|
Hujjat kuchini yo‘qotgan 05.02.1999
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI VAZIRLAR MAHKAMASINING 1994 YIL 26 MARTDAGI 164-SON QARORIGA OʻZGARTIRIShLAR KIRITISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 1999-yil 5-fevraldagi 54-sonli “Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisidagi nizomni tasdiqlash haqida”gi qaroriga muvofiq oʻz kuchini yoʻqotgan.
Buxgalteriya hisobotini taqdim etish jarayonini tartibga solish va takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Vazirlar Mahkamasining 1994-yil 26-martdagi 164-son qarori bilan tasdiqlangan Oʻzbekiston Respublikasida buxgalteriya hisobi va hisoboti toʻgʻrisidagi nizomga quyidagi oʻzgartirishlar kiritilsin:
41-bandning birinchi xatboshidagi “100000 soʻmdan” soʻzlari “eng kam oylik ish haqining oʻn besh baravaridan soʻzlari bilan almashtirilsin;
47-bandning “b” kichik bandidagi “100000 soʻm” soʻzlari “eng kam oylik ish haqining oʻn besh baravari miqdori” soʻzlari bilan almashtirilsin;
76-band quyidagi tahrirda bayon qilinsin:
“Korxona (chet el investitsiyalari ishtirokidagi korxonalardan tashqari) yillik buxgalteriya hisobotini hisobot yilidan keyingi yilning 15-fevralidan kechikmay, yil choragi hisobotini esa hisobot davri tugagandan soʻng 25 kundan kechiktirmay taqdim etadi”.
2. Mazkur qaror 1996-yil 1-yanvardan boshlab amalga kiritilsin.
Oʻzbekiston Respublikasining Bosh vaziri A. MUTALOV
Toshkent sh.,
1995-yil 18-dekabr,
461-son
