|
Hujjat kuchini yo‘qotgan 17.06.2009
|
Oʻzbekiston Respublikasi Vazirlar Mahkamasining
qarori
JISMONIY ShAXSLARNING AYRIM TOIFALARI DAROMADLARIGA IMTIYOZLI SOLIQ SOLISh TOʻGʻRISIDA
LexUZ sharhiMazkur qarorni amal qilishi 1999-yil uchun Oʻzbekiston Respublikasi Vazirlar Mahkamasining 1998-yil 31-dekabrdagi 541-sonli “Oʻzbekiston Respublikasining 1999-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”ga qaroriga muvofiq saqlanib qolingan.
LexUZ sharhiMazkur qarorni amal qilishi 2000-yil uchun Oʻzbekiston Respublikasi Vazirlar Mahkamasining 1999-yil 31-dekabrdagi 554-sonli “Oʻzbekiston Respublikasining 2000-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”ga qaroriga muvofiq saqlanib qolingan.
LexUZ sharhiMazkur qarorni amal qilishi 2001-yil uchun Oʻzbekiston Respublikasi Vazirlar Mahkamasining 2000-yil26-dekabrdagi 500-sonli “Oʻzbekiston Respublikasining 2001-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”ga qaroriga muvofiq saqlanib qolingan.
LexUZ sharhiMazkur qarorni amal qilishi 2002-yil uchun Oʻzbekiston Respublikasi Vazirlar Mahkamasining 2001-yil 31-dekabrdagi 490-sonli “Oʻzbekiston Respublikasining 2002-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”ga qaroriga muvofiq saqlanib qolingan.
LexUZ sharhiMazkur qarorni amal qilishi 2003-yil uchun Oʻzbekiston Respublikasi Vazirlar Mahkamasining 2002-yil 30-dekabrdagi 455-sonli “Oʻzbekiston Respublikasining 2003-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”ga qaroriga muvofiq saqlanib qolingan.
LexUZ sharhiMazkur qaror Oʻzbekiston Respublikasi Vazirlar Mahkamasining 2009-yil 17-iyundagi 168-sonli “Soliq imtiyozlari tartibga solinishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish va baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasining Soliq kodeksiga muvofiq Vazirlar Mahkamasi qaror qiladi:
Oldingi tahrirga qarang.
1. Vazirlar Mahkamasining 1994-yil 12-maydagi 250-son qaror bilan tasdiqlangan ishlab chiqarishlar, muassasalar, ishlar, kasblar, lavozimlar va koʻrsatkichlarning 1, 2 va 3-roʻyxatlariga kiruvchi mehnat sharoitlari oʻta zararli, oʻta ogʻir, zararli va ogʻir boʻlgan ishlab chiqarishlarda ishlovchi xodimlarning daromadlariga soliq solishning amaldagi imtiyozli tartibi belgilansin, bunda fuqarolarning yuqorida aytib oʻtilgan toifalari daromadlaridan chegirmalar darajasi 25 foizdan oshmasligi nazarda tutilsin.
(1-band Oʻzbekiston Respublikasi Vazirlar Mahkamasining 2003-yil 25-dekabrdagi 567-sonli qarori tahririda — OʻR QHT, 2003-y., 24-son, 241-modda)
Oldingi tahrirga qarang.
2. Belgilansinki, noqulay tabiiy-iqlim sharoitlaridagi joylarda ishlaganlik uchun qoʻshimcha toʻlovlar (ish staji uchun ustama, togʻli, choʻl va suvsiz joylarda ishlaganlik uchun belgilangan koeffitsiyentlar boʻyicha toʻlovlar)ga soliq jismoniy shaxslar daromadiga solinadigan eng kam soliq stavkasi boʻyicha undiriladi.
(2-band Oʻzbekiston Respublikasi Vazirlar Mahkamasining 2001-yil 31-dekabrdagi 490-sonli qarori tahririda — OʻR QHT, 2001-y., 22-24-son, 159-modda)
3. Oʻzbekiston Respublikasi Davlat soliq qoʻmitasi jismoniy shaxslarning daromadidan olinadigan soliq mazkur qarorga muvofiq toʻgʻri hisoblab chiqilishi va toʻlanishi ustidan nazoratni taʼminlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1997-yil 24-dekabr,
562-son
