1.13.00.00.00 Taʼlim. Fan. Madaniyat / 13.03.00.00 Madaniyat / 13.03.16.00 Tanlovlar. Koʻriklar. Festivallar]
[TSZ:
1.Ijtimoiy-madaniy masalalar / Taʼlim;
2.Iqtisodiyot / Axborot va axborotlashtirish. Elektron tijorat (hujjat aylanishi)]
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” (President Tech Award) tanlovini oʻtkazish tartibi toʻgʻrisida
Oʻzbekiston Respublikasi Prezidentining “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari toʻgʻrisida” 2022-yil 22-avgustdagi PQ-357-son qaroriga muvofiq, shuningdek, yoshlarning axborot-kommunikatsiya texnologiyalari sohasidagi eksportga yoʻnaltirilgan va jahon bozorida raqobatbardosh startap loyihalarini yanada qoʻllab-quvvatlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining 2022-yil 22-avgustdagi PQ-357-son qarori bilan Raqamli texnologiyalar vazirligi va Yoshlar ishlari agentligining 2023-yildan boshlab har yili yoshlarning axborot-kommunikatsiya texnologiyalari sohasidagi startap loyihalarini yanada qoʻllab-quvvatlash maqsadida Axborot-kommunikatsiya texnologiyalarini rivojlantirish jamgʻarmasi hisobidan umumiy mukofot jamgʻarmasi 1 million AQSH dollari boʻlgan Prezident sovrini uchun tanlov oʻtkazish toʻgʻrisidagi taklifiga rozilik berilganligi maʼlumot uchun qabul qilinsin.
2. Quyidagilarni nazarda tutuvchi Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” (President Tech Award) tanlovini (keyingi oʻrinlarda — tanlov) oʻtkazish tartibi toʻgʻrisidagi nizom 1-ilovaga muvofiq tasdiqlansin:
soha va tarmoqlar rivoji uchun xizmat qiladigan, yoshlar tomonidan ilgari surilgan ilgʻor biznes-gʻoyalar va istiqbolli startap loyihalarni saralash tizimini yaratish;
eksportga yoʻnaltirilgan va jahon IT-bozoriga moʻljallangan dasturiy mahsulotlar yaratilishini qoʻshimcha ragʻbatlantirish;
tanlov doirasida iqtidorli yosh dasturchilarning tajribasini va ularning jamoada ishlash koʻnikmasini oshirish;
yoshlarning axborot-kommunikatsiya texnologiyalari sohasiga boʻlgan qiziqishini yanada oshirish.
3. Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” (President Tech Award) tanlovini oʻtkazish boʻyicha tashkiliy qoʻmita tarkibi 2-ilovaga muvofiq tasdiqlansin.
Tashkiliy qoʻmitaning asosiy vazifalari etib quyidagilar belgilansin:
tanlovni oʻtkazish bilan bogʻliq tegishli qarorlar qabul qilish, tanlovni oʻtkazish muddatlari va masʼullarini belgilash;
b) tanlovni tashkil etish va oʻtkazish bilan bogʻliq barcha tadbirlar tasdiqlangan xarajatlar smetasi asosida Axborot-kommunikatsiya texnologiyalarini rivojlantirish jamgʻarmasi mablagʻlari hisobidan moliyalashtiriladi.
1.03.00.00.00 Fuqarolik qonunchiligi / 03.03.00.00 Yuridik shaxslar / 03.03.05.00 Xoʻjalik shirkatlari va jamiyatlari / 03.03.05.04 Masʼuliyati cheklangan jamiyat. Qoʻshimcha masʼuliyatli jamiyat]
Bunda xarajatlar smetasi har yili 1-mayga qadar “Dasturiy mahsulotlar va axborot texnologiyalari texnologik parki direksiyasi” MCHJ (keyingi oʻrinlarda — IT-park direksiyasi) tomonidan ishlab chiqiladi hamda Raqamli texnologiyalar vazirligi tomonidan tasdiqlanadi;
v) tanlov doirasida arizalarni qabul qilish, ishtirokchilarni roʻyxatdan oʻtkazish, tanlovni yoritish va tanlov oʻtkazilishi bilan bogʻliq boshqa tadbirlar maxsus portal orqali IT-park direksiyasi tomonidan amalga oshiriladi;
g) IT-park direksiyasi tashkiliy qoʻmitaning ishchi organi hisoblanadi va unga tanlov bosqichlari shaffof oʻtkazilishini taʼminlash maqsadida eng yaxshi takliflarni tanlab olish yoʻli bilan axborot-kommunikatsiya texnologiyalari sohasida xizmatlar koʻrsatuvchi tashkilotni aniqlash orqali shartnoma tuzish huquqi beriladi.
Bunda axborot-kommunikatsiya texnologiyalari sohasida xizmatlar koʻrsatuvchi tashkilot maxsus portaldan kelib tushgan nomzodlarning arizalarini koʻrib chiqish, tanlov ishtirokchilarini saralash va loyihalarni baholash vazifalarini bajaradi;
d) tanlov gʻoliblari quyidagi tartibda aniqlanadi:
asosiy yoʻnalishlar boʻyicha — jamoatchilik tomonidan maxsus portalda ovoz berish orqali;
maxsus yoʻnalish boʻyicha — axborot-kommunikatsiya texnologiyalari sohasida xizmatlar koʻrsatuvchi tashkilot tomonidan.
