|
Hujjat 06.08.2022 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Arxiv ishi va ish yuritish sohasidagi ayrim normativ-huquqiy hujjatlarni tasdiqlash toʻgʻrisida
Oʻzbekiston Respublikasi Prezidentining “Oʻzbekiston Respublikasi “Oʻzarxiv” agentligi faoliyatini takomillashtirish toʻgʻrisida” 2019-yil 20-sentabrdagi PQ-4463-son qarori ijrosini taʼminlash maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi “Oʻzarxiv” agentligi huzuridagi Arxiv ishi va ish yuritish boʻyicha malaka oshirish ilmiy-metodik markazining ustavi 1-ilovaga muvofiq;
Keyingi tahrirga qarang.
Oʻzbekiston Respublikasi “Oʻzarxiv” agentligi huzuridagi Arxiv ishini rivojlantirish jamgʻarmasi toʻgʻrisidagi nizom 2-ilovaga muvofiq;
Keyingi tahrirga qarang.
Arxiv ishi va ish yuritish holati boʻyicha davlat nazoratini amalga oshirish tartibi toʻgʻrisidagi nizom 3-ilovaga muvofiq tasdiqlansin.
2. Oʻzbekiston Respublikasi “Oʻzarxiv” agentligi huzuridagi Arxiv ishi va ish yuritish boʻyicha malaka oshirish ilmiy-metodik markazi Toshkent shahar, Chilonzor 1-berk koʻchasi manzilidagi Oʻzbekiston Kinofotofono hujjatlari milliy arxivi binosiga tekin foydalanish huquqi asosida joylashtirilsin.
Keyingi tahrirga qarang.
3. Vazirlar Mahkamasining “Oʻzbekiston Respublikasida arxiv ishini yanada rivojlantirishga doir qoʻshimcha chora-tadbirlar toʻgʻrisida” 2008-yil 26-avgustdagi 194-son qarorining (Oʻzbekiston Respublikasi QHT, 2008-yil, 35-36-son, 347-modda) 7-bandi oʻz kuchini yoʻqotgan deb hisoblansin.
4. Oʻzbekiston Respublikasi “Oʻzarxiv” agentligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi “Oʻzarxiv” agentligi direktori U.M. Yusupov zimmasiga hamda Vazirlar Mahkamasining Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini taʼminlash masalalari kotibiyatiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 19-mart,
174-son
Vazirlar Mahkamasining 2020-yil 19-martdagi 174-son qaroriga
1-ILOVA
1-ILOVA
Oʻzbekiston Respublikasi “Oʻzarxiv” agentligi huzuridagi Arxiv ishi va ish yuritish boʻyicha malaka oshirish ilmiy-metodik markazi
USTAVI
1-bob. Umumiy qoidalar
1. Ushbu Ustav Oʻzbekiston Respublikasi “Oʻzarxiv” agentligi huzuridagi Arxiv ishi va ish yuritish boʻyicha malaka oshirish ilmiy-metodik markazining (keyingi oʻrinlarda — Markaz) maqomi, asosiy vazifalari va funksiyalari, huquq va majburiyatlarini, shuningdek, faoliyatini tashkil etish tartibini belgilaydi.
2. Markaz davlat muassasasi shaklidagi yuridik shaxs hisoblanadi hamda arxivlar, idoraviy arxivlar xodimlari (arxivariuslar) hamda arxiv ishi va ish yuritish sohasidagi boshqa xodimlarning malakasini oshiradi, ushbu yoʻnalishda oʻquv, ilmiy-metodik ishlarni amalga oshiradi, yangi ilgʻor texnologiyalarni joriy etadi, arxiv ishi va ish yuritish tizimida axborot-kommunikatsiya texnologiyalaridan samarali foydalanish masalalarida uzluksiz metodik xizmat koʻrsatadi.
Oldingi tahrirga qarang.
3. Markaz oʻz faoliyatini Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari, farmoyishlari, Oʻzbekiston Respublikasi Vazirlar Mahkamasining qaror va farmoyishlari, Oʻzbekiston Respublikasi “Oʻzarxiv” agentligining (keyingi oʻrinlarda — Agentlik) buyruq va farmoyishlari hamda boshqa qonunchilik hujjatlariga, shuningdek, ushbu Ustavga muvofiq amalga oshiradi.
(3-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
4. Markaz yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, shaxsiy gʻazna hisobvaraqlariga, bank hisobvaraqlariga, shu jumladan xorijiy valyutadagi bank hisobvaraqlariga egadir.
5. Markaz bevosita Agentlikka boʻysunadi. Agentlik Markaz faoliyatiga rahbarlik qiladi.
6. Markazning rasmiy nomi:
a) davlat tilida:
toʻliq nomi — Oʻzbekiston Respublikasi “Oʻzarxiv” agentligi huzuridagi Arxiv ishi va ish yuritish boʻyicha malaka oshirish ilmiy-metodik markazi;
qisqa nomi — Arxiv ishi va ish yuritish markazi;
b) ingliz tilida:
toʻliq nomi — Center for Scientific and Methodological Support and Advanced trainingof specialists in Archival Affairs and Record Keeping under the Uzarhive Agency of the Republic of Uzbekistan;
qisqa nomi — Center of Archival Affairs and Record Keeping;
v) rus tilida:
toʻliq nomi — Sentr po nauchno-metodicheskomu obespecheniyu i povisheniyu kvalifikatsii spetsialistov po arxivnomu delu i deloproizvodstvu pri Agentstve “Uzarxiv” Respubliki Uzbekistan;
qisqa nomi — Sentr arxivnogo dela i deloproizvodstva.
