Avtomobilsozlikni yanada rivojlantirishni moliyaviy qoʻllab-quvvatlash, Oʻzbekiston Respublikasi fuqarolarining avtomobil sotib olishlari uchun qulay shart-sharoitlar yaratish maqsadida Vazirlar Mahkamasi qaror qiladi:

1. Oʻzbekiston Respublikasi Moliya vazirligi, Markaziy bank, Tashqi iqtisodiy aloqalar vazirligi, “Oʻzavtosanoat” uyushmasi, Tashqi iqtisodiy faoliyat milliy banki va Xalq bankining Toshkent shahrida bosh ofisi boʻlgan “Asaka” davlat-aksionerlik tijorat bankini tashkil etish toʻgʻrisidagi taklifi maʼqullansin.

2. Maʼlumot uchun qabul qilinsinki, “Asaka” bankining oʻzbekistonlik taʼsischilari bilan bir qatorda bankni tashkil etishda xorijiy yuridik shaxslar ham qatnashishlari mumkin.

“DEU” korporatsiyasining (Koreya Respublikasi) uning “Asaka” bankini taʼsis etishda qatnashishi haqidagi taklifiga rozilik berilsin.

4. “Asaka” banki taʼsischilariga bir oy muddatda taʼsis majlisini oʻtkazish, taʼsischilarning ustav fondidagi ulushlarini belgilash, bank ustavini tasdiqlash va belgilangan tartibda ustav fondini shakllantirish tavsiya etilsin.

“Asaka” banki boshqaruvi ikki oy muddatda belgilangan tartibda aksiyalar chiqarishni va sotishni amalga oshirsin.

5. Quyidagilar “Asaka” bankining asosiy vazifalari etib belgilansin:

respublika avtomobilsozligi sanoatini va tegishli infrastrukturani rivojlantirish boʻyicha investitsiya loyihalarini ustuvor darajada mablagʻ bilan taʼminlash maqsadida yuridik va jismoniy shaxslarning erkin mablagʻlarini toʻplash;

avtomobilsozlik sanoati hamda uning infrastrukturasi korxonalari va tashkilotlariga, shuningdek avtomobillarni sotish va ularga texnik xizmat koʻrsatish bilan bogʻliq korxonalarga kompleks kredit-hisob-kitob xizmatlari koʻrsatish;

avtomobil sanoati korxonalarini mablagʻ bilan taʼminlash uchun xorijiy investorlar resurslarini jalb etish;

respublikada ishlab chiqarilayotgan avtomobillarni sotib olish uchun keyinchalik fuqarolarga berish maqsadida Xalq bankiga oʻzaro kelishilgan shartlarda kredit resurslarini jalb etish va berish;

“OʻzDEUAVTO” qoʻshma korxonasi uchun respublikada butlovchi ishlab chiqarishlarni rivojlantirish boʻyicha tadbirlarni va lokal loyihalarni mablagʻ bilan taʼminlash;

qimmatli qogʻozlar bilan, shu jumladan “OʻzDEUAVTO” qoʻshma korxonasi avtomobillarini sotib olish huquqini beruvchi qimmatli qogʻozlar bilan operatsiyalarni amalga oshirish;

chet el valyutasi bilan, shu jumladan Oʻzbekiston Respublika valyuta birjasida, operatsiyalarni amalga oshirish.

7. Markaziy bankka:

bir oy muddatda “Asaka” bankini roʻyxatdan oʻtkazish;

Oʻzbekiston tijorat banklari uyushmasi bilan birgalikda “Asaka” bankini malakali mutaxassislar bilan taʼminlashda yordam koʻrsatish tavsiya etilsin.

8. Moliya vazirligi, Markaziy bank, “Asaka” davlat-aksionerlik tijorat banki hamda Xalq banki:

ikki oy muddatda — opsionlarni muomalaga chiqarish va ular bilan operatsiyalarni amalga oshirish qoidalarini ishlab chiqsinlar va tasdiqlasinlar.

9. “Oʻzavtosanoat” uyushmasi uch oy muddatda “OʻzDEUAVTO” qoʻshma korxonasi tomonidan ishlab chiqarilayotgan avtomobillarni toʻplash, sotish va ularga texnika xizmat koʻrsatishga ixtisoslashtirilgan punktlar tashkil etishni taʼminlasin, bunda texnika xizmat koʻrsatish stansiyalarining mavjud shoxobchalaridan foydalansin.

10. Belgilab qoʻyilsinki, 1998-yilning 1-yanvarigacha “Asaka” banki mablagʻlarining uning moddiy-texnika bazasini mustahkamlashga yoʻnaltiriladigan qismi soliqlardan ozod etiladi.

12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari “Asaka” banki muassasalarini joylashtirish uchun binolar ajratsinlar.

13. Markaziy bank va “Oʻzsanoatqurilishbank”ning “Oʻzsanoatqurilishbank”ning Asaka shahridagi boʻlimini “Asaka” banki filialiga aylantirish toʻgʻrisidagi taklifiga rozilik berilsin. “Oʻzsanoatqurilishbank” ikki oy muddatda boʻlimning asosiy fondlarini va mol-mulkini qoldiq qiymati boʻyicha “Asaka” banki balansiga oʻtkazsin.

14. Aloqa vazirligi “Asaka” banki buyurtmanomalariga binoan zarur miqdorda maxsus aloqa vositalari ajratilishini taʼminlasin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov va Markaziy bank Boshqaruvi raisi F.M. Mullajonov zimmasiga yuklansin.