596-сон 14.10.2022. Kasanachilikni tashkil etgan tadbirkorlik subyektlarini yanada qoʻllab-quvvatlash chora-tadbirlari toʻgʻrisida

Hujjat 15.10.2022 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

qarori

Kasanachilikni tashkil etgan tadbirkorlik subyektlarini yanada qoʻllab-quvvatlash chora-tadbirlari toʻgʻrisida

Oʻzbekiston Respublikasi Prezidentining “Kasanachilikni rivojlantirish asosida aholi bandligini taʼminlashga doir qoʻshimcha chora-tadbirlar toʻgʻrisida” 2022-yil 21-apreldagi PQ-214-son qarori ijrosini taʼminlash hamda kasanachilikni tashkil etgan tadbirkorlik subyektlarini yanada qoʻllab-quvvatlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Kasanachilikni rivojlantirish asosida aholi bandligini taʼminlashga doir qoʻshimcha chora-tadbirlar toʻgʻrisida” 2022-yil 21-apreldagi PQ-214-son qaroriga muvofiq:

a) 2022-yil 1-iyuldan 2025-yil 1-yanvarga qadar:

Jamoat ishlari jamgʻarmasi mablagʻlari hisobidan olis va chekka hududlardagi (Oʻzbekiston Respublikasi Prezidentining 2022-yil 21-apreldagi PQ-214-son qaroriga 1-ilovaga muvofiq) mahallalarda kasanachilikni tashkil etgan tadbirkorlik subyektlariga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ajratish;

Bandlikka koʻmaklashish davlat jamgʻarmasi mablagʻlari hisobidan tadbirkorlik subyektlariga “Temir daftar”, “Ayollar daftari”, “Yoshlar daftari”ga kiritilgan yoki “Ijtimoiy himoya yagona reyestri”da boʻlgan va kasanachilik bilan shugʻullanayotgan fuqarolarga asbob-uskunalar xarid qilib berish xarajatlarining 50 foizgacha boʻlgan qismi, biroq bazaviy hisoblash miqdorining 15 baravarigacha miqdorida subsidiya ajratish belgilanganligi;

b) 2023-yil 1-yanvardan boshlab nodavlat taʼlim tashkilotlarida davlat buyurtmasi asosida ish bilan band boʻlmagan fuqarolarni kasanachilik yoʻnalishida kasbga oʻqitishning quyidagi tartibi joriy etilganligi maʼlumot uchun qabul qilinsin:

Qoraqalpogʻiston Respublikasi, viloyatlar va Toshkent shahridagi “Ishga marhamat” monomarkazlari huzuridagi malakani baholash markazlari tomonidan kasbiy malaka talablarini ishlab chiqish va salohiyatli taʼlim tashkilotlariga davlat buyurtmasini berish;

oʻquv kurslarini tugatgan fuqarolarning bilim darajasini malakani baholash markazlari tomonidan aniqlash va shu asosda ularga malaka sertifikatlari berish;

malaka sertifikatini olgan fuqarolarga mehnat faoliyatini boshlashi uchun oʻqish xarajatlariga teng miqdorda malakani baholash markazlari tomonidan subsidiyalar berish.

Keyingi tahrirga qarang.

2. Belgilansinki, tuman (shahar) aholi bandligiga koʻmaklashish markazlari davlat buyurtmasi asosida nodavlat taʼlim tashkilotlarida kasbga oʻqitilgan fuqarolarni malaka darajasini baholash uchun malakani baholash markazlariga yuboradi hamda malaka imtihonlarini tashkil etish bilan bogʻliq xarajatlarni har bir band boʻlmagan shaxs uchun bazaviy hisoblash miqdorining 4 baravaridan ortiq boʻlmagan miqdorda Bandlikka koʻmaklashish davlat jamgʻarmasi mablagʻlari hisobidan qoplab beradi.

Keyingi tahrirga qarang.

3. Quyidagilarni nazarda tutuvchi:

a) Jamoat ishlari jamgʻarmasi mablagʻlari hisobidan olis va chekka hududlardagi mahallalarda kasanachilikni tashkil etgan tadbirkorlik subyektlariga subsidiya ajratish tartibi toʻgʻrisidagi nizom 1-ilovaga muvofiq:

tadbirkorlik subyektlari tomonidan kasanachilikni tashkil etganidan kamida uch oy oʻtgandan soʻng subsidiya olish uchun tegishli tuman (shahar) Aholi bandligiga koʻmaklashish markaziga yozma ravishda yoki Yagona interaktiv davlat xizmatlari portali orqali murojaat qilish;

tuman (shahar) Aholi bandligiga koʻmaklashish markazi tomonidan tadbirkorlik subyektining murojaatini koʻrib chiqib, kasanachilikni tashkil etganligi uchun subsidiya ajratish (yoki ajratishni rad etish) toʻgʻrisida qaror qabul qilish;

tuman (shahar) aholi bandligiga koʻmaklashish markazlarining subsidiya ajratish toʻgʻrisidagi qarori qabul qilingandan soʻng besh ish kuni ichida talabgorga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ajratish tartibi;

b) Bandlikka koʻmaklashish davlat jamgʻarmasi mablagʻlari hisobidan tadbirkorlik subyektlariga “Temir daftar”, “Ayollar daftari”, “Yoshlar daftari”ga kiritilgan yoki “Ijtimoiy himoya yagona reyestri”da boʻlgan va kasanachilik bilan shugʻullanayotgan fuqarolarga asbob-uskunalar xarid qilib berish xarajatlari uchun subsidiya ajratish tartibi toʻgʻrisidagi nizom 2-ilovaga muvofiq:

tadbirkorlik subyektlari tomonidan kasanachilikni tashkil etganidan soʻng subsidiya olish uchun tegishli tuman (shahar) Aholi bandligiga koʻmaklashish markaziga yozma ravishda yoki Yagona interaktiv davlat xizmatlari portali orqali murojaat qilish;

tuman (shahar) Aholi bandligiga koʻmaklashish markazi va tadbirkorlik subyekti oʻrtasida ijtimoiy kontrakt tuzish tartibi;

tuman (shahar) Aholi bandligiga koʻmaklashish markazining subsidiya ajratish toʻgʻrisidagi qarori qabul qilingandan soʻng besh ish kuni ichida tadbirkorlik subyektiga har bir kasanachiga asbob-uskunalar xarid qilib berish xarajatlarining 50 foizgacha boʻlgan qismi, biroq bazaviy hisoblash miqdorining 15 baravarigacha miqdorida subsidiya ajratish;

kasanachilarning ish faoliyati samaradorligini tuman (shahar) Aholi bandligiga koʻmaklashish markazi hamda mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilari tomonidan har oyda monitoring qilib borish va foydalanilmayotgan asbob-uskunalarga ajratilgan subsidiyalarni qaytarib olish tartibi;

v) Nodavlat taʼlim tashkilotlarida davlat buyurtmasi asosida kasanachilik faoliyati bilan shugʻullanish istagini bildirgan ishsiz va band boʻlmagan fuqarolarni kasbga oʻqitish tartibi toʻgʻrisidagi nizom 3-ilovaga muvofiq tasdiqlansin:

tuman (shahar) hokimliklari, tuman (shahar) aholi bandligiga koʻmaklashish markazlari Mahallabay ishlash va tadbirkorlikni rivojlantirish markazi bilan birgalikda kelgusi yil uchun joriy yilning 10-dekabriga qadar ish bilan band boʻlmagan fuqarolarni kasanachilik yoʻnalishida kasbga oʻqitish boʻyicha davlat buyurtmasini shakllantirish;

