Oʻzbekiston Respublikasining “Oʻzbekiston Respublikasining Markaziy banki toʻgʻricida”gi Qonuni 7 va 51-moddalariga muvofiq va Oʻzbekiston Respublikasi bank tizimini yagona vakillik hisob raqami rejimiga oʻtib ishlashi va bank telekommunikatsiya tarmogʻi muhofazasini taʼminlash munosabati bilan Oʻzbekiston Respublikasi Markaziy bank Boshqaruvi qaror qiladi:

1. Markaziy bank Boshqaruvi tomonidan 2001-yil 23-iyunda tasdiqlangan 492-sonli “Oʻzbekiston Respublikasi hududida banklarda elektron axborotlarni muhofazalashni tashkil etish toʻgʻrisida”gi Yoʻriqnomaga (2001-yil 9-iyul, roʻyxat raqami 1047 — Meʼyoriy hujjatlar axborotnomasi, 2001-yil 13-son) ilovaga muvofiq qoʻshimchalar kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan 10 kun oʻtgach kuchga kiritilsin.

Yoʻriqnoma quyidagi tahrirdagi yangi bandlar bilan toʻldirilsin:

“11-1. Bank telekommunikatsiya tarmogʻi orqali davlat siri toifasiga kiruvchi maʼlumotlar uzatilishi qatʼiyan man etiladi.

11-2. Markaziy bank farmoyishi va muvofiqlashtirilgan reja-jadvali asosida tijorat banklarida amalga oshirilayotgan tekshirishlar va oʻrganishlar vaqtida, tekshiruvchilarga qogʻoz hujjatlar bilan bir qatorda elektron maʼlumotlardan (elektron hujjatlar, elektron baza, elektron arxiv) ham bank binosidan olib chiqib ketmaslik sharti bilan foydalanishga ruxsat etiladi”.