toggle_night_mode
Hujjat kuchini yo‘qotgan 04.11.2025
Hujjat 18.04.2020 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Umumiy oʻrta taʼlim va ixtisoslashtirilgan maktablarda harbiy-vatanparvarlik yoʻnalishiga ixtisoslashtirilgan sinflar faoliyatini tashkil etish chora-tadbirlari toʻgʻrisida
Keyingi tahrirga qarang.
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2025-yil 3-noyabrdagi 688-sonli “Umumiy oʻrta taʼlim muassasalarida chaqiruvga qadar boshlangʻich tayyorgarlik rahbari va “Jasorat maktablari” faoliyatini tashkil etish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining 2017-yil 17-noyabrdagi PQ-3392-son qaroriga muvofiq, oʻsib kelayotgan yosh avlodni harbiy-vatanparvarlik ruhida tarbiyalash, ularda ona Vatanga sadoqat va uning mustaqilligini himoya qilish boʻyicha burch tuygʻusini shakllantirish, harbiy xizmatga hurmat tuygʻularini singdirish, shuningdek, respublika oliy va oliy harbiy taʼlim muassasalariga oʻqishga kirish uchun yetarli bilimga ega boʻlgan iqtidorli yoshlarni tizimli ravishda tayyorlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining 2017-yil 17-noyabrdagi PQ-3392-son qaroriga muvofiq Oʻzbekiston Respublikasi Milliy gvardiyasiga biriktirilgan, 1-ilovada koʻrsatilgan umumiy oʻrta taʼlim va ixtisoslashtirilgan maktablarda (keyingi oʻrinlarda — maktablar) harbiy-vatanparvarlik yoʻnalishiga ixtisoslashtirilgan sinflar (keyingi oʻrinlarda — ixtisoslashtirilgan sinflar) faoliyat yuritayotganligi maʼlumot uchun qabul qilinsin.
Keyingi tahrirga qarang.
2. Umumiy oʻrta taʼlim va ixtisoslashtirilgan maktablarning harbiy-vatanparvarlik yoʻnalishiga ixtisoslashtirilgan sinflari toʻgʻrisida nizom 2-ilovaga muvofiq tasdiqlansin.
Keyingi tahrirga qarang.
3. Belgilab qoʻyilsinki:
maktablarning ixtisoslashtirilgan sinflarida oʻqish muddati besh yildan (7 — 11-sinflar) iborat boʻladi;
Keyingi tahrirga qarang.
2020-2021 oʻquv yilidan boshlab ixtisoslashtirilgan sinflarga 6-sinfni bitirgan 30 nafar oʻquvchi qabul qilinadi;
Keyingi tahrirga qarang.
ixtisoslashtirilgan sinflar uchun zarur boʻladigan maxsus sport jihozlari, oʻquv maqsadlariga moʻljallangan qurol-aslaha va harbiy-texnik mulk namunalari va parametrlari Oʻzbekiston Respublikasi Milliy gvardiyasi tomonidan ishlab chiqiladi;
Keyingi tahrirga qarang.
ixtisoslashtirilgan sinflarda oʻquv mashgʻulotlarini tashkil etish uchun zarur sharoitlar yaratish hamda maxsus harbiy-texnik va qurol-aslahalardan foydalanish boʻyicha amaliy mashgʻulotlar Oʻzbekiston Respublikasi Xalq taʼlimi vazirligi va Milliy gvardiyasi tomonidan belgilangan tartibda amalga oshiriladi.
Keyingi tahrirga qarang.
4. Oʻzbekiston Respublikasi Xalq taʼlimi vazirligi va Milliy gvardiyasiga:
Keyingi tahrirga qarang.
a) ixtisoslashtirilgan sinflarga oʻquvchilarni qabul qilish jarayonlari tashkil etilishi va oʻtkazilishini qatʼiy nazoratga olish;
Keyingi tahrirga qarang.
b) oʻquvchilar, ularning ota-onalari yoki oʻrnini bosuvchi shaxslar, jamoatchilik oʻrtasida ixtisoslashtirilgan sinflarga oʻquvchilarni qabul qilish tartibi, ulardagi taʼlim-tarbiya jarayoni haqida tushuntirish ishlarini olib borish;
Keyingi tahrirga qarang.
v) ixtisoslashtirilgan sinflarga oʻquvchilar qabuli yuzasidan maktablarda qabul komissiyasi tashkil etilishini va ularning belgilangan tartibda faoliyat yuritishini taʼminlash;
Keyingi tahrirga qarang.
g) har yili 1-avgustga qadar qabul jarayonlari uchun jismoniy tayyorgarlik topshiriqlarini tayyorlash va test sinovlari uchun zarur shart-sharoitlarni yaratish;
d) ixtisoslashtirilgan sinflar uchun oʻquv reja va dasturlarini zamonaviy talablar asosida takomillashtirish, ayrim fanlarning chuqur oʻqitilishini joriy etish bilan birga oʻquvchilarning qoʻshimcha ravishda mustaqil bilim olishlari uchun yetarli sharoitlar yaratish;
Keyingi tahrirga qarang.
e) Oʻzbekiston Respublikasi Madaniyat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ixtisoslashtirilgan sinflar oʻquvchilarining hududlardagi tarixiy obidalar, muzeylar, ziyoratgohlar va diqqatga sazovor joylarga muntazam tashriflarini uyushtirish;
Keyingi tahrirga qarang.
j) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda:
ixtisoslashtirilgan sinflar oʻquv-tarbiya jarayoniga oʻqitishning zamonaviy ilgʻor uslub va shakllarini, yangi pedagogik va axborot kommunikatsiya texnologiyalarini, oʻquvchilarning oʻquv, psixologik va jismoniy yuklamalarini optimallashtirishni hisobga olgan holda taʼlim-tarbiyaning samarali shakllari va usullarini joriy etish;
belgilangan tartibda ixtisoslashtirilgan sinflarni yuqori tezlikdagi Internet jahon axborot tarmogʻiga toʻliq ulash va oʻquvchilarning undan doimiy ravishda foydalanishlarini taʼminlash;
Keyingi tahrirga qarang.
z) ixtisoslashtirilgan sinflar oʻquvchilarining intellektual, jismoniy va ijodiy qobiliyatlarini rivojlantirishga moʻljallangan turli toʻgaraklar, qiziqishlari boʻyicha klublar, seksiyalar, shu jumladan, sport seksiyalarini tashkil etish vazifalari yuklatilsin.
Keyingi tahrirga qarang.
5. Oʻzbekiston Respublikasi Moliya vazirligi mazkur qarorning qabul qilinishi munosabati bilan talab etiladigan mablagʻlarni 2020-yildan boshlab Oʻzbekiston Respublikasi Davlat budjetining parametrlari doirasida ajratilishini taʼminlasin.
Keyingi tahrirga qarang.
6. Belgilansinki, mazkur qarorda nazarda tutilgan tadbirlarni amalga oshirish bilan bogʻliq xarajatlar har yili Oʻzbekiston Respublikasi Davlat budjetidan ajratiladigan mablagʻlar, Oʻzbekiston Respublikasi Xalq taʼlimi vazirligining budjetdan tashqari mablagʻlari, xalqaro moliya tashkilotlari, xorijiy davlatlar va boshqa donorlar kreditlari (qarzlar), grantlari, shuningdek qonun hujjatlari bilan taqiqlanmagan boshqa manbalar hisobiga amalga oshiriladi.
Keyingi tahrirga qarang.
7. Mazkur qarorning bajarilishini nazorat qilish Oʻzbekiston Respublikasi xalq taʼlimi vaziri Sh.X. Shermatov va Oʻzbekiston Respublikasi Milliy gvardiyasi qoʻmondoni R.M. Djurayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 17-aprel,
237-son
Vazirlar Mahkamasining 2020-yil 17-apreldagi 237-son qaroriga
1-ILOVA
Harbiy-vatanparvarlik yoʻnalishiga ixtisoslashtirilgan sinflari mavjud umumiy oʻrta taʼlim va ixtisoslashtirilgan maktablarning
ROʻYXATI

