toggle_night_mode
Hujjat 23.05.2020 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Qishloq xoʻjaligida suvdan foydalanish samaradorligini oshirish va suvni yetkazib berish boʻyicha xarajatlarni qoplash chora-tadbirlari toʻgʻrisida
Oʻzbekiston Respublikasi Prezidentining “Qishloq xoʻjaligida yer va suv resurslaridan samarali foydalanish chora-tadbirlari toʻgʻrisida” 2019-yil 17-iyundagi PF-5742-son Farmoni hamda “Suv resurslarini boshqarish tizimini yanada takomillashtirish chora-tadbirlari toʻgʻrisida” 2019-yil 9-oktabrdagi PQ-4486-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Suv xoʻjaligi vazirligining suvni yetkazib berish boʻyicha xarajatlarni suv isteʼmolchilari tomonidan qoplashni suv resurslaridan foydalanganlik uchun soliq stavkalari miqdoriga bosqichma-bosqich qoʻshish orqali amalga oshirish toʻgʻrisidagi taklifiga rozilik berilsin.
2. Oʻzbekiston Respublikasi Suv xoʻjaligi vazirligi 2020-yil 15-iyungacha suvni yetkazib berish boʻyicha xarajatlarni inobatga olgan holda suv resurslaridan foydalanganlik uchun soliq stavkalarining yangi miqdori yuzasidan asoslantirilgan takliflarni “2021-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuni loyihasida nazarda tutish uchun Oʻzbekiston Respublikasi Moliya vazirligiga kiritsin.
3. Suvdan foydalanuvchilar va suv isteʼmolchilari tomonidan suv resurslarini boshqarish, hisobga olish hamda isteʼmol qilingan suv resurslarining hisobotini yuritish yuzasidan kompleks chora-tadbirlar 1-ilovaga muvofiq tasdiqlasin.
4. Oʻzbekiston Respublikasi Suv xoʻjaligi vazirligi:
a) “Davergeodezkadastr” davlat qoʻmitasi hamda Axborot texnologiyalari va kommunikatsiyalarni rivojlantirish vazirligi bilan birgalikda ikki oy muddatda raqamli texnologiyalarni qoʻllagan holda suv omborlarining foydali sigʻimiga davriy ravishda aniqlik kiritib borish chora-tadbirlarini tasdiqlasin;
b) Axborot texnologiyalari va kommunikatsiyalarni rivojlantirish vazirligi hamda Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda 2 va 3-ilovalarga muvofiq suv xoʻjaligi obyektlarida suv resurslari hamda elektr energiyasidan foydalanishni “onlayn” rejimida nazorat qilish imkonini beruvchi raqamli texnologiyalar joriy etilishini taʼminlasin.
v) Moliya vazirligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi bilan birgalikda suv xoʻjaligi tashkilotlari hisobidagi:
suv omborlari va irrigatsiya tizimlaridagi suv olish joylarini suvni boshqarish va hisobga olish vositalari (gidropostlar) bilan jihozlash;
suv omborlari, irrigatsiya tizimlari va nasos stansiyalarda raqamli texnologiyalarni joriy qilish, suv resurslari va elektr energiyasidan foydalanishni “onlayn” rejimda nazorat qilish texnologiyalarini joriy etish bilan bogʻliq xarajatlar Davlat budjeti mablagʻlari, xorijiy investitsiyalar, shu jumladan, jalb etiladigan grantlar hisobidan moliyalashtirilishini tashkil qilsin.
5. Qoraqalpogʻiston Respublikasi Vazirlar Kengashi hamda viloyatlar va tumanlar hokimliklari ikki oy muddatda suv isteʼmolchilari uyushmalari sugʻorish tarmoqlaridagi gidrotexnik inshootlarni taʼmirlash va tiklash, fermer xoʻjaliklari, klasterlar va boshqa suv isteʼmolchilarining bosh suv olish joylarini suvni boshqarish va hisobga olish vositalari bilan jihozlash muddatlari va ushbu tadbirlarni moliyalashtirish manbalari yuzasidan kelishilgan takliflarni Vazirlar Mahkamasiga kiritsin.
6. Tijorat banklariga suv isteʼmolchilariga suv olish joylarini suvni boshqarish va hisobga olish vositalari bilan jihozlash ishlarini amalga oshirish uchun zarur miqdorda kreditlar ajratish tavsiya etilsin.
7. Quyidagilar:
