toggle_night_mode
Hujjat 09.11.2023 sanasi holatiga
Amaldagi versiyaga o‘tish
Oʻzbekiston Respublikasi Prezidentining
Farmoni
Strategik islohotlarni jadallashtirishning qoʻshimcha chora-tadbirlari toʻgʻrisida
Soʻnggi yillarda mamlakatimizda davlat va jamiyatning turli sohalari isloh qilinib, ular doirasida davlat boshqaruvi tizimini takomillashtirish, biznes muhitini yaxshilash, iqtisodiyot tarmoqlarini transformatsiya va modernizatsiya qilish, hududlarni ijtimoiy-iqtisodiy rivojlantirish, shuningdek, tashqi savdo, soliq va moliya siyosatini liberallashtirish boʻyicha aniq choralar koʻrildi.
Shu bilan birga, bugungi kunda jahondagi tez oʻzgaruvchan siyosiy-iqtisodiy vaziyat milliy iqtisodiyotning barqaror rivojlanishini taʼminlash, mahalliy ishlab chiqaruvchilarning tashqi bozorlardagi raqobatbardoshligini oshirish, aholining yashash sharoitlarini yanada yaxshilash va inson kapitalini yuksaltirish boʻyicha yangi yoʻnalishlarda taʼsirchan islohotlarni amalga oshirishni taqozo etmoqda.
2022 — 2026-yillarga moʻljallangan Yangi Oʻzbekistonning taraqqiyot strategiyasini amalga oshirishni samarali tashkil etish, islohotlarning uzviyligini taʼminlash orqali ularni amalga oshirishda yagona yondashuvlarni shakllantirish va joriy etish maqsadida:
1. Oʻzbekiston Respublikasi Strategik rivojlanish agentligi negizida Oʻzbekiston Respublikasi Prezidenti huzuridagi Strategik islohotlar agentligi (keyingi oʻrinlarda — Agentlik) tashkil etilsin.
Keyingi tahrirga qarang.
2. Quyidagilar Agentlikning asosiy vazifalari etib belgilansin:
mahalliy va xorijiy ekspertlarni jalb etgan holda alohida soha va tarmoqlarni isloh qilish boʻyicha takliflar ishlab chiqish, ularning amalga oshirilishini tashkil etish va nazorat qilish;
soha va tarmoqlarda amalga oshirilayotgan islohotlarni tanqidiy tahlil qilgan holda ularning samaradorligini baholash, rasmiyatchilik, sansalorlik va korrupsiyaviy holatlarga sharoit yaratuvchi tizimli muammolarni aniqlash va ularni bartaraf etish boʻyicha choralar koʻrish;
Oldingi tahrirga qarang.
“Oʻzbekiston — 2030” strategiyasi va davlat dasturlarining ijrosini monitoring qilish asosida ularning toʻlaqonli va sifatli amalga oshirilishini muvofiqlashtirish;
(2-bandning toʻrtinchi xatboshisi Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
xalqaro moliya institutlari, chet el tashkilotlari va xorijiy mutaxassislarni hamda begʻaraz koʻmak mablagʻlarini jalb qilish ishlarini tizimli tashkil etish, ular boʻyicha axborot va hisobotlarning maʼlumotlar bazasini yaratish.
Oldingi tahrirga qarang.
(2-bandning oltinchi xatboshisi Oʻzbekiston Respublikasi Prezidentining 2023-yil 8-noyabrdagi PF-190-sonli Farmoniga asosan chiqarilgan — Qonunchilik maʼlumotlari milliy bazasi, 09.11.2023-y., 06/23/190/0839-son)
Keyingi tahrirga qarang.
3. Oʻzbekiston Respublikasi Prezidenti raisligida Oʻzbekiston Respublikasi Prezidenti huzuridagi Strategik islohotlar agentligining kengashi (keyingi oʻrinlarda — Kengash) 1-ilovaga muvofiq tarkibda tashkil etilsin.
