Oʻzbekiston Respublikasi Vazirlar Mahkamasining “Oʻzbekiston Transport va transport kommunikatsiyalari uyushmasi faoliyatini tashkil etish chora-tadbirlari toʻgʻrisida” 2004-yil 12-oktabrdagi 470-son qaroriga muvofiq Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

1. Vazirlar Mahkamasining “Avtomobil transporti sohasida boshqaruvning tashkiliy tuzilmasini takomillashtirish chora-tadbirlari toʻgʻrisida” 2001-yil 5-iyundagi 245-son qaroriga 2-ilovadan “Oʻztranssanoat” respublika uyushmasi” bloki chiqarib tashlansin.

2. Vazirlar Mahkamasining “Oʻzavtoyoʻl” davlat-aksiyadorlik kompaniyasi va Oʻzbekiston Respublikasi Moliya vazirligi huzuridagi Respublika yoʻl jamgʻarmasi faoliyatini tashkil etish masalalari toʻgʻrisida” 2003-yil 21-avgustdagi 361-son qaroriga (Oʻzbekiston Respublikasi QT, 2003-y., 8-son, 74-modda) 1-ilovadan “Oʻzyoʻlloyiha” instituti mintaqalardagi filiallari bilan” bloki chiqarib tashlansin.

3. Vazirlar Mahkamasining “Davlat boshqaruvi respublika organlari boshqaruv xodimlari sonini maqbullashtirish va qisqartirish toʻgʻrisida” 2004-yil 5-yanvardagi 1-son qaroriga 3-ilovada:

17-pozitsiyada:

3-ustunda “2581” va “2417” raqamlari tegishli ravishda “2746” va “2582” raqamlari bilan almashtirilsin;

6-ustunda “2067” va “1947” raqamlari tegishli ravishda “2232” va “2112” raqamlari bilan almashtirilsin;

76-pozitsiyada:

3-ustunda “6768” va “6549” raqamlari tegishli ravishda “6751” va “6532” raqamlari bilan almashtirilsin;

6-ustunda “4996” va “4772” raqamlari tegishli ravishda “4982” va “4758” raqamlari bilan almashtirilsin.

4. Vazirlar Mahkamasining “Oʻzbekiston temir yoʻllari” davlat-aksiyadorlik kompaniyasini boshqarishni tashkil etishni yanada takomillashtirish toʻgʻrisida” 2004-yil 3-avgustdagi 366-son qarorida:

1-ilovada “Toshtemiryoʻlloyiha” ochiq aksiyadorlik jamiyati” bloki “Koʻprikqurilish” tresti” bloki bilan almashtirilsin;

2-ilovada “Kapital qurilish direksiyasi, Binolar va inshootlarga xizmat koʻrsatish direksiyasi, “Toshtemiryoʻlloyiha” OAJ” blokida “Toshtemiryoʻlloyiha” OAJ” soʻzlari “Koʻprikqurilish” tresti” soʻzlari bilan almashtirilsin.

5. Vazirlar Mahkamasining “Oʻzbekiston Transport va transport kommunikatsiyalari uyushmasi faoliyatini tashkil etish chora-tadbirlari toʻgʻrisida” 2004-yil 12-oktabrdagi 470-son qarorida (Oʻzbekiston Respublikasi QT, 2004-y., 10-son, 96-modda):

“Loyihalash tashkilotlari” blokida “Oʻzyoʻlloyiha” instituti” soʻzlari “Yoʻl-Loyiha-Byurosi” DUK” soʻzlari bilan almashtirilsin.