Oʻzbekiston Respublikasi Suv xoʻjaligi vazirligi manfaatdor vazirlik va idoralar bilan birgalikda suv omborlari va irrigatsiya tizimlaridagi suv olish joylarini 2022-yil 1-dekabrga qadar suvni boshqarish va hisobga olish vositalari bilan toʻliq jihozlash hamda 2023-yil 1-dekabrga qadar raqamli texnologiya asosida tumanlar chegarasida “onlayn” rejimida suv resurslari va vazirlik tizimidagi nasos stansiyalarda elektr energiyasidan foydalanishni nazorat qilishni joriy qilishga;
Qoraqalpogʻiston Respublikasi Vazirlar Kengashi, viloyatlar va tumanlar hokimliklari Oʻzbekiston Respublikasi Suv xoʻjaligi vazirligi hamda suv isteʼmolchilari uyushmalari bilan birgalikda 2023-yil 1-dekabrga qadar suv isteʼmolchilarining bosh suv olish joylarini suvni boshqarish va hisobga olish vositalari bilan toʻliq jihozlashni tashkil qilishga;
barcha suvdan foydalanuvchilar va suv isteʼmolchilari suvdan foydalanish va suv isteʼmoli tartibiga toʻliq amal qilishga hamda suvning hisob-kitobini oʻz vaqtida yuritishga masʼul ekanligi belgilab qoʻyilsin.
8. Quyidagilar maʼlumot uchun qabul qilinsin:
a) Oʻzbekiston Respublikasining “Suv va suvdan foydalanish toʻgʻrisida”gi Qonuniga muvofiq suv isteʼmolchilari:
belgilangan suv olish limitlari va suv isteʼmoli qoidalariga rioya etishi, suvni maxsus isteʼmol qilishda qonun hujjatlarida belgilangan tartibda ruxsatnomani rasmiylashtirishi;
 LexUZ sharhi
Qarang: Vazirlar Mahkamasining 2018-yil 31-martdagi 255-son qarori bilan tasdiqlangan Suvdan maxsus foydalanish yoki suvni maxsus isteʼmol qilishga ruxsatnoma berish boʻyicha davlat xizmatlari koʻrsatishning maʼmuriy reglamenti.
suv olish joylarini suvni boshqarish va hisobga olish vositalari bilan jihozlashi, ichki suv obyektlari va inshootlarini texnik jihatdan soz holda saqlashi, ulardan foydalanishning belgilangan qoidalariga rioya etishi hamda suvni shartnoma asosida isteʼmol qilishi zarur;
b) suv isteʼmolchilari tomonidan olingan suv resurslarining hisobi va hisoboti Vazirlar Mahkamasining 2013-yil 19-martdagi 82-son qarori bilan tasdiqlangan Oʻzbekiston Respublikasida suvdan foydalanish va suv isteʼmoli tartibi toʻgʻrisidagi nizomda belgilangan tartibga muvofiq amalga oshiriladi;
v) Oʻzbekiston Respublikasining Soliq kodeksiga muvofiq suv isteʼmolchilari limitdan ortiqcha suv olganda, limitdan ortiqcha olingan suv uchun, shuningdek, ruxsat beruvchi hujjatlarsiz suv resurslarini isteʼmol qilganda, suvdan foydalanganlik uchun soliq belgilangan stavkaga nisbatan besh barobarga oshirilgan miqdorda undiriladi.
9. Vazirlar Mahkamasi huzuridagi Agrosanoat majmui ustidan nazorat qilish inspeksiyasi suv olish joylarini suvni boshqarish va hisobga olish vositalari bilan jihozlash hamda suvning hisob-kitobi yuritilishi yuzasidan tizimli monitoring oʻrnatsin, joylarda maqsadli oʻrganishlar oʻtkazsin hamda har chorak yakuni boʻyicha bajarilgan ishlar toʻgʻrisida Vazirlar Mahkamasiga axborot taqdim qilib borsin.
Keyingi tahrirga qarang.
10. Vazirlar Mahkamasining “Oʻzbekiston Respublikasida suvdan foydalanish va suv isteʼmoli tartibi toʻgʻrisidagi nizomni tasdiqlash haqida” 2013-yil 19-martdagi 82-son qaroriga (Oʻzbekiston Respublikasi QT, 2013-y., 3-son, 20 modda) 4-ilovaga muvofiq oʻzgartirish va qoʻshimchalar kiritilsin.
11. Oʻzbekiston Respublikasi Suv xoʻjaligi vazirligi boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov, Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev, Oʻzbekiston Respublikasi suv xoʻjaligi vaziri Sh.R. Xamrayev, Qoraqalpogʻiston Respublikasi Vazirlar Kengashi raisi Q.R. Sariyev hamda viloyatlar hokimlari zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 22-may,
310-son
Vazirlar Mahkamasining 2020-yil 22-maydagi 310-son qaroriga
1-ILOVA
Suvdan foydalanuvchilar va suv isteʼmolchilari tomonidan suv resurlarini boshqarish, hisobga olish hamda isteʼmol qilingan suv resursining hisobotini yuritish yuzasidan
KOMPLEKS CHORA-TADBIRLAR