T/r

Umumiy oʻrta taʼlim va ixtisoslashtirilgan maktablarning manzili

Umumiy oʻrta taʼlim va ixtisoslashtirilgan maktablarning nomi

Qoraqalpogʻiston Respublikasi

1.

Nukus shahri

44-son umumiy oʻrta taʼlim maktabi

2.

Chimboy tumani

36-son ixtisoslashtirilgan maktab

3.

Xoʻjayli tumani

15-son ixtisoslashtirilgan maktab

4.

Toʻrtkoʻl tumani

18-son ixtisoslashtirilgan maktab

Andijon viloyati

5.

Andijon shahri

35-son ixtisoslashtirilgan maktab

6.

Boʻston tumani

48-son ixtisoslashtirilgan maktab

7.

Jalaquduq tumani

49-son ixtisoslashtirilgan maktab

8.

Xoʻjaobod tumani

23-son ixtisoslashtirilgan maktab

Buxoro viloyati

9.

Buxoro shahri

35-son umumiy oʻrta taʼlim maktabi

10.

Kogon shahri

9-son umumiy oʻrta taʼlim maktabi

11.

Qorovulbozor tumani

1-son umumiy oʻrta taʼlim maktabi

12.

Qorakoʻl tumani

15-son umumiy oʻrta taʼlim maktabi

Jizzax viloyati

13.

Jizzax shahri

22-son ixtisoslashtirilgan maktab

14.

Arnasoy tumani

22-son ixtisoslashtirilgan maktab

15.

Baxmal tumani

78-son ixtisoslashtirilgan maktab

16.

Zomin tumani

60-son umumiy oʻrta taʼlim maktabi

Qashqadaryo viloyati

17.

Qarshi shahri

45-son umumiy oʻrta taʼlim maktabi

18.

Nishon tumani

35-son ixtisoslashtirilgan maktab

19.

Gʻuzor tumani

53-son umumiy oʻrta taʼlim maktabi

20.

Shahrisabz tumani

83-son umumiy oʻrta taʼlim maktabi

Navoiy viloyati

21.

Navoiy shahri

1-son ixtisoslashtirilgan maktab

22.

Zarafshon shahri

1-son ixtisoslashtirilgan maktab

23.