5. Shunday tartib oʻrnatilsinki, unga koʻra tanlov gʻoliblari IT-park direksiyasi tomonidan Axborot-kommunikatsiya texnologiyalarini rivojlantirish jamgʻarmasi hisobidan quyidagi miqdorlarda Markaziy bankning toʻlov amalga oshiriladigan kundagi rasmiy kursi boʻyicha milliy valyuta ekvivalentida bir martalik pul mukofotlari bilan taqdirlanadi:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.02.00 Vazirliklar]
6. Raqamli texnologiyalar vazirligi:
Axborot-kommunikatsiya texnologiyalarini rivojlantirish jamgʻarmasi mablagʻlari hisobidan 2023-yil 1-mayga qadar tanlov ishtirokchilarini roʻyxatga olish va yangiliklarni yoritib borishga ixtisoslashtirilgan maxsus portal ishga tushirilishini taʼminlasin;
2023-yilda oʻtkazilishi belgilangan tanlov natijasiga koʻra 2023-yil 1-dekabrga qadar ushbu qaror bilan tasdiqlangan Nizomni takomillashtirish boʻyicha takliflarni Vazirlar Mahkamasiga kiritsin.
7. 2023-yil 1-martdan boshlab IT-park direksiyasiga uning rezidentlari tomonidan har oy oʻtkaziladigan ajratmalar miqdori, ular tomonidan yaratilgan dastur, milliy ijtimoiy tarmoq va messenjerlar auditoriyasining qamrovi 500 ming foydalanuvchidan oshganda 25 foizga, 1 million foydalanuvchidan oshganda 50 foizga pasaytirilishi belgilansin.
8. Mazkur qarorning bajarilishini nazorat qilish Oʻzbekiston Respublikasi raqamli texnologiyalar vaziri Sh.X. Shermatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 15-fevral,
66-son
Vazirlar Mahkamasining 2023-yil 15-fevraldagi 66-son qaroriga 1-ILOVA
Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” (President Tech Award) tanlovini oʻtkazish tartibi toʻgʻrisida
NIZOM
1-bob. Umumiy qoidalar
1. Mazkur Nizom Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” (President Tech Award) tanlovini (keyingi oʻrinlarda — tanlov) oʻtkazish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
ariza beruvchi — tanlovning asosiy yoki maxsus yoʻnalishlarida ishtirok etish istagini bildirgan, maxsus portal orqali elektron shaklda ariza topshiruvchi jamoaning masʼul vakili;
axborot-kommunikatsiya texnologiyalari sohasida xizmatlar koʻrsatuvchi tashkilot (keyingi oʻrinlarda — masʼul tashkilot) — portaldan kelib tushgan arizalarni qoʻrib chiqish, tanlovning asosiy yoʻnalishlari boʻyicha ishtirokchi jamoalarni saralash va loyihalarni baholash, tanlovning maxsus yoʻnalishi gʻolibini aniqlash vazifasini bajaruvchi tashkilot;
jamoa — tanlovda ishtirok etish maqsadida maxsus portalda roʻyxatdan oʻtgan guruh;
jamoaning masʼul vakili — jamoa nomidan yagona qaror qabul qiluvchi hamda jamoaning fikrlari va gʻoyalarini ifodalovchi shaxs;
ishchi organ — “Dasturiy mahsulotlar va axborot texnologiyalari texnologik parki direksiyasi” MCHJ;
loyiha — ishtirokchi jamoalar tomonidan mazkur Nizom talablariga muvofiq ishlab chiqilgan dasturiy mahsulot;
maxsus portal (keyingi oʻrinlarda — portal) — tanlov ishtirokchilarini roʻyxatdan oʻtkazish, tanlov talablari va muddatlari haqida hamda tanlov bilan bogʻliq boshqa maʼlumotlar joylashtiriladigan “www.awards.gov.uz” veb-sayti;
muhim samaradorlik koʻrsatkichlari — tanlov gʻoliblari boʻlgan jamoalarga loyihaning rivojlanishini belgilaydigan va uni baholashga qaratilgan koʻrsatkichlar;
mentor — ishtirokchi jamoalarning loyihalarini ishlab chiqish, takomillashtirish boʻyicha maslahat (konsultatsiya) berish orqali rivojlantirishga yordam beruvchi mutaxassis;
tashkiliy qoʻmita — tanlovni oʻtkazish boʻyicha tashkiliy qoʻmita.
3. Tanlovga tashkiliy qoʻmita umumiy rahbarlik qiladi.
4. Tanlovni oʻtkazishning asosiy vazifalari quyidagilar hisoblanadi:
soha va tarmoqlar rivoji uchun xizmat qiladigan, yoshlar tomonidan ilgari surilgan ilgʻor biznes-gʻoyalar va istiqbolli startap loyihalarni saralash tizimini yaratish;
eksportga yoʻnaltirilgan va jahon IT-bozoriga moʻljallangan dasturiy mahsulotlar yaratilishini qoʻshimcha ragʻbatlantirish;
tanlov doirasida iqtidorli yosh dasturchilarning tajribasini va ularning jamoada ishlash koʻnikmasini oshirish;
yoshlarning axborot-kommunikatsiya texnologiyalari sohasiga boʻlgan qiziqishini yanada oshirish.
