Aholining, korxonalar, tashkilotlar va muassasalarning sugʻurta xizmatlariga ehtiyojlarini yanada toʻla qondirishni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Moliya vazirligi, “Oʻzagrosugʻurta” davlat-aksiyadorlik sugʻurta kompaniyasining, “Oʻzbekinvest” eksport-import milliy sugʻurta kompaniyasining, “Asaka” aksiyadorlik-tijorat bankining va Xalq bankining ochiq turdagi aksiyadorlik jamiyati sifatidagi “Kafolat” davlat-aksiyadorlik sugʻurta kompaniyasini tashkil etish toʻgʻrisidagi taklifiga rozilik berilsin.

Muassislar tomonidan boshlangʻich ustav fondi 500 mln soʻm miqdorida eʼlon qilinganligi maʼlumot uchun qabul qilinsin, shu jumladan:

Moliya vazirligi 50 mln soʻm;

“Oʻzagrosugʻurta” davlat-aksiyadorlik sugʻurta kompaniyasi 300 mln soʻm;

“Oʻzbekinvest” eksport-import milliy sugʻurta kompaniyasi 50 mln soʻm;

“Asaka” aksiyadorlik-tijorat banki 10 mln coʻm;

Xalq banki 10 mln soʻm;

aksiyalarni erkin sotish, shu jumladan, xorijiy investorlarga 80 mln soʻm.

2. Kafolat” davlat-aksiyadorlik sugʻurta kompaniyasi sugʻurtaning majburiy davlat turlarini oʻtkazishga vakil qilinsin.

Sugʻurtaning majburiy va ixtiyoriy turlari “Kafolat” davlat-aksiyadorlik sugʻurta kompaniyasi tomonidan qonun hujjatlarida belgilangan tartibda amalga oshiriladi.

4. Belgilansinki, “Kafolat” davlat-aksiyadorlik sugʻurta kompaniyasining ijro etuvchi organi Bosh direktor boshchilik qiladigan Direksiya hisoblanadi, Bosh direktor Oʻzbekiston Respublikasi Moliya vazirining taqdimnomasiga binoan Vazirlar Mahkamasi tomonidan tayinlanadi.

5. Kafolat” davlat-aksiyadorlik sugʻurta kompaniyasi, uning ijro etuvchi apparati tuzilmasi va kompaniya xodimlari soni kompaniyaning Kuzatuvchi kengashi tomonidan belgilanadi.

6. “Kafolat” davlat-aksiyadorlik sugʻurta kompaniyasi bir oy muddatda taʼsis majlisini oʻtkazsin va oʻz faoliyati Ustavini belgilangan tartibda qabul qilsin.

7. Oʻzbekiston Respublikasi Adliya vazirligi “Kafolat” davlat-aksiyadorlik sugʻurta kompaniyasini ochiq turdagi aksiyadorlik jamiyati sifatida belgilangan tartibda roʻyxatdan oʻtkazsin.

8. Maʼlumot uchun qabul qilinsinki, “Oʻzagrosugʻurta” davlat-aksiyadorlik sugʻurta kompaniyasining shahar boʻlinmalari egallab turgan xizmat binolari uning ustav fondiga ulushi sifatida “Kafolat” sugʻurta kompaniyasiga beriladi.

9. Oʻzbekiston Respublikasi Aloqa vazirligi bir oy muddatda “Kafolat” davlat-aksiyadorlik sugʻurta kompaniyasi Direksiyasini aloqa vositalari, shu jumladan, hukumat aloqa vositalari bilan taʼminlasin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.