.
A.R. Jumanazarov
—
Oʻzbekiston texnik jihatdan tartibga solish agentligi bosh direktori
6.
A.A. Kadirxodjayev
—
togʻ-kon sanoati va geologiya vazirining oʻrinbosari
7.
R.E. Turdiboyeva
—
kambagʻallikni qisqartirish va bandlik vazirining oʻrinbosari
8.
D.T. Axmedov
—
investitsiyalar, sanoat va savdo vazirining oʻrinbosari
9.
D.N. Samatov
—
“Oʻzbekzargarsanoati” uyushmasi raisi
10.
Sh.X. Ortiqov
—
Davlat asillik darajasi nazorati inspeksiyasi boshligi, Komissiya kotibi
Izohlar.
Komissiya aʼzolari boshqa ishga oʻtgan taqdirda uning tarkibiga ularning oʻrniga lavozimga tayinlangan yoki zimmasiga tegishli funksiyalar yuklatilgan shaxslar kiritiladi.
Komissiya tomonidan Komissiya ishiga boshqa davlat organlarining va xoʻjalik yurituvchi subyektlarning tegishli mutaxassislari jalb qilinishi mumkin.
(Qonunchilik maʼlumotlari milliy bazasi, 04.03.2024-y., 09/24/109/0181-son; 10.06.2026-y., 06/26/108/0579-son)
LexUZ sharhi