5. Masʼul tashkilot ishchi organ tomonidan quyidagi mezonlar asosida aniqlanadi:
startaplarni qoʻllab-quvvatlashga qaratilgan tanlovni oʻtkazish, startaplarni rivojlantirish hamda akseleratsiya dasturlarini ishlab chiqish yoʻnalishida 3 yildan ortiq amaliy tajribaga ega boʻlishi;
rivojlangan chet el davlatlarida yuridik shaxs tashkil etgan va kamida 5 ta startapni qoʻllab-quvvatlashga qaratilgan dasturlarni muvaffaqiyatli amalga oshirgan boʻlishi;
nufuzli venchur jamgʻarmalar va investorlar bilan doimiy hamkorlikni yoʻlga qoʻygan boʻlishi;
texnologik tadbirkorlik, venchur moliyalashtirish va IT-konsalting yoʻnalishlarida kamida 2 yil ish stajiga ega boʻlgan xalqaro ekspertlar va mentorlar mavjudligi.
Bunda tashkiliy qoʻmitaga ushbu mezonlarga oʻzgartirish va qoʻshimchalar kiritish huquqi beriladi.
2-bob. Tanlov yoʻnalishlari
6. Tanlov 2023-yildan boshlab har yili bir marotaba quyidagi 5 ta asosiy va 1 ta maxsus yoʻnalish boʻyicha oʻtkaziladi:
a) asosiy yoʻnalishlar:
sunʼiy intellekt texnologiyalari — sunʼiy intellekt texnologiyalariga asoslangan turli xil sohalar uchun yechimlar;
ijtimoiy yoʻnalishda raqamli texnologiyalar — taʼlim, sogʻliqni saqlash, turizm, transport va logistika sohalarida operatsion jarayonlarni raqamlashtirish, davlat xizmatlarini elektron tarzga oʻtkazish yoki ijtimoiy sohalarda mavjud muammolarni hal etishga qaratilgan loyihalar;
axborot va kiberxavfsizlik texnologiyalari — turli xil sohalarda dasturiy mahsulotlar va apparat-dasturiy komplekslarning xavfsizligini taʼminlash, kiberjinoyatlarning oldini olishga qaratilgan loyihalar;
tadbirkorlik va moliyaviy texnologiyalar — tadbirkorlik subyektlari va xoʻjalik birlashmalari uchun elektron tijorat, korporativ yechimlar va moliya texnologiyalarini yaratishga qaratilgan loyihalar;
kompyuter va mobil oʻyin dasturlari — kompyuter va mobil qurilmalar uchun offlayn yoki onlayn oʻyinlar ishlab chiqish hamda jarayonlarni geymifikatsiya etishga qaratilgan loyihalar;
b) maxsus yoʻnalish — ishchi organ tomonidan ishlab chiqiladigan va tashkiliy qoʻmita tomonidan tasdiqlanadigan shartlar asosida 72 soat ichida alohida dasturiy mahsulotning prototipini ishlab chiqish. Bunda ishchi organ masʼul tashkilotning takliflari asosida tanlovning maxsus yoʻnalishi boʻyicha ishtirokchi jamoalarning oldiga qoʻyiladigan shartlarni ishlab chiqadi va tashkiliy qoʻmitaga tasdiqlash uchun kiritadi.
7. Axborot-kommunikatsiya texnologiyalari rivojlanishi tendensiyasiga muvofiq 2024-yildan boshlab tanlov yoʻnalishlariga belgilangan yoʻnalishlar soni doirasida Vazirlar Mahkamasi bilan kelishilgan holda tashkiliy qoʻmita tomonidan oʻzgartirishlar kiritilishi mumkin.
3-bob. Tanlov bosqichlari va ularni oʻtkazish tartibi
8. Tanlov mazkur Nizomga 1-ilovada keltirilgan sxemaga muvofiq olti bosqichda tashkil etiladi.
9. Birinchi bosqichda tashkiliy qoʻmita tomonidan har yili 1-mayga qadar tanlov eʼlon qilinadi va arizalar qabuli boshlanadi.
10. Ikkinchi bosqichda har yili 1-iyulga qadar ariza beruvchilar tomonidan ushbu Nizomga 2-ilovaga muvofiq ariza va unga ilova qilingan materiallar portal orqali topshiriladi.
11. Tanlovning asosiy yoʻnalishlarida faqat Oʻzbekiston Respublikasi fuqarolari, tanlovning maxsus yoʻnalishida esa qoʻshimcha ravishda Dasturiy mahsulotlar va axborot texnologiyalari texnologik parki rezidenti boʻlgan tashkilotlarda faoliyat yuritayotgan chet el fuqarolari va fuqaroligi boʻlmagan shaxslar ishtirok etishlari mumkin.