Qoraqalpogʻiston Respublikasi Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari tomonidan Mahallabay ishlash va tadbirkorlikni rivojlantirish markazlari bilan birgalikda davlat buyurtmasi asosida kasanachilarni kasbga oʻqitish boʻyicha belgilangan davlat va nodavlat taʼlim tashkilotlarida kasbga oʻqitishga yoʻnaltirish;

kasbga oʻqitilgan kasanachilarning malaka darajasini baholash, ularga malaka sertifikatini berish hamda kasanachilarni kasbga oʻqitishni moliyalashtirish tartibi.

Keyingi tahrirga qarang.

4. Bandlik va mehnat munosabatlari vazirligi Davlat soliq qoʻmitasi bilan birgalikda bir oy muddatda Yagona elektron shartnomalar axborot portalini “Yagona milliy mehnat tizimi” idoralararo dasturiy-apparat kompleksiga integratsiya qilish choralarini koʻrsin. Bunda ushbu kompleks orqali kasanachining dastlabki uch oy davomidagi daromadi miqdorini real vaqt rejimida aniqlash imkoniyatini yaratish nazarda tutiladi.

Keyingi tahrirga qarang.

5. Oʻzbekiston Milliy axborot agentligi va Oʻzbekiston Milliy teleradiokompaniyasiga mazkur qarorning mazmun-mohiyati va ahamiyatini ommaviy axborot vositalarida, internet jahon axborot tarmogʻida keng yoritish tavsiya etilsin.

6. Vazirlar Mahkamasining “Kambagʻal va ishsiz fuqarolarni kasb-hunarga oʻqitish tizimini takomillashtirish hamda mehnat organlari faoliyati samaradorligini oshirish boʻyicha qoʻshimcha chora-tadbirlar toʻgʻrisida” 2021-yil 5-apreldagi 183-son qaroriga 4-ilovaga muvofiq qoʻshimcha kiritilsin.

7. Bandlik va mehnat munosabatlari vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi bandlik va mehnat munosabatlari vaziri N.B. Xusanov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 14-oktabr,

596-son

Vazirlar Mahkamasining 2022-yil 14-oktabrdagi 596-son qaroriga
1-ILOVA

Jamoat ishlari jamgʻarmasi mablagʻlari hisobidan olis va chekka hududlardagi mahallalarda kasanachilikni tashkil etgan tadbirkorlik subyektlariga subsidiya ajratish tartibi toʻgʻrisida

NIZOM

1-bob. Umumiy qoidalar

1. Mazkur Nizom Jamoat ishlari jamgʻarmasi (keyingi oʻrinlarda — Jamgʻarma) mablagʻlari hisobidan Oʻzbekiston Respublikasi Prezidentining 2022-yil 21-apreldagi PQ-214-son qaroriga 1-ilovada keltirilgan olis va chekka hududlardagi mahallalarda kasanachilikni tashkil etgan tadbirkorlik subyektlariga (keyingi oʻrinlarda — talabgor) subsidiya ajratish tartibini belgilaydi.

2. Kasanachilikni tashkil etgan talabgorlarga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ajratiladi.

3. Talabgorlarga subsidiya tuman (shahar) aholi bandligiga koʻmaklashish markazlari (keyingi oʻrinlarda — mahalliy mehnat organlari) tomonidan mazkur Nizomga ilovaga muvofiq sxema boʻyicha ajratiladi.

2-bob. Murojaat qilish tartibi

4. Talabgor kasanachilikni tashkil etganidan soʻng subsidiya olish uchun mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilarining tavsiyasi asosida tegishli mahalliy mehnat organiga yozma ravishda yoki Yagona interaktiv davlat xizmatlari portali orqali murojaat qiladi.

Talabgorning murojaatida kasanachining familiyasi, ismi, otasining ismi, tadbirkorlik subyektining subsidiya toʻlab berilishi lozim boʻlgan hisobvaragʻi (rekvizitlari) va manzili koʻrsatiladi, shuningdek, murojaatga kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi, kasanachining dastlabki uch oy davomidagi daromadi miqdori toʻgʻrisidagi maʼlumotnoma (yoki kasanachining dastlabki uch oy davomidagi faoliyati uchun toʻlovlarni bank orqali toʻlanganligini tasdiqlovchi maʼlumotnoma) ilova qilinadi.

3-bob. Subsidiya ajratish tartibi va shartlari

5. Mahalliy mehnat organi talabgor tomonidan subsidiya olishni soʻrab taqdim etilgan hujjatlarni 3 ish kuni ichida oʻrganib chiqadi. Bunda subsidiya berish uchun tadbirkorlik subyekti va kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi Davlat soliq qoʻmitasining Yagona elektron shartnomalar axborot portalida (keyingi oʻrinlarda — Yagona elektron shartnomalar axborot portali) roʻyxatdan oʻtkazilganligi hamda rasmiylashtirilganligiga kamida 3 oy oʻtganligi asos hisoblanadi.

6. Talabgor tomonidan hujjatlar toʻliq taqdim etilib, unda barcha zarur maʼlumotlar koʻrsatilganligi, kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi rasmiylashtirilganligiga kamida uch oy oʻtganligi, Yagona elektron shartnomalar axborot portalida roʻyxatdan oʻtkazilganligi hamda kasanachining dastlabki uch oy davomidagi daromadi miqdori haqqoniyligi tasdiqlanganda, mahalliy mehnat organi talabgorga kasanachilikni tashkil etganligi uchun subsidiya ajratish (yoki ajratishni rad etish) toʻgʻrisida qaror qabul qiladi. Qarorda subsidiya miqdori va uni ajratish muddati (murojaat tushgandan soʻng 3 ish kunidan oshmagan muddatda) koʻrsatilishi lozim.

