|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI IChKI IShLAR VAZIRLIGINING HARBIYLAShTIRILGAN YoNGʻIN SOQChILIGINI MUSTAHKAMLASh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Aholining yongʻinga qarshi ishonchli himoyasini, Buxoro neftni qayta ishlash zavodi mahsulotlari va xalq xoʻjaligi obyektlarining saqlanishini kuchaytirish maqsadida Vazirlar Mahkamasi qaror qiladi:
1. Buxoro viloyatining Qorovulbozor shahrida ishlab turgan 31 kishidan iborat professional oʻt oʻchiruvchi qism tugatilib, xodimlarining soni 65 kishidan iborat yirik va murakkab yongʻinlarni oʻchiruvchi tayanch punkti boʻlgan mustaqil harbiylashtirilgan oʻt oʻchiruvchi qism tashkil etilsin.
2. Qoʻshimcha kiritilgan xodimlarni joriy yilda mablagʻ bilan taʼminlash 1997-yilda Oʻzbekiston Respublikasi Ichki ishlar vazirligi uchun nazarda tutilgan umumiy mablagʻlar hisobidan amalga oshirilsin.
3. Oʻzbekiston Respublikasi Moliya vazirligi, 1998-yildan boshlab, qoʻshimcha shtatlar ajratilishi munosabati bilan Oʻzbekiston Respublikasi Ichki ishlar vazirligini mablagʻ bilan taʼminlasin.
4. Oʻzbekiston Respublikasi Ichki ishlar vazirligi qoʻshimcha ajratilgan shtatlarni xodimlar bilan butlash yuzasidan zarur chora-tadbirlar koʻrsin.
5. Mazkur qarorning bajarilishini nazorat qilish Bosh vazirning birinchi oʻrinbosari I.H. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1997-yil 16-aprel,
197-son