Xatirchi tumani

88-son ixtisoslashtirilgan maktab

24.

Karmana tumani

10-son umumiy oʻrta taʼlim maktabi


Namangan viloyati

25.

Namangan shahri

58-son ixtisoslashtirilgan maktab

26.

Uchqurgʻon tumani

6-son ixtisoslashtirilgan maktab

27.

Pop tumani

11-son ixtisoslashtirilgan maktab

28.

Chortoq tumani

5-son ixtisoslashtirilgan maktab

Samarqand viloyati

29.

Samarqand shahri

1-son ixtisoslashtirilgan maktab

30.

Samarqand shahri

43-son ixtisoslashtirilgan maktab

31.

Kattaqoʻrgʻon shahri

11-son ixtisoslashtirilgan maktab

32.

Oqdaryo tumani

45-son ixtisoslashtirilgan maktab

Sirdaryo viloyati

33.

Guliston shahri

16-son umumiy oʻrta taʼlim maktabi

34.

Sayxunobod tumani

41-son ixtisoslashtirilgan maktab

35.

Xovos tumani

1-son ixtisoslashtirilgan maktab

36.

Guliston tumani

27-son ixtisoslashtirilgan maktab

Surxondaryo viloyati

37.

Termiz shahri

9-son ixtisoslashtirilgan maktab

38.

Oltinsoy tumani

2-son ixtisoslashtirilgan maktab

39.

Uzun tumani

4-son ixtisoslashtirilgan maktab

40.

Muzrobod tumani

8-son ixtisoslashtirilgan maktab

Fargʻona viloyati

41.

Fargʻona shahri

6-son umumiy oʻrta taʼlim maktabi

42.

Qoʻqon shahri

33-son ixtisoslashtirilgan maktab

43.

Oltiariq tumani

14-son umumiy oʻrta taʼlim maktabi

44.

Beshariq tumani

15-son umumiy oʻrta taʼlim maktabi

Xorazm viloyati

45.

Urganch shahri

24-son ixtisoslashtirilgan maktab

46.

Gurlan tumani

42-son ixtisoslashtirilgan maktab

47.

Yangiariq tumani

37-son ixtisoslashtirilgan maktab

48.

Shovot tumani

53-son ixtisoslashtirilgan maktab

Toshkent viloyati

49.

Chirchiq shahri

10-son umumiy oʻrta taʼlim maktabi

50.

Bekobod shahri

9-son umumiy oʻrta taʼlim maktabi

51.

Parkent tumani

5-son ixtisoslashtirilgan maktab

52.

Oqqoʻrgʻon tumani

49-son ixtisoslashtirilgan maktab

Toshkent shahri

53.

Yashnobod tumani

161-son umumiy oʻrta taʼlim maktabi

54.

Yakkasaroy tumani

172-son umumiy oʻrta taʼlim maktabi

55.

Yunusobod tumani

58-son umumiy oʻrta taʼlim maktabi

56.