Tanlovda ishtirok etish uchun jamoalarning Oʻzbekiston Respublikasining fuqaroligiga ega barcha aʼzolari portalda “Elektron hukumat” tizimi foydalanuvchilarini identifikatsiyalashning yagona axborot tizimi (OneID) orqali roʻyxatdan oʻtadilar.
Chet el fuqarolari va fuqaroligi boʻlmagan shaxslar — maxsus yoʻnalish ishtirokchisi boʻlgan jamoalar portalda mavjud shakl orqali roʻyxatdan oʻtadi.
12. Ishtirokchi jamoalar Nizomga 2-ilovaga muvofiq barcha maʼlumot va materiallarni oʻzbek, rus va ingliz tillarida taqdim etadilar.
13. Portalda roʻyxatdan oʻtish jarayonida jamoa aʼzolari tanlov ofertasini akseptlash yoʻli bilan tanlov shartlariga rozilik bildiradi va har bir jamoaga maxsus identifikatsiya raqami biriktiriladi.
[OKOZ:
1.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.06.00 Shaxsga doir maʼlumotlar va ularning himoyasi]
Portalda nazarda tutilgan tanlov ofertasining jamoa aʼzolari tomonidan qabul qilinishi ishtirokchi jamoa aʼzolarining shaxsga doir maʼlumotlariga ishlov berilishiga yozma rozilik berganligini ifodalaydi.
14. Uchinchi bosqichda ishchi organ har yili 1-iyuldan 20-iyulga qadar portal orqali kelib tushgan ariza va unga ilova qilingan materiallarning toʻliqligini koʻrib chiqadi hamda mazkur Nizom talablariga mosligini tekshiradi.
Bunda har yili 25-iyulga qadar ariza beruvchilarning keyingi bosqichga oʻtganligi (oʻtmaganligi) haqida elektron pochta manziliga xabar (portaldagi shaxsiy kabinetiga xabarnoma) yuboriladi hamda keyingi bosqichga oʻtgan jamoalarga “ishtirokchi” maqomi beriladi.
15. Har yili 5-avgustga qadar ishtirokchi jamoalar uchun umumiy uchrashuv va mentor maslahatlarini olish maqsadida tadbir tashkil etiladi.
Ishtirokchi jamoalar har yili 5-avgustdan 5-sentabrga qadar oʻzlari ishlab chiqqan loyihalarni takomillashtirishlari va portalga qaytadan joylashtirishlari mumkin. Kechikib taqdim etilgan loyihalar koʻrib chiqilmaydi.
16. Toʻrtinchi bosqichda masʼul tashkilot har yili 5-sentabrdan 25-sentabrga qadar ishtirokchi jamoalarning loyihalarini tashkiliy qoʻmita tomonidan tasdiqlangan mezonlar va mazkur Nizom talablari asosida onlayn tarzda jamoa ishtirokisiz baholaydi va saralaydi.
Har bir asosiy yoʻnalish boʻyicha eng yuqori natijaga ega boʻlgan 10 tadan (jami 50 ta) ishtirokchi jamoa tanlab olinadi va ular tanlovning keyingi (beshinchi) bosqichiga oʻtadi.
Ushbu bosqich natijalari loyihalar baholanganidan soʻng bir hafta muddatda portalda eʼlon qilinadi va ular boʻyicha jamoaning masʼul vakili elektron pochta manziliga keyingi bosqichga oʻtganlik (oʻtmaganlik) toʻgʻrisida xabar (portaldagi shaxsiy kabinetiga xabarnoma) yuboriladi.
Natijalar eʼlon qilingandan soʻng har yili 5-oktabrga qadar navbatdagi bosqichga oʻtgan ishtirokchi jamoalarga ishchi organ tomonidan tegishli yoʻnalishlar boʻyicha mentorlar taklif etiladi va oʻz loyihalarini takomillashtirish uchun 30 kun muddat beriladi.
Ishtirokchi jamoalar takomillashtirilgan loyihalar va ular toʻgʻrisidagi maʼlumotlarni portalga qaytadan joylashtirishlari mumkin. Kechikib taqdim etilgan loyihalar koʻrib chiqilmaydi.
17. Beshinchi bosqichda loyihalar taqdimoti har yili 10-noyabrga qadar tashkiliy qoʻmita tomonidan belgilangan sana va joyda anʼanaviy (offlayn) tarzda oʻtkaziladi. Bunda ushbu bosqichga oʻtgan ishtirokchi jamoalar oʻzlarining loyihalari boʻyicha masʼul tashkilotda taqdimot oʻtkazadilar va himoya qiladilar. Loyiha taqdimoti bir yoki bir necha kun boʻlishi mumkin.
Tanlovning maxsus yoʻnalishi boʻyicha loyihalar taqdimoti oʻtkaziladi. Bunda maxsus yoʻnalish boʻyicha ishtirokchi jamoalar 72 soat ichida alohida shartlar asosida dasturiy mahsulotning prototipini ishlab chiqadilar hamda oʻz loyihalarini masʼul tashkilotda taqdimot oʻtkazadilar va himoya qiladilar.
