1.07.00.00.00 Moliya va kredit toʻgʻrisidagi qonunchilik. Bank faoliyati / 07.05.00.00 Respublika budjeti / 07.05.13.00 Davlat subsidiyalari va grantlari;
2.09.00.00.00 Tadbirkorlik va xoʻjalik faoliyati / 09.14.00.00 Qishloq xoʻjaligi / 09.14.09.00 Qishloq xoʻjaligi tarmoqlari / 09.14.09.04 Bogʻdorchilik. Uzumchilik;
3.09.00.00.00 Tadbirkorlik va xoʻjalik faoliyati / 09.14.00.00 Qishloq xoʻjaligi / 09.14.09.00 Qishloq xoʻjaligi tarmoqlari / 09.14.09.05 Sabzavotchilik]
[TSZ:
1.Iqtisodiyot / Qishloq xoʻjaligi]
Oʻzbekiston Respublikasi Vazirlar Mahkamasining
qarori
Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisidagi nizomni tasdiqlash haqida
Oʻzbekiston Respublikasi Prezidentining “Meva-sabzavotchilik va uzumchilik tarmogʻini yanada rivojlantirish, sohada qoʻshilgan qiymat zanjirini yaratishga doir qoʻshimcha chora-tadbirlar toʻgʻrisida” 2019-yil 11-dekabrdagi PQ-4549-son qarori ijrosini taʼminlash, shuningdek, koʻchatchilik sohasini intensiv texnologiyalar asosida rivojlantirish maqsadida Vazirlar Mahkamasi qaror qiladi:
1. Quyidagilarni nazarda tutuvchi Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisidagi nizom 1-ilovaga muvofiq tasdiqlansin:
mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni (keyingi oʻrinlarda — koʻchatlar va payvandtaglar) sotib olish xarajatlarining bir qismini subsidiya ajratish yoʻli bilan qoplab berish tartibi;
koʻchatlar va payvandtaglar uchun subsidiyaning bazaviy hisoblash miqdorlari;
koʻchatlar va payvandtaglar turlari (tok koʻchatlari, urugʻli va danakli mevalar, yongʻoq mevalari) boʻyicha koeffitsiyentlarni aniqlash tartibi;
respublikada koʻchatlar va payvandtaglarni ekish shartlari;
Qoraqalpogʻiston Respublikasi Qishloq xoʻjaligi vazirligi va viloyatlar qishloq xoʻjaligi boshqarmalari tomonidan intensiv bogʻ va tokzor barpo etish boʻyicha loyihalarning manzilli roʻyxatlarini shakllantirish tartibi;
koʻchatlar va payvandtaglarni yetishtirish va yetkazib berish majburiyatlarining bajarilishi boʻyicha monitoring olib borish tartibi.
2. Belgilansinki:
qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga koʻchatlar va payvandtaglarni sotib olish xarajatlarining bir qismini qoplash uchun Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi (keyingi oʻrinlarda — Jamgʻarma) hisobidan subsidiya ajratiladi;
qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga koʻchatlar va payvandtaglarni sotib olish xarajatlarining bir qismini qoplash uchun ajratiladigan mablagʻlardan samarali foydalanilishi Oʻzbekiston Respublikasi Moliya vazirligining Davlat moliyaviy nazorati departamenti tomonidan nazorat qilinadi.
3. Vazirlar Mahkamasining 2019-yil 11-iyundagi 481-son qarori bilan tasdiqlangan Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi toʻgʻrisidagi nizomga2-ilovaga muvofiq oʻzgartirish va qoʻshimchalar kiritilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev hamda Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 24-iyul,
458-son
Vazirlar Mahkamasining 2021-yil 24-iyuldagi 458-son qaroriga 1-ILOVA
Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisida
1. Ushbu Nizom qishloq xoʻjaligi birlashmalarining aʼzolari, meva-sabzavot klasterlari ishtirokchilari va boshqa tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni (keyingi oʻrinlarda — koʻchatlar va payvantaglar) sotib olish xarajatlarining bir qismini qoplash uchun Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi (keyingi oʻrinlarda — Agentlik) qoshidagi Bogʻdorchilik va issiqxona xoʻjaligini rivojlantirish jamgʻarmasi (keyingi oʻrinlarda — Jamgʻarma) hisobidan subsidiya ajratish tartibini belgilaydi.