Belgilab qoʻyilsinki:
Kengash Agentlik faoliyatining ustuvor yoʻnalishlarini, samaradorligining asosiy koʻrsatkichlarini, uning faoliyati bilan bogʻliq boshqa qarorlarni, shuningdek, Agentlik tomonidan oʻz oldiga qoʻyilgan vazifalarni amalga oshirish boʻyicha ishlab chiqilgan takliflar, “yoʻl xarita”lari va dasturlarni tasdiqlaydi;
Kengash majlislari Kengash raisi yoki uning topshirigʻiga muvofiq rais oʻrinbosari boshchiligida oʻtkaziladi;
Kengash majlislarida qabul qilingan qarorlar barcha davlat organlari va tashkilotlari tomonidan bajarilishi majburiy boʻlgan bayonnomalar bilan rasmiylashtiriladi.
Keyingi tahrirga qarang.
Oldingi tahrirga qarang.
(4-band Oʻzbekiston Respublikasi Prezidentining 2023-yil 8-noyabrdagi PF-190-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 09.11.2023-y., 06/23/190/0839-son)
5. Belgilansinki:
soha va tarmoqlarni isloh qilish boʻyicha “yoʻl xarita”larini ishlab chiqish, amalga oshirish hamda ushbu jarayonlarni baholash uchun konsultantlar Agentlik tomonidan yoki u bilan kelishilgan holda jalb etiladi;
masʼul vazirlik va idoralar loyiha guruhlari (ofislari) va konsalting tashkilotlari faoliyat koʻrsatishi uchun begʻaraz ravishda yetarli sharoitlarni (bino, xona, texnika vositalari va boshqalar) yaratadi;
soha va tarmoqlarni isloh qilish boʻyicha “yoʻl xarita”larini amalga oshirish bevosita masʼul vazirlik va idora tomonidan amalga oshiriladi va ularning birinchi rahbarlari mazkur masalalar yuzasidan javobgar hisoblanadi;
Oldingi tahrirga qarang.
masʼul vazirlik va idoralar soha va tarmoqlarni isloh qilish boʻyicha amalga oshirilgan ishlar toʻgʻrisida keyinchalik Kengashga kiritish uchun Agentlikka har oyda maʼlumot taqdim etadi;
(5-bandning beshinchi xatboshisi Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
Oldingi tahrirga qarang.
Adliya vazirligi har chorakda “Oʻzbekiston — 2030” strategiyasi va davlat dasturlarining ijrosi boʻyicha umumlashtirilgan tahliliy maʼlumotni Agentlikka kiritib boradi.
(5-bandning oltinchi xatboshisi Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
Keyingi tahrirga qarang.
6. 2022-yil 1-oktabrdan boshlab quyidagi tartib joriy etilsin:
a) soha va tarmoqlarni isloh qilish jarayonlariga xalqaro moliya institutlari, chet el tashkilotlari va xorijiy mutaxassislarni hamda begʻaraz koʻmak mablagʻlarini jalb qilish Agentlik bilan kelishilgan holda amalga oshiriladi;
b) xalqaro moliya institutlari va xalqaro tashkilotlar missiyalari tomonidan islohotlar dasturlari, jumladan mamlakatni kompleks baholash Agentlik bilan hamkorlikda oʻtkaziladi;
v) har bir vazirlik va idora xalqaro tashkilotlar, moliya institutlari va ekspertlarning rasmiy xulosa va hisobotlarini ular taqdim etilgan kundan keyin bir hafta muddatda Agentlikka taqdim etadi. Bunda, mazkur Farmon qabul qilingunga qadar tayyorlangan hisobot va xulosalar 2022-yil 1-noyabrga qadar Agentlikka taqdim etiladi;
g) har chorak yakuniga koʻra Kengash majlisi oʻtkaziladi va unda quyidagi masalalar muhokama qilinadi:
