toggle_night_mode
Hujjat 06.08.2020 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Toshkent shahar hokimligi huzuridagi Mustaqillik maydonini koʻkalamzorlashtirish, obodonlashtirish va saqlash departamentini maxsus texnika va avtotransport vositalari bilan taʼminlash toʻgʻrisida
Toshkent shahrining Shayxontohur tumanida barpo etilgan “Suzuk ota” majmuasini soz holda saqlash va undan foydalanishni tashkil etish maqsadida Vazirlar Mahkamasi qaror qiladi:
1. Toshkent shahrining Shayxontohur tumanida barpo etilgan “Suzuk ota” majmuasida obodonlashtirish, sunʼiy sugʻorish inshootlari va koʻkalamzorlashtirish obyektlarini qurish ishlari yakunlanganligi hamda majmuani saqlash va undan foydalanish Toshkent shahar hokimligi huzuridagi Mustaqillik maydonini koʻkalamzorlashtirish, obodonlashtirish va saqlash departamentiga (keyingi oʻrinlarda — Departament) yuklanganligi maʼlumot uchun qabul qilinsin.
2. 2020-2021-yillarda Toshkent shahar hokimligi huzuridagi Mustaqillik maydonini koʻkalamzorlashtirish, obodonlashtirish va saqlash departamentini maxsus texnika va avtotransport vositalari bilan taʼminlash roʻyxati ilovaga muvofiq tasdiqlansin.
3. Toshkent shahar hokimligi 2020-yilda Departamentga ajratilgan qoʻshimcha shtat birliklariga, “Suzuk ota” majmuasidan foydalanish va saqlash xarajatlariga hamda maxsus texnika va avtotransport vositalarini xarid qilish uchun zarur mablagʻlarni Toshkent shahar mahalliy budjeti mablagʻlari hisobidan ajratsin.
4. Toshkent shahar hokimligi va Oʻzbekiston Respublikasi Moliya vazirligi 2021-yildan boshlab, Toshkent shahar mahalliy budjeti parametrlarini shakllantirishda “Suzuk ota” majmuasidan foydalanish va uni saqlash xarajatlariga hamda maxsus texnika va avtotransport vositalarini xarid qilish uchun zarur mablagʻlar ajratilishini nazarda tutsin.
5. Vazirlar Mahkamasining 2004-yil 24-dekabrdagi 606-son qarori bilan tasdiqlangan Mustaqillik maydonini koʻkalamzorlashtirish, obodonlashtirish va saqlash departamenti tuzilmasidagi “Jami xodimlar soni — 274 kishi” soʻzlari “Jami xodimlar soni — 307 kishi” soʻzlari bilan almashtirilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Toshkent shahar hokimi J.A. Artikxodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 5-avgust,
464-son
Vazirlar Mahkamasining 2020-yil 5-avgustdagi 464-son qaroriga
ILOVA
2020-2021-yillarda Toshkent shahar hokimligi huzuridagi Mustaqillik maydonini koʻkalamzorlashtirish, obodonlashtirish va saqlash departamentini maxsus texnika va avtotransport vositalari bilan taʼminlash
ROʻYXATI

T/r

Maxsus texnika va avtotransport vositalari nomi

Umumiy soni

Harid qilinadigan maxsus texnika va avtotransport vositalari soni

2020-yilda

2021-yilda

Jami

14

9

5

1.

ISUZU NQR 71PL bazasidagi samosval

2

1

1

2.

ISUZU NQR 71PL bazasidagi chiqindi tashish avtomashinasi

1

1

3.

ISUZU FVR 33G bazasidagi suv sepuvchi va supirib tozalovchi mashinasi

1

1

4.

ISUZU SAZ NP 26 avtobusi

1

1

5.

ISUZU NQR 71PL bazasidagi yuk tashuvchi (tentli)

1

1

6.

DAMAS avtomobili

1

1

7.

Oʻt oʻruvchi qurilma

3

3

8.

Trimmer

2

2

9.

Motoarra

1

1

10.

Purkagich

1

1

(Qonun hujjatlari maʼlumotlari milliy bazasi, 06.08.2020-y., 09/20/464/1142-son)