Bunda mahalliy mehnat organi tomonidan kasanachining dastlabki uch oy davomidagi daromadi miqdori haqqoniyligi tuman (shahar) davlat soliq inspeksiyasidan maʼlumot olish yoʻli bilan yoki “Yagona milliy mehnat tizimi” idoralararo dasturiy-apparat kompleksi orqali amalga oshiriladi.

7. Subsidiya ajratish quyidagilarga koʻra rad etiladi:

hujjatlar ushbu Nizomning 4-bandiga muvofiq talabgor tomonidan toʻliq taqdim etilmaganda;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Yagona elektron shartnomalar axborot portalida roʻyxatdan oʻtkazilmaganda;

kasanachining dastlabki uch oy davomidagi daromadi miqdori toʻgʻrisidagi maʼlumot haqqoniyligi tasdiqlanmasa.

Mahalliy mehnat organi subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini bir kun muddatda yuboradi.

8. Talabgor mahalliy mehnat organining subsidiya ajratishni rad etish toʻgʻrisidagi qaroridan norozi boʻlsa, yuqori turuvchi organga yoki sud organlariga shikoyat qilishi mumkin.

9. Mahalliy mehnat organining subsidiya ajratish toʻgʻrisidagi qarori qabul qilingandan soʻng besh ish kuni ichida ushbu Nizomning 2-bandida koʻrsatilgan miqdorda bir martalik subsidiya ajratiladi.

4-bob. Yakunlovchi qoidalar

10. Mazkur Nizomda ajratilishi belgilangan subsidiyani olayotgan talabgorlar bir vaqtning oʻzida qonunchilik hujjatlarida belgilangan ishsiz shaxslar bandligiga koʻmaklashishga qaratilgan boshqa turdagi subsidiyalarni ham belgilangan tartibda olishga haqli.

11. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Jamoat ishlari jamgʻarmasi mablagʻlari hisobidan olis va chekka hududlardagi mahallalarda kasanachilikni tashkil etgan tadbirkorlik subyektlariga subsidiya ajratish tartibi toʻgʻrisidagi nizomga
ILOVA

Jamoat ishlari jamgʻarmasi mablagʻlari hisobidan olis va chekka hududlardagi mahallalarda kasanachilikni tashkil etgan tadbirkorlik subyektlariga subsidiya ajratish

SXEMASI

Bosqichlar	Subyektlar	Chora-tadbirlar	Bajarish muddatlari
Bosqichlar	Subyektlar	Chora-tadbirlar	Bajarish muddatlari

1-bosqich	Kasanachilikni tashkil etgan tadbirkorlik subyekti (talabgor)	Olis va chekka hududlardagi mahallalarda kasanachilikni tashkil etganligi uchun subsidiya olish maqsadida tuman (shahar) Aholi bandligiga koʻmaklashish markaziga zarur hujjatlarni ilova qilgan holda yozma ravishda murojaat qiladi.	Oʻz xohishiga koʻra
1-bosqich			Oʻz xohishiga koʻra

2-bosqich	Tuman (shahar) Aholi bandligiga koʻmaklashish markazi	1. Talabgor murojaatini ilova qilingan hujjatlar bilan birga oʻrganib chiqadi. 2. Talabgorga subsidiya ajratish yoki subsidiya ajratishni rad etish toʻgʻrisida qaror qabul qiladi.	3 ish kuni ichida
			3 ish kuni ichida
		3. Oʻrganish natijalariga koʻra subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini yuboradi.	1 kun muddatda

3-bosqich	Tuman (shahar) Aholi bandligiga koʻmaklashish markazi	Subsidiya ajratish toʻgʻrisida qaror qabul qilingandan soʻng talabgorga har bir kasanachining dastlabki uch oy davomidagi kasanachili� faoliyati uchun bir oylik oʻrtacha daromadi miqdorida bir martalik subsidiya ajratiladi.	Qaror qabul qilingandan soʻng 5 ish kuni ichida
3-bosqich	Tuman (shahar) Aholi bandligiga koʻmaklashish markazi		Qaror qabul qilingandan soʻng 5 ish kuni ichida

Keyingi tahrirga qarang.

Vazirlar Mahkamasining 2022-yil 14-oktabrdagi 596-son qaroriga
2-ILOVA

NIZOM

1-bob. Umumiy qoidalar

1. Mazkur Nizom Bandlikka koʻmaklashish davlat jamgʻarmasi (keyingi oʻrinlarda — Jamgʻarma) mablagʻlari hisobidan tadbirkorlik subyektlariga (keyingi oʻrinlarda — talabgor) “Temir daftar”, “Ayollar daftari”, “Yoshlar daftari”ga kiritilgan yoki “Ijtimoiy himoya yagona reyestri”da boʻlgan va kasanachilik bilan shugʻullanayotgan fuqarolarga (keyingi oʻrinlarda — kasanachilar) asbob-uskunalar xarid qilib berish uchun subsidiya ajratish tartibini belgilaydi.

2. Talabgorlarga kasanachilar uchun asbob-uskunalar xarid qilib berish xarajatlarining 50 foizigacha boʻlgan qismi, biroq bazaviy hisoblash miqdorining 15 baravarigacha miqdorida subsidiya ajratiladi.

3. Talabgorlarga subsidiya tuman (shahar) aholi bandligiga koʻmaklashish markazi (keyingi oʻrinlarda — mahalliy mehnat organlari) tomonidan mazkur Nizomga 1-ilovaga muvofiq sxema boʻyicha ajratiladi.

2-bob. Subsidiya ajratish tartibi va shartlari

4. Talabgor kasanachilikni tashkil etganidan soʻng subsidiya olish uchun mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilarining (keyingi oʻrinlarda — hokim yordamchilari) tavsiyasi asosida tegishli mahalliy mehnat organiga yozma ravishda yoki Yagona interaktiv davlat xizmatlari portali orqali murojaat qiladi.

Talabgorning murojaatida kasanachilarning familiyasi, ismi, otasining ismi, tadbirkorlik subyektining subsidiya toʻlab berilishi lozim boʻlgan hisobvaragʻi (rekvizitlari) va manzili koʻrsatilishi, shuningdek, murojaatga kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi ilova qilinishi shart.

Bunda talabgor murojaatda kasanachiga buyurtma berilayotgan ish turiga qarab, subsidiya hisobiga xarid qilinadigan asbob-uskuna nomi va turi, aniq xarid narxini koʻrsatishi lozim.

5. Mahalliy mehnat organi talabgorning murojaatini ilova qilingan tegishli hujjatlar bilan birga 3 ish kuni ichida oʻrganib chiqadi.

Bunda subsidiya berish uchun tadbirkorlik subyekti va kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Davlat soliq qoʻmitasining Yagona elektron shartnomalar axborot portalida (keyingi oʻrinlarda — Yagona elektron shartnomalar axborot portali) roʻyxatdan oʻtkazilganligi, shuningdek, kasanachi “Temir daftar”, “Ayollar daftari”, “Yoshlar daftari”ga kiritilganligi yoki “Ijtimoiy himoya yagona reyestri”da turganligi asos hisoblanadi.