2-bob. Markazning asosiy vazifalari va funksiyalari
7. Quyidagilar Markazning asosiy vazifalari hisoblanadi:
arxiv ishi va ish yuritish sohasida xodimlar malakasini oshirish;
arxiv ishi va ish yuritish boʻyicha xodimlarning kasbiy malakasini oshirish, arxiv ishi va ish yuritish tizimida zamonaviy texnologiyalarni joriy etish;
oʻquv jarayoniga zamonaviy innovatsion texnologiyalarni, oʻqitishning samarali shakllari va usullarini joriy etish;
arxivlar faoliyatining samaradorligini oshirish boʻyicha metodik ishlarni tashkil etish;
xalqaro aloqalarni kengaytirish va mustahkamlash, konferensiyalar, koʻrgazmalar va boshqa tadbirlar oʻtkazish orqali arxiv ishi va ish yuritish sohasida mamlakatimiz yutuqlarini xalqaro darajada keng yoritish, xorijiy muassasalar bilan hamkorlik qilish.
8. Markaz unga yuklangan asosiy vazifalarga muvofiq quyidagi funksiyalarni bajaradi:
a) arxiv ishi va ish yuritish sohasida xodimlar malakasini oshirish sohasida:
arxiv ishi va ish yuritish boʻyicha xodimlarni malakasini oshirish tizimini takomillashtirish borasida ilmiy-tadqiqot ishlarini olib borish;
arxiv ishi va ish yuritish boʻyicha xodimlarning malakasini oshirishni rivojlantirish istiqbollarini prognozlashtirish, davlat dasturlarini ishlab chiqishda qatnashish;
malaka oshirish kurslarining oʻquv rejalari va dasturlari tizimli ravishda takomillashtirilishini taʼminlash;
b) arxiv ishi va ish yuritish boʻyicha xodimlarning kasbiy malakasini oshirish, arxiv ishi va ish yuritish tizimida zamonaviy texnologiyalarni joriy etish sohasida:
oʻquv jarayoniga zamonaviy axborot-kommunikatsiya texnologiyalarini keng joriy etishni hisobga olgan holda, oʻquv rejalari va dasturlari tizimli ravishda takomillashtirilishini taʼminlash;
arxivchi va ish yurituvchi xodimlarning malakasini oshirish mazmuni va sifatini takomillashtirishga qaratilgan takliflarni belgilangan tartibda Agentlikka kiritish;
v) oʻquv jarayoniga zamonaviy innovatsion texnologiyalarni, oʻqitishning samarali shakllari va usullarini joriy etish sohasida:
arxiv ishi va ish yuritish boʻyicha xodimlar malakasini oshirish jarayonlarini muvofiqlashtirish;
taʼlim dasturlarining uzluksizligi va izchilligini hisobga olgan holda, ijodiy tafakkurni rivojlantirishga qaratilgan oʻqitishning interaktiv usullaridan foydalanish orqali arxiv ishi va ish yuritish boʻyicha xodimlarning malakasini oshirish yuzasidan oʻquv rejalari va dasturlarini, oʻquv-metodik va normativ hujjatlarni ishlab chiqish;
arxiv ishi va ish yuritish boʻyicha xodimlar malakasini oshirish boʻyicha xalqaro tajribani, shuningdek, jahonning eng yaxshi taʼlim muassasalari yutuqlarini umumlashtirish asosida ilmiy asoslangan innovatsiyalarni joriy etish;
arxiv ishi va ish yuritish boʻyicha xodimlar malakasini oshirishning barcha bosqichlarida saboq berishning innovatsion metodikalarini ishlab chiqish va joriy etishga yoʻnaltirilgan ilmiy-tadqiqotlar oʻtkazish hamda ilmiy-amaliy va tadqiqot ishlari uchun xorijiy mutaxassislarni jalb etish;
arxiv ishi va ish yuritish boʻyicha xodimlar malakasini oshirishda taʼlim jarayonining yuqori darajasini taʼminlash, ilmiy tadqiqotlarga intilish, mustaqil fikrlash koʻnikmalari va ijodiy mahoratni rivojlantirish;
g) arxivlar faoliyatining samaradorligini oshirish boʻyicha metodik ishlarni tashkil etish sohasida:
oʻquv-mashgʻulot jarayoni sifatini oshirishga, arxivchi va ish yurituvchilar qobiliyatini rivojlantirish va ragʻbatlantirishga qaratilgan tadbirlar (konferensiyalar, seminar-treninglar, tanlovlar) tashkil etish;
arxiv ishi va ish yuritish boʻyicha xodimlarning oʻz sohasini bilishini rivojlantirish va oshirishda oʻqitishning interaktiv va zamonaviy usullarini, metodik materiallar, yordam koʻrsatishning samarali shakllarini ishlab chiqish, sinab koʻrish va oʻquv-mashgʻulot jarayoniga joriy etish;
malaka oshirishning samarali shakllarini (toʻgʻridan-toʻgʻri malaka oshirish, ilmiy-tadqiqot muassasasida, xorijda tajriba orttirish, mustaqil oʻqib bilim olish, va boshqa shakllarini) joriy etishning tashkiliy-metodik asoslarini ishlab chiqish;
