1.03.00.00.00 Fuqarolik qonunchiligi / 03.03.00.00 Yuridik shaxslar / 03.03.10.00 Notijorat tashkilotlari / 03.03.10.04 Jamoat fondlari]
[TSZ:
1.Davlat va jamiyat qurilishi / Jamoat birlashmalari (jamgʻarmalari), diniy tashkilotlar, siyosiy partiyalar]
Oʻzbekiston Respublikasi Prezidentining
Qarori
“Vatandoshlar” jamoat fondini tashkil etish toʻgʻrisida
Xorijda istiqomat qilayotgan vatandoshlarni tarixiy Vatani atrofida yanada jipslashtirish, ularning qalbi va ongida yurt bilan faxrlanish tuygʻusini yuksaltirish, milliy oʻzlikni saqlab qolish, vatandoshlar va ular tomonidan tuzilgan jamoat birlashmalarini qoʻllab-quvvatlash, turli sohalarda faoliyat yuritayotgan vatandoshlarimizning salohiyatini mamlakatimiz taraqqiyotiga samarali yoʻnaltirish maqsadida:
1. Tashqi ishlar vazirligi, Madaniyat vazirligi, Moliya vazirligi, Bandlik va mehnat munosabatlari vazirligi, Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi, Oʻzbekiston nodavlat notijorat tashkilotlari milliy assotsiatsiyasi, “Yuksalish” umummilliy harakati, “Taraqqiyot strategiyasi” markazining ular muassisligidagi nodavlat notijorat tashkiloti — “Vatandoshlar” jamoat fondini (keyingi oʻrinlarda — Fond) tashkil etish toʻgʻrisidagi taklifi maʼqullansin.
2. Fond faoliyatining asosiy yoʻnalishlari etib quyidagilar belgilanishi maʼlumot uchun qabul qilinsin:
[OKOZ:
1.01.00.00.00 Konstitutsiyaviy tuzum / 01.05.00.00 Aholi / 01.05.12.00 Xorijdagi vatandoshlar]
xorijda istiqomat qilayotgan vatandoshlar va ular tomonidan tuzilgan jamoat birlashmalari bilan hamkorlik aloqalarini yoʻlga qoʻyish va rivojlantirish;
xalqaro huquqning umumeʼtirof etilgan prinsiplari va normalari, vatandoshlar istiqomat qilayotgan mamlakatlarning qonunlari va Oʻzbekiston Respublikasining xalqaro shartnomalari asosida xorijda istiqomat qilayotgan vatandoshlarning huquq va erkinliklarini himoya qilishga koʻmaklashish;
[OKOZ:
1.19.00.00.00 Xalqaro munosabatlar. Xalqaro huquq / 19.03.00.00 Ijtimoiy-madaniy masalalar boʻyicha hamkorlik / 19.03.02.00 Mehnat masalalari boʻyicha bitimlar / 19.03.02.02 Mehnat masalalari boʻyicha ikki tomonlama bitimlar;
2.19.00.00.00 Xalqaro munosabatlar. Xalqaro huquq / 19.03.00.00 Ijtimoiy-madaniy masalalar boʻyicha hamkorlik / 19.03.03.00 Ijtimoiy himoya va ijtimoiy sugʻurta boʻyicha bitimlar;
3.19.00.00.00 Xalqaro munosabatlar. Xalqaro huquq / 19.12.00.00 Fuqarolik va iqtisodiy ishlari boʻyicha huquqiy yordam / 19.12.03.00 Huquqiy axborotlar almashinuvi]
xorijda murakkab hayotiy vaziyatga tushib qolgan vatandoshlarni belgilangan tartibda moddiy va ijtimoiy qoʻllab-quvvatlash, ularga axborot jihatidan va huquqiy yordam koʻrsatish;
xorijda oʻzbek tili, madaniyati va anʼanalarini saqlab qolish va rivojlantirishga qaratilgan faoliyatni qoʻllab-quvvatlash;
xorijda yurtimizning boy ilmiy, madaniy va maʼnaviy merosini keng targʻib qilish va ommalashtirish, vatandoshlarga madaniy-maʼrifiy tadbirlarni tashkil etishda koʻmaklashish;