T/r

Tadbir nomi

Moliyalashtirish manbai

Ijro muddati

Masʼul vazirlik va idoralar

I. Suv resurlarini boshqarish, hisobga olish hamda isteʼmol qilish sohasidagi normativ-huquqiy hujjatlarni yanada takomillashtirish

1.

Suvdan foydalanish va suv isteʼmoli boʻyicha naʼmunaviy shartnomalarni ishlab chiqish, belgilangan tartibda tasdiqlash va joylarga yetkazish.

Mablagʻ talab etilmaydi

2020-yil

15-iyul

Suv xoʻjaligi vazirligi,

manfaatdor vazirlik va idoralar

2.

Suv olish joylarining roʻyxatga olish tartibini ishlab chiqish va belgilangan tartibda tasdiqlash.

2020-yil

15-iyul

3.

Gidropostlarni attestatsiyadan oʻtkazish tartibini ishlab chiqish va belgilangan tartibda tasdiqlash.

2020-yil

15-iyul

II. Suv xoʻjaligi obyektlarining texnik holatini yaxshilash

4.

Suv xoʻjaligi vazirligi tizimidagi tashkilotlar hisobidagi suv omborlarining loyihaviy suv sigʻimlarini tahlil qilish hamda ularning amaldagi sigʻimini raqamli texnologiyalari yordamida qayta aniqlash.

Suv xoʻjaligi tizimi tashkilotlariga budjetdan ajratilgan mablagʻlar,

Suv xoʻjaligini rivojlantirish jamgʻarma mablagʻi

2021 — 2023

yillarda jadval boʻyicha

Suv xoʻjaligi vazirligi,

manfaatdor vazirlik va idoralar

5.

Suv xoʻjaligi vazirligi tizimidagi tashkilotlar hisobidagi suv omborlari, irrigatsiya tizimi kanallari va boshqa suv xoʻjaligi obyektlaridagi suv olish joylarini va ulardagi suvni boshqarish va hisobga olish vositalarini xatlovdan oʻtkazish.

Suv isteʼmolchilari hisobidagi sugʻorish tarmoqlarini, ulardagi inshootlar, shuningdek, fermer xoʻjaliklari, klasterlar va boshqa suv isteʼmolchilarining bosh suv olish joylarini xatlovdan oʻtkazish.

Suv olish joylari, suvni boshqarish va hisobga olish vositalarining texnik holati boʻyicha nuqsonlar dalolatnomalarini rasmiylashtirish.