ilmiy-metodik axborotni umumlashtirish va tarqatish, jurnallar, turli xil metodik materiallar, gazetalar, toʻplamlar, tavsiyanomalar va qoʻllanmalar tayyorlash;
milliy va xalqaro ilgʻor tajribadan foydalangan holda, arxiv ishi va ish yuritish boʻyicha xodimlar mahoratini oshirish dasturlari, metodik tavsiyanomalar, qoʻllanma hamda ilmiy-metodik ishlanmalar bilan taʼminlash;
arxiv ishi va ish yuritish boʻyicha xodimlar malakasini oshirish kurslarining oʻquv-metodik bazasini shakllantirish;
arxiv ishi va ish yuritish sohasini rivojlantirish konsepsiyalari va prognozlarini ishlab chiqish, Agentlik tizimidagi arxiv muassasalarining asosiy faoliyati uchun uslubiy va boshqa hujjatlar loyihalarini ishlab chiqish, boshqaruv sohasidagi tadqiqotlar olib borish;
davlat va nodavlat tashkilotlarining soʻrovlariga muvofiq shartnoma asosida idoraviy arxivlarda Oʻzbekiston Respublikasi Milliy arxiv fondi tarkibidagi hamda boshqa turdagi hujjatlarini jamlash, hisobga olish, saqlash va ulardan foydalanishning xolati toʻgʻrisida oʻrganishlar oʻtkazish, xulosalar tayyorlash va ilmiy-amaliy yordam koʻrsatish;
hujjatlarni uzoq muddat saqlash uchun fizik-kimyoviy va biologik sharoitlarni oʻrganish, hujjatlarni taʼmirlash va qayta tiklash, shuningdek, biologik himoya vositalari, usullari va texnologiyalarini takomillashtirish yuzasidan tadqiqotlar olib borish;
davlat va nodavlat arxivlari, shuningdek, idoraviy arxivlarga shartnoma asosida arxiv hujjatlarini jamlash, hisobga olish, saqlash va ulardan foydalanish boʻyicha ilmiy va uslubiy hujjatlarni ishlab chiqish;
d) xalqaro aloqalarni kengaytirish va mustahkamlash, konferensiyalar, koʻrgazmalar va boshqa tadbirlar oʻtkazish orqali arxiv ishi va ish yuritish sohasida mamlakatimiz yutuqlarini xalqaro darajada keng yoritish, xorijiy muassasalar bilan hamkorlik qilish sohasida:
sohadagi xalqaro tajribalarni arxiv ishi va ish yuritish boʻyicha xodimlar malakasini oshirish jarayoniga tatbiq etish;
xorijiy va mamlakatimizning malakali amaliyotchi xodimlarini taʼlim jarayoniga jalb etgan holda, arxiv ishi va ish yuritish boʻyicha xodimlar hamda dars beradigan oʻqituvchilar tarkibining kasbiy tayyorgarligini uzluksiz rivojlantirib borish;
malaka oshirish kurslari tinglovchilarining zamonaviy axborot-kommunikatsiya texnologiyalarini samarali oʻzlashtirishi uchun tegishli shart-sharoitlar yaratish;
malaka oshirish sohasida xalqaro aloqalarni kengaytirish va mustahkamlash, mamlakatimiz yutuqlarini xalqaro darajada keng yoritish;
konferensiyalar, koʻrgazmalar va boshqa tadbirlar oʻtkazish, xorijiy taʼlim muassasalari bilan hamkorlik qilish.
3-bob. Markazning huquq va majburiyatlari
9. Markaz oʻziga yuklangan asosiy vazifalar va funksiyalarni amalga oshirish uchun quyidagi huquqlarga ega:
Agentlikka taʼlim mazmunini takomillashtirish va samaradorligini oshirish boʻyicha takliflar kiritish;
shaxsga doir maʼlumotlar toʻgʻrisidagi qonunchilikka rioya qilgan holda davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari hamda boshqa tashkilot va muassasalardan arxiv hamda ish yurituvchi xodimlar boʻyicha maʼlumotlar olish;
arxiv ishi va ish yuritish boʻyicha xodimlar malakasini oshirish boʻyicha dasturlar, oʻquv qoʻllanmalari, ilmiy asarlar toʻplamlari, ilmiy-amaliy konferensiyalar materiallari, metodik koʻrsatmalar hamda qoʻllanmalar tayyorlash;
Oldingi tahrirga qarang.
aholiga, turli tashkilotlarga pulli taʼlim xizmatlari va boshqa xizmatlar koʻrsatish, shuningdek, qonunchilik hujjatlarida taqiqlanmagan va asosiy faoliyatga zid boʻlmagan faoliyatning barcha turlarini amalga oshirish hamda xizmatlar narxlarini mustaqil belgilash;
(9-bandning beshinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
yuqori mehnat koʻrsatkichlari uchun Markaz xodimlarini davlat va idoraviy mukofotlar bilan mukofotlash toʻgʻrisida Agentlikka takliflar kiritish;
malaka oshirish boʻyicha faoliyat sifati va samaradorligini taʼminlash choralarini koʻrish;
hamkorlik doirasida mualliflik ishlarini ishlab chiqishga tajribali xodimlar, pedagoglar va xodimlarni jalb qilish (zarur hollarda shartnomalar asosida);
Oldingi tahrirga qarang.