2. Ushbu Nizomda quyidagi tushunchalardan foydalaniladi:
intensiv bogʻ — intensiv koʻchatlar (pakana va yarim pakana) hamda payvandtaglardan yetishtirilgan koʻchatlarni zich ekish sxemasida resurstejamkor agrotexnologik tadbirlarni amalga oshirish asosida tashkil etilgan va suv tejovchi sugʻorish texnologiyalari joriy etilgan mevali bogʻ;
“In-vitro” laboratoriyasi — oʻsimlik organizmi toʻqimalarini mikroklonal koʻpaytirish usuli orqali “sogʻlom”, viruslardan holi boʻlgan payvandtag yetishtirish uchun ixtisoslashgan, maxsus jihozlangan laboratoriya;
koʻchatchilik xoʻjaligi — Oʻzbekiston Respublikasida meva koʻchatlarini yetishtiruvchi maqomga va koʻchatchilikka ixtisoslashgan kamida 2 gektar yer maydoniga ega boʻlgan xoʻjalik yurituvchi subyekt;
qishloq xoʻjaligi birlashmasi — fermer xoʻjaliklari, dehqon xoʻjaliklari hamda tomorqa yer egalarini, shuningdek, meva-sabzavot mahsulotlarini yetishtirish va ularni tayyorlash, tashish, saqlash va sotish boʻyicha faoliyat olib boruvchi jismoniy va yuridik shaxslarni oʻz ichiga olgan yuridik shaxs;
loyiha tashabbuskori — yangi intensiv bogʻ va/yoki tokzor barpo etish yuzasidan subsidiya olish uchun murojaat qilgan qishloq xoʻjaligi birlashmasi aʼzosi, meva-sabzavot klasteri ishtirokchisi yoki tadbirkorlik subyekti;
meva-sabzavot klasteri — bir yoki bir necha yuridik va jismoniy shaxslar tomonidan bitim asosida zamonaviy texnologiyalardan foydalangan holda urugʻlik, meva-sabzavot mahsulotlarini yetishtirish, qayta ishlash, saqlash, tayyor mahsulot ishlab chiqarish va sotish boʻyicha qoʻshilgan qiymat zanjiri yaratish yuzasidan hamkorlikni amalga oshirishga qaratilgan faoliyat shakli;
payvandtag — “In-vitro” laboratoriyasida yoki vegetativ yoʻl bilan koʻpaytirilgan ildiz tizimiga ega boʻlgan oʻsimlik poyasi;
plantatsiya — qishloq xoʻjaligi birlashmalarining yoki meva-sabzavot klasterining aʼzolari tomonidan tutash hududda 10 gektardan kam boʻlmagan maydonlarda bir xil meva yoki uzum turi ekilgan intensiv bogʻ va/yoki tokzor.
3. Subsidiyalar koʻchatlar va payvandtaglarni sotib olish xarajatlarining bir qismini qoplash uchun beriladi, danak va urugʻdan koʻpaytirilgan payvandtaglar (koʻchatlar) bundan mustasno.
4. Subsidiyaning bazaviy hisoblash miqdori sotib olinadigan koʻchatlar va payvandtaglarning har bir donasi uchun quyidagi miqdorlarda belgilanadi:
intensiv meva va uzum koʻchati uchun — 8 000 soʻm;
5. Qishloq xoʻjaligi birlashmalari aʼzolari, meva-sabzavot klasterlari ishtirokchilari va boshqa tadbirkorlik subyektlariga koʻchatlar va payvandtaglarni sotib olish xarajatlarining bir qismini qoplash uchun har bir dona koʻchatga beriladigan subsidiya miqdori uning bazaviy hisoblash miqdoriga mevali koʻchat turi uchun belgilangan koeffitsiyentni koʻpaytirish yoʻli bilan quyidagicha aniqlanadi:
Nomlanishi
Koʻchat turlari boʻyicha koeffitsiyentlar
tok koʻchatlari
(xoʻraki va kishmishbop)
urugʻli mevalar
danakli mevalar
yongʻoq mevalar
Intensiv koʻchatlar (pakana va yarim pakana) hamda payvandtaglar
6. Loyiha tashabbuskorlari mazkur Nizomga 1-ilovaga muvofiq intensiv bogʻ va tokzorlarda koʻchatlarni ekish shartlariga rioya qilishlari lozim.
7. Mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismi ushbu Nizomga 2-ilovaga muvofiq sxema boʻyicha qoplab beriladi.