6. Mahalliy mehnat organi tomonidan talabgorning xarid qiladigan asbob-uskunalari narxini oʻrganish davlat xaridlarining elektron tizimi yoki boshqa ochiq manbalarning maʼlumotlaridan foydalanish orqali amalga oshirilishi mumkin. Oʻrganish natijalariga muvofiq asbob-uskunaning narxini talabgor tomonidan bozordagi ushbu asbob-uskunalarning oʻrtacha narxi qiymatiga teng (yoki undan yuqori) belgilanganligi mahalliy mehnat organi xarid komissiyasi qarori bilan tasdiqlanadi.

7. Talabgor tomonidan hujjatlar toʻliq taqdim etilib, unda barcha zarur maʼlumotlar koʻrsatilgan va kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Yagona elektron shartnomalar axborot portalida roʻyxatdan oʻtkazilganligi, kasanachi “Temir daftar”, “Ayollar daftari”, “Yoshlar daftari”ga kiritilganligi yoki “Ijtimoiy himoya yagona reyestri”da turganligi tasdiqlanganda mahalliy mehnat organi va talabgor oʻrtasida ushbu Nizomga 2-ilovaga muvofiq ijtimoiy kontrakt tuziladi.

8. Ijtimoiy kontrakt tuzilgandan soʻng mahalliy mehnat organi tomonidan talabgorga kasanachiga buyurtma berilayotgan ish turiga qarab asbob-uskunani xarid qilish xarajatlarini qoplash uchun subsidiya ajratish (yoki ajratishni rad etish) toʻgʻrisida uch ish kuni ichida qaror qabul qilinadi. Qarorda subsidiya miqdori va uni ajratish muddati (murojaat tushgandan soʻng 3 ish kunidan oshmagan muddatda) koʻrsatilishi lozim.

9. Mahalliy mehnat organining subsidiya ajratish toʻgʻrisidagi qarori qabul qilingandan soʻng besh ish kuni ichida talabgorga har bir kasanachiga asbob-uskunalar xarid qilib berish xarajatlarining 50 foizgacha boʻlgan qismi, biroq bazaviy hisoblash miqdorining 15 baravarigacha miqdorida subsidiya ajratiladi.

10. Subsidiya ajratilgandan soʻng 10 kun ichida talabgor har bir kasanachi uchun asbob-uskunalar xarid qilinganligi va kasanachilarga bepul berilganligi hamda asbob-uskunalarning xususiyatidan kelib chiqib nomi, turi, markasi, kafolat muddatini koʻrsatgan holda ijtimoiy kontrakt tuzilgan mahalliy mehnat organini yozma ravishda xabardor qilishi shart.

11. Subsidiya ajratish quyidagilarga koʻra rad etiladi:

hujjatlar ushbu Nizomning 4-bandiga muvofiq talabgor tomonidan toʻliq taqdim etilmaganda;

kasanachi “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilmaganligi tasdiqlanganda;

xarid qilinadigan asbob-uskunaning narxi qasddan yuqori qilib koʻrsatilganligi aniqlansa.

Mahalliy mehnat organi subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini bir kun muddatda yuboradi.

12. Talabgor mahalliy mehnat organining subsidiya ajratishni rad etish toʻgʻrisidagi qaroridan norozi boʻlsa, yuqori turuvchi organga yoki sud organlariga shikoyat qilishi mumkin.

3-bob. Kasanachilarning ish faoliyati samaradorligini monitoring qilish va foydalanilmayotgan asbob-uskunalarga ajratilgan subsidiyalarni qaytarib olish tartibi

13. Mahalliy mehnat organlari hamda hokim yordamchilari ajratilgan subsidiya hisobidan xarid qilingan asbob-uskuna asosida ishlayotgan kasanachilarning ish faoliyati samaradorligini bir oyda bir marotaba olti oy davomida monitoring qilib boradi.

14. Oʻtkazilgan monitoring natijalariga koʻra ijtimoiy kontraktda belgilangan majburiyatlar bajarilmaganligi hamda subsidiya asosida xarid qilingan asbob-uskunalarning foydalanilmayotganligi aniqlansa, mahalliy mehnat organlari tomonidan tegishli dalolatnoma rasmiylashtiriladi va ushbu kamchiliklarni bartaraf etish boʻyicha subsidiya ajratilgan tadbirkorlik subyektiga xabarnoma yuboriladi.

15. Subsidiya ajratilgan tadbirkorlik subyekti xabarnoma olingan kundan eʼtiboran bir oy ichida koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan mahalliy mehnat organiga xabarnoma yuboradi.

16. Xabarnoma tushgan kundan eʼtiboran uch ish kuni ichida (yoki aniqlangan kamchiliklarni bartaraf etish choralarini koʻrish uchun bir oy muddatdan soʻng) mahalliy mehnat organi va hokim yordamchisi subsidiya hisobidan xarid qilingan asbob-uskuna bilan faoliyat yuritayotgan kasanachilarning ish faoliyati samaradorligini qayta monitoring qiladi.

Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, mahalliy mehnat organi subsidiya ajratilgan tadbirkorlik subyektiga ajratilgan subsidiyalarni qaytarish boʻyicha qaror qabul qiladi, ijtimoiy kontraktni bir tomonlama bekor qiladi va subsidiya ajratilgan tadbirkorlik subyektiga xabarnoma yuboradi.

Xabarnomada subsidiya ajratilgan tadbirkorlik subyekti tomonidan ajratilgan subsidiyalarni qaytarish uchun mahalliy mehnat organiga tegishli boʻlgan bank rekvizitlari koʻrsatilishi lozim.

17. Subsidiya ajratilgan tadbirkorlik subyekti xabarnoma tushgan kundan eʼtiboran besh ish kuni ichida ajratilgan subsidiyalarni xabarnomada koʻrsatilgan mahalliy mehnat organiga tegishli boʻlgan bank rekvizitlariga (Oʻzbekiston Respublikasi Markaziy bankining asosiy stavkasida foiz toʻlovlari bilan birga) toʻliq miqdorda qaytarishi shart.

4-bob. Yakunlovchi qoidalar

18. Mazkur Nizomda ajratilishi belgilangan subsidiyani olayotgan tadbirkorlik subyektlari bir vaqtning oʻzida qonunchilik hujjatlarida belgilangan ishsiz shaxslar bandligiga koʻmaklashishga qaratilgan boshqa turdagi subsidiyalarni ham belgilangan tartibda olishga haqli.

19. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Bandlikka koʻmaklashish davlat jamgʻarmasi mablagʻlari hisobidan tadbirkorlik subyektlariga “Temir daftar”, “Ayollar daftari”, “Yoshlar daftari”ga kiritilgan yoki “Ijtimoiy himoya yagona reyestri”da boʻlgan va kasanachilik bilan shugʻullanayotgan fuqarolarga asbob-uskunalar xarid qilib berish xarajatlari uchun subsidiya ajratish tartibi toʻgʻrisidagi nizomga
1-ILOVA

SXEMASI

Bosqichlar	Subyektlar	Chora-tadbirlar	Bajarish muddatlari
Bosqichlar	Subyektlar	Chora-tadbirlar	Bajarish muddatlari

1-bosqich	Tadbirkorlik subyekti (talabgor)	Kasanachilik bilan shugʻullanayotgan fuqarolarga asbob-uskunalar xarid qilib berish uchun subsidiya olish maqsadida tuman (shahar) Aholi bandligiga koʻmaklashish markaziga zarur hujjatlarni ilova qilgan holda murojaat qiladi.	Oʻz xohishiga koʻra
1-bosqich	Tadbirkorlik subyekti (talabgor)		Oʻz xohishiga koʻra

2-bosqich	Tuman (shahar) Aholi bandligiga koʻmaklashish markazi	1. Talabgor tomonidan subsidiya olishni soʻrab taqdim etilgan hujjatlarni oʻrganib chiqadi. 2. Mahalliy mehnat organi va talabgor oʻrtasida ijtimoiy kontrakt tuziladi.	3 ish kuni ichida
2-bosqich	Tuman (shahar) Aholi bandligiga koʻmaklashish markazi	3. Talabgorga subsidiya ajratish yoki subsidiya ajratishni rad etish toʻgʻrisida qaror qabul qiladi. 4. Oʻrganish natijalariga koʻra subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini yuboradi.	1 kun muddatda

3-bosqich	Tuman (shahar) Aholi bandligiga koʻmaklashish markazi	Talabgorga har bir kasanachiga asbob-uskunalar xarid qilib berish xarajatlarining 50 foizgacha boʻlgan qismi, biroq bazaviy hisoblash miqdorining 15 baravarigacha miqdorida subsidiya ajratiladi.	Qaror qabul qilingandan soʻng 5 ish kuni ichida
3-bosqich	Tuman (shahar) Aholi bandligiga koʻmaklashish markazi		Qaror qabul qilingandan soʻng 5 ish kuni ichida

4-bosqich	Subsidiya ajratilgan tadbirkorlik subyekti	Subsidiya ajratilgandan soʻng talabgor har bir kasanachi uchun asbob-uskunalar xarid qilinganligi va kasanachilarga bepul berilganligini hamda asbob-uskunalarning xususiyatidan kelib chiqib nomi, turi, markasi, kafolat muddatini koʻrsatgan holda ijtimoiy kontrakt tuzilgan mahalliy mehnat organiga yozma ravishda xabardor qiladi.	10 kun ichida
4-bosqich	Subsidiya ajratilgan tadbirkorlik subyekti		10 kun ichida

5-bosqich	Tuman (shahar) Aholi bandligiga koʻmaklashish markazi	Ajratilgan subsidiya hisobidan xarid qilingan asbob-uskuna asosida ishlayotgan kasanachilarning ish faoliyati samaradorligini monitoring qilib boradi. Kamchiliklar aniqlansa tadbirkorlik subyektiga ularni bartaraf etish boʻyicha xabarnoma yuboradi.	Har oy bir marotaba
5-bosqich	Tuman (shahar) Aholi bandligiga koʻmaklashish markazi		Har oy bir marotaba

6-bosqich	Subsidiya ajratilgan tadbirkorlik subyekti	Xabarnoma olingan kundan eʼtiboran koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan mahalliy mehnat organiga xabarnoma yuboradi.	Bir oy ichida
6-bosqich	Subsidiya ajratilgan tadbirkorlik subyekti		Bir oy ichida

7-bosqich	Tuman (shahar) Aholi bandligiga koʻmaklashish markazi	1. Xabarnoma tushgan kundan eʼtiboran subsidiya hisobidan xarid qilingan asbob-uskuna bilan faoliyat yuritayotgan kasanachilarning ish faoliyati sama�adorligini qayta monitoring qiladi. 2. Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, ajratilgan subsidiyalarni qaytarish boʻyicha qaror qabul qiladi, ijtimoiy kontraktni bir tomonlama bekor qiladi va talabgorga xabarnoma yuboradi	3 ish kuni ichida (yoki aniqlangan kamchiliklarni bartaraf etish choralarini koʻrish uchun bir oy muddatdan soʻng)
7-bosqich	Tuman (shahar) Aholi bandligiga koʻmaklashish markazi

8-bosqich	Subsidiya ajratilgan tadbirkorlik subyekti	Xabarnoma tushgan kundan eʼtiboran ajratilgan subsidiyalarni xabarnomada koʻrsatilgan mahalliy mehnat organiga tegishli boʻlgan bank rekvizitlariga toʻliq miqdorda qaytaradi.	5 ish kuni ichida
8-bosqich	Subsidiya ajratilgan tadbirkorlik subyekti		5 ish kuni ichida

Bandlikka koʻmaklashish davlat jamgʻarmasi mablagʻlari hisobidan tadbirkorlik subyektlariga “Temir daftar”, “Ayollar daftari”, “Yoshlar daftari”ga kiritilgan yoki “Ijtimoiy himoya yagona reyestri”da boʻlgan va kasanachilik bilan shugʻullanayotgan fuqarolarga asbob-uskunalar xarid qilib berish xarajatlari uchun subsidiya ajratish tartibi toʻgʻrisidagi nizomga
2-ILOVA

NAMUNA

_____-son

IJTIMOIY KONTRAKT

20 __y. “_____”____________.

Ushbu ijtimoiy kontraktni (keyingi oʻrinlarda — kontrakt) _________________________________________ tumani (shahar) Aholi bandligiga koʻmaklashish markazi nomidan ________________________________________________ asosida faoliyat yurituvchi ____________________________________________________________________ (keyingi oʻrinlarda — mahalliy mehnat organi) va

^{(mahalliy mehnat organi rahbarining F.I.O.)}

_______________________________________________________________________ manzilida roʻyxatdan oʻtgan tadbirkorlik subyekti _________________________________________________________________

^{(nomi, manzili va boshqa rekvizitlari)}

quyidagilar toʻgʻrisida tuzdilar:

I. Kontraktning mazmuni

1.1. Kontrakt mahalliy mehnat organi bilan tadbirkorlik subyekti oʻrtasida (keyingi oʻrinlarda — taraflar) Bandlikka koʻmaklashish davlat jamgʻarmasi mablagʻlari hisobidan tadbirkorlik subyektiga “Temir daftar”, “Ayollar daftari”, “Yoshlar daftari”ga kiritilgan yoki “Ijtimoiy himoya yagona reyestri”da boʻlgan va kasanachilik bilan shugʻullanayotgan fuqarolarga asbob-uskunalar xarid qilib berish xarajatlarining 50 foizgacha boʻlgan qismi, biroq bazaviy hisoblash miqdorining 15 baravarigacha miqdorida subsidiya ajratish uchun tuzildi.