qonunchilik hujjatlariga kiritilgan oʻzgartirishlarga muvofiq oʻquv dasturlariga tuzatishlar kiritish;
(9-bandning toʻqqizinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
oʻz vakolatlari doirasida xalqaro va xorijiy tashkilotlar bilan hamkorlik qilish;
xorijlik tajribali xodimlarni jalb qilgan holda, ilgʻor xorijiy tajribani joriy etish maqsadida arxiv ishi va ish yuritish boʻyicha xodimlar malakasini muntazam oshirish uchun qisqa muddatli va aniq maqsadga yoʻnaltirilgan kurslarni tashkil etish;
xodimlarni oʻqitish, seminarlar va konferensiyalarda qatnashish uchun xorijga tajriba almashish va innovatsion pedagogika texnologiyalarini va ilgʻor metodikalarni oʻrganish boʻyicha tajriba orttirishga yuborish;
oʻz faoliyatini ommaviy axborot, shu jumladan Internet jahon axborot tarmoqlarida keng yoritish.
Oldingi tahrirga qarang.
Markaz qonunchilik hujjatlariga muvofiq boshqa huquqlarga ham ega boʻlishi mumkin.
(9-bandning oʻn toʻrtinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
10. Markaz:
ushbu Ustavda belgilangan asosiy vazifalar va funksiyalar bajarilishini taʼminlashga;
Markaz daromadlarining istiqbolli koʻrsatkichlari bajarilishining natijadorligini tahlil qilishga va mablagʻlar tushishiga salbiy taʼsir koʻrsatuvchi aniqlangan kamchiliklarni bartaraf etish yuzasidan tegishli choralar koʻrishga;
oʻz faoliyati toʻgʻrisida Agentlik direktoriga hisobot berishga majburdir.
Oldingi tahrirga qarang.
Markaz qonunchilik hujjatlariga muvofiq boshqa majburiyatlarni ham olishi mumkin.
(10-bandning beshinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
4-bob. Markaz faoliyatini tashkil etish
11. Markaz oʻz faoliyatida bevosita Agentlikka boʻysunadi va unga hisobot beradi.
12. Markazga Oʻzbekiston Respublikasi “Oʻzarxiv” agentligi direktori tomonidan belgilangan tartibda lavozimga tayinlanadigan va lavozimdan ozod etiladigan direktor rahbarlik qiladi.
13. Markaz direktori bir nafar oʻrinbosarga ega boʻladi.
Markaz direktorining oʻrinbosari Oʻzbekiston Respublikasi “Oʻzarxiv” agentligi direktori bilan kelishilgan holda, Markaz direktori tomonidan lavozimga tayinlanadi va lavozimdan ozod etiladi.
14. Markaz direktori:
Markazga yuklangan asosiy vazifalar va funksiyalarga muvofiq Markaz faoliyatini tashkil etadi, Markazning shtat jadvalini shakllantiradi, Markaz nomidan mehnat shartnomalarini, boshqa shartnomalar va hujjatlarni imzolaydi;
Oldingi tahrirga qarang.
ushbu Ustavga va boshqa qonunchilik hujjatlariga muvofiq boshqa vakolatlarni amalga oshiradi.
(14-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
5-bob. Markazni moliyalashtirish va moddiy-texnik taʼminlash, uning xodimlari mehnatiga haq toʻlash va ularni moddiy ragʻbatlantirish
15. Markaz faoliyati quyidagi manbalar hisobidan moliyalashtiriladi:
shartnoma asosida pulli oʻqitishdan tushadigan mablagʻlar;
Oʻzbekiston Respublikasi Innovatsion rivojlanish vazirligi tomonidan oʻtkaziladigan tanlovlar natijalari boʻyicha ajratiladigan grantlar;
yuridik va jismoniy shaxslarning xomiylik xayriyalari;
xoʻjalik faoliyati yuritishdan tushadigan mablagʻlar;
Oldingi tahrirga qarang.
qonunchilik hujjatlari bilan taqiqlanmagan boshqa manbalar.
(15-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
16. Shartnoma asosida malaka oshirish kurslari uchun xarajatlar smetasi Markaz tomonidan tuziladi va belgilangan tartibda Agentlik tomonidan tasdiqlanadi.
Xarajatlar smetasida kursning oʻquv rejasi va dasturida nazarda tutilgan barcha dars mashgʻulotlari uchun toʻlanadigan soatbay haq, Markazning moddiy-texnik taʼminoti, kursni tashkil etish va oʻtkazishga jalb etilgan (rahbar, pedagog va texnik) xodimlarga toʻlanadigan ish haqi, ularni ragʻbatlantirish, shuningdek, toʻlanadigan soliqlar uchun mablagʻlar nazarda tutiladi.
Shartnoma asosida tashkil etiladigan kurslarda oʻqish uchun mablagʻ tinglovchini yuborayotgan tashkilot yoki tinglovchi tomonidan qoplanadi.
