|
Hujjat kuchini yo‘qotgan 22.02.2021
|
Oʻzbekiston Respublikasi Prezidenti huzuridagi Vazirlar Mahkamasining
qarori
OʻZBEKISTON RESPUBLIKASI OʻQUV YURTLARIDA TAʼLIM OLAYOTGAN AFFONISTON ISLOM DAVLATI FUQAROLARI TOʻFRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi bilan Afgʻoniston Islom Davlati rahbarlari oʻrtasida boʻlib oʻtgan rasmiy uchrashuv yakunlariga amal qilgan holda, shuningdek, taʼlim sohasida doʻstona davlatlararo munosabatlarni qaror toptirish, xususan, Afgʻoniston Islom Davlatiga milliy kadrlar tayyorlashda yordam koʻrsatish maqsadida Vazirlar Mahkamasi qaror qiladi:
1. Afgʻoniston Islom Davlatining Oʻzbekiston oʻquv yurtlarida shartnomasiz taʼlim olayotgan oʻquvchilarini 1992/93-oʻquv yili oxiriga qadar, yetim bolalardan iborat boʻlgan oʻquvchilarni esa muayyan kasbni egallagunga qadar bepul oʻqitishga ruxsat berilsin.
2. Oʻzbekiston Respublikasi Oliy va oʻrta maxsus taʼlim, Xalq taʼlimi vazirliklari tegishli oʻquv yurtlarida Afgʻoniston Islom Davlatidan kelgan oʻquvchilarning puxta bilim olishlari uchun zarur shart-sharoitlar yaratib berish choralarini koʻrsinlar.
Hunar-texnika bilim yurtida va maktab-internatda taʼlim olayotgan afgʻonistonlik yetim bolalarning oʻqishi va yashashi uchun sarflanadigan xarajatlar Oʻzbekiston Respublikasi fuqarolari boʻlgan yetim bolalar uchun belgilangan miqdorga tenglashtirilsin.
3. Oʻzbekiston Respublikasi Moliya vazirligi ushbu qarorni roʻyobga chiqarish uchun zarur mablagʻ ajratsin.
4. Ushbu qarorning bajarilishini nazorat qilish Vazirlar Mahkamasining ijtimoiy masalalar, fan va taʼlim majmuiga yuklatilsin.
Vazirlar Mahkamasining Raisi I. KARIMOV
Toshkent sh.,
1992-yil 30-noyabr,
560-son
