toggle_night_mode
Hujjat kuchini yo‘qotgan 16.06.2020
Hujjat 11.10.1996 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Avtomototransport vositalaridan foydalanish va tasarruf qilish huquqini beruvchi ishonchnomalarni notarial idoralarda tasdiqlaganlik uchun davlat boji stavkalari miqdorlarini oʻzgartirish toʻgʻrisida
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2020-yil 16-iyundagi 384-sonli “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (“Davlat boji toʻgʻrisida”gi Oʻzbekiston Respublikasi Qonuni)” qaroriga asosan oʻz kuchini yoʻqotgan.
Avtomototransport vositalariga nisbatan notarial harakatlar sodir etish amaliyotini barqarorlashtirish maqsadida Vazirlar Mahkamasi qaror qiladi:
1. Oʻzbekiston Respublikasi Vazirlar Mahkamasining 1994-yil 3-noyabrdagi 533-son qarori bilan tasdiqlangan Davlat boji stavkalari 4-bandining “m” kichik bandiga (Oʻzbekiston Respublikasi QT, 1994-y., 11-son, 49-modda) oʻzgartirish va qoʻshimchalar kiritilsin va ushbu kichik band quyidagi tahrirda bayon qilinsin:

‎‎“m)‎

 quyidagilarni tasdiqlaganlik uchun: ‎‎‎
‎ ota-onalar, er-xotin va ularning ota- onalari, bolalar va ularning er-xotinlari, aka-ukalar, opa-singillar, nabiralar, jiyanlarga avtomototransport vositalaridan foydalanish va tasarruf qilish huquqini beruvchi ishonchnomalarni tasdiqlaganlik uchun eng kam ish haqining 10 foizi miqdorida;
‎ avtomototransport vositalaridan boshqa shaxslarning foydalanishi huquqini beruvchi ishonchnomalarni tasdiqlaganlik uchun eng kam ish haqining 1 baravari miqdorida;
‎ avtomototransport vositalarini boshqa shaxslar tasarruf etishi huquqini beruvchi ishonchnomalarni tasdiqlaganlik uchun eng kam ish haqining 10 baravari miqdorida.”.
2. Oʻzbekiston Respublikasi Moliya vazirligi Davlat soliq qoʻmitasi bilan birgalikda “Davlat boji haqida” Oʻzbekiston Respublikasi Qonunini qoʻllashga doir yoʻriqnomaga tegishli oʻzgartirishlar kiritsin.
Vazirlar Mahkamasining Raisi I. KARIMOV
Toshkent sh.,
1996-yil 11-oktabr,
358-son
(Oʻzbekiston Respublikasi Hukumatining qarorlari toʻplami, 1996-y., 10-son, 29-modda)