2-bob. Mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplab berish tartibi
8. Qoraqalpogʻiston Respublikasi Qishloq xoʻjaligi vazirligi va viloyatlar qishloq xoʻjaligi boshqarmalari har yili 1-noyabrga qadar plantatsiya asosida barpo etiladigan bogʻ va tokzorlar uchun ajratilgan yoki ajratiladigan yer maydonlaridan kelib chiqib, loyiha tashabbuskorlarining intensiv koʻchatlar turlari, navlari va miqdoriga boʻlgan talabini aniqlash maqsadida intensiv bogʻ va tokzor barpo etish boʻyicha loyihalarning manzilli roʻyxatini mazkur Nizomga 3-ilovaga muvofiq shakllantiradi.
9. Qoraqalpogʻiston Respublikasi Qishloq xoʻjaligi vazirligi va viloyatlar qishloq xoʻjaligi boshqarmalari shakllantirilgan manzilli roʻyxatni oʻn ish kunida Agentlikka taqdim etadi.
10. Agentlik taqdim etilgan manzilli roʻyxat asosida oʻn ish kunida “in-vitro” laboratoriyalari va koʻchatchilik xoʻjaliklarining mahalliy sharoitda yetishtirilgan intensiv koʻchatlar yetkazib berish imkoniyatini oʻrganib, olingan maʼlumotlarni Qoraqalpogʻiston Respublikasi Qishloq xoʻjaligi vazirligi va viloyatlar qishloq xoʻjaligi boshqarmalari orqali loyiha tashabbuskoriga yetkazadi.
11. Loyiha tashabbuskori intensiv koʻchatlar sotib olishga subsidiya olish uchun Agentlik va koʻchat yetkazib beruvchi koʻchatchilik xoʻjaligi oʻrtasida uch tomonlama shartnomani imzolashga Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi kengashining (keyingi oʻrinlarda — Kengash) qarorini olish uchun Agentlikka quyidagi hujjatlarni yozma yoki elektron shaklda taqdim qiladi:
yuridik shaxsning nomi, soliq toʻlovchining identifikatsiya raqami (STIR), tashkiliy-huquqiy shakli, joylashgan joyi (pochta manzili), soʻralayotgan subsidiyaning maqsadi, miqdori, intensiv bogʻ va/yoki tokzor barpo etilishi rejalashtirilgan yer maydoni, xizmat koʻrsatuvchi tijorat bankining nomi va bankdagi hisobvaragʻi koʻrsatilgan subsidiya ajratish toʻgʻrisidagi ariza;
intensiv bogʻ va/yoki tokzor barpo etish uchun yer uchastkasiga boʻlgan huquqni tasdiqlovchi hujjat nusxasi;
ushbu Nizomga 4-ilovaga muvofiq shaklda loyiha toʻgʻrisida maʼlumot.
Elektron shaklda taqdim etilgan hujjatlar elektron raqamli imzo bilan tasdiqlanadi.
Loyihani moliyalashtirishning aniq manbalari (oʻz mablagʻi, bank krediti, xorijiy investitsiya) koʻrsatilmagan arizalar koʻrib chiqilmaydi.
12. Agentlik taqdim etilgan hujjatlarni besh ish kunida Kengashning navbatdagi yigʻilishlarida koʻrib chiqish uchun kiritadi.
13. Kengash Agentlik tomonidan loyiha tashabbuskoriga intensiv koʻchatlarni sotib olish uchun beriladigan buyurtmaga avans toʻlovi sifatida subsidiya ajratish yoki ajratishni rad etish toʻgʻrisida qaror qabul qiladi.
14. Subsidiya ajratishni rad etish uchun quyidagilar asos hisoblanadi:
loyiha tashabbuskori ushbu Nizomning 11-bandida belgilangan shartlarga mos kelmasa;
koʻchat yetkazib beruvchi xoʻjalik mevali va uzum koʻchati yetishtirish uchun koʻchatchilikka ixtisoslashgan kamida 2 gektar yer maydoniga ega boʻlmasa, shuningdek, koʻchatchilikka ixtisoslashgan xoʻjalik boʻlmasa;
loyiha tashabbuskori tomonidan taqdim etilgan hujjatlarda Agentlik tomonidan oʻtkaziladigan oʻrganishlar orqali ishonchsiz va notoʻgʻri maʼlumotlar mavjudligi yoki maʼlumotlarni buzib koʻrsatish holatlari aniqlanganda.
