|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
UN, NON VA BOShQA NON MAHSULOTLARI IShLAB ChIQARIShNI HISOBGA OLISh TARTIBI TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Un-yorma, omixta ozuqa ishlab chiqarish va non pishirish sanoati korxonalarining ishlab chiqarish faoliyatini obyektiv baholash maqsadida Vazirlar Mahkamasi qaror qiladi:
1. “Oʻzistiqbolstat” davlat qoʻmitasining un, non va boshqa non mahsulotlari ishlab chiqarish koʻrsatkichlarini haqiqatda ishlab chiqarilgan mahsulot boʻyicha, uni oʻtgan (bazis) yilning tegishli davriga nisbatan 100 foiz deb qabul qilgan holda baholash toʻgʻrisidagi taklifi qabul qilinsin.
2. “Oʻzdonmahsulot” davlat korporatsiyasi, “Oʻzbeksavdo” uyushmasi, Oʻzbekbirlashuv hamda “Oʻzistiqbolstat” davlat qoʻmitasi statistik va ichki tarmoq hisobotlarini ushbu qarorga muvofiqlashtirsinlar.
3. Mazkur qarorning bajarilishini nazorat qilish Bosh vazir oʻrinbosari Oʻ.Q. Ismoilov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1995-yil 17-iyul,
274-son