Mablagʻ

talab etilmaydi

2020-yil

1-iyul


2020-yil

10-iyul


2020-yil

20-iyul

Suv xoʻjaligi vazirligi,

manfaatdor vazirlik va idoralar


Suv xoʻjaligi vazirligi,

suv isteʼmolchilari uyushmalari

6.

Suv omborlar, irrigatsiya tizimi kanallari va boshqa suv xoʻjaligi obyektlaridagi suv olish joylarini suvni boshqarish va hisobga olish vositalari bilan jihozlash.

Davlat budjeti mablagʻlari, xorijiy investitsiyalar va grantlar

2020 — 2023-yillar

jadval boʻyicha

Suv xoʻjaligi vazirligi,

Moliya vazirligi,

“Amudaryo” havzasi suv xoʻjaligi birlashmasi, “Sirdaryo” havzasi suv xoʻjaligi birlashmasi

7.

Suv isteʼmolchilari uyushmalarining sugʻorish tarmoqlaridagi gidrotexnik inshootlarni taʼmirlash va tiklash, fermer xoʻjaliklari, klaster tashkilotlari va boshqa suv isteʼmolchilarning bosh suv olish joylarini suvni boshqarish va hisobga olish vositalari bilan jihozlash.

Suv isteʼmolchilari mablagʻlari,

tijorat banklari krediti,

xorijiy investitsiyalar va grantlar

2020 — 2023-yillar

jadval boʻyicha

Qoraqalpogʻiston Respublikasi Vazirlar Kengashi, viloyatlar va tumanlar hokimliklari,

Suv xoʻjaligi vazirligi,

Moliya vazirligi,

Iqtisodiyot va sanoat vazirligi, Investitsiyalar va tashqi savdo vazirligi,

suv isteʼmolchilari uyushmalari,

suv isteʼmolchilari

III. Suvning hisob-kitobini yuritishni tizimini takomillashtirish

8.

Suv xoʻjaligi vazirligi va uning tizimidagi barcha suv xoʻjaligi tashkilotlarining dispetchirlik xizmatlarining moddiy texnika bazasini mustahkamlash.

Suv resurslari va ulardan foydalanish yuzasidan maʼlumotlar bazasini toʻliq shakillantirish.

Suv xoʻjaligi tizimidagi tashkilotlarga budjetdan ajratilgan mablagʻlar, Suv xoʻjaligini rivojlantirish jamgʻarma mablagʻi va tashkilotlarning rivojlantirish jamgʻarmasi mablagʻlari

2020 — 2025-yillar

jadval boʻyicha

Suv xoʻjaligi vazirligi,

“Oʻzgidromet” markazi,

Axborot texnologiyalari va kommunikatsiyalarni rivojlantirish vazirligi,

“Amudaryo” havzasi suv xoʻjaligi birlashmasi,

“Sirdaryo” havzasi suv xoʻjaligi birlashmasi

9.

Daryolar, suv omborlari va boshqa suv xoʻjaligi obyektlarida, shuningdek, hududlardagi mavjud suv resurslari boʻyicha kunlik maʼlumotlarni vazirlik rasmiy veb-saytida joylashtirilishini taʼminlash.

Mablagʻ

talab etilmaydi

2020-yil

1-iyul

Suv xoʻjaligi vazirligi,

“Oʻzgidromet” markazi,

Axborot texnologiyalari va kommunikatsiyalarni rivojlantirish vazirligi

10.

Suv isteʼmolchilarining suv olish joylari va suvni hisobga olish vositalarining (gidropost) naʼmunaviy loyihalarini ishlab chiqish va joylarga yetkazish.

Mablagʻ

talab etilmaydi

2020-yil 1-avgust

Suv xoʻjaligi vazirligi,

Irrigatsiya va suv muammolari ilmiy-tadqiqot instituti

11.

Suv omborlari, nasos stansiyalari, irrigatsiya tizimlari, sugʻorish tarmoqlari hamda suv olish joylarida suv resurslari va elektr energiyasi hisob-kitobini yuritish yuzasidan ilmiy-tadqiqot ishlarini olib borish hamda tavsiyalar ishlab chiqish.

