|
Hujjat kuchini yo‘qotgan 16.12.2025
|
Oʻzbekiston Respublikasi Prezidenti huzuridagi Vazirlar Mahkamasining
qarori
K.D. Ushinskiy nomidagi oʻqituvchilar malakasini oshirish va qayta tayyorlash markaziy institutini xalq taʼlimi xodimlari malakasini oshirish markaziy institutiga aylantirish toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Oʻqituvchilarni qayta tayyorlash sifatini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Xalq taʼlimi vazirligining K.D. Ushinskiy nomidagi oʻqituvchilar malakasini oshirish va qayta tayyorlash markaziy institutini Xalq taʼlimi xodimlari malakasini oshirish markaziy institutiga aylantirish toʻgʻrisidagi taklifi qabul qilinsin.
2. Xalq taʼlimi xodimlari malakasini oshirish markaziy institutiga oʻzbek shoiri, olim va maʼrifatparvar A. Avloniy nomi berilsin.
Oʻzbekiston Respublikasining Bosh vaziri A. MUTALOV
Toshkent sh.,
1992-yil 6-aprel,
169-son