Masʼul tashkilot ushbu bosqichga oʻtgan ishtirokchi jamoalarning loyihalarini taqdimotlar natijasi boʻyicha baholaydi va har bir yoʻnalish boʻyicha 5 tadan oltinchi (yakuniy) bosqichga oʻtadigan ishtirokchi jamoalarni aniqlaydi.
Loyihalar taqdimoti uchun har bir ishtirokchi jamoaga 15 daqiqa, xususan, kirish soʻzi va taqdimot, loyihaning imkoniyatlarini amaliyotda namoyish etish hamda loyiha boʻyicha savol-javoblar uchun 5 daqiqadan vaqt ajratiladi. Taqdimot uchun qoʻshimcha vaqt berilmaydi.
Ushbu bosqichda ishtirokchi jamoalarning loyihalari masʼul tashkilot tomonidan koʻrib chiqiladi va tasdiqlangan baholash mezonlari asosida baholanadi.
Bunda masʼul tashkilot tomonidan har bir asosiy yoʻnalish boʻyicha tanlovning keyingi (yakuniy) bosqichiga oʻtadigan 5 tadan (jami 25 ta) ishtirokchi jamoa tanlab olinadi.
18. Oltinchi bosqichda har yili 20-noyabrdan 5-dekabrga qadar masʼul tashkilot tomonidan tanlovning asosiy yoʻnalishlari boʻyicha aniqlangan 25 ta ishtirokchi jamoaga jamoatchilik tomonidan quyidagi mezonlar asosida 5 ballik tizim boʻyicha ovoz beriladi:
loyihaning tashqi koʻrinishi (interfeys va dizayni);
loyihaning funksionali;
loyihaning qulayligi;
loyihaning tayyorligi (toʻliqligi);
loyihaning dolzarbligi.
Jamoatchilik tomonidan ovoz berish portalda “Elektron hukumat” tizimi foydalanuvchilarini identifikatsiyalash yagona axborot tizimidan (OneID) roʻyxatdan oʻtish orqali amalga oshiriladi.
Bunda jamoatchilik tomonidan ovoz berish natijasiga muvofiq har bir yoʻnalish boʻyicha eng koʻp ovozga ega boʻlgan, 1, 2 va 3 oʻrinlarni egallagan (jami 15 ta) ishtirokchi jamoalar tanlovning asosiy yoʻnalishi boʻyicha gʻoliblar hisoblanadi.
Tanlovning asosiy va maxsus yoʻnalishi boʻyicha natijalar rasman taqdirlash marosimida eʼlon qilinadi va ushbu natijalar eʼlon qilinganidan soʻng ikki kun ichida portalda ham joylashtiriladi.
Tanlov gʻoliblarini taqdirlash marosimi har yili 25-dekabrga qadar tashkiliy qoʻmita tomonidan tantanali ravishda tashkil qilinadi.
19. Tanlovning asosiy yoʻnalishlari boʻyicha gʻoliblarga pul mukofotlari yil davomida uch transhda oʻtkazib beriladi.
Bunda ular pul mukofotining ikkinchi-uchinchi transhlarini olish uchun oʻz loyihalarini tashkiliy qoʻmita tomonidan tasdiqlangan muhim samaradorlik koʻrsatkichlari asosida takomillashtirib borishlari zarur.
20. Tanlov bosqichlari oʻtkaziladigan muddatlar va sanalarga tashkiliy qoʻmita tomonidan oʻzgartirish kiritilishi mumkin. Bunda tanlov boshlanishidan bir hafta oldin portalda oʻzgartirishlar haqida eʼlon joylashtiriladi.
4-bob. Tanlovda ishtirok etish uchun qoʻyiladigan talablar
21. Tanlovning asosiy yoʻnalishlarida tanlovda ishtirok etish uchun ariza berish kunida oʻttiz yoshga toʻlmagan Oʻzbekiston Respublikasi fuqarolari boʻlgan shaxslar bir jamoa tarkibida ishtirok etishi mumkin.
Maxsus yoʻnalishda Dasturiy mahsulotlar va axborot texnologiyalari texnologik parki rezidenti boʻlgan tashkilotlarda faoliyat yuritayotgan chet el fuqarolari va fuqaroligi boʻlmagan shaxslar ham ishtirok etishi mumkin.
22. Tanlovda ishtirok etish uchun jamoalar tarkibi asosiy yoʻnalishlar boʻyicha 3 — 8 kishi va maxsus yoʻnalish boʻyicha 3 — 5 kishidan iborat boʻlishi kerak.
5-bob. Ishtirokchi jamoalarning loyihalarini baholash hamda tanlov gʻoliblarini aniqlash
27. Masʼul tashkilot tanlovning ikkinchi-beshinchi bosqichlarida umumiy hakamlik qiladi va ishtirokchi jamoalarning loyihalarini tasdiqlangan baholash mezonlariga asosan baholaydi va saralaydi, shuningdek, maxsus yoʻnalish gʻolibini aniqlaydi.
28. Ishchi organ masʼul tashkilot takliflari asosida ishtirokchi jamoalarning loyihalarini saralash va baholash mezonlarini ishlab chiqib, tashkiliy qoʻmitaga tasdiqlash uchun kiritadi.