Olmazor tumani

326-son ixtisoslashtirilgan maktab

Keyingi tahrirga qarang.
Vazirlar Mahkamasining 2020-yil 17-apreldagi 237-son qaroriga
2-ILOVA
Umumiy oʻrta taʼlim va ixtisoslashtirilgan maktablarning harbiy-vatanparvarlik yoʻnalishiga ixtisoslashtirilgan sinflari toʻgʻrisida
NIZOM
Keyingi tahrirga qarang.
1-bob. Umumiy qoidalar
1. Ushbu Nizom Oʻzbekiston Respublikasi Milliy gvardiyasiga biriktirilgan umumiy oʻrta taʼlim va ixtisoslashtirilgan maktablarning (keyingi oʻrinlarda — maktablar) harbiy-vatanparvarlik yoʻnalishiga ixtisoslashtirilgan sinflari (keyingi oʻrinlarda — ixtisoslashtirilgan sinflar) maqsadi va asosiy vazifalarini, ixtisoslashtirilgan sinflarga oʻquvchilarni qabul qilish va ularni oʻqishdan chetlatish, oʻquv-tarbiya jarayonini tashkil etish tartibini belgilaydi.
Keyingi tahrirga qarang.
2. Ixtisoslashtirilgan sinflarda taʼlim jarayoni umumiy oʻrta taʼlimning davlat taʼlim standartlariga muvofiq, Oʻzbekiston Respublikasi Xalq taʼlimi vazirligi (keyingi oʻrinlarda — Xalq taʼlimi vazirligi) tomonidan ishlab chiqilgan va Oʻzbekiston Respublikasi Milliy gvardiyasi (keyingi oʻrinlarda — Milliy gvardiya) bilan kelishilgan holda tasdiqlangan oʻquv rejasi va oʻquv dasturlari asosida tashkil etiladi.
Keyingi tahrirga qarang.
2-bob. Ixtisoslashtirilgan sinflarning maqsadi va asosiy vazifalari
Keyingi tahrirga qarang.
3. Umumiy oʻrta taʼlim fanlari doirasida harbiy-vatanparvarlik yoʻnalishi boʻyicha oʻquvchilarning chuqur taʼlim olishini taʼminlash ixtisoslashtirilgan sinflarning maqsadi hisoblanadi.
Keyingi tahrirga qarang.
4. Ixtisoslashtirilgan sinflarning asosiy vazifalari quyidagilardan iborat:
Keyingi tahrirga qarang.
yuksak maʼnaviy-axloqiy fazilatlarga va vatanparvarlik tuygʻusiga ega intellektual rivojlangan yoshlarni tarbiyalash;
ona Vatan kelajagi uchun oʻziga masʼuliyatni oladigan, Vatan shaʼnini himoya qilishga tayyor, mustahkam qarash va qatʼiy fuqarolik pozitsiyasiga ega oʻquvchi-yoshlarni tayyorlash;
oʻquvchilarda harbiy burch va harbiy xizmatni ado etishda zarur boʻladigan professional harbiy va ijodiy koʻnikmalarni shakllantirish;
taʼlim oluvchilarni “Temurbeklar maktablari” harbiy-akademik litseylari va Oʻzbekiston Respublikasi Milliy gvardiyasi Harbiy-texnik instituti hamda boshqa oliy harbiy taʼlim muassasalariga oʻqishga kirishi uchun maqsadli va chuqurlashtirilgan holda tayyorlash.
Keyingi tahrirga qarang.
3-bob. Ixtisoslashtirilgan sinflarga oʻquvchilarni qabul qilish va oʻqishdan chetlatish tartibi
Keyingi tahrirga qarang.
5. Ixtisoslashtirilgan sinflarga maktablarning 6-sinfini muvaffaqiyatli yakunlagan, chuqurlashtirib oʻqitish belgilangan oʻquv fanlaridan muayyan qobiliyatini koʻrsata olgan oʻgʻil va qiz bolalar (keyingi oʻrinlarda — nomzod) tanlov natijalari asosida qabul qilinadi.
Ixtisoslashtirilgan sinflarga nomzodlarni tanlab olish va oʻqishga qabul qilish mazkur Nizomga 1-ilovaga muvofiq sxema asosida amalga oshiriladi.
Keyingi tahrirga qarang.
6. Ixtisoslashtirilgan sinflar tashkil etilgan maktablarning rahbariyati har yili 1-iyunga qadar tanlov haqida ommaviy axborot vositalarida eʼlon beradi.
Keyingi tahrirga qarang.
7. Ixtisoslashtirilgan sinflar tashkil etilgan maktablarda hujjatlarni qabul qilish, rasmiylashtirish, jismoniy tayyorgarlik boʻyicha sinovlar oʻtkazish, test sinovini oʻtkazish uchun tegishli hujjatlarni tayyorlash hamda ota-onalarning murojaatlarini koʻrib chiqish maqsadida qabul komissiyasi (keyingi oʻrinlarda — qabul komissiyasi) tuziladi.
Keyingi tahrirga qarang.
Qabul komissiyasi tarkibi 7 nafardan kam boʻlmagan toq miqdorda tashkil etilib, uning tarkibiga ixtisoslashtirilgan sinflar tashkil etilgan maktab direktori, Qoraqalpogʻiston Respublikasi Xalq taʼlimi vazirligi, viloyatlar va Toshkent shahar xalq taʼlimi boshqarmalari vakillari, maktab oʻqituvchilari hamda Milliy gvardiya hududiy boʻlinmalarining masʼul vakili kiritiladi.
Keyingi tahrirga qarang.
Ixtisoslashtirilgan sinflar tashkil etilgan maktab direktori komissiya raisi hisoblanadi.
Keyingi tahrirga qarang.
8. Nomzodlarning ixtisoslashtirilgan sinflarga kirish uchun tegishli hujjatlari 1 — 20-iyul kunlari qabul qilinadi.
Keyingi tahrirga qarang.
9. Ixtisoslashtirilgan sinflarga nomzodlar qabuli boʻyicha maʼlumotlar Xalq taʼlimi vazirligi tomonidan 21-iyulga qadar umumlashtirilib, Milliy gvardiyaga maʼlumot uchun taqdim etiladi.
Keyingi tahrirga qarang.
10. Tanlovda ishtirok etish uchun nomzodlardan quyidagi hujjatlar qabul qilinadi:
ixtisoslashtirilgan sinflar tashkil etilgan maktab direktori nomiga ariza;
Keyingi tahrirga qarang.
tugʻilganlik haqidagi guvohnomaning nusxasi;
