“Arxiv ishi toʻgʻrisida”gi Oʻzbekiston Respublikasi Qonuniga hamda Oʻzbekiston Respublikasi Prezidentining “Oʻzbekiston Respublikasi Mudofaa sanoati davlat qoʻmitasini tashkil etish toʻgʻrisida” 2017-yil 20-noyabrdagi PF-5246-son Farmoniga muvofiq Vazirlar Mahkamasi qaror qiladi:

1. Vazirlar Mahkamasining 1999-yil 30-oktabrdagi 482-son qarori (Oʻzbekiston Respublikasi QT, 1999-y. 10-son 62-modda) bilan tasdiklangan Oʻzbekiston Respublikasi Milliy arxiv fondi toʻgʻrisidagi nizomga ilovaga:

a) quyidagi mazmundagi oʻn birinchi xatboshi qoʻshilsin:

“Oʻzbekiston Respublikasi Mudofaa sanoati davlat qoʻmitasi”;

b) oʻn birinchi — oʻn yettinchi xatboshilar tegishli ravishda oʻn ikkinchi — oʻn sakkizinchi xatboshilar deb hisoblansin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Mudofaa sanoati davlat qoʻmitasi raisi O.O. Ismoilov zimmasiga yuklatilsin.