Oldingi tahrirga qarang.
17. Mehnatga haq toʻlash jamgʻarmasi va qonunchilik hujjatlarida taqiqlanmagan boshqa manbalar Markaz xodimlariga ish haqi toʻlash va ularni moddiy ragʻbatlantirish manbalari hisoblanadi.
(17-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
6-bob. Oʻquv jarayonini tashkil qilish
Oldingi tahrirga qarang.
18. Markaz oʻz faoliyatini Oʻzbekiston Respublikasining qonun hujjatlari va zamonaviy talablari asosida, shuningdek, xalqaro standartlar va rivojlangan davlatlarning ilgʻor tajribasini hisobga olgan holda ishlab chiqilgan xodimlar malakasini oshirishga qoʻyiladigan davlat taʼlim talablari asosida amalga oshiradi.
(18-band Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)
19. Arxiv ishi va ish yuritish boʻyicha malaka oshirish kurslari ushbu Ustavga 1-ilovaga muvofiq tashkil etiladi.
Oldingi tahrirga qarang.
Markazning oʻquv dasturlari xodimlar malakasini oshirishga qoʻyiladigan davlat taʼlim talablariga asosan ishlab chiqiladi.
(19-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)
20. Markazga oʻqishga yuboriladigan xodimlar kasbiy yoʻnalishi boʻyicha guruhlarga boʻlingan holda oʻqitiladi, ularning oʻqish vaqti va muddati Markaz tomonidan tasdiqlanadigan taqsimot-rejalarga muvofiq belgilanadi.
Toʻlov-shartnoma asosida tinglovchilarni oʻqitish muddati buyurtmachi tashkilot bilan Markaz oʻrtasida tuziladigan shartnoma asosida belgilanadi.
Oʻqishga yuborilgan xodimlarning Markazga yetib kelishi taqsimot-rejalarga asosan tegishli tashkilotlar tomonidan taʼminlanadi.
21. Arxiv ishi va ish yuritishning zamonaviy talablari va jarayonlarini hisobga olgan holda davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari hamda boshqa tashkilotlarning arxiv va ish yurituvchi xodimlari uch yilda kamida bir marta malakasini oshirib boradilar.
22. Arxiv ishi va ish yuritish boʻyicha malaka oshirish dasturlarini oʻzlashtirish muddati oʻquv rejasiga kiritilgan fanlar soni hamda ularning yuklamalari hajmidan kelib chiqib belgilanadi va 1 haftadan (36 soatdan) kam boʻlmasligi shart (qisqa muddatli malaka oshirish kurslari bundan mustasno).
23. Auditoriya mashgʻulotlarining barcha turlari 80 daqiqa davom etadi, oʻquv mashgʻulotlari oraligʻidagi tanaffus kamida 10 daqiqani tashkil etadi.
24. Malaka oshirish kurslari tinglovchilarining bilimi test sinovlari asosida baholanadi.
Tinglovchilar bilan yakuniy test sinovi malaka oshirish kursi dasturiga asosan oʻtilgan mavzular boʻyicha oʻtkaziladi. Test sinovi natijalari “sinovdan oʻtdi” yoki “sinovdan oʻtmadi” deb qayd etiladi.
Arxiv ishi va ish yuritish markazi oʻquv dasturlarida nazarda tutilgan barcha talablarni bajargan va test sinovini muvaffaqiyatli topshirgan tinglovchilarga mazkur Ustavga 2-ilovaga muvofiq belgilangan namunadagi sertifikat beriladi.
Test sinovini topshirmagan tinglovchiga malaka oshirish kursini tinglaganligi toʻgʻrisida maʼlumotnoma beriladi.
25. Test sinovini topshirmagan tinglovchilar toʻgʻrisida oʻquv kurslari tomonidan ularni yuborgan tegishli tashkilotlarga xabar qilinadi. Agar tinglovchilar test sinovi natijalaridan norozi boʻlsa, ular test sinovi natijalari eʼlon qilingan vaqtdan boshlab 10 kun mobaynida Markaz direktori nomiga yozilgan ariza bilan murojaat qilishlari mumkin. Bu holda Markaz direktorining buyrugʻi bilan oʻqituvchilar tarkibi va oʻquv kursining amaliyotchi xodimlarining kamida uch nafar vakilidan iborat tarkibda apellyatsiya komissiyasi tuziladi.
Apellyatsiya komissiyasi tinglovchilarning arizasini koʻrib chiqib, shu kunning oʻzida xulosa beradi.
26. Test sinovida uzrli sabab bilan qatnashmagan tinglovchilar test sinovida keyingi guruh tinglovchilari bilan birga qatnashishi mumkin.
27. Malaka oshirish kursini uzrli sababga koʻra oxirigacha tamomlamagan tinglovchilar kurslarni keyingi guruh bilan birga tamomlashi mumkin.
28. Davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlar:
shaxsga doir maʼlumotlar toʻgʻrisidagi qonunchilikka rioya qilgan holda, navbatdagi kalendar yilga arxiv ishi va ish yuritish boʻyicha xodimlar haqida maʼlumotlarni ularning familiyasi, ismi va otasining ismi, qachon va qaysi taʼlim muassasasini bitirganligi, diplom boʻyicha mutaxassisligi, ish joyi va staji, lavozimi, oxirgi malaka oshirgan vaqtini koʻrsatgan holda Markazga taqdim etadi;
tasdiqlangan reja va jadval asosida arxiv ishi va ish yuritish boʻyicha xodimlarning belgilangan muddatda Markazga oʻqishga yetib borishlarini taʼminlaydi.
Oʻzbekiston Respublikasi “Oʻzarxiv” agentligi huzuridagi Arxiv ishi va ish yuritish boʻyicha malaka oshirish ilmiy-metodik markazi ustaviga
1-ILOVA
1-ILOVA
Arxiv ishi va ish yuritish boʻyicha malaka oshirish kurslarini tashkil etish
SXEMASI
|
Ijrochilar |
Amalga oshirish mexanizmi |
Bajarish muddati | ||||
|
|
||||||
|
I bosqich |
1. Davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari, boshqa tashkilotlar hamda jismoniy shaxslar (Buyurtmachilar) 2. Markaz |
1. Kurslarda malaka oshirishga nomzodlar roʻyxatini Arxiv ishi va ish yuritish markaziga (Markaz) taqdim etadi.
|
har yili | |||
|
| ||||||
|
guruhlar shakllanishi bilan belgilangan meʼyorlarga muvofiq | ||||||
|
|
||||||
|
II bosqich |
1. Markaz
|
1. Tasdiqlangan yillik reja va roʻyxat boʻyicha belgilangan tartibda tinglovchilar uchun malaka oshirish kurslarini tashkil etadi. 2. Tasdiqlangan yillik reja va roʻyxat boʻyicha tinglovchilarning belgilangan muddatlarda kurslarga qatnashishini taʼminlaydi (shartnoma asosidagi tinglovchilar belgilangan toʻlovlarni amalga oshiradi). |
tasdiqlangan yillik reja asosida | |||
|
|
||||||
|
III bosqich |
Markaz |
Kurslar boshlanishi va yakunlanishi boʻyicha reja-jadvalni tasdiqlaydi |
1 ish kunida | |||
|
IV bosqich |
1. Markaz
|
1. Oʻquv kurslari boshlanishi toʻgʻrisida buyurtmachini (tinglovchini) 3 kun oldin (ish kunida) xabardor qiladi. 2. Belgilangan muddatda oʻqish jarayoniga va shartnoma shartlarini bajarishga kirishadi. |
tasdiqlangan reja-jadvalga muvofiq | |||
|
|
||||||
|
V bosqich |
Markaz |
Kurslarga tinglovchilarni qabul qilish tasdiqlangan rejaga muvofiq Markaz rahbarining buyrugʻi bilan rasmiylashtiriladi hamda tinglovchi kurslarga oʻz vaqtida kelmaganligi (tinglovchi 1 kun davomida kurslarga kelmasa chetlatiladi) toʻgʻrisida buyurtmachiga darhol xabar beradi. |
kurslar boshlanishi sanasidan boshlab | |||
|
|
||||||
|
VI bosqich |
Markaz |
Test sinov asosida tinglovchining dastlabki bilim darajasi aniqlanadi. Oʻquv jarayonida (maʼruza, amaliy mashgʻulot, seminar trening, koʻchma mashgʻulot, maxorat saboqlari, interfaol va boshqa shakllar) tinglovchilar bilim oladi. Yakuniy test sinovi asosida tinglovchining bilim darajasi aniqlanadi. |
tasdiqlangan reja-jadvalga muvofiq | |||
|
|
||||||
|
VII bosqich |
Markaz |
Yakuniy test sinovida umumiy 100 balldan kamida 56 ball (56%) miqdorida toʻplagan tinglovchi kurslardan muvaffaqiyatli oʻtgan hisoblanadi hamda bu haqida tinglovchiga sertifikat beriladi. Yakuniy testga ajratilgan 100 balldan 56 ball (56%) miqdoridan kam toʻplagan tinglovchiga “malaka oshirish kursini tingladi” mazmunida maʼlumotnoma beriladi. |
1 kun ish kunida | |||
Oʻzbekiston Respublikasi “Oʻzarxiv” agentligi huzuridagi Arxiv ishi va ish yuritish boʻyicha malaka oshirish ilmiy-metodik markazi ustaviga
2-ILOVA
2-ILOVA
|
Malaka oshirish haqida davlat namunasidagi | ||
| | | |
|
Malaka oshirish toʻgʻrisidagi sertifikat A4 formatli oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och kulrangda bosib chiqariladi. | ||
|
(Oʻzbekiston Respublikasi Davlat gerbining tasviri) | ||||
| | | | | |
| ____________________________________________________________________________________________ | ||||
|
(Familiyasi, ismi, otasining ismi) | ||||
| _______20___ yil ___________________________________________ dan 20___ yil___________________gacha __________________________________________________________________________________________da | ||||
|
(Taʼlim muassasasining nomi) | ||||
| jami ____________________________________________________________________________________ soatli | ||||
| | | | | |
| ____________________________________________________________________________________________ | ||||
|
(Malaka oshirish kursining nomi) | ||||
| boʻyicha muvaffaqiyatli malaka oshirdi. Muhr oʼrni Direktor _________________ |
| |||
| | | | | |
| Sana _________________ |
| | |
Qayd raqami ___________ |
Keyingi tahrirga qarang.