vatandoshlar tomonidan tashkil etilgan jamoat birlashmalari faoliyatini ragʻbatlantirish, ularga xorijda oʻzbek milliy madaniy markazlarini tashkil etishda amaliy yordam koʻrsatish;
[OKOZ:
1.01.00.00.00 Konstitutsiyaviy tuzum / 01.05.00.00 Aholi / 01.05.12.00 Xorijdagi vatandoshlar]
xorijiy davlatlarning taʼlim oʻzbek tilida olib borilayotgan muassasalarida pedagog kadrlarga boʻlgan mavjud ehtiyojdan kelib chiqib, xorijda istiqomat qilayotgan iqtidorli vatandoshlarimizning respublika oliy taʼlim muassasalarida taʼlim olishlariga koʻmak koʻrsatish;
rivojlangan xorijiy davlatlarda yashab kelayotgan olim va ijodkor vatandoshlarimizning yurtimiz nufuzini oshirishga qaratilgan ilmiy, ijodiy izlanishlarini qoʻllab-quvvatlash;
xorijda vatandoshlar tomonidan tashkil etiladigan nufuzli tadbirlarda mamlakatimizning taniqli yozuvchi va shoirlari, fan arboblari, diniy ulamolari, madaniyat va sanʼat vakillari, sportchilari ishtirokini taʼminlashda koʻmaklashish;
xorijda istiqomat qilayotgan vatandoshlarni Oʻzbekiston hududida tadbirkorlik, investitsiyaviy, ilmiy, maʼrifiy va madaniy faoliyat bilan shugʻullanishga faol jalb qilish;
[OKOZ:
1.19.00.00.00 Xalqaro munosabatlar. Xalqaro huquq / 19.03.00.00 Ijtimoiy-madaniy masalalar boʻyicha hamkorlik / 19.03.05.00 Madaniyat sohasidagi xalqaro hamkorlik]
xorijda istiqomat qilayotgan vatandoshlarni Oʻzbekistonning tarixi, madaniyati, siyosiy va ijtimoiy-iqtisodiy hayotiga oid maʼlumotlar bilan taʼminlashga qaratilgan interfaol elektron portalni yuritish;
xorijda istiqomat qilayotgan vatandoshlar duch kelayotgan muammolarni tizimli asosda tahlil qilib borish va ularning yechimi yuzasidan aniq takliflar ishlab chiqish;
migratsiya va taʼlim sohalarida shartnomaviy-huquqiy hamkorlikni kengaytirish yuzasidan takliflar ishlab chiqish va tegishli davlat organlariga kiritib borish;
Fond Ustaviga muvofiq boshqa vazifalarni amalga oshirish.
3. Quyidagilar:
“Vatandoshlar” jamoat fondining vasiylik kengashi (keyingi oʻrinlarda — Fondning Vasiylik kengashi) — Fondning oliy organi;
Vasiylik kengashi tomonidan shakllantiriladigan Fond Boshqaruvi — Fondning ijro organi hisoblanishi inobatga olinsin.
4. “Vatandoshlar” jamoat fondining vasiylik kengashi tarkibi ilovaga muvofiq maʼqullansin.
5. Fondning Vasiylik kengashiga:
[OKOZ:
1.05.00.00.00 Mehnat va aholining bandligi toʻgʻrisidagi qonunchilik / 05.08.00.00 Kasbiy tayyorgarlik, malaka oshirish va qayta tayyorlash]
bir oy muddatda Fondning Ustavi, tashkiliy tuzilmasi va Fond Boshqaruvi aʼzolarini tasdiqlash, shuningdek, Fond Boshqaruvini malakali kadrlar bilan toʻldirish;
har yili Fond mablagʻlaridan foydalanishning asosiy yoʻnalishlarini, daromad va xarajatlari boʻyicha prognoz koʻrsatkichlarni tasdiqlash;
[OKOZ:
1.01.00.00.00 Konstitutsiyaviy tuzum / 01.17.00.00 Nodavlat notijorat tashkilotlari (shuningdek, 03.03.10.03ga qarang) / 01.17.01.00 Nodavlat notijorat tashkilotlari maqomining umumiy masalalari]
Fond zimmasiga yuklangan vazifalarni amalga oshirish uchun manfaatdor davlat va nodavlat notijorat tashkilotlari, shuningdek, homiylarni jalb etish tavsiya etilsin.