mamlakatni strategik rivojlantirishning joriy va istiqboldagi rejalari va ularni amalga oshirish boʻyicha takliflar;
islohotlarni samarali amalga oshirishga toʻsqinlik qiluvchi holatlar va ularni bartaraf etish boʻyicha aniq manzilli chora-tadbirlar;
hududlarda ochiq muloqotlar doirasida aholining bildirgan fikr va mulohazalari asosida hududdagi siyosiy, ijtimoiy va iqtisodiy holat, fuqarolarni qiynayotgan muammolarni hal etish boʻyicha choralar.
Keyingi tahrirga qarang.
7. Belgilansinki:
mamlakatni ijtimoiy-iqtisodiy rivojlantirish hamda tegishli sohalarda kompleks islohotlarni chuqurlashtirish va liberallashtirish borasidagi strategik masalalar yuzasidan ishlab chiqilgan normativ-huquqiy hujjatlar loyihalarining maqsadga muvofiqligi Kengash majlislarida koʻrib chiqiladi;
Kengash tomonidan maqsadga muvofiq deb topilgan normativ-huquqiy hujjatlar loyihalari Oʻzbekiston Respublikasi Prezidentiga koʻrib chiqish uchun kiritiladi, bunda mazkur normativ-huquqiy hujjatlar loyihalarini boshqa idoralar bilan kelishish talab etilmaydi.
Keyingi tahrirga qarang.
8. Oʻzbekiston Respublikasi Prezidenti huzuridagi Strategik islohotlar agentligining tuzilmasi 2-ilovaga muvofiq tasdiqlansin.
Keyingi tahrirga qarang.
Oldingi tahrirga qarang.
9. Belgilab qoʻyilsinki:
Agentlik direktori bir vaqtning oʻzida Oʻzbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamenti (keyingi oʻrinlarda — Departament) rahbarining oʻrinbosari hisoblanadi hamda maqomi, moddiy taʼminoti, tibbiy va transport xizmati koʻrsatish shart-sharoitlariga koʻra unga tenglashtiriladi, shuningdek, Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi;
Keyingi tahrirga qarang.
Agentlik direktorining oʻrinbosarlari maqomi, moddiy taʼminoti, tibbiy va transport xizmati koʻrsatish shart-sharoitlariga koʻra Oʻzbekiston Respublikasi Prezidenti Administratsiyasi shoʻbasi mudiriga tenglashtiriladi, shuningdek, Oʻzbekiston Respublikasi Prezidentining yordamchisi tomonidan lavozimga tayinlanadi va lavozimidan ozod etiladi;
Keyingi tahrirga qarang.
Agentlik boshqaruv xodimlari Departament rahbari bilan kelishilgan holda, Agentlik direktori tomonidan lavozimga tayinlanadi va lavozimidan ozod etiladi;
Keyingi tahrirga qarang.
Agentlik xodimlariga Departament xodimlari uchun belgilangan mehnatga haq toʻlash razryadlari va ish haqi miqdorlari tatbiq etiladi.
(9-band Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
Keyingi tahrirga qarang.
10. Oʻzbekiston Respublikasi Strategik rivojlanish agentligini qoʻllab-quvvatlash jamgʻarmasi Agentlikka oʻtkazilsin va Oʻzbekiston Respublikasi Prezidenti huzuridagi Strategik islohotlar agentligini qoʻllab-quvvatlash jamgʻarmasi (keyingi oʻrinlarda — Jamgʻarma) etib qayta nomlansin.
Belgilansinki:
Jamgʻarma mablagʻlari Oʻzbekiston Respublikasi Prezidenti Administratsiyasi bilan kelishilgan holda tasarruf etiladi;
Oldingi tahrirga qarang.
Jamgʻarma mablagʻlarini shakllantirish va ulardan foydalanish tartibi Oʻzbekiston Respublikasi Prezidentining yordamchisi tomonidan belgilanadi.