Bunda ishtirokchi jamoalarning loyihalarini saralash va baholash mezonlari:
tashkiliy qoʻmita tomonidan har yili tanlov eʼlon qilinadigan kunga qadar yangidan tasdiqlanadi;
tanlovning ikkinchi — beshinchi bosqichlari va maxsus yoʻnalish uchun alohida tuziladi.
29. Tanlovning asosiy yoʻnalishi boʻyicha gʻoliblar oltinchi (yakuniy) bosqichda 25 ta jamoaga jamoatchilik tomonidan portalda ovoz berish orqali aniqlanadi.
Maxsus yoʻnalish gʻolibi tanlovning beshinchi bosqichida masʼul tashkilot tomonidan aniqlanadi.
31. Chetlashtirish natijasida tarkibida uch kishidan kamayib ketgan ishtirokchi jamoalarning masʼul vakili bir kun muddatda tashkiliy qoʻmitaga oʻz jamoasi qayta shakllantirilganligi haqida ushbu Nizomga 2-ilovaga muvofiq maʼlumotlarni kiritishi lozim. Aks holda, ushbu ishtirokchi jamoa tanlovdan chetlashtiriladi.
32. Tashkiliy qoʻmitaning ishtirokchi jamoalar aʼzolarini tanlovdan chetlashtirish toʻgʻrisidagi qarori qabul qilinadi va qaror qabul qilingandan keyin ishtirokchi jamoaning masʼul vakilining elektron pochta manziliga xabar (portaldagi shaxsiy kabinetiga xabarnoma) yuboriladi.
34. Tanlov gʻoliblariga pul mukofotlari Oʻzbekiston Respublikasi Markaziy bankining toʻlovlar amalga oshiriladigan kundagi rasmiy kursi boʻyicha milliy valyutada:
a) asosiy yoʻnalish boʻyicha — ishtirokchi jamoalar aʼzolarining bank kartalariga teng miqdorda Tashkiliy qoʻmitaning xulosasi asosida bir yil davomida uch transhda;
b) maxsus yoʻnalish boʻyicha — ishtirokchi jamoa aʼzolarining bank kartalariga teng miqdorda 15 (oʻn besh) ish kuni davomida toʻliq oʻtkazib beriladi.
35. Tanlovning asosiy yoʻnalishlari boʻyicha gʻoliblarga:
tanlov gʻoliblari eʼlon qilingan kundan boshlab 15 (oʻn besh) ish kuni ichida pul mukofotining birinchi transhi (50 foiz miqdorida) toʻlanadi;
pul mukofotining keyingi ikki transhi (25 foizdan) yil davomida muhim samaradorlik koʻrsatkichlarining bajarilishi asosida tashkiliy qoʻmitaning qaroriga muvofiq oʻtkazib beriladi.
36. Tanlovning asosiy yoʻnalishlari boʻyicha gʻoliblar pul mukofotining ikkinchi-uchinchi transhlarini olish uchun tashkiliy qoʻmita tomonidan tasdiqlangan muhim samaradorlik koʻrsatkichlarini bajarishi lozim.
Bunda ishchi organ har yili 15-noyabrga qadar masʼul tashkilot takliflari asosida ishlab chiqilgan muhim samaradorlik koʻrsatkichlarini tashkiliy qoʻmitaga kiritadi.
37. Mazkur Nizom shartlarini bajarmagan yoki buzgan, shuningdek, muhim samaradorlik koʻrsatkichlarini bajarmagan tanlovning asosiy yoʻnalishlari gʻoliblariga pul mukofotining ikkinchi-uchinchi transhlari toʻlanmaydi.
38. Muhim samaradorlik koʻrsatkichlarini bir yil davomida toʻliq bajarmagan jamoalarga toʻlanmagan pul mukofoti Axborot-kommunikatsiya texnologiyalarini rivojlantirish jamgʻarmasiga qaytarib beriladi.
39. Tanlovning shaffofligi va ochiqligini taʼminlash maqsadida taqdimot tashkilotchilar tomonidan ijtimoiy tarmoqlarda hamda maxsus dasturiy taʼminotlardan foydalangan holda jonli onlayn efirga uzatilishi mumkin.
Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” tanlovini oʻtkazish tartibi toʻgʻrisidagi nizomga 1-ILOVA
Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” tanlovini tashkil etish
SXEMASI
Bosqichlar
Subyektlar
Chora-tadbirlar
Bajarish muddatlari
1-bosqich
Tashkiliy qoʻmita
Tanlovni eʼlon qiladi va arizalar qabuli boshlanadi.
Har yili 1-mayga qadar
2-bosqich
Ariza beruvchilar
Nizomga 2-ilovada keltirilgan shaklga muvofiq ariza va unga ilova qilingan materiallar portal orqali topshiriladi.
Tanlovda ishtirok etish uchun jamoalarning Oʻzbekiston Respublikasining fuqaroligiga ega barcha aʼzolari portalda “Elektron hukumat” tizimi foydalanuvchilarini identifikatsiyalashning yagona axborot tizimi (OneID) orqali roʻyxatdan oʻtadilar.