6. Quyidagilar Fond mablagʻlarini shakllantirish manbalari etib belgilansin:
[OKOZ:
1.07.00.00.00 Moliya va kredit toʻgʻrisidagi qonunchilik. Bank faoliyati / 07.05.00.00 Respublika budjeti / 07.05.13.00 Davlat subsidiyalari va grantlari]
davlat subsidiyasi va davlat ijtimoiy buyurtmalaridan kelib tushadigan mablagʻlar;
muassislar tomonidan ajratiladigan mablagʻlar;
[OKOZ:
1.06.00.00.00 Ijtimoiy taʼminot va ijtimoiy sugʻurta toʻgʻrisidagi qonunchilik. Ijtimoiy himoya / 06.13.00.00 Homiylik]
yuridik va jismoniy shaxslarning homiylik xayriyalari;
yuridik va jismoniy shaxslar, xorijiy va xalqaro tashkilotlar, xorijiy davlatlarning grantlari;
Fond mablagʻlarini tijorat banklarida depozitga qoʻyishdan olinadigan daromadlar;
Fondning tadbirkorlik faoliyatidan olinadigan daromadlar (foyda);
[OKOZ:
1.06.00.00.00 Ijtimoiy taʼminot va ijtimoiy sugʻurta toʻgʻrisidagi qonunchilik. Ijtimoiy himoya / 06.03.00.00 Ijtimoiy taʼminot va ijtimoiy sugʻurtani moliyalashtirish / 06.03.06.00 Moliyalashtirishning boshqa manbalari]
qonunchilik hujjatlarida taqiqlanmagan boshqa manbalar.
7. Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga har yili asoslangan buyurtmanoma asosida Fondning asosiy vazifalarini bajarish doirasidagi tadbirlarni tashkil etish va oʻtkazishni moliyalashtirish uchun subsidiya shaklida zarur mablagʻlar ajratilishini taʼminlash tavsiya etilsin.
8. Fondni tashkil etish uchun zarur boʻlgan dastlabki mablagʻ sifatida Vazirlar Mahkamasining zaxira jamgʻarmasidan 5 milliard soʻm miqdorda mablagʻ ajratilsin.
Belgilansinki, ushbu bandda nazarda tutilgan mablagʻ:
bir oy muddatda Moliya vazirligi tomonidan muassislardan biri sifatida oʻz nomidan Fondga oʻtkaziladi;
[OKOZ:
1.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.03.00 Internet global tarmoq]
Fond joylashtiriladigan xizmat xonalarini taʼmirlash, ularning zarur texnika bilan jihozlanishi, avtotransport vositalari, ofis anjomlari, mebel va aloqa vositalari bilan taʼminlanishi, shu jumladan keng polosali Internet jahon axborot tarmogʻiga ulanishi, shuningdek, tijorat banklari depozitlariga mablagʻ qoʻyib, daromad olish uchun sarflanadi.
[OKOZ:
1.13.00.00.00 Taʼlim. Fan. Madaniyat / 13.01.00.00 Taʼlim / 13.01.12.00 Chet ellik fuqarolarni taʼlim muassasalariga oʻqishga qabul qilish]
9. Xorijda istiqomat qilayotgan vatandoshlar Oʻzbekiston Respublikasi oliy taʼlim muassasalariga oʻqishga qabul qilish va oʻqitish shartlariga koʻra Oʻzbekiston Respublikasi fuqarolariga tenglashtirilsin.