Vazirlar Mahkamasining 2020-yil 19-martdagi 174-son qaroriga
2-ILOVA
2-ILOVA
Oʻzbekiston Respublikasi “Oʻzarxiv” agentligi huzuridagi Arxiv ishini rivojlantirish jamgʻarmasi toʻgʻrisida
NIZOM
Keyingi tahrirga qarang.
1-bob. Umumiy qoidalar
1. Ushbu Nizom Oʻzbekiston Respublikasi “Oʻzarxiv” agentligi huzuridagi Arxiv ishini rivojlantirish jamgʻarmasi (keyingi oʻrinlarda — Jamgʻarma) mablagʻlarini shakllantirish va ulardan foydalanish tartibini belgilaydi.
Keyingi tahrirga qarang.
2. Jamgʻarma yuridik shaxs hisoblanmaydi va uning mablagʻlari Oʻzbekiston Respublikasi Moliya vazirligining Gʻaznachiligida ochilgan Oʻzbekiston Respublikasi “Oʻzarxiv” agentligining (keyingi oʻrinlarda — Agentlik) budjetdan tashqari shaxsiy gʻazna hisobvaragʻida jamlanadi va ushbu Nizomda belgilangan maqsadlarga sarflanadi.
Keyingi tahrirga qarang.
3. Jamgʻarma faoliyati ushbu Nizomga ilovada keltirilgan sxemaga muvofiq tashkil etiladi.
2-bob. Jamgʻarma mablagʻlarini shakllantirish
4. Jamgʻarma mablagʻlari quyidagi manbalardan shakllantiriladi:
Oʻzbekiston Milliy arxivi, Oʻzbekiston Ilmiy-texnika va tibbiyot hujjatlari milliy arxivi, Oʻzbekiston Kinofotofono hujjatlari milliy arxivi, Qoraqolpogʻiston Respublikasi markaziy davlat arxivi, Toshkent shahar markaziy davlat arxivi, viloyat, shahar, tuman davlat arxivlari va ularning filiallarining (shaxsiy tarkib hujjatlari davlat arxivlaridan tashqari) pulli xizmat koʻrsatishdan olingan daromadining 20 foizi miqdoridagi yillik majburiy ajratmalar;
Keyingi tahrirga qarang.
Oʻzbekiston Respublikasi “Oʻzarxiv” agentligi huzuridagi Arxiv ishi va ish yuritish boʻyicha malaka oshirish ilmiy-metodik markazining (keyingi oʻrinlarda — Markaz) pulli xizmat koʻrsatishdan olingan daromadining 30 foizi miqdoridagi ajratmalar;
Keyingi tahrirga qarang.
Jamgʻarma mablagʻlarini tijorat banklari depozitlariga qoʻyishdan olingan daromadlar;
Keyingi tahrirga qarang.
yuridik va jismoniy shaxslarning xomiylik xayriyalari;
xalqaro tashkilotlarning grantlari;
Oldingi tahrirga qarang.
qonunchilik hujjatlari bilan taqiqlanmagan boshqa manbalar.
(4-bandning yettinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
5. Jamgʻarmaga mazkur Nizomning 4-bandida koʻrsatilgan tashkilotlar hamda Markazning pulli xizmat koʻrsatishdan olingan daromadining majburiy ajratmalari har chorak yakuni boʻyicha keyingi oyning 25 sanasidan kechiktirmay tushirilishi shart.
Keyingi tahrirga qarang.
6. Jamgʻarmaga davlat arxivlarining pulli xizmat koʻrsatishdan olingan daromadining majburiy ajratmalari hajmining toʻgʻri belgilanishi hamda belgilangan muddatda oʻtkazilishi yuzasidan masʼuliyat Qoraqolpogʻiston Respublikasi, viloyatlar va Toshkent shahar arxiv ishi hududiy boshqarmalari boshliqlari, Oʻzbekiston Milliy arxivi, Oʻzbekiston Ilmiy-texnika va tibbiyot hujjatlari milliy arxivi, Oʻzbekiston Kinofotofono hujjatlari milliy arxivi, Qoraqolpogʻiston Respublikasi markaziy davlat arxivi, Toshkent shahar markaziy davlat arxivi, viloyat, shahar, tuman davlat arxivlari va ularning filiallari rahbarlari zimmasiga yuklanadi.
Keyingi tahrirga qarang.
7. Jamgʻarmaning vaqtincha boʻsh turgan mablagʻlari Agentlik tomonidan Oʻzbekiston Respublikasi tijorat banklarining depozit hisobvaraqlariga joylashtirilishi mumkin.