086-U shakl boʻyicha tibbiy maʼlumotnoma;
psixonevrologik, silga qarshi va teri-tanosil kasalliklari dispanserlari, elektrokardiografiya tekshiruvi (EKG) boʻyicha tibbiy maʼlumotnomalar;
3x4 hajmdagi 6 ta fotosurat;
fanlarni oʻzlashtirishi toʻgʻrisida oʻqish joyidan direktor tomonidan tasdiqlangan maʼlumotnoma;
oʻqish joyidan tavsifnoma;
jismoniy tarbiya va sport yoʻnalishi boʻyicha oʻquvchining erishgan yutuqlarini tasdiqlovchi hujjatidan (faxriy yorliq, sertifikat, diplom kabi, agar ular mavjud boʻlsa) koʻchirma.
11. Ixtisoslashtirilgan sinflarga kirish uchun jismoniy tayyorgarlik sinovlari 21-iyul — 5-avgust, tegishli fanlar yoʻnalishi boʻyicha test sinovlari 15 — 25-avgust kunlari oraligʻida oʻtkaziladi.
Keyingi tahrirga qarang.
12. Qabul komissiyasi tomonidan tasdiqlangan jadval asosida murojaat qiluvchilarga maslahat berib boriladi.
13. Ixtisoslashtirilgan sinflarga tegishli fanlar boʻyicha test sinovlari hamda jismoniy tayyorgarlik sinovlari qabul komissiyasi tomonidan oʻtkaziladi.
Keyingi tahrirga qarang.
14. Test sinovi hamda jismoniy tayyorgarlik sinovi materiallari va metodikasi yetakchi mutaxassislarni jalb etgan holda Xalq taʼlimi vazirligi tomonidan shakllantiriladi.
Keyingi tahrirga qarang.
15. Ixtisoslashtirilgan sinflarga qabul qilish boʻyicha tanlov teng huquqlilik va qabul qilishning yagona qoidalari asosida amalga oshiriladi.
Keyingi tahrirga qarang.
16. Jismoniy tayyorgarlik boʻyicha sinovda umumiy oʻrta taʼlimning 6-sinflar oʻquv dasturi doirasida har bir nomzodga 5 tadan jismoniy mashqlar beriladi. Jismoniy tayyorgarlik boʻyicha sinov 100 ballik tizimda mazkur Nizomga 2-ilovaga muvofiq baholanadi.
Yakunlari boʻyicha 70 va undan yuqori ball toʻplagan nomzodlar test sinovlariga qoʻyiladi.
17. Jismoniy tayyorgarlik sinovlariga kelmagan nomzodlar uchun qoʻshimcha sinovlar oʻtkazilmaydi.
18. Nomzodlar uch tildan — oʻzbek, qoraqalpoq va rus tillaridan birini shaxsan tanlagan holda umumiy oʻrta taʼlimning davlat taʼlim standartlari doirasida test sinovlari topshiradilar.
19. Test sinovlariga belgilangan muddatda kelmagan nomzodlar uchun takroriy test sinovlari oʻtkazilmaydi.
20. Test sinovlarini oʻtkazish sanasi, joyi va vaqti qabul komissiyasi tomonidan belgilanadi.
21. Test topshiriqlari umumiy oʻrta taʼlim fanlariga qoʻyilgan (5-6-sinflar kesimida) davlat taʼlim standartlariga muvofiq tuziladi.
Test topshiriqlari kitobida har bir fan (tarix, matematika, ona tili) uchun 10 ta topshiriq belgilanadi. Umumiy 100 ballik tizimda baholanadi. Tarix fanidan bitta toʻgʻri javobga 4 ball, matematika va ona tili fanlaridan bitta toʻgʻri javobga 3 ball qoʻyiladi.
Nomzodga test topshiriqlarini bajarish boʻyicha har bir savol uchun 3 daqiqa vaqt beriladi.
Javoblar varaqasini toʻldirish uchun nomzodga belgilangan vaqt meʼyoridan tashqari qoʻshimcha 10 daqiqa vaqt ajratiladi.
22. Jismoniy tarbiya va sport yoʻnalishida respublika va xalqaro miqyosda muvaffaqiyatga erishgan oʻquvchilarning jismoniy tayyorgarlik natijalariga maksimal ballning 25 foizi miqdorida qoʻshimcha ball qoʻshiladi.
23. Nomzodlarning tanlovdagi koʻrsatkichlari teng boʻlib qolgan hollarda quyidagilar imtiyozga ega boʻladi:
ota-onasining qaramogʻidan mahrum boʻlgan bolalar;
sport yoʻnalishida viloyat, respublika va xalqaro miqyosda yutuqlarga erishgan oʻquvchilar;
kam taʼminlangan oilalarning farzandlari.
Mazkur band boʻyicha koʻrsatkichlar teng boʻlib qolganda jismoniy tayyorgarlikdan qoʻshimcha sinov oʻtkazilishi mumkin.
24. Jismoniy tayyorgarlik va test sinovlarini topshirgan nomzodlar orasidan ballar yigʻindisi boʻyicha ketma-ketlikda kamayish tartibida 30 nafari qabul qilinadi.
25. Tanlovning yakuniy natijalari 25-avgust kuni qabul komissiyasi tomonidan ixtisoslashtirilgan sinflar tashkil etilgan maktablarning eʼlonlar taxtasiga osib qoʻyiladi.
Keyingi tahrirga qarang.
26. Tanlovdan oʻtmagan nomzodlarning hujjatlari ota-onalariga qaytarib berilmaydi.
27. Tanlovni oʻtkazish jarayonidan norozi boʻlgan nomzodlar va ularning ota-onalari yoki ularning oʻrnini bosuvchi shaxslar amaldagi qonunchilikka muvofiq murojaat etishlari mumkin.
28. Tanlovdan muvaffaqiyatli oʻtgan nomzodlar 30-avgustga qadar ixtisoslashtirilgan sinflar tashkil etilgan maktab direktori buyrugʻi asosida oʻquvchilar safiga kiritiladi.
Keyingi tahrirga qarang.
29. Ixtisoslashtirilgan sinflar tashkil etilgan maktabning ustavida belgilangan ichki tartib-qoidalarni buzgan hamda qoniqarsiz oʻzlashtirishga ega oʻquvchilar tuman (shahar) hokimliklari huzuridagi voyaga yetmaganlar ishlari boʻyicha komissiyalar bilan kelishilgan holda pedagogik kengash qarori asosida avval oʻqigan sinfi yoki maktabiga (oʻquvchining yashash joyi oʻzgargan taqdirda hududdagi boshqa maktabga) qaytarib yuboriladi.