Oliy va oʻrta maxsus taʼlim vazirligi bir oy muddatda mazkur bandni amalga oshirish maqsadida qonunchilikka oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Quyidagilar:
Oʻzbekiston Respublikasi Prezidentining maslahatchilari Sh.Sh. Minovarov va A.A. Abduvaxitov — Fondning faoliyatini samarali tashkil etish, ushbu masalada barcha davlat organlari faoliyatini muvofiqlashtirishda;
1.05.00.00.00 Mehnat va aholining bandligi toʻgʻrisidagi qonunchilik / 05.01.00.00 Ishga joylash va aholi bandligi / 05.01.09.00 Mehnat migratsiyasi]
kambagʻallikni qisqartirish va bandlik vaziri (B.A. Musayev) — Fondning xorijda vaqtinchalik mehnat faoliyatini amalga oshirayotgan Oʻzbekiston Respublikasi fuqarolarini qoʻllab-quvvatlash boʻyicha vazifalarini amalga oshirishda;
(10-bandning uchinchi xatboshisi Oʻzbekiston Respublikasi Prezidentining 2023-yil 31-oktabrdagi PF-186-sonli Farmoni tahririda)
Tashqi ishlar vazirligi (F.N. Arziyev) — Oʻzbekiston Respublikasining xorijiy davlatlardagi diplomatik vakolatxonalari orqali Fondning xorijda istiqomat qilayotgan vatandoshlar bilan uzviy hamkorligini yoʻlga qoʻyish hamda xorijdagi tadbirlarni tashkil etishda;
Millatlararo munosabatlar va xorijiy mamlakatlar bilan doʻstlik aloqalari qoʻmitasi (R.J. Kurbanov) — Fondning vatandoshlar va ular tomonidan tuzilgan jamoat birlashmalari bilan aloqalarini yoʻlga qoʻyishda, shuningdek, xorijiy davlatlarda faoliyat yuritayotgan oʻzbek milliy madaniy markazlari va jamiyatlari bilan hamkorlik aloqalarini oʻrnatishda;
1.13.00.00.00 Taʼlim. Fan. Madaniyat / 13.01.00.00 Taʼlim / 13.01.08.00 Taʼlim turlari / 13.01.08.06 Kadrlarni qayta tayyorlash va ularning malakasini oshirish;
2.13.00.00.00 Taʼlim. Fan. Madaniyat / 13.03.00.00 Madaniyat / 13.03.11.00 Adabiyot. Kutubxona ishi]
Xalq taʼlimi vazirligi (Sh.X. Shermatov) — Fond mablagʻlari hisobidan xorijda oʻzbek tilida taʼlim olib boriladigan maktab oʻquvchilarini darslik va badiiy adabiyotlar bilan taʼminlash, pedagog xodimlar uchun malaka oshirish kurslarini tashkil etish hamda maktablarni qurish, taʼmirlash va jihozlashda;
Madaniyat vazirligi (O.A. Nazarbekov), Badiiy akademiya (A.V. Nuriddinov), Yozuvchilar uyushmasi (S.S. Saidov) — xorijda vatandoshlar bilan birgalikda oʻtkaziladigan madaniy-maʼrifiy tadbirlarni tashkil etishda hamda ularda madaniyat va sanʼat vakillari, taniqli yozuvchi va shoirlarning ishtirok etishini Fond mablagʻlari hisobidan taʼminlashda;
[OKOZ:
1.01.00.00.00 Konstitutsiyaviy tuzum / 01.12.00.00 Qoraqalpogʻiston Respublikasi qonunchilik va ijro organlari / 01.12.05.00 Qoraqalpogʻiston Respublikasi Vazirlar Kengashi;
2.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.01.00 Umumiy masalalar]
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar va tashqi savdo vazirligi (B.N. Abidov), Innovatsion rivojlanish vazirligi (I.Yu. Abduraxmonov), Oliy va oʻrta maxsus taʼlim vazirligi (A.X. Toshkulov) — Fond tomonidan respublika hududida tadbirkorlik, investitsiyaviy, ilmiy, maʼrifiy va madaniy faoliyat bilan shugʻullanishga jalb qilingan vatandoshlarga tegishli loyihalarni amalga oshirishda har tomonlama amaliy yordam koʻrsatsin.
11. Tashqi ishlar vazirligi boshqa muassislar va Adliya vazirligi bilan birgalikda ikki oy muddatda Fondning belgilangan tartibda davlat roʻyxatidan oʻtkazilishini taʼminlasin.