Ushbu bandda qayd etilganidan boshqa holatlardan tashqari loyiha tashabbuskoriga subsidiya ajratishni rad etishga yoʻl qoʻyilmaydi.
15. Kengashning subsidiya ajratish toʻgʻrisidagi ijobiy qarori Agentlik, loyiha tashabbuskori va koʻchatchilik xoʻjaligi oʻrtasida subsidiya ajratish toʻgʻrisidagi uch tomonlama shartnomani rasmiylashtirish uchun asos hisoblanadi.
Kengashning yigʻilishlari, zaruratga koʻra, bir oyda kamida bir marotaba oʻtkaziladi.
16. Agentlik Kengash tomonidan qabul qilingan qarorlar toʻgʻrisida loyiha tashabbuskorini uch ish kun mobaynida yozma (elektron) ravishda xabardor qiladi.
Loyiha tashabbuskori Kengashning qarori haqida xabardor qilingandan soʻng besh ish kunida Agentlik, loyiha tashabbuskori va koʻchatchilik xoʻjaligi oʻrtasida intensiv koʻchatlar yetishtirish, yetkazib berish va subsidiya ajratib berish boʻyicha uch tomonlama shartnoma imzolanadi.
Agentlik shartnoma imzolangandan soʻng Jamgʻarma hisobvaragʻida mablagʻlar mavjud boʻlgan taqdirda bir oy muddatda, biroq uzogʻi bilan olti oydan oshmagan muddatda intensiv koʻchatlar yetkazib berish uchun loyiha tashabbuskori nomidan koʻchatchilik xoʻjaligiga shartnomada belgilangan miqdordagi mablagʻlarni oʻtkazib beradi.
Ajratilgan mablagʻlardan boshqa maqsadlarda foydalanish holatlari aniqlangan taqdirda, Agentlik moliyalashtirishni toʻxtatadi va mablagʻning moliyalashtirilgan qismini undirish choralarini koʻradi.
17. Mablagʻlar koʻchatchilik xoʻjaliklarining xizmat koʻrsatuvchi tijorat banklarida ochilgan maxsus 22626 hisobvaraqlariga (tashkilotlarning maqsadli mablagʻlari) oʻtkaziladi.
18. Koʻchatchilik xoʻjaligi loyiha tashabbuskoriga yetkazib berilayotgan intensiv koʻchatlar uchun Jamgʻarma tomonidan moliyalashtirilgan mablagʻlarni mos ravishda har bir koʻchat narxidan chegirib qoladi.
Ushbu koʻchat narxidan chegirilgan mablagʻlar loyiha tashabbuskoriga taqdim etilgan subsidiya deb hisoblanadi.
2-§. Mahalliy sharoitda yetishtirilgan payvandtaglarni sotib olish xarajatlarining bir qismini qoplab berish
19. Koʻchatchilik xoʻjaligi mahalliy sharoitda yetishtirilgan payvandtaglarni sotib olish xarajatlarining bir qismini “in-vitro” laboratoriyasiga subsidiya hisobiga oldindan toʻlovni amalga oshirish uchun Agentlikka quyidagi hujjatlarni yozma yoki elektron shaklda taqdim qiladi:
yuridik shaxsning nomi, soliq toʻlovchining identifikatsiya raqami (STIR) va tashkiliy-huquqiy shakli, joylashgan joyi (pochta manzili), subsidiya olish maqsadi, miqdori, mahalliy sharoitda intensiv koʻchatlar yetishtirish rejalashtirilgan yer maydoni (kontur raqami), xizmat koʻrsatuvchi tijorat bankining nomi va bankdagi hisobvaragʻi koʻrsatilgan holda subsidiya ajratish toʻgʻrisidagi ariza;
yer uchastkasiga boʻlgan huquqni tasdiqlovchi hujjat nusxasi (payvandtaglar akademik M.Mirzayev nomidagi Bogʻdorchilik, uzumchilik va vinochilik ilmiy-tadqiqot institutining ilmiy-tajriba stansiyalarida yetishtirilgan hollar bundan mustasno).
Elektron shaklda taqdim etilgan hujjatlar elektron raqamli imzo bilan tasdiqlanadi.
20. Agentlik koʻchatchilik xoʻjaligi tomonidan taqdim etilgan hujjatlarni besh ish kunida Kengashning navbatdagi yigʻilishlarida koʻrib chiqish uchun kiritadi.
Kengashning yigʻilishlari, zaruratga koʻra, bir oyda kamida bir marotaba oʻtkaziladi.
