|
Hujjat kuchini yo‘qotgan 22.07.2022
|
Hujjat 20.07.1992 sanasi holatiga
Amaldagi versiyaga o‘tish |
Oʻzbekiston Respublikasi Prezidenti huzuridagi Vazirlar Mahkamasining
qarori
DOKTORANTLAR VA ASPIRANTLARNI IJTIMOIY HIMOYA QILISh ChORALARI TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Respublikaning ilmiy salohiyatini saqlash va mustahkamlash, yuqori malakali ilmiy kadrlar tayyorlash sifatini oshirish, shuningdek, aspirantlar va doktorantlarni ijtimoiy himoya qilishni taʼminlash maqsadida Vazirlar Mahkamasi qaror qiladi:
1. Ishlab chiqarishdan ajralgan holda doktoranturada va aspiranturada oʻqiyotgan shaxslarga, idoraviy boʻysunishidan qatʼi nazar, imtiyozli ovqatlanish uchun har oylik kompensatsiya toʻlovlarini qoʻshgan holda, 1992-yil 1-sentabrdan boshlab stipendiyalar:
doktorantlarga — oliy oʻquv yurtining ilmiy darajasi bor oʻqituvchisining lavozim maoshi miqdorida;
Keyingi tahrirga qarang.
aspirantlarga — oliy oʻquv yurtining ilmiy darajasi boʻlmagan oʻqituvchisining lavozim maoshi miqdorida belgilansin.
2. Oʻzbekiston Respublikasi Moliya vazirligi ushbu maqsadlar uchun zarur mablagʻlarni ajratsin.
Vazirlar Mahkamasining Raisi I. KARIMOV
Toshkent sh.,
1992-yil 20-iyul,
332-son