1.2. Kontrakt quyidagilardan iborat boʻladi:

ijtimoiy kontrakt taraflari (tadbirkorlik subyekti va tuman (shahar) Aholi bandligiga koʻmaklashish markazi);

taraflarning huquqlari, majburiyatlari va javobgarligi;

ijtimoiy kontraktning amal qilish muddati va uni bekor qilish asoslari.

II. Taraflarning huquq va majburiyatlari

2.1. Mahalliy mehnat organi quyidagi huquqlarga ega:

tadbirkorlik subyekti kontrakt shartlarini bajarmagan taqdirda, kontraktni bir tomonlama bekor qilish;

tadbir?orlik subyekti kontraktdagi majburiyatlarni bajarmagan taqdirda, ajratilgan subsidiyalar qaytarib berilishini talab qilish;

kasanachilik bilan shugʻullanayotgan fuqarolarning ish faoliyati samaradorligini monitoring qilib borish;

2.2. Tadbirkorlik subyekti quyidagi huquqlarga ega:

mahalliy mehnat organi tomonidan kontrakt shartlarini bajarmagan taqdirda, kontraktni bir tomonlama bekor qilish;

mahalliy mehnat organi tomonidan taqdim etilayotgan subsidiya hisobidan kasanachilik bilan shugʻullanayotgan fuqaro uchun zarur asbob-uskunani mustaqil ravishda xarid qilish;

mahalliy mehnat organi tomonidan huquqiy maslahatlar olish, kontrakt shartlari toʻliq va oʻz vaqtida bajarilishini talab qilish;

2.3. Mahalliy mehnat organi quyidagi majburiyatlarni oʻz zimmasiga oladi:

kontrakt shartlarini toʻliq va oʻz vaqtida bajarish;

kontrakt tuzilgandan soʻng unda belgilangan subsidiyani belgilangan tartibda toʻlab berish;

subsidiya ajratilishi hisobiga kasanachilik bilan shugʻullanayotgan fuqarolarga xarid qilingan asbob-uskunalar berilishi va asbob-uskunaning foydalanilayotganligi ustidan monitoring oʻrnatish;

2.4. Tadbirkorlik subyekti quyidagi majburiyatlarni oʻz zimmasiga oladi:

tadbirkorlik subye�ti va kasanachilik bilan shugʻullanayotgan fuqaro(lar) oʻrtasida tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasini Davlat soliq qoʻmitasining Yagona elektron shartnomalar axborot portalida roʻyxatdan oʻtkazish;

subsidiya ajratilgandan soʻng kasanachiga buyurtma berilayotgan ish turiga qarab, subsidiya hisobiga xarid qilingan asbob-uskunalarni kasanachiga bepul berish;

kasanachilarga ishlarni bajarish (tovarlar ishlab chiqarish, xizmatlar koʻrsatish) boʻyicha buyurtma berish va belgilangan tartibda kasanachining ish haqini toʻlab borish;

subsidiya hisobidan sotib olingan asbob-uskunalar kasanachi tomonidan foydalanilmagan taqdirda, ajratilgan subsidiya miqdorini belgilangan tartibda toʻliq qaytarish.

Kontrakt imzolangan kundan boshlab kuchga kiradi.

III. Taraflarning javobgarligi

3.1. Tadbirkorlik subyekti subsidiya berilishi uchun yolgʻon yoki notoʻgʻri maʼlumotlarni taqdim etganligi uchun qonunchilikka muvofiq javobgarlikka tortiladi va kontrakt bir tomonlama bekor qilinadi.

3.2. Kontrakt bajarilishi monitoringini olib borish mahalliy mehnat organlari va mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilari tomonidan amalga oshiriladi. Kontrakt shartlari bajarilishi monitoringini olib borish har oyda bir marotaba 6 (olti) oy davomida kasanachilar bilan bevosita uchrashish orqali amalga oshiriladi.

Kontrakt shartlari bajarilmagan hollarda mahalliy mehnat organi tegishli dalolatnoma rasmiylashtiriladi va ushbu kamchiliklarni bartaraf etish boʻyicha tadbirkorlik subyektiga xabarnoma yuboriladi. Tadbirkorlik subyekti tomonidan uzrsiz sabablarga koʻra kontrakt shartlari bajarilmagan taqdirda, kontrakt bekor qilingan kundan eʼtiboran oʻn ikki oygacha ushbu tadbirkorlik subyekti bilan kontrakt tuzilmaydi.

IV. Fors-major holatlari

4. Taraflardan hech biri ularning irodasi va xohishiga bogʻliq boʻlmagan holda kelib chiqadigan, yaʼni ishtirokchilarga bogʻliq boʻlmagan sabablar, jumladan, kasallik, kontrakt bajarilmasligiga olib keladigan xolisona sabablar tufayli bajarilmagan hollarda kontraktning amal qilish muddati uzaytirilishi mumkin hamda majburiyatlarni bajarmaganlik uchun boshqa taraf oldida javobgar boʻlmaydilar.

V. Kontraktning amal qilish muddati

5.1. Kontrakt imzolangan kundan boshlab kuchga kiradi va 6 (olti) oy amal qiladi.

5.2. Kontrakt ikki nusxada tuzilgan boʻlib, bir xil yuridik kuchga ega.

Tuman (shahar) Aholi bandligiga

Tadbirkorlik subyekti

koʻmaklashish markazi rahbari

__________________ (imzo)

_________________ (imzo)

^(F.I.O)

____________ (sana)

___________ (sana)

Keyingi tahrirga qarang.

