|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
DAVRIY MATBUOTNI TARqATUVChI KORXONALARNI QOʻLLAB-QUVVATLASh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Davriy matbuotni tarqatuvchi korxonalar ishi samaradorligini yanada oshirish, bosma nashrlarni respublika aholisiga oʻz vaqtida yetkazish, ularni yetkazib berishni jadallashtirish va tannarxini pasaytirish maqsadida Vazirlar Mahkamasi qaror qiladi:
1. Belgilansinki, “Matbuot tarqatuvchi” aksiyadorlik kompaniyasi va kompaniya tarkibiga kiruvchi korxonalar 2000-yil 1-maydan boshlab 2003-yil 31-dekabrgacha yalpi daromaddan besh foiz miqdorida soliq toʻlaydilar va yalpi daromaddan Respublika yoʻl jamgʻarmasiga 0,5 foiz miqdorida mablagʻ ajratadilar, boʻshab qolgan mablagʻlar matbuot tarqatish tarmoqlarini rivojlantirishga yoʻnaltiriladi.
Oldingi tahrirga qarang.
2. Oʻzbekiston Respublikasi Moliya vazirligi 2000-yil 1-maydan boshlab 2003-yil 31-dekabrgacha “Matbuot tarqatuvchi” aksiyadorlik kompaniyasiga davlat budjetidan davriy matbuotni aviatsiya, temir yoʻlda va maxsus avtotransportda tashish bilan bogʻliq xarajatlarning 50 foizini qoplash uchun maqsadli foydalaniladigan mablagʻlar ajratishni nazarda tutsin.
(2-band Oʻzbekiston Respublikasi Vazirlar Mahkamasining 2002-yil 7-avgustdagi 284-sonli qarori tahririda — OʻR QHT, 2002-y., 15-16-son, 121-modda)
3. Quyidagilar:
Oʻzbekiston Respublikasi Energetika va elektrlashtirish vazirligiga “Matbuot tarqatuvchi” aksiyadorlik kompaniyasi va kompaniya tarkibiga kiruvchi korxonalarga elektr energiyasini “Nosanoat isteʼmolchilar, budjet tashkilotlari” isteʼmolchilar beshinchi guruhi boʻyicha berish;
“Oʻzbekiston havo yoʻllari” milliy aviakompaniyasiga bosma nashrlar viloyat markazlari va Qoraqalpogʻiston Respublikasiga har kuni barvaqt yetkazib berilishini nazarda tutgan holda samolyotlar uchishi jadvalini qayta koʻrib chiqish tavsiya qilinsin.
4. Mazkur qarorning bajarilishni nazorat qilish Oʻzbekiston Respublikasi Bosh vazirning oʻrinbosari V.Y. Otayev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 13-aprel,
143-son