(10-bandning toʻrtinchi xatboshisi Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
11. Belgilab qoʻyilsinki Davlat budjeti mablagʻlari, Jamgʻarma mablagʻlari, Agentlikning budjetdan tashqari mablagʻlari, vaqtincha boʻsh mablagʻlarni tijorat banklari depozitlariga joylashtirishdan olingan daromadlar, shuningdek, qonunchilikda taqiqlanmagan boshqa manbalar Agentlik faoliyatini moliyalashtirish manbalari hisoblanadi.
12. Belgilansinki, Agentlik oʻz vazifalarini amalga oshirishda quyidagi huquqlardan foydalanadi:
islohotlar yoʻnalishlari boʻyicha loyiha guruhlarini (ofislarini) tashkil etish, konsalting tashkilotlarini jalb etish hamda malakali xorijiy mutaxassislarni ishga qabul qilish va ularga ish haqini milliy yoki chet el valyutasida toʻlash;
davlat organlari va tashkilotlari, xoʻjalik birlashmalari mutaxassislari, fuqarolik jamiyati institutlari vakillari, ilmiy-tadqiqot institutlari xodimlari, shuningdek, mahalliy va xorijiy olimlar hamda mutaxassislarni shartnoma asosida tadqiqot va tahlil olib borish ishlariga jalb qilish;
xalqaro moliya institutlari, xalqaro tashkilotlar va ekspertlar bilan hamkorlik boʻyicha va boshqa shartnomalarni tuzish;
davlat organlari va tashkilotlaridan zarur statistik, tahliliy hamda boshqa maʼlumotlarni soʻrash va olish;
davlat organlari va tashkilotlarining elektron axborot tizimlaridan bepul foydalanish hamda ushbu tizimlarni Agentlikning elektron tizimlariga integratsiya qilish.
Oldingi tahrirga qarang.
13. Agentlik Toshkent shahri, Islom Karimov koʻchasi, 43-uydagi Oʻzbekiston Respublikasi Prezidenti Administratsiyasining binosida joylashtirilsin.
(13-band Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
14. Agentlik:
bir oy muddatda Agentlik toʻgʻrisidagi nizomni, xarajatlar smetasini, Agentlik xodimlarining mehnatga haq toʻlash shartlarini, shuningdek, Agentlik hamda u tomonidan tashkil etiladigan loyiha ofislari faoliyatini moliyalashtirish manbalarini Oʻzbekiston Respublikasi Prezidenti Administratsiyasi rahbariga tasdiqlash uchun kiritsin;
ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni kiritsin.
15. Oʻzbekiston Respublikasi Prezidentining 2018-yil 16-oktabrdagi “Oʻzbekiston Respublikasi Prezidenti Administratsiyasining rahbar xodimlari, mutaxassislari va xizmatchilarini moddiy ragʻbatlantirish va mehnatiga haq toʻlash tizimini takomillashtirish chora-tadbirlari toʻgʻrisida”gi PQ-3976-son qaroriga 3-ilovaga* muvofiq oʻzgartirish va qoʻshimcha kiritilsin.
*3-ilova berilmaydi.
Oldingi tahrirga qarang.
16. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining yordamchisi A.Yu. Magrupov zimmasiga yuklansin.
(16-band Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 8-sentabr,
PF-216-son
Oldingi tahrirga qarang.
Oʻzbekiston Respublikasi Prezidentining 2022-yil 8-sentabrdagi PF-216-son Farmoniga
1-ILOVA
Oʻzbekiston Respublikasi Prezidenti huzuridagi Strategik islohotlar agentligining kengashi
TARKIBI