Suv xoʻjaligi tizimi tashkilotlariga budjetdan ajratilgan mablagʻlar va tashkilotlarning rivojlantirish jamgʻarmasi mablagʻlari

2020 — 2025

yillar

jadval boʻyicha

Suv xoʻjaligi vazirligi,

Moliya vazirligi,

Irrigatsiya va suv muammolari ilmiy-tadqiqot instituti
Vazirlar Mahkamasining 2020-yil 22-maydagi 310-son qaroriga
2-ILOVA
Suv omborlari va irrigatsiya tizimlarida suv resurslaridan foydalanishi raqamli texnologiyalar yordamida “onlayn” rejimida nazorat qilishni joriy qilish koʻrsatkichlari

Jami oʻrnatiladigan qurilma soni, dona

shu jumladan:

suv omborlarda

irrigatsiya tizimlarida:

viloyatlararo irrigatsiya

tizimlarida

tumanlararo irrigatsiya tizimlarida

tumanlar irrigatsiya tizimlarida

jami

shundan:

jami

shundan:

jami

shundan:

jami

shundan:

2021-y

2022-y

2021-y

2022-y

2021-y

2022-y

2023-y

2021-y

2022-y

2023-y

Qoraqalpogʻiston Respublikasi

1 302

37

30

7

180

36

63

81

1 085

162

271

652

viloyatlar:

Andijon

2 086

2

1

1

32

26

6

196

39

68

89

1 856

278

164

1 414

Buxoro

1 319

3

1

2

34

27

7

121

24

42

55

1 161

174

290

697

Jizzax

664

7

3

4

23

18

5

132

26

46

60

502

75

125

302

Qashqadaryo

1 515

13

5

8

52

39

13

169

33

59

77

1 281

192

320

769

Navoiy

327

13

10

3

44

9

15

20

270

40

67

163

Namangan

2 330

11

4

7

21

15

6

143

28

50

65

2 155

322

538

1 295

Samarkand

1 241

5

2

3

18

14

4

168

33

58

77

1 050

157

262

631

Surxondaryo

991

5

2

3

19

14

5

143

28

50

65

824

123

206

495

Sirdaryo

1 461

1

1

24

16

8

96

19

33

44

1 340

201

335

804

Toshkent

2 433

3

1

2

25

20

5

180

36

63

81

2 225

334

556

1 335

Fargʻona

2 550

5

2

3

26

20

6

224

44

79

101

2 295

344

573

1 378

Xorazm

357

1

1

20

16

4

99

20

34

45

237

36

59

142

JAMI

18 576

56

21

35

344

265

79

1 895

375

660

860

16 281

2 438

3 766

10 077

Vazirlar Mahkamasining 2020-yil 22-maydagi 310-son qaroriga
3-ILOVA
Suv xoʻjaligi vazirligi tizimidagi nasos stansiyalarida elektr energiyasidan foydalanishda raqamli texnologiyalar yordamida “onlayn” rejimida nazorat qilishni joriy qilish

dona

Jami nasos stansiya soni

Oʻrnatiladigan

shundan:

elektr energiya hisoblagich soni

qurilma soni

2021-yil

2022-yil

2023-yil

Qoraqalpogʻiston Respublikasi

273

409

409

62

123

224

viloyatlar:

Andijon

147

133

133

20

40

73

Buxoro

31

20

20

3

6

11

Jizzax

35

44

44

7

13

24

Qashqadaryo

62

82

82

12

25

45

Navoiy

41

54

54

9

16

29

Namangan

206

277

277

42

83

152

Samarkand

91

62

62

10

18

34

Surxondaryo

110

132

132

19

40

73

Sirdaryo

42

103

103

16

31

56

Toshkent

150

154

154

23

46

85

Fargʻona

168

174

174

27

52

95

Xorazm

298

435

435

67

130

238

Qashqadaryo magistral kanalidan foydalanish boshqarmasi

14

14

14

2

4

8

Amu-Buxoro mashina kanalidan foydalanish boshqarmasi

11

41

41

6

12

23

Jizzax bosh nasos stansiyasidan foydalanish boshqarmasi

8

14

14

2

4

8

JAMI

1687

2148

2148

327

643

1178

Vazirlar Mahkamasining 2020-yil 22-maydagi 310-son qaroriga
4-ILOVA
Vazirlar Mahkamasining “Oʻzbekiston Respublikasida suvdan foydalanish va suv isteʼmoli tartibi toʻgʻrisidagi nizomni tasdiqlash haqida” 2013-yil 19-martdagi 82-son qaroriga kiritilayotgan oʻzgartirish va qoʻshimchalar
1. 2-bandning birinchi xatboshisidan “Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi” soʻzlari chiqarib tashlansin.
2. 1-ilovada:
a) 4-banddan “hamda Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (yer osti issiq suvlari va mineral suvlar)” soʻzlari chiqarib tashlansin;
b) 5-banddagi “Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi” soʻzlari “Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi” soʻzlari bilan almashtirilsin;
v) 7-bandning toʻrtinchi xatboshisidan “Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi” soʻzlari chiqarib tashlansin;
g) 23-bandning ikkinchi xatboshisidan “hamda yer qaʼrini geologik oʻrganish, sanoatda, konchilikda va kommunal-maishiy sektorda (yer osti issiq suvlari va mineral suvlar boʻyicha) ishlarning bexatar olib borilishini nazorat qilish” soʻzlari chiqarib tashlansin;
d) 29-bandning “a” kichik bandida:
ikkinchi xatboshidagi “korxonalar” soʻzi “tashkilotlar” soʻzi bilan almashtirilsin;
uchinchi xatboshi “obyektlarida” soʻzdan keyin “belgilanadi” soʻzi bilan toʻldirilsin;
toʻrtinchi xatboshi chiqarib tashlansin;
e) 31-bandning ikkinchi xatboshisidagi “Favqulodda vaziyatlar vazirligi” soʻzlari “Vazirlar Mahkamasi” soʻzlari bilan almashtirilsin;
j) 34-banddagi “va shu kabilar” soʻzlari “sugʻorish va kollektor tarmogʻi, yer osti suvlari va boshqa suv manbai” soʻzlari bilan almashtirilsin;
z) 40-bandda:
uchinchi xatboshidagi “irrigatsiya tizimi boʻyicha — Oʻzbekiston Respublikasi Suv xoʻjaligi vazirligining” soʻzlari “tumanlar irrigatsiya boʻlimlari, irrigatsiya tizimi boshqarmalari, magistral kanallar (tizim) boshqarmalari boʻyicha — Oʻzbekiston Respublikasi Qishloq xoʻjaligi vazirligining” soʻzlari bilan almashtirilsin;
toʻtinchi xatboshidagi “havza tizimi, katta va alohida muhim suv xoʻjaligi obyektlari” soʻzlari “tizimlari havza boshqarmalari, katta va alohida muhim suv xoʻjaligi obyektlaridan foydalanuvchi suv xoʻjaligi tashkilotlari” soʻzlari bilan almashtirilsin;
i) 45-bandning birinchi xatboshisidan “Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi bilan (yer osti issiq suvlari va mineral suvlarni olishda)” soʻzlari chiqarib tashlansin;
k) 47-band quyidagi mazmundagi ikkinchi xatboshi bilan toʻldirilsin:
“suv olish joylarini suvni boshqarish va hisobga olish (aholi tomorqa yerlari bundan mustasno) vositalari bilan jihozlash”;