Vazirlar Mahkamasining 2022-yil 14-oktabrdagi 596-son qaroriga
3-ILOVA

Nodavlat taʼlim tashkilotlarida davlat buyurtmasi asosida kasanachilik faoliyati bilan shugʻullanish istagini bildirgan ishsiz va band boʻlmagan fuqarolarni kasbga oʻqitish tartibi toʻgʻrisida

NIZOM

1-bob. Umumiy qoidalar

1. Mazkur Nizom mehnat bozorining joriy va istiqboldagi ehtiyojlari asosida shakllantirilgan davlat buyurtmasiga muvofiq davlat va nodavlat taʼlim tashkilotlarida fuqarolarni kasanachilik yoʻnalishida kasbga oʻqitish hamda ularga malaka sertifikati berishni tashkil etish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

davlat va nodavlat taʼlim tashkilotlari — davlat buyurtmasi asosida ishsiz va band boʻlmagan shaxslarni kasanachilik yoʻnalishida kasbga oʻqitish boʻyicha xizmat koʻrsatuvchi tashkilotlar;

ishsiz va band boʻlmagan shaxslarni kasanachilik yoʻnalishida kasbga oʻqitish boʻyicha davlat buyurtmasi (keyingi oʻrinlarda — davlat buyurtmasi) — mehnat bozorining joriy va istiqboldagi ehtiyojlari asosida ishsiz va band boʻlmagan shaxslarni kasanachilik yoʻnalishida kasbga oʻqitish uchun beriladigan buyurtma.

3. Kasanachilik faoliyati bilan shugʻullanish istagini bildirgan ishsiz va band boʻlmagan shaxslar (keyingi oʻrinlarda — kasanachilar)ni kasanachilik yoʻnalishida kasbga oʻqitish quyidagi hollarda amalga oshiriladi:

kasbi mavjud boʻlmaganda;

mavjud kasbiy koʻnikmalariga maqbul ish yoʻqligi sababli kasbni oʻzgartirish zarurati boʻlganda;

kasbiy koʻnikmalari mavjud boʻlmaganligi yoki yetarli boʻlmaganligi, kasbiga doir talablar oʻzgartirilganligi bois malaka oshirishi zarur boʻlganda;

avvalgi kasbi boʻyicha ish bajarish qobiliyati yoʻqotilganda.

4. Kasanachilarni kasbga oʻqitish:

Oʻzbekiston Respublikasi Bandlik va mehnat munosabatlari vazirligi tizimidagi “Ishga marhamat” monomarkazlari, kasb-hunarga oʻqitish markazlari hamda mahallalarda tashkil etilgan kasbga oʻqitish maskanlarida;

vazirlik va idoralar tizimidagi professional taʼlim tashkilotlarida tashkil etilgan qisqa muddatli kasb-hunarga oʻqitish kurslarida;

nodavlat kasb-hunarga oʻqitish tashkilotlarida amalga oshiriladi.

2-bob. Davlat buyurtmasini shakllantirish

5. Davlat va nodavlat taʼlim tashkilotlarida davlat buyurtmasi asosida kasanachilarni kasbga oʻqitish ushbu Nizomga ilovada keltirilgan sxemaga muvofiq amalga oshiriladi.

6. Tuman (shahar) hokimliklari, tuman (shahar) aholi bandligiga koʻmaklashish markazlari Mahallabay ishlash va tadbirkorlikni rivojlantirish markazi bilan birgalikda kelgusi yil uchun joriy yilning 10-dekabriga qadar:

hududlarda faoliyat yuritayotgan davlat va nodavlat tashkilotlarining kasanachilik yoʻnalishlarida malakali kadrlarga boʻlgan talab va ehtiyojlarini oʻrganadi;

kasbga oʻqitishga ehtiyoji boʻlgan fuqarolarning kasanachilik faoliyati yoʻnalishlari boʻyicha kasblar boʻyicha davlat buyurtmasini ishlab chiqadi;

ishlab chiqilgan davlat buyurtmasini tasdiqlash uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining Kasbiy malaka va bilimlarni rivojlantirish boʻyicha hududiy kengashlariga (keyingi oʻrinlarda — hududiy kengashlar) taqdim etadi.

7. Hududiy kengashlar taqdim etilgan davlat buyurtmalarini umumlashtirib, tahlil qiladi va besh kun ichida tasdiqlaydi.

Davlat buyurtmasiga tegishli oʻzgartirish va qoʻshimchalar kiritish hududiy kengashlar tomonidan amalga oshiriladi.

3-bob. Davlat buyurtmasi asosida kasanachilarni kasbga oʻqitishga yoʻnaltirish

8. Qoraqalpogʻiston Respublikasi Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari Mahallabay ishlash va tadbirkorlikni rivojlantirish markazlari bilan birgalikda:

ushbu Nizomning 4-bandida koʻrsatilgan kasbga oʻqitish boʻyicha belgilangan davlat va nodavlat taʼlim tashkilotlarining yillik oʻqitish ehtiyojlaridan kelib chiqqan holda oʻqitish taqsimotini ishlab chiqadi;

oʻqitish taqsimotiga asosan davlat va nodavlat taʼlim tashkilotlarida kasanachilarni kasanachilik yoʻnalishida kasbga oʻqitish ishlarini tashkil etadi;

kasbga oʻqitish jarayonlarini monitoring qilib boradi;

kasbga oʻqitilgan kasanachilarni kasanachilik faoliyati yoʻnalishlari boʻyicha kasbiy malaka darajasini baholash uchun malakani baholash markazlariga yuboradi.

4-bob. Davlat buyurtmasi asosida kasanachilik yoʻnalishida kasbga oʻqitilgan kasanachilarni malaka darajasini baholash

9. Qoraqalpogʻiston Respublikasi Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari davlat buyurtmasi asosida davlat va nodavlat taʼlim tashkilotlarida kasbga oʻqigan kasanachilarning malaka darajasini baholash uchun ularni malakani baholash markazlariga, shu jumladan, “Ishga marhamat” monomarkazlarida tashkil etilgan malakani baholash markazlariga yuborilishiga koʻmaklashadi.

Bunda nodavlat taʼlim tashkilotlarida kasbga oʻqigan kasanachilar malaka darajasini baholatish uchun oʻzlari ixtiyoriy ravishda murojaat qilishi mumkin.

10. Malakani baholash markazlari tomonidan:

Oʻzbekiston Respublikasi Prezidentining 2020-yil 31-dekabrdagi PQ-4939-son qarori bilan tasdiqlangan Malaka darajalariga erishish sxemasi asosida kasbga oʻqitilgan kasanachilar malakasi baholanadi;

baholashdan muvaffaqiyatli oʻtgan kasanachilarga oʻn kun ichida malaka sertifikati beriladi.

5-bob. Kasanachilarni kasanachilik yoʻnalishida kasbga oʻqitishni moliyalashtirish

11. Kasanachilarni kasbga oʻqitish bilan bogʻliq faoliyat Oʻzbekiston Respublikasi Bandlikka koʻmaklashish davlat jamgʻarmasi mablagʻlari hisobidan tasdiqlangan xarajatlar smetasi doirasida moliyalashtiriladi.

Bunda nodavlat taʼlim tashkilotlarida kasanachilik yoʻnalishida oʻquv kurslarini tamomlagan har bir bitiruvchiga kasbga oʻqitish uchun sarflangan xarajatlarning 70 foizi, biroq har bir bitiruvchiga bazaviy hisoblash miqdorining 4 barobaridan oshmagan miqdori davlat tomonidan qoplab beriladi.