21. Kengash koʻchatchilik xoʻjaligiga “in-vitro” laboratoriyasidan payvandtaglar sotib olishga oldindan buyurtma berish uchun subsidiya ajratish yoki ajratishni rad etish toʻgʻrisida qaror qabul qiladi.
22. Subsidiya ajratishni rad etish uchun quyidagilar asos boʻladi:
loyiha tashabbuskori ushbu Nizomning 19-bandida belgilangan shartlarga mos kelmasa;
payvandtag yetkazib beruvchi koʻchatchilik xoʻjaligi mevali va uzum koʻchat yetishtirish uchun koʻchatchilikka ixtisoslashgan kamida 2 gektar yer maydoniga ega boʻlmasa, shuningdek, koʻchatchilikka ixtisoslashgan xoʻjalik boʻlmasa;
loyiha tashabbuskori tomonidan taqdim etilgan hujjatlarda Agentlik tomonidan oʻtkaziladigan oʻrganishlar orqali ishonchsiz va notoʻgʻri maʼlumotlar mavjudligi yoki maʼlumotlarni buzib koʻrsatish holatlari aniqlanganda.
Ushbu bandda qayd etilganidan boshqa holatlarda subsidiya oluvchiga subsidiya ajratishni rad etishga yoʻl qoʻyilmaydi.
23. Kengashning subsidiya ajratish toʻgʻrisidagi ijobiy qarori Agentlik, “in-vitro” laboratoriyasi va koʻchatchilik xoʻjaligi oʻrtasida subsidiyani avans toʻlovi sifatida toʻlab berish toʻgʻrisida uch tomonlama shartnomani rasmiylashtirish uchun asos hisoblanadi.
24. Agentlik Kengash tomonidan qabul qilingan qarorlar toʻgʻrisida koʻchatchilik xoʻjaligini uch ish kuni mobaynida yozma (elektron) ravishda xabardor qiladi.
Koʻchatchilik xoʻjaligi Kengashning qarori haqida xabardor qilingandan soʻng besh ish kunida Agentlik, “in-vitro” laboratoriyasi va koʻchatchilik xoʻjaligi oʻrtasida payvandtaglarni yetkazib berish va subsidiyani avans toʻlovi sifatida toʻlab berish boʻyicha uch tomonlama shartnoma imzolanadi.
25. Agentlik “in-vitro” laboratoriyaga imzolangan uch tomonlama shartnoma asosida Jamgʻarma hisobraqamida mablagʻlar mavjud boʻlgan taqdirda bir oy muddatda, biroq uzogʻi bilan olti oydan oshmagan muddatda payvandtaglarni yetishtirish va yetkazib berish uchun koʻchatchilik xoʻjaligi nomidan subsidiyani oʻtkazadi.
26. Subsidiya mablagʻlari “in-vitro” laboratoriyalarining xizmat koʻrsatuvchi tijorat banklarida ochilgan maxsus 22626 hisobvaraqlariga (tashkilotlarning maqsadli mablagʻlari) oʻtkaziladi.
27. “In-vitro” laboratoriyasi koʻchatchilik xoʻjaliklariga yetkazib berilgan payvandtaglar uchun Jamgʻarma tomonidan moliyalashtirilgan mablagʻni mos ravishda har bir payvandtag narxidan chegirib qoladi.
Ushbu payvandtag narxidan chegirilgan mablagʻlar koʻchatchilik xoʻjaligiga taqdim etilgan subsidiya deb hisoblanadi.
3-bob. Mahalliy sharoitda intensiv koʻchatlar (pakana va yarim pakana) hamda payvandtaglarni yetishtirish va yetkazib berish majburiyatlarining bajarilishi boʻyicha monitoringini olib borish
28. “In-vitro” laboratoriyalari va koʻchatchilik xoʻjaliklari mahalliy sharoitda intensiv koʻchatlar hamda payvandtaglar yetkazib berishni subsidiya mablagʻlari ajratilgandan (moliyalashtirilgandan) soʻng 24 oydan oshmagan muddatda yakunlanishi lozim.
29. Shartnomada koʻrsatilgan parametrlar oʻz vaqtida bajarilishini taʼminlash maqsadida Agentlik, akademik M. Mirzayev nomidagi Bogʻdorchilik, uzumchilik va vinochilik ilmiy-tadqiqot instituti tomonidan loyiha tashabbuskori yoki koʻchatchilik xoʻjaligi ishtirokida har chorak yakuni boʻyicha subsidiya olgan koʻchatchilik xoʻjaligi dalasiga va “in-vitro” laboratoriyasiga tashrif buyurgan holda monitoring oʻtkaziladi.
