Oʻzbekiston Respublikasining “Standartlashtirish toʻgʻrisida”gi Qonuniga asosan Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Madaniyat vazirligi qaror qiladi:

1. Oʻzbekiston aloqa va axborotlashtirish agentligi hamda Oʻzbekiston Respublikasi Madaniyat va sport ishlari vazirligining 2010-yil 13-yanvardagi 10-8/125 va 1-QQ-son qarori (roʻyxat raqami 2077, 2010-yil 4-fevral) (Oʻzbekiston Respublikasi qonun hujjatlari toʻplami, 2010-yil, 5-son, 49-modda) bilan tasdiqlangan Pochta toʻlovining davlat belgilari davlat kolleksiyasi toʻgʻrisida nizomning 13-bandidagi “davlat standartining” degan soʻzlar “milliy standartining” degan soʻzlar bilan almashtirilsin.

2. Mazkur qaror 2023-yil 5-noyabrdan eʼtiboran kuchga kiradi.