Chet el fuqarolari va fuqaroligi boʻlmagan shaxslar — maxsus yoʻnalish ishtirokchisi boʻlgan jamoalar portalda mavjud shakl orqali roʻyxatdan oʻtadi.
Har yili 1-iyulga qadar
3-bosqich
“Dasturiy mahsulotlar va axborot texnologiyalari texnologik parki direksiyasi” MCHJ (Ishchi organ)
1. Portal orqali kelib tushgan ariza va unga ilova qilingan materiallarning toʻliqligini koʻrib chiqadi hamda Nizom talablariga mosligini tekshiradi.
Bunda ariza beruvchilarning keyingi bosqichga oʻtganligi (oʻtmaganligi) haqida elektron pochta manziliga xabar (portaldagi shaxsiy kabinetiga xabarnoma) yuboriladi hamda keyingi bosqichga oʻtgan jamoalarga “ishtirokchi” maqomi beriladi.
Har yili 1-iyuldan 20-iyulga qadar Har yili 25-iyulga qadar
Ishchi organ
2. Ishtirokchi jamoalar uchun umumiy uchrashuv va mentor maslahatlarini olish maqsadida tadbir tashkil etiladi.
Har yili 5-avgustga qadar
Ishtirokchi jamoalar
3. Ishtirokchi jamoalar oʻzlari ishlab chiqqan loyihalarni takomillashtirishlari va portalga qaytadan joylashtirishlari mumkin. Kechikib taqdim etilgan loyihalar koʻrib chiqilmaydi.
Har yili 5-avgustdan 5-sentabrga qadar
4-bosqich
Axborot texnologiyalari sohasida xizmatlar koʻrsatuvchi masʼul tashkilot
(masʼul tashkilot)
1. Ishtirokchi jamoalarning loyihalarini tashkiliy qoʻmita tomonidan tasdiqlangan mezonlar va Nizom talablari asosida onlayn tarzda jamoa ishtirokisiz baholaydi va saralaydi.
Har bir asosiy yoʻnalish boʻyicha eng yuqori natijaga ega boʻlgan 10 tadan (jami 50 ta) ishtirokchi jamoa tanlab olinadi va ular tanlovning keyingi (beshinchi) bosqichiga oʻtadi.
Har yili 5-sentabrdan 25-sentabrga qadar
Ishchi organ
2. Ushbu bosqich natijalari portalda eʼlon qilinadi va ular boʻyicha jamoaning masʼul vakili elektron pochta manziliga keyingi bosqichga oʻtganlik (oʻtmaganlik) toʻgʻrisida xabar (portaldagi shaxsiy kabinetiga xabarnoma) yuboriladi.
Loyihalar baholanganidan soʻng bir hafta muddatda
Ishtirokchi jamoalar
3. Navbatdagi bosqichga oʻtgan ishtirokchi jamoalarga ishchi organ tomonidan tegishli yoʻnalishlar boʻyicha mentorlar taklif etiladi va oʻz loyihalarini takomillashtirish uchun 30 kun muddat beriladi.
Har yili 5-oktabrdan 5-noyabrga qadar
5-bosqich
Ishtirokchi jamoalar, masʼul tashkilot
1. Ushbu bosqichga oʻtgan ishtirokchi jamoalar oʻzlarining loyihalari boʻyicha masʼul tashkilotda taqdimot oʻtkazadilar va himoya qiladilar.
2. Tanlovning maxsus yoʻnalishi boʻyicha loyihalar taqdimoti oʻtkaziladi. Bunda maxsus yoʻnalish boʻyicha ishtirokchi jamoalar 72 soat ichida alohida shartlar asosida dasturiy mahsulotning prototipini ishlab chiqadilar hamda oʻz loyihalarini masʼul tashkilotda taqdimot oʻtkazadilar va himoya qiladilar.
3. Ushbu bosqichga oʻtgan ishtirokchi jamoalarning loyiha taqdimotlari natijasi boʻyicha baholaydi va har bir yoʻnalishlar boʻyicha 5 tadan oltinchi (yakuniy) bosqichga oʻtadigan ishtirokchi jamoalarni aniqlaydi.
Bunda har bir asosiy yoʻnalish boʻyicha tanlovning keyingi (yakuniy) bosqichiga oʻtadigan 5 tadan (jami 25 ta) ishtirokchi jamoa tanlab olinadi.
Har yili 10-noyabrga qadar tashkiliy qoʻmita tomonidan belgilangan sanada
6-bosqich
Jamoatchilik
1. Masʼul tashkilot tomonidan tanlovning asosiy yoʻnalishlari boʻyicha aniqlangan 25 ta ishtirokchi jamoaga belgilangan mezonlar asosida 5 ballik tizim boʻyicha ovoz beriladi.
Jamoatchilik tomonidan ovoz berish natijasiga muvofiq har bir yoʻnalish boʻyicha eng koʻp ovozga ega boʻlgan, 1, 2 va 3 oʻrinlarni egallagan (jami 15 ta) ishtirokchi jamoalar tanlovning asosiy yoʻnalishi boʻyicha gʻoliblar hisoblanadi.