8. Jamgʻarmaning joriy yilda foydalanilmagan mablagʻlari keyingi yilga oʻtadi.
3-bob. Jamgʻarma mablagʻlaridan foydalanish
9. Jamgʻarma mablagʻlaridan quyidagi maqsadlarda foydalaniladi:
a) davlat arxivlarining binolari va saqlovxonalarida qurilish, rekonstruksiya qilish, mukammal va joriy taʼmirlash ishlarini (loyiha-smeta hujjatlarini ishlab chiqish xarajatlarini inobatga olgan holda) amalga oshirishga, ularning moddiy holatini yaxshilash, shu jumladan zarur zamonaviy uskunalar, mebel, inventarlar bilan jihozlash, kuzatuv, nazorat, yongʻin xavfsizligi va identifikatsiya tizimlari, vositalari va qurilmalari bilan taʼminlash va boshqa tovar-moddiy qimmatliklar xarid qilish;
b) axborot-kommunikatsiya, multimedia va tarmoq qurilmalari, texnikalari, vositalari hamda dasturiy taʼminotlarni xarid qilish, zamonaviy texnologiyalarni joriy etish, axborot-taʼlim resurslarini ishlab chiqish, ish jarayonini avtomatlashtirishga xizmat qiluvchi tizimlarni yaratish, Agentlik, hududiy boshqarmalar va davlat arxivlari oʻrtasida elektron axborot almashinuvini tashkil etish, interaktiv resurslar va maʼlumotlar bazasini shakllantirish, ularni ishchi holatda saqlash va xizmat koʻrsatish;
v) xorijiy davlatlardan Oʻzbekiston tarixiga oid arxiv hujjatlari yoki ularning nusxalarini qaytarish;
g) jismoniy va yuridik shaxslardan arxiv hujjatlarini sotib olish;
d) Agentlik faoliyati bilan bogʻliq masalalar boʻyicha xorijiy davlatlar, xalqaro tashkilotlar delegatsiyalarining Oʻzbekiston Respublikasiga tashriflarini tashkil etish, shu jumladan:
Agentlik xarajatlarini, shuningdek, konferensiyalar, simpoziumlar, seminarlar, treninglar va davra suhbatlarini oʻtkazish xarajatlarini qoplash, suvenirlar, mahsulotlar, bukletlar va axborot-maʼrifiy materiallarni xarid qilish;
respublikada va xorijiy mamlakatlarda oʻtkaziladigan konferensiyalar, seminarlar va boshqa tadbirlarda ishtirok etish va ularni oʻtkazish;
xorijiy mehmonlarning tashrifi bilan bogʻliq xarajatlarni qoplash;
e) Agentlik xodimlarini moddiy ragʻbatlantirish, mukofotlash, ijtimoiy himoya qilish, oʻqitish va malakasini oshirish;
j) Agentlik, uning hududiy boshqarmalari va idoraviy boʻysunuvidagi tashkilotlari moddiy-texnik bazasini mustahkamlash;
z) Agentlik, uning hududiy boshqarmalari va idoraviy boʻysunuvidagi tashkilotlari xodimlarini xorijiy davlatlarning arxiv, ilmiy-tadqiqot, taʼlim va boshqa muassasalarida oʻqitish, malakasini oshirish va stajirovkadan oʻtkazish, tajriba almashish;
i) Agentlik, uning hududiy boshqarmalari va idoraviy boʻysunuvidagi tashkilotlari xodimlariga mamlakatda va xorijdagi rejadan tashqari xizmat safarlari xarajatlarini qoplash uchun toʻlab berish;
k) qonunchilikda taqiqlanmagan Agentlik faoliyatini rivojlantirishga yoʻnaltirilgan boshqa tadbirlar.
10. Jamgʻarma mablagʻlari Agentlik markaziy apparatining quyidagi xarajatlariga yoʻnaltirilishi mumkin:
Agentlikning moddiy-texnik bazasini mustahkamlash, shu jumladan axborot-kommunikatsiya jihozlari, mebel, inventarlar va transport vositalarini xarid qilish, rekonstruksiya, taʼmirlash va obodonlashtirish ishlari bilan bogʻliq xarajatlar;
xodimlarning lavozim maoshiga har oylik ustamalar, mukofotlar berish va ijtimoiy muhofaza qilish (yoʻlkira va ovqatlanish xarajatlari uchun qoʻshimcha haqlar koʻrinishida) xarajatlarini amalga oshirish.
Agentlik markaziy apparati xodimlarining lavozim maoshiga har oylik ustamalar, mukofotlar, ularga moddiy yordam berish va ularni ijtimoiy muhofaza qilish Oʻzbekiston Respublikasi “Oʻzarxiv” agentligi va uning tarkibiga kiruvchi arxiv ishi hududiy boshqarmalari xodimlarini moddiy ragʻbatlantirish tartibiga asosan amalga oshiriladi.
Keyingi tahrirga qarang.
11. Jamgʻarmadan mablagʻ ajratishga oid murojaatlar Agentlikning hududiy boshqarmalari, Oʻzbekiston milliy arxivlari va idoraviy boʻysunuvidagi tashkilotlari tomonidan ushbu xarajatlarni asoslovchi tegishli hujjatlar bilan birga Agentlikka taqdim etiladi.
Hujjatlarning asoslanganligi va sifati, keltirilgan maʼlumotlarning toʻgʻriligi yuzasidan hududiy boshqarma boshliqlari, Oʻzbekiston milliy arxivlari va idoraviy boʻysunuvidagi tashkilotlari rahbarlari javobgardir.
12. Jamgʻarma mablagʻlaridan foydalanish uning tasdiqlangan daromadlar va xarajatlar smetasi asosida amalga oshiriladi.
Oldingi tahrirga qarang.
Jamgʻarