Oʻzbekiston Respublikasining “Rasmiy statistika toʻgʻrisida”gi Qonuni hamda Vazirlar Mahkamasining 2017-yil 2-sentabrdagi 690-son “Oʻzbekiston Respublikasi Davlat statistika qoʻmitasi toʻgʻrisidagi nizomni tasdiqlash haqida”gi qaroriga muvofiq Oʻzbekiston Respublikasi Davlat statistika qoʻmitasi qaror qiladi:

1. “Statistika hisobotini elektron shaklda taqdim etish tartibi toʻgʻrisidagi nizomni tasdiqlash haqida”gi qarorga (roʻyxat raqami 3312, 2021-yil 16-iyul) (Qonunchilik maʼlumotlari milliy bazasi, 16.07.2021-y., 10/21/3312/0684-son) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Qarorning muqaddimasidagi “Davlat statistikasi” degan soʻzlar “Rasmiy statistika” degan soʻzlar bilan almashtirilsin.

2. Nizomda:

muqaddimadagi “Davlat statistikasi” degan soʻzlar “Rasmiy statistika” degan soʻzlar bilan almashtirilsin;

1-bandning uchinchi xatboshisi quyidagi tahrirda bayon etilsin:

“respondent — rasmiy statistikani tayyorlovchilarga individual va boshqa maʼlumotlarni statistika maqsadlarida taqdim etuvchi jismoniy yoki yuridik shaxs;”.