Keyingi tahrirga qarang.
30. Ixtisoslashtirilgan sinflar tashkil etilgan maktabda boʻshab qolgan oʻrinlarga tanlovda ishtirok etib, lekin qabul qilinmay qolgan oʻquvchilar ballar reytingi boʻyicha ketma-ketlikda qabul qilinadi.
Keyingi tahrirga qarang.
Agar oʻquvchining ota-onasi yoki ularning oʻrnini bosuvchi shaxslardan rad javobi olinsa, ballar reytingi boʻyicha navbatdagi yuqori ball toʻplagan oʻquvchi chaqirib olinadi.
Mazkur bandda belgilangan talablar faqatgina ixtisoslashtirilgan sinflar tashkil etilgan maktablarning 7-sinfi oʻquv yilining birinchi yarim yilligi boʻyicha qoʻllaniladi.
Keyingi tahrirga qarang.
31. Ixtisoslashtirilgan sinflarning 10-sinfiga oʻtish davrida oʻquvchilar soni 30 nafardan kamayganida (“Temurbeklar maktabi” harbiy-akademik litseylari, akademik litseylar yoki kasb-hunar kollejlariga oʻqishga qabul qilinish hisobiga) qolgan boʻsh oʻrinlar uchun qoʻshimcha tanlov oʻtkazilishi mumkin.
Keyingi tahrirga qarang.
32. Ixtisoslashtirilgan sinflarning 10-sinfi uchun boʻsh oʻrinlarga tanlov oʻtkazish, 7-sinflar uchun tanlov oʻtkazish tartibi va muddatlariga muvofiq oʻtkaziladi.
Keyingi tahrirga qarang.
4-bob. Ixtisoslashtirilgan sinflarda oʻquv-tarbiya jarayonini tashkil etish
Keyingi tahrirga qarang.
33. Ixtisoslashtirilgan sinflarda taʼlim 7 — 11-sinflarda kunduzgi taʼlim shaklida amalga oshiriladi. Taʼlim oʻzbek, qoraqalpoq va rus tillarida olib boriladi.
Keyingi tahrirga qarang.
34. Ixtisoslashtirilgan sinflarda oʻquv-tarbiya jarayoni umumiy oʻrta taʼlimning davlat taʼlim standartlari talablari asosida tashkil qilinadi.
Keyingi tahrirga qarang.
35. Ixtisoslashtirilgan sinflarda oʻquvchilar bilan dars va darsdan tashqari mashgʻulotlar oʻtkazishda turli zamonaviy shakllar va usullardan, jumladan oʻqitilayotgan fanlar boʻyicha fakultativ va toʻgarak mashgʻulotlari hamda oʻquvchilarni Vatanga sadoqat va muhabbat ruhida tarbiyalash tadbirlaridan foydalaniladi.
Keyingi tahrirga qarang.
36. Ixtisoslashtirilgan sinflar oʻquvchilari uchun oʻqish, dam olish va turli tadbirlarni qoʻshib olib borishga qaratilgan kun tartibi tuziladi.
Keyingi tahrirga qarang.
37. Oʻquv yili yakuni boʻyicha tarix, matematika, ona tili fanlaridan qoniqarsiz natija koʻrsatgan ixtisoslashtirilgan sinflarning oʻquvchilari maktab pedagogik kengashi qarori bilan maktabning umumiy sinflariga oʻqishni davom ettirish uchun oʻtkaziladi.
Keyingi tahrirga qarang.
38. Oʻquvchilarning ota-onalari yoki ularning oʻrnini bosuvchi shaxslarning (keyingi oʻrinlarda — ota-onalar) ehtiyojidan kelib chiqib, ixtisoslashtirilgan sinflarning oʻquvchilarini darsdan tashqari mashgʻulotlarga toʻliq jalb etilishiga qoʻshimcha sharoitlar yaratish maqsadida shartnoma asosida kuzatuv kengashlari tomonidan oʻquvchilarni sogʻlom ovqatlantirish tashkil etilishi mumkin.
Keyingi tahrirga qarang.
39. Ixtisoslashtirilgan sinflarda oʻquvchilar soni (har bir sinfda) 30 nafardan oshmasligi lozim.
Keyingi tahrirga qarang.
40. Ixtisoslashtirilgan sinflarning 9-sinfini yakunlagan oʻquvchilarga umumiy oʻrta taʼlim toʻgʻrisida shahodatnoma, 11-sinfini tamomlagan oʻquvchilarga umumiy oʻrta taʼlim toʻgʻrisida attestat beriladi.
Keyingi tahrirga qarang.
41. Ixtisoslashtirilgan sinflarni yakunlaganlik toʻgʻrisida shahodatnoma (attestat) boshqa taʼlim muassasalariga kirishda qoʻshimcha imtiyoz bermaydi.
Keyingi tahrirga qarang.
5-bob. Ixtisoslashtirilgan sinflardagi oʻquv-tarbiya jarayoni ishtirokchilari
Keyingi tahrirga qarang.
42. Ixtisoslashtirilgan sinflardagi oʻquv-tarbiya jarayoni ishtirokchilariga quyidagilar kiradi:
Oʻzbekiston Respublikasi Xalq taʼlimi vazirligi;
Oʻzbekiston Respublikasi Milliy gvardiyasi;
ixtisoslashtirilgan sinflar tashkil etilgan maktablar direktorlari;
ixtisoslashtirilgan sinflarda dars berayotgan pedagoglar.
Keyingi tahrirga qarang.
43. Oliy maʼlumotli, taʼlim muassasalari oʻqituvchilariga qoʻyiladigan malaka talablariga javob beruvchi, yuksak axloqiy sifatlarga ega boʻlgan shaxslar ixtisoslashtirilgan sinflarda pedagogik faoliyat bilan shugʻullanish huquqiga egadirlar.
Sud hukmi asosida pedagogik faoliyat bilan shugʻullanish man etilgan shaxslarga ixtisoslashtirilgan sinflarda ushbu faoliyatni yuritishiga yoʻl qoʻyilmaydi.
Keyingi tahrirga qarang.
44. Ixtisoslashtirilgan sinflarda dars berayotgan pedagog kadrlarni attestatsiyadan oʻtkazish belgilangan tartibda amalga oshiriladi.
Keyingi tahrirga qarang.