Har yili 20-noyabrdan 5-dekabrga qadar
Tashkiliy qoʻmita
2. Tanlovning asosiy va maxsus yoʻnalishi boʻyicha natijalar rasman taqdirlash marosimida eʼlon qilinadi va ushbu natijalar eʼlon qilinganidan soʻng ikki kun ichida portalda ham joylashtiriladi.
Tanlov gʻoliblarini taqdirlash marosimi tashkiliy qoʻmita tomonidan tantanali ravishda tashkil qilinadi.
Har yili 25-dekabrga qadar
Ishchi organ
3. Tanlov gʻoliblariga pul mukofotlari oʻtkazib beriladi:
a) asosiy yoʻnalishlar boʻyicha — birinchi transh (50 foiz miqdorida);
b) maxsus yoʻnalish boʻyicha — 100 foiz miqdorida.
Tanlov gʻoliblari eʼlon qilingan kundan boshlab 15 ish kuni mobaynida
Tanlovning asosiy yoʻnalishlari boʻyicha gʻoliblar
4. Ikkinchi-uchinchi transhlarni (25 foizdan) olish uchun muhim samaradorlik koʻrsatkichlari asosida oʻz loyihalarini takomillashtiradi.
Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” tanlovini oʻtkazish tartibi toʻgʻrisidagi nizomga 2-ILOVA
Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” tanlovida qatnashish uchun topshiriladigan ariza
SHAKLI
Ariza beruvchi haqida maʼlumot
1. Jamoa aʼzolarining F.I.O.
2. Jamoa aʼzolarining jismoniy shaxsning shaxsiy identifikatsiya raqami (JSHSHIR)
3. Barcha jamoa aʼzolarining telefon raqami va elektron pochtasi
4. Barcha jamoa aʼzolarining vazifalari:
• Frontend dasturchi
• Backend dasturchi
• Data muhandis
• AI muhandis
• Mobil dasturchi
• Devops dasturchi
• Product menejer
• Web dasturchi
• Sinovchi
• Dizayner
• Boshqa
5. Jamoa ishtirok etayotgan hudud/viloyat
6. Jamoa aʼzolarining ish/oʻqish joyi
Loyiha toʻgʻrisida maʼlumot
7. Tanlov yoʻnalishi:
• Sunʼiy intellekt texnologiyalari
• Ijtimoiy yoʻnalishda raqamli texnologiyalar
• Axborot va kiberxavfsizlik texnologiyalari
• Tadbirkorlik va moliyaviy texnologiyalar
• Kompyuter va mobil oʻyin dasturlari
8. Loyiha nomi
9. Loyihaning tavsifi
10. Loyihani tavsiflovchi videolavhaga havola (3 daqiqagacha boʻlgan)
11. Loyihaning taqdimoti (PDF shaklida) — yuklash yoki unga havola
12. Loyihaning GitNub platformasidagi havola
13. Loyihaning prototipi (MVP)ra havola
14. Loyihaning yuqori sifatdagi logotipi (yuklash)
Vazirlar Mahkamasining 2023-yil 15-fevraldagi 66-son qaroriga 2-ILOVA
Oʻzbekiston Respublikasi Prezidentining sovrini uchun “Raqamli texnologiyalar yoʻnalishida eng yaxshi startap” (President Tech Award) tanlovini oʻtkazish boʻyicha tashkiliy qoʻmita tarkibi
1.
Sh.X. Shermatov
—
raqamli texnologiyalar vaziri, tashkiliy qoʻmita raisi
2.
O.A. Pekos
—
raqamli texnologiyalar vazirining birinchi oʻrinbosari, tashkiliy qoʻmita raisi oʻrinbosari
3.
A.Z. Saʼdullayev
—
yoshlar siyosati va sport vazirining birinchi oʻrinbosari — Yoshlar ishlari agentligi direktori, tashkiliy qoʻmita raisi oʻrinbosari
4.
Lavozimi boʻyicha
—
Oʻzbekiston Respublikasi Prezidenti Administratsiyasi masʼul xodimi (kelishuvga asosan)
5.
D.A. Vahobov
—
Oʻzbekiston savdo-sanoat palatasi raisi
6.
K.X. Karimov
—
oliy taʼlim, fan va innovatsiyalar vazirining birinchi oʻrinbosari
7.
Lavozimi boʻyicha
—
sogʻliqni saqlash vazirining birinchi oʻrinbosari
8.
O.N. Mirzayev
—
“Kiberxavfsizlik markazi” DUK direktori
9.
K.N. Irisbekova
—
AT “Aloqabank” boshqaruvi raisi
10.
F.Z. Ibragimov
—
“Dasturiy mahsulotlar va axborot texnologiyalari texnologik parki direksiyasi” MCHJ direktori, tashkiliy qoʻmita kotibi
Izohlar.
Tashkiliy qoʻmita aʼzolari boshqa ishga oʻtgan taqdirda, uning tarkibga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.
Zaruratga koʻra, Tashkiliy qoʻmita tarkibiga xorijiy ekspertlar hamda boshqa vazirlik va idoralar mutaxassislari jalb etilishi mumkin.
LexUZ sharhi