|
Hujjat kuchini yo‘qotgan 22.02.2021
|
Oʻzbekiston Respublikasi Prezidenti huzuridagi Vazirlar Mahkamasining
qarori
OʻZBEKISTON RESPUBLIKASI TAShQI IQTISODIY ALOQALAR VAZIRLIGI MASALALARI
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Tashqi iqtisodiy aloqalar vazirligiga Savdo-sanoat palatasining vazifalari yuklatilganligi munosabati bilan Vazirlar Mahkamasi qaror qiladi:
1. Belgilab qoʻyilsinki, Oʻzbekiston Respublikasi Tashqi iqtisodiy aloqalar vazirligi Vazirlar Mahkamasining 1992-yil 26-martdagi 147-son qaroriga muvofiq oʻz faoliyatini tugatgan Savdo-sanoat palatasining huquqiy vorisi hisoblanadi.
2. Tashqi iqtisodiy aloqalar vazirligining moddiy negizini mustahkamlash maqsadida Sharof Rashidov shoh koʻchasi, 16-uydagi sobiq Savdo-sanoat palatasi joylashgan, ish maydoni 1316 kv. m., foydali maydoni 2613,5 kv. m. va umumiy hajmi 17156 kub, m. boʻlgan 4 qavatli bino K-T-60-1 markali doimiy konditsioner qurilmasi bilan birgalikda Oʻzbekiston Respublikasi Tashqi iqtisodiy aloqalar vazirligiga bepul berilsin.
Berish-qabul qilib olish ishlari 1992-yil 1-yanvardagi qoldiq balans qiymati boʻyicha amalga oshirilsin.
3. Oʻzbekiston SSR Ministrlar Sovetining 1959-yil 11-dekabrdagi 920-son, 1985-yil 16-yanvardagi 18-son qarorlari oʻz kuchini yoʻqotgan deb hisoblansin.
Vazirlar Mahkamasi Raisining birinchi oʻrinbosari I. JOʻRABEKOV
Toshkent sh.,
1992-yil 25-iyul,
349-son