Monitoring yakunlari boʻyicha shartnomada koʻrsatilgan parametrlarning bajarilish holati va koʻchatlar yetishtirish standartlarga mosligi toʻgʻrisidagi maʼlumotlar koʻrsatilgan holda uch nusxada dalolatnoma rasmiylashtiriladi.
Dalolatnoma Agentlik, akademik M. Mirzayev nomidagi Bogʻdorchilik, uzumchilik va vinochilik ilmiy-tadqiqot instituti vakili, loyiha tashabbuskori yoki koʻchatchilik xoʻjaligi rahbari tomonidan imzolanadi. Dalolatnoma bir nusxadan Agentlik, koʻchatchilik xoʻjaligi va “in-vitro” laboratoriyasida saqlanadi.
30. Monitoring jarayonida qishloq xoʻjaligi birlashmalarining aʼzolari, meva-sabzavot klasterlari ishtirokchilari va boshqa tadbirkorlik subyektlari, loyiha tashabbuskori, koʻchatchilik xoʻjaligi yoki “in-vitro” laboratoriyasi tomonidan shartnoma shartlari bajarilmaganligi aniqlangan taqdirda, Agentlik oʻtkazib berilgan mablagʻlarni qaytarish yuzasidan ularga yozma ravishda talabnoma yuboradi.
Loyiha tashabbuskori, koʻchatchilik xoʻjaligi yoki “in-vitro” laboratoriyasi ushbu talabnomani olgan kundan eʼtiboran bir oy mobaynida olingan mablagʻlarni Agentlikning tegishli maxsus shaxsiy gʻazna hisobvaragʻiga qaytarishi lozim.
Agar olingan mablagʻlar belgilangan muddatda qaytarib berilmasa, Agentlik mablagʻlarni qaytarish boʻyicha belgilangan tartibda sudga murojaat qilishi mumkin. Bunda loyihaning bajarilmagan qismiga teng boʻlgan subsidiya qaytariladi.
4-bob. Yakunlovchi qoidalar
31. “In-vitro” laboratoriyalari va koʻchatchilik xoʻjaliklarining roʻyxati Oʻzbekiston Respublikasi Qishloq xoʻjaligi vazirligi va Agentlikning rasmiy veb-saytlarida eʼlon qilinadi.
32. Agentlik har chorak yakuni bilan ajratilayotgan subsidiyadan foydalanish samaradorligini oʻrganish, tahlil qilish va tahlil natijalari boʻyicha Vazirlar Mahkamasi va Qishloq xoʻjaligi vazirligiga axborot kiritib boradi.
33. Qishloq xoʻjaligi birlashmalarining aʼzolari va meva-sabzavot klasterlari ishtirokchilariga koʻchatlar va payvandtaglarni sotib olish xarajatlarining bir qismini qoplash uchun ajratiladigan mablagʻlardan samarali foydalanilishi yuzasidan nazorat Oʻzbekiston Respublikasi Moliya vazirligi Davlat moliyaviy nazorati departamenti tomonidan amalga oshiriladi.
34. Mahalliy sharoitda intensiv koʻchatlar (pakana va yarim pakana) hamda payvandtaglar yetishtirib berish uchun subsidiya olgan “in-vitro” laboratoriyalari va koʻchatchilik xoʻjaliklari subsidiyaning maqsadli va samarali ishlatilishi uchun javobgar hisoblanadi.
35. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.
Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisida nizomga 1-ILOVA
Respublikada intensiv bogʻlarda mevali daraxt va uzum koʻchatlarini ekish sxemasining shartlari
Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisida nizomga
2-ILOVA
Mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplab berish
SXEMASI
Bosqichlar
Subyektlar
Tadbirlar
Muddatlar
1-bosqich
Qoraqalpogʻiston Respublikasi Qishloq xoʻjaligi vazirligi va viloyatlar qishloq xoʻjaligi boshqarmalari
Plantatsiya asosida barpo etiladigan bogʻ va tokzorlar uchun ajratilgan yoki ajratiladigan yer maydonlaridan kelib chiqib, loyiha tashabbuskorlarining intensiv koʻchatlar turi, navi va soniga boʻlgan talabni aniqlash maqsadida intensiv bogʻ va tokzor barpo etish boʻyicha loyihalarning manzilli roʻyxatini shakllantiradi.