45. Ixtisoslashtirilgan sinflari mavjud umumiy oʻrta taʼlim muassasalari xodimlari mehnatiga haq toʻlash Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qaroriga muvofiq amalga oshiriladi.
Maktab rahbariyati ixtisoslashtirilgan sinflar oʻquvchilarining qonun hujjatlarida belgilangan oʻqish va dam olish sharoitlariga rioya etishi yuzasidan javob beradi.
Keyingi tahrirga qarang.
Keyingi tahrirga qarang.
46. Maktab direktori ixtisoslashtirilgan sinflar faoliyatini nazorat qiladi, oʻquvchilarning sifatli oʻqitilishi va tarbiyalanishi, oʻquv rejalari va oʻquv dasturlarining bajarilishi, ixtisoslashtirilgan sinfning oʻquv-metodik va moliya-xoʻjalik faoliyatining zarur darajada amalga oshirilishi yuzasidan javob beradi.
Keyingi tahrirga qarang.
47. Quyidagilar Xalq taʼlimi vazirligining vazifalari hisoblanadi:
Milliy gvardiya bilan birgalikda ixtisoslashtirilgan sinflarga oʻquvchilar qabulini tashkil etish;
Milliy gvardiya bilan kelishilgan holda, davlat taʼlim standartlariga muvofiq ixtisoslashtirilgan sinflar uchun oʻquv reja va oʻquv dasturlarini ishlab chiqish va tasdiqlash;
pedagog kadrlarning malakasini oshirish va ularni qayta tayyorlashni tashkil etish;
oʻquv-tarbiya jarayonini sifatli tashkil etish, ilgʻor pedagogik va axborot texnologiyalarini taʼlim dasturlari hamda oʻquv-tarbiya jarayoniga samarali joriy etish boʻyicha amaliy ilmiy-metodik yordam koʻrsatish;
oʻquv, oʻquv-metodik adabiyotlar va koʻrgazmali qoʻllanmalar ishlab chiqish, nashr etish hamda ixtisoslashtirilgan sinflarni ular bilan taʼminlashni tashkil etish;
oʻquvchilarni harbiy-vatanparvarlik, huquqiy, maʼnaviy-axloqiy va estetik tarbiyalashni taʼminlaydigan kompleks maʼnaviy-maʼrifiy hamda tarbiyaviy ishlarni tashkil etish va amalga oshirish;
Milliy gvardiya bilan hamkorlikda ixtisoslashtirilgan sinflar oʻquvchilarini aniq maqsadni koʻzlagan holda kasbga yoʻnaltirish;
Milliy gvardiya taʼlim muassasalari bilan oʻzaro samarali hamkorlik qilishni tashkil etish va nazorat qilish;
ixtisoslashtirilgan sinflari mavjud maktablarni oʻqitishning zamonaviy texnik vositalari, kompyuter texnikasi va tegishli oʻquv-laboratoriya asbob-uskunalari bilan jihozlash;
ixtisoslashtirilgan sinflari mavjud maktablarning maʼmuriy, moliyaviy va xoʻjalik faoliyatini, shuningdek moddiy-texnik taʼminotini belgilangan tartibda muvofiqlashtirish va nazorat qilish;
Milliy gvardiya va Oʻzbekiston yoshlar ittifoqi bilan hamkorlikda ixtisoslashtirilgan sinflari mavjud maktablarning oʻquvchilari oʻrtasida “Yosh gvardiyachilar” tanlovi (harbiy sport musobaqalari), aniq fanlar, ijtimoiy-gumanitar va chet tili fanlari boʻyicha viktorinalar oʻtkazish;
yakuniy davlat attestatsiyasini tashkil etish va ixtisoslashtirilgan sinflar bitiruvchilariga shahodatnoma (attestat)lar berish.
Keyingi tahrirga qarang.
48. Quyidagilar Milliy gvardiyaning vazifalari hisoblanadi:
oʻquv-tarbiya jarayonini sifatli tashkil etishda, harbiy mavzudagi ilgʻor pedagogik va axborot texnologiyalarini taʼlim dasturlariga va oʻquv jarayoniga joriy etishda amaliy metodik yordam koʻrsatish;
chaqiruvga qadar boshlangʻich tayyorgarlik fani dasturiga muvofiq ixtisoslashtirilgan sinflarni harbiy-muhandislik asbob-uskunalari va kimyoviy muhofaza vositalari, harbiy mavzudagi oʻquv va koʻrgazmali qoʻllanmalar bilan taʼminlash;
Keyingi tahrirga qarang.
ixtisoslashtirilgan sinflar oʻquvchilari bilan Milliy gvardiya taʼlim muassasalari va harbiy boʻlinmalari bazalarida oʻq otish, maxsus tayyorgarlik boʻyicha (shu jumladan, dala sharoitlarida ham) amaliy mashgʻulotlarni tashkil etish va oʻtkazishga koʻmaklashish;
Keyingi tahrirga qarang.
ixtisoslashtirilgan sinflar oʻqituvchilarining kasbiy mahoratini oshirib borish maqsadida ixtisoslashtirilgan sinflari mavjud maktablarni Milliy gvardiya harbiy boʻlinmalariga biriktirish;
Keyingi tahrirga qarang.
Xalq taʼlimi vazirligi bilan birgalikda chaqiruvga qadar boshlangʻich tayyorgarlik fani dasturini takomillashtirish;
Keyingi tahrirga qarang.
ixtisoslashtirilgan sinflarga oʻquvchilarni qabul qilish, bitiruvchilarning yakuniy davlat attestatsiyasi jarayonlarida qatnashish.
Keyingi tahrirga qarang.
6-bob. Yakunlovchi qoidalar
49. Ixtisoslashtirilgan sinflari mavjud maktablarning faoliyatini moliyalashtirish qonun hujjatlariga muvofiq amalga oshiriladi.
Keyingi tahrirga qarang.
50. Ushbu Nizom talablarining buzilishida aybdor boʻlgan shaxslar qonunchilikda belgilangan tartibda javob beradilar.
Umumiy oʻrta taʼlim va ixtisoslashtirilgan maktablarning harbiy-vatanparvarlik yoʻnalishiga ixtisoslashtirilgan sinflari toʻgʻrisida nizomga
1-ILOVA
Ixtisoslashtirilgan sinflarga nomzodlarni tanlab olish va oʻqishga qabul qilish
SXEMASI