l) 54-bandning birinchi xatboshisidagi “hamda Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (yer osti issiq suvlari va mineral suvlar)” soʻzlari chiqarib tashlansin;
m) 55-band quyidagi tahrirda bayon qilinsin:
“55. Suvdan maxsus foydalanuvchilar va maxsus suv isteʼmolchilarining hammasi Oʻzbekiston Respublikasi Suv xoʻjaligi vazirligi tomonidan tasdiqlanadigan tartibga muvofiq, kommunal suv taʼminoti tizimidan suv olingan taqdirda esa — Uy-joy-kommunal xizmat koʻrsatish vazirligi tomonidan belgilanadigan tartibga muvofiq suvdan foydalanish va suv taʼminoti, shuningdek suv chiqarish toʻgʻrisida hisob va hisobotni yuritishlari, shuningdek, suv resurslaridan foydalanganlik uchun soliq miqdorini hisoblab chiqarish maqsadida tegishli suv yetkazib beruvchi tashkilotga (foydalanuvchi suv xoʻjaligi tashkilotlari yoki suv isteʼmolchilari uyushmalari) yer usti va yer osti manbalaridan olingan suv miqdori toʻgʻrisida alohida hisobot taqdim etishlari shart.
Suv foydalanish va suv isteʼmoli uchun olingan suv resursi miqdori suvni yetkazib beruvchi tashkilot (suv xoʻjaligi ekspluatatsiya tashkilotlari yoki suv isteʼmolchilari uyushmasi) bilan suvdan foydalanuvchi va suv isteʼmolchi oʻrtasida suvning oldi-berdi jurnali yuritiladi.
Ushbu jurnal shnurlangan holda Vazirlar Mahkamasi huzuridagi Agrosanoat majmui ustidan nazorat qilish inspeksiyasining hududiy boʻlinmalari tomonidan belgilangan tartibda roʻyxatga olinadi hamda jurnal har bir suv berish joyi boʻyicha ikki (shartnoma uch tomonlama tuzilgan taqdirda uch) tomonlama olib borilib, bittasi suv yetkazib beruvchi tashkilot vakilida ikkinchisi suvdan foydalanuvchi va suv isteʼmolchisining vakolatli shaxsida saqlanadi.
Suvning oldi-berdisi suv yetkazib beruvchi tashkilot va suv isteʼmolchisining alohida buyruqlari bilan tayinlangan vakolatli shaxslar tomonidan olib boriladi.
Har oy yakuni bilan keyingi oyning 5-sanasigacha olingan suv miqdori yuzasidan suv yetkazib beruvchi tashkilot bilan suv isteʼmolchi oʻrtasida yuritilgan kundalik oldi-berdi maʼlumotlar tahlil qilinadi.
Tahlil natijalari asosida har oyning yakuni bilan keyingi oyning 10-sanasigacha belgilangan tartibda suv yetkazib beruvchi tashkilot va suv isteʼmolchisi oʻrtasida ikki tomonlama dalolatnoma rasmiylashtiriladi hamda imzolanadi.
Rasmiylashtirilgan dalolatnoma suv yetkazib beruvchi tashkilot tomonidan har oyning yakuni bilan keyingi oyning 15-sanasigacha belgilangan tartibda tuman (shahar) soliq inspeksiyasiga suv resurslaridan foydalanganlik uchun soliq miqdorini hisoblash uchun taqdim qilinadi”;
n) 60-bandning uchinchi xatboshisi “suv isteʼmolchilari tomonidan” soʻzlaridan keyin “suv olish joylarini suvni boshqarish va hisobga olish vositalari bilan jihozlamasdan suv olish” soʻzlari bilan toʻldirilsin;
o) 64-banddagi “suv olish joyini” soʻzlari “qurilgan suv olish inshootlari va ochilgan suv olish joylari hamda oʻrnatilgan suv olish qurilmalarini (nasos stansiyasi, sifon va boshqalar)” soʻzlari bilan almashtirilsin;
p) 65-banddagi “Korxonalar, muassasalar” va “qishloq xoʻjaligi kooperativlari (shirkatlar)” soʻzlari chiqarib tashlansin.
Keyingi tahrirga qarang.
(Qonun hujjatlari maʼlumotlari milliy bazasi, 23.05.2020-y., 09/20/310/0638-son; Qonunchilik maʼlumotlari milliy bazasi, 28.09.2023-y., 09/23/500/0732-son; 23.06.2026-y., 09/26/317/0617-son)