Har yili 1-noyabrga qadar
Shakllantirilgan manzilli roʻyxatni Bogʻdorchilik va issiqxona xoʻjaligini rivojlantirish agentligiga taqdim etadi.
10 ish kunida
2-bosqich
Bogʻdorchilik va issiqxona xoʻjaligini rivojlantirish agentligi
Taqdim etilgan manzilli roʻyxat asosida “in-vitro” laboratoriyalari va koʻchatchilik xoʻjaliklarining mahalliy sharoitda intensiv koʻchatlar yetkazib berish imkoniyatini oʻrganib, olingan maʼlumotlarni Qoraqalpogʻiston Respublikasi Qishloq xoʻjaligi vazirligi va viloyatlar qishloq xoʻjaligi boshqarmalari orqali loyiha tashabbuskorlariga yetkazadi.
10 ish kunida
3-bosqich
Loyiha tashabbuskori
1. Subsidiyani olish uchun zarur hujjatlarni tayyorlaydi.
2. Bogʻdorchilik va issiqxona xoʻjaligini rivojlantirish agentligi hujjatlarni yozma yoki elektron shaklda taqdim qiladi.
Tashabbus koʻrsatish tartibida
4-bosqich
Bogʻdorchilik va issiqxona xoʻjaligini rivojlantirish agentligi
Loyiha tashabbuskorlari tomonidan subsidiya olish uchun taqdim qilinadigan hujjatlarni Bogʻdorchilik va issiqxona xoʻjaligini rivojlantirish jamgʻarmasi kengashining navbatdagi yigʻilishlarida koʻrib chiqish uchun kiritadi.
5 ish kunida
5-bosqich
Bogʻdorchilik va issiqxona xoʻjaligini rivojlantirish jamgʻarmasi kengashi
Kengash tomonidan qabul qilingan qarorlar toʻgʻrisida loyiha tashabbuskorlarini yozma (elektron) ravishda xabardor qiladi.
3 ish kunida
6-bosqich
Bogʻdorchilik va issiqxona xoʻjaligini rivojlantirish agentligi
Loyiha tashabbuskorlari kengashning qarori haqida xabardor qilingandan soʻng, loyiha tashabbuskori va koʻchatchilik xoʻjaligi oʻrtasida intensiv koʻchatlar yetishtirish, yetkazib berish va subsidiya mablagʻlarini ajratib berish boʻyicha uch tomonlama shartnomani imzolaydi.
5 ish kunida
7-bosqich
Bogʻdorchilik va issiqxona xoʻjaligini rivojlantirish agentligi
Shartnoma imzolangandan soʻng Agentlik intensiv koʻchatlar yetkazib berish uchun koʻchatchilik xoʻjaliklariga shartnomada belgilangan miqdordagi mablagʻlarni oʻtkazib beradi.
Mablagʻlar koʻchatchilik xoʻjaliklarining xizmat koʻrsatuvchi tijorat banklarida ochilgan maxsus 22626-maxsus hisobvaraqlariga oʻtkaziladi.
Jamgʻarma hisobraqamida mablagʻlar mavjud boʻlgan taqdirda bir oy muddatda, aks holda uzogʻi bilan olti oydan oshmagan muddatda
8-bosqich
Bogʻdorchilik va issiqxona xoʻjaligini rivojlantirish agentligi
Loyiha tashabbuskori yoki koʻchatchilik xoʻjaligi ishtirokida subsidiya olgan koʻchatchilik xoʻjaligi dalasiga va “in-vitro” laboratoriyasiga tashrif buyurgan holda monitoring oʻtkaziladi.
Monitoring yakunlari boʻyicha shartnomada koʻrsatilgan parametrlarning bajarilish holati va koʻchatlar yetishtirish standartlariga mosligi toʻgʻrisidagi uch nusxada dalolatnoma rasmiylashtiriladi.
Monitoring davomida shartnoma shartlari bajarilmagani aniqlangan taqdirda, oʻtkazib berilgan mablagʻlarni qaytarish yuzasidan yozma ravishda talabnoma yuboradi.
Har chorak yakuni boʻyicha
9-bosqich
Loyiha tashabbuskori
Mablagʻlarni Bogʻdorchilik va issiqxona xoʻjaligini rivojlantirish agentligining tegishli maxsus shaxsiy gʻazna hisobvaragʻiga qaytaradi.
Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisida nizomga 3-ILOVA
__________ viloyatida qishloq xoʻjaligi birlashmalarining aʼzolari va meva-sabzavot klasterlari ishtirokchilari va tadbirkorlik subyektlari tomonidan intensiv bogʻ va tokzor barpo etish boʻyicha loyihalarning
MANZILLI ROʻYXATI
T/r
Qishloq xoʻjaligi birlashmasi yoki meva-sabzavot klasteri nomi
Loyiha tashabbuskorining STIR raqami
Hudud, massiv
Intensiv bogʻ/tokzor maydoni (gektar)
Kontur raqami
Mevali daraxt
Talab etiladigan intensiv (pakana va yarim pakana) koʻchat soni
Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisida nizomga 4-ILOVA
Intensiv bogʻ va tokzor (xoʻraki va kishmishbop) barpo etish loyihasi toʻgʻrisida
1. Loyiha tashabbuskori nomi: ________________ STIR raqami: _____________
2. Ajratilgan umumiy maydon: _____ gektar, shundan ekin maydoni _____ gektar.
3. Loyiha amalga oshirilayotgan joyning manzili va kontur raqami: ________________.
4. Mevali koʻchat turi va navi, tup soni, ekish sxemasi: __________.
5. Koʻchatchilik xoʻjaligining nomi, manzili, telefon raqami.
6. Loyihani amalga oshirish muddati: _________ .
7. Yaratiladigan ish oʻrni: ___ kishi.
8. Loyihaning umumiy qiymati — ________ mln soʻm yoki _____ AQSH dollari, shundan:
T/r
Amalga oshiriladigan ishlar
Loyihaning umumiy qiymati (mln soʻm), shundan:
Moliyalashtirish manbalari, mln soʻm
loyiha tashabbuskorining mablagʻlari
Bogʻdorchilik va issiqxona xoʻjaligini rivojlantirish jamgʻarmasi subsidiyalari
Tijorat banklari kreditlari, boshqa manbalar hisobiga
1.
Agrotexnik tadbirlar (jumladan, yer haydash, chizellash, yerni tekislash) amalga oshirish
2.
Tuproqqa mineral oʻgʻitlar va boshqa kimyoviy moddalar bilan ishlov berish
3.
Intensiv koʻchat sotib olish va ularni ekish
4.
Koʻchatlarni ekish
5.
Suv chiqarish uchun quduqlar va nasos stansiyasi qurish
6.
Tomchilab sugʻorish tizimini joriy qilish
7.
Boshqa xarajatlar
JAMI:
Keltirilgan maʼlumotlar ishonchli (haqqoniy) boʻlib, loyiha toʻliq hajmda oʻz vaqtida va sifatli amalga oshirilishiga kafolat beraman.
Loyiha tashabbuskori
_______________________
___________
(F.I.O.)
(imzo)
Vazirlar Mahkamasining 2021-yil 24-iyuldagi 458-son qaroriga 2-ILOVA
Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi toʻgʻrisidagi nizomga kiritilayotgan oʻzgartirish va qoʻshimchalar
“kooperatsiyalarga birlashgan limon yetishtiruvchi fermer va dehqon xoʻjaliklari, qishloq xoʻjaligi korxonalari va tadbirkorlik subyektlariga yangi limonzorlarni barpo etish va koʻchatlarni xarid qilish bilan bogʻliq boʻlgan xarajatlarning har bir gektari uchun 30 million soʻmdan oshmaydigan miqdorda”;
quyidagi mazmundagi beshinchi xatboshi qoʻshilsin:
“qishloq xoʻjaligi birlashmalari aʼzolari va meva-sabzavot klasterlari ishtirokchilariga mahalliy sharoitda har bir intensiv (pakana va yarim pakana) koʻchat uchun 8 000 soʻm hamda payvandtagning har bir donasi uchun 2 500 soʻm miqdorida”;
“Agar shartnomada suv tejovchi sugʻorish texnologiyalarini joriy etishga, shuningdek, yangi limonzorlarni barpo etish va intensiv koʻchatlarni (pakana va yarim pakana) hamda payvandtaglarni xarid qilish bilan bogʻliq sarflangan xarajat mazkur kichik bandda belgilangan summadan kam boʻlgan taqdirda subsidiya shartnomada nazarda tutilgan summaga ajratiladi”.