Bosqichlar

Ijrochilar

Tadbirlar

Bajarish muddati

I bosqich

Maktab direktori

Ixtisoslashtirilgan sinflarga tanlov haqida ommaviy axborot vositalarida eʼlon beradi.

1-iyunga qadar

II bosqich

Qabul komissiyasi

Nomzodlarning hujjatlarini qabul qiladi.

1 — 20-iyul

III bosqich

Qabul komissiyasi

1. Jismoniy tayyorgarlik sinovlarini oʻtkazadi.

2. Test sinovlarini oʻtkazadi.

1. 21-iyul —

5-avgust

2. 15 — 25-avgust

IV bosqich

Qabul komissiyasi

Kirish imtihonlarining yakuniy natijalarini eʼlon qiladi.

25-avgustga qadar

V bosqich

Maktab direktori

Nomzodlarning ixtisoslashtirilgan sinf oʻquvchilari safiga qabul qilinishi toʻgʻrisida buyruq chiqaradi.

30-avgustga qadar

Keyingi tahrirga qarang.
Umumiy oʻrta taʼlim va ixtisoslashtirilgan maktablarning harbiy-vatanparvarlik yoʻnalishiga ixtisoslashtirilgan sinflari toʻgʻrisida nizomga
2-ILOVA
Keyingi tahrirga qarang.
Jismoniy tayyorgarlik boʻyicha sinov natijalarini baholash
MEZONLARI

T/r

Sinov mashqlari

Natijalari va ballar

Oʻgʻil bolalar

Qiz bolalar

20

15

10

5

20

15

10

5

1.

60 metrga yugurish, soniya

10,0

10,5

11,0

11,5

10,3

10,8

11,3

11,8

2.

Yugurib kelib uzunlikka sakrash, sm

340

310

270

280

310

270

230

250

3.

1000 metrga yugurish, daqiqa

4,10

4,30

5,0

5,50

5,40

6,10

6,40

7,00

4.

Toʻpni uloqtirish, metr

36

30

21

15

23

18

15

12

5.

Baland turnikda tortilish, marta

6

4

3

2

-

-

-

-

6.

Gardishni 1 daqiqagacha belda aylantirish, marta

-

-

-

-

65

55

40

30