12. Fondning Vasiylik kengashiga ikki oy muddatda Fondning 2021-yilga moʻljallangan faoliyat dasturini ishlab chiqish va tasdiqlash tavsiya etilsin.
[OKOZ:
1.03.00.00.00 Fuqarolik qonunchiligi / 03.11.00.00 Majburiyatlarning alohida turlari / 03.11.08.00 Bepul foydalanish]
13. Fond Tashqi ishlar vazirligi binosiga vaqtinchalik tekin foydalanish huquqi bilan joylashtirilsin.
[OKOZ:
1.09.00.00.00 Tadbirkorlik va xoʻjalik faoliyati / 09.16.00.00 Aloqa / 09.16.11.00 Telekommunikatsiya]
14. Axborot texnologiyalari va kommunikatsiyalarini rivojlantirish vazirligi Fondning murojaatiga asosan, uni telekommunikatsiya xizmatlari, shu jumladan hukumat aloqasi bilan belgilangan tartibda taʼminlasin.
15. Tashqi ishlar vazirligi boshqa muassislar bilan birgalikda bir oy muddatda qonunchilikka ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning ijrosini samarali tashkil etishga masʼul va shaxsiy javobgar qilib Oʻzbekiston Respublikasi Bosh vazirining maslahatchisi M.A. Xayriddinov va tashqi ishlar vazirining birinchi oʻrinbosari F.N. Arziyev belgilansin.
Qaror ijrosini muhokama qilib borish, ijro uchun masʼul idora va tashkilotlar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchilari Sh.Sh. Minovarov va A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 11-avgust,
PQ-5220-son
Oʻzbekiston Respublikasi Prezidentining 2021-yil 11-avgustdagi PQ-5220-son qaroriga ILOVA
“Vatandoshlar” jamoat fondining Vasiylik kengashi
TARKIBI
1.
Sherali Joʻrayev
—
Oʻzbekiston xalq artisti, Vasiylik kengashi raisi
2.
Ravshan Irmatov
—
Oʻzbekiston futbol assotsiatsiyasi birinchi vitse-prezidenti, Vasiylik kengashi raisi oʻrinbosari
3.
Mehriddin Xayriddinov
—
Oʻzbekiston Respublikasi Bosh vazirining maslahatchisi, Vasiylik kengashi raisi oʻrinbosari
4.
Farxod Arziyev
—
tashqi ishlar vazirining birinchi oʻrinbosari
5.
Rustam Kurbanov
—
Millatlararo munosabatlar va xorijiy mamlakatlar bilan doʻstlik aloqalari qoʻmitasi raisi
6.
Xurshid Doʻstmuhammad
—
yozuvchi, Oʻzbekistonda xizmat koʻrsatgan madaniyat xodimi, Oliy Majlis Qonunchilik palatasi deputati
7.
Naim Karimov
—
adabiyotshunos olim, Oʻzbekiston Respublikasi fan arbobi, Oʻzbekiston Fanlar akademiyasi akademigi
8.
Mahmud Toir
—
Oʻzbekiston xalq shoiri, Oʻzbekiston Yozuvchilar uyushmasi Toshkent viloyati boʻlimi rahbari, Oliy Majlis Senati aʼzosi
9.
Olimjon Davlatov
—
adabiyotshunos olim, Alisher Navoiy nomidagi xalqaro jamoat fondi ijrochi direktori
Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasi ijrochi direktori v.b.
15.
Qudratilla Rafikov
—
Oʻzbekiston Kasaba uyushmalari federatsiyasi Kengashi raisi
16.
Bobur Bekmurodov
—
“Yuksalish” umummilliy harakati raisi
17.
Eldor Tulyakov
—
“Taraqqiyot strategiyasi” markazi ijrochi direktori
Izoh:
Fondning Vasiylik kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaxslar kiritiladi.
Fondning Vasiylik kengashi qarori bilan uning tarkibiga xorijda istiqomat qilayotgan nufuzli vatandoshlar ham kiritilishi mumkin.