1.

Sh.M. Mirziyoyev

—

Oʻzbekiston Respublikasi Prezidenti, Kengash raisi

2.

S. Chakrabarti

—

Oʻzbekiston Respublikasi Prezidentining iqtisodiy rivojlantirish, samarali boshqaruv va xalqaro hamkorlik masalalari boʻyicha maslahatchisi

3.

R.A. Gulyamov

—

Oʻzbekiston Respublikasi Prezidenti maslahatchisi

4.

M.P. Olloyorov

—

Oʻzbekiston Respublikasi Prezidenti maslahatchisi — Oʻzbekiston Respublikasi Prezidenti huzuridagi Ijtimoiy himoya milliy agentligi direktori

5.

B.M. Mavlonov

—

Oʻzbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamenti rahbari

6.

O.K. Abduraxmanov

—

Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari

7.

J.A. Qoʻchqorov

—

Bosh vazir oʻrinbosari — iqtisodiyot va moliya vaziri

8.

J.A. Xodjayev

—

Bosh vazir oʻrinbosari

9.

A.D. Toshkulov

—

adliya vaziri

10.

D.R. Li

—

Istiqbolli loyihalar milliy agentligi direktori

11.

E.T. Aripov

—

Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti direktori

12.

B.M. Bekmurodov

—

“Yuksalish” umummilliy harakati raisi

13.

E.M. Tulyakov

—

“Taraqqiyot strategiyasi” markazi ijrochi direktori

14.

N.X. Raximova

—

“Ijtimoiy fikr” respublika jamoatchilik fikrini oʻrganish markazi direktori

15.

O.B. Sattarov

—

“Vatandoshlar” jamoat fondi ijrochi direktori

16.

Lavozimiga koʻra

—

Oʻzbekiston Respublikasi Prezidenti huzuridagi Strategik islohotlar agentligining direktori, Kengash masʼul kotibi

Izoh: Kengash aʼzolari boshqa ishga oʻtgan taqdirda, uning tarkibiga ushbu lavozimga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.
(1-ilovaning matni Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
Keyingi tahrirga qarang.
Oldingi tahrirga qarang.
Oʻzbekiston Respublikasi Prezidentining 2022-yil 8-sentabrdagi PF-216-son Farmoniga
2-ILOVA
Oʻzbekiston Respublikasi Prezidenti huzuridagi Strategik islohotlar agentligining
TUZILMASI

Kengash

Direktor

Direktor oʻrinbosari

2

Xorijiy ekspertlar, konsultantlar va maslahatchilar bilan hamkorlik qilish guruhi

4

Ilgʻor xorijiy tajriba va reytinglarni oʻrganish asosida muhim tashabbuslarni ishlab chiqish guruhi

4

Amalga oshirilayotgan islohotlar samaradorligini baholash va monitoring qilish guruhi

4

Ilmiy tashkilotlar bilan hamkorlik qilish asosida muhim tashabbuslarni ishlab chiqish guruhi

2

Xalqaro va xorijiy tashkilot va institutlar bilan hamkorlik qilish asosida muhim tashabbuslarni ishlab chiqish guruhi

3

Loyiha boshqaruvi guruhlari

Izoh:
1. Boshqaruv xodimlarining umumiy cheklangan soni — 20 nafar.
2. Agentlik direktori Agentlik tuzilmasiga boshqaruv xodimlarining umumiy cheklangan soni doirasida oʻzgartirish kiritish huquqiga ega.
3. Yordamchi xodimlarning soni Oʻzbekiston Respublikasi Prezidenti Administratsiyasi uchun belgilangan tartibga asosan aniqlanadi.
4. Guruh rahbari va bosh inspektor tegishlicha Oʻzbekiston Respublikasi Prezidenti Administratsiyasi bosh inspektori va yetakchi inspektoriga tenglashtiriladi.
5. Agentlik direktori oʻrinbosarlarining lavozim razryadlari va tarif koeffitsiyentlari Agentlik direktori stavkasidan 5 foizgacha kam miqdorda belgilanadi.
(2-ilovaning matni Oʻzbekiston Respublikasi Prezidentining 2023-yil 8-noyabrdagi PF-190-sonli Farmoni tahririda — Qonunchilik maʼlumotlari milliy bazasi, 09.11.2023-y., 06/23/190/0839-son)
(Qonunchilik maʼlumotlari milliy bazasi, 09.09.2022-y., 06/22/216/0809-son; 09.11.2023-y., 06/23/190/0839-son; 01.11.2025-y., 06/25/201/1000-son)