Oʻzbekiston Respublikasi Soliq kodeksi, Oʻzbekiston Respublikasi Vazirlar Mahkamasining 2004-yil 28-dekabrdagi “Oʻzbekiston Respublikasining 2005-yilgi Davlat budjeti parametrlari toʻgʻrisida”gi 610-sonli qarori (Oʻzbekiston Respublikasi Qonun hujjatlari toʻplami, 2004-yil., 52-son, 523-modda) va Oʻzbekiston Respublikasi Moliya vazirligi va Davlat soliq qoʻmitasi tomonidan 1998-yil 20-fevralda 5 va 98-15-son bilan tasdiqlangan Qishloq xoʻjalik korxonalariga qishloq xoʻjalik ishlab chiqarishi ehtiyojlari uchun yetkazib beriladigan yonilgʻi-moylash materiallari va mineral oʻgʻitlar uchun qoʻshilgan qiymat soligʻi boʻyicha nol stavkasini qoʻllash tartibiga (1998-yil 1-iyun, roʻyxat raqami 441) muvofiq, qaror qilamiz:

1. Xoʻjalik yurituvchi subyektlarda qoʻshilgan qiymat soligʻi boʻyicha nol stavkasini qoʻllash natijasida yuzaga kelgan salbiy farqni qoplash toʻgʻrisidagi nizom ilovaga* muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kundan keyin kuchga kiradi.