6-bob. Yakunlovchi qoida

12. Mazkur Nizom talablarining buzilishida aybdor boʻlgan shaxslar qonunchilikda belgilangan tartibda javob beradilar.

Davlat va nodavlat taʼlim tashkilotlarida davlat buyurtmasi asosida kasanachilik faoliyati bilan shugʻullanish istagini bildirgan ishsiz va band boʻlmagan fuqarolarni kasbga oʻqitish tartibi toʻgʻrisidagi nizomga
ILOVA

SXEMASI

Bosqichlar	Subyektlar	Tadbirlar	Bajarish muddatlari
Bosqichlar	Subyektlar	Tadbirlar	Bajarish muddatlari

1-bosqich	Tuman (shahar) hokimliklari, aholi bandligiga koʻmaklashish markazlari, Mahallabay ishlash va tadbirkorlikni rivojlantirish markazi	1. Hududlarda faoliyat yuritayotgan davlat va nodavlat tashkilotlarning kasanachilik yoʻnalishlarida malakali kadrlarga boʻlgan talab va ehtiyojlarini oʻrganadi. 2. Kasbga oʻqitishga ehtiyoji boʻlgan fuqarolarning kasanachilik faoliyati yoʻnalishlari boʻyicha davlat buyurtmasini ishlab chiqadi. 3. Ishlab chiqilgan davlat buyurtmasini tasdiqlash uchun hududiy kengashlarga taqdim etadi.	Kelgusi yil uchun joriy yilning 10-dekabriga qadar
1-bosqich			Kelgusi yil uchun joriy yilning 10-dekabriga qadar

2-bosqich	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining Kasbiy malaka va bilimlarni rivojlantirish boʻyicha hududiy kengashlari	1. Taqdim etilgan kasbga oʻqitish boʻyicha davlat buyurtmalarini umumlashtirib, tahlil qiladi. 2. Davlat buyurtmasini tasdiqlaydi.	5 kun ichida
2-bosqich			5 kun ichida

3-bosqich	Qoraqalpogʻiston Respublikasi Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari, Mahallabay ishlash va tadbirkorlikni rivojlantirish markazlari	1. Tasdiqlangan davlat buyurtmasi asosida taʼlim tashkilotlarining yillik oʻqitish ehtiyojlaridan kelib chiqqan holda oʻqitish taqsimotini ishlab chiqadi. 2. Oʻqitish taqsimotiga asosan taʼlim tashkilotlarida fuqarolarni kasanachilik yoʻnalishida kasbga oʻqitish ishlari tashkil etadi. 3. Kasbga oʻqitish jarayonlarini monitoring qilib boradi. 4. Kasbga oʻqitilgan fuqarolarni malaka darajasini baholash uchun davlat va nodavlat taʼlim tashkilotlaridagi malakani baholash markazlariga yuboradi.	Doimiy ravishda
3-bosqich			Doimiy ravishda

4-bosqich	Davlat va nodavlat taʼlim tashkilotlaridagi malakani baholash markazlari	1. Kasbga oʻqitilgan kasanachilarning malakasini baholaydi. 2. Baholashdan muvaffaqiyatli oʻtgan fuqarolarga malaka sertifikatini beradi.	10 kun ichida
4-bosqich			10 kun ichida

Keyingi tahrirga qarang.

Vazirlar Mahkamasining 2022-yil 14-oktabrdagi 596-son qaroriga
4-ILOVA

Vazirlar Mahkamasining “Kambagʻal va ishsiz fuqarolarni kasb-hunarga oʻqitish tizimini takomillashtirish hamda mehnat organlari faoliyati samaradorligini oshirish boʻyicha qoʻshimcha chora-tadbirlar toʻgʻrisida” 2021-yil 5-apreldagi 183-son qaroriga kiritilayotgan qoʻshimcha

3-ilova (Ishsiz va ish qidirayotgan shaxslarni kasbga tayyorlash va qayta tayyorlash, ularning malakasini oshirishni tashkil etish tartibi toʻgʻrisidagi nizom) quyidagi tahrirdagi 44¹-band bilan toʻldirilsin:

“44¹. Mehnatga layoqatli nogironligi boʻlgan ishsiz yoki ish qidirayotgan shaxslarni kasb-hunarga oʻqitishni ragʻbatlantirish uchun har bir mehnatga layoqatli nogironligi boʻlgan ishsiz yoki ish qidirayotgan shaxs uchun Bandlikka koʻmaklashish davlat jamgʻarmasi hisobidan kasb-hunarga oʻqish davrida har oy uchun bazaviy hisoblash miqdorining ikki barobari miqdorida ragʻbatlantirish toʻlovi toʻlab beriladi. Bunda:

aholining bandligiga koʻmaklashish markazlari nogironligi boʻlgan shaxslar uchun tavsiya etilgan kasblar va ularning qiziqishlaridan kelib chiqib, ularni kasb-hunarga oʻqitish maqsadida davlat yoki nodavlat taʼlim tashkilotlariga yoʻnaltiradi;

nogironligi boʻlgan shaxslarga ragʻbatlantirish toʻlovini toʻlash haqidagi maʼlumotlar “Bandlik xizmati” axborot tizimida aks ettiriladi;

ragʻbatlantirish toʻlovi oʻn ikki oylik davr ichida oʻqish davrining koʻpi bilan yigirma olti kalendar haftasi davomida Xalq banki va uning filiallari tomonidan tegishli qaydnomaga asosan toʻlab beriladi;

toʻliq boʻlmagan kalendar oy uchun toʻlov toʻlanishi kerak boʻlgan kalendar oydagi kunlar sonining toʻliq kalendar oydagi kunlar soniga mutanosib miqdorda toʻlanadi;

davlat yoki nodavlat taʼlim tashkiloti nogironligi boʻlgan shaxslarni oʻqishdan chetlatsa, bu haqda 3 kunlik muddatda aholini bandligiga koʻmaklashish markazlarini rasmiy ogohlantirish majburiyatini oʻz zimmasiga oladi;

aholini bandligiga koʻmaklashish markazlariga oʻqishdan chetlatilganlik toʻgʻrisida xat kelib tushgan kundan boshlab 3 ish kunida ragʻbatlantirish toʻlovini toʻlashni toʻxtatish toʻgʻrisida qaror qabul qiladi;

oʻquv kurslari uzrli sabablarga koʻra qoldirgan taqdirda ragʻbatlantirish toʻlovlari toʻxtatilmaydi”.

(Qonunchilik maʼlumotlari milliy bazasi, 15.10.2022-y., 09/22/596/0923-son; 25.07.2023-y., 09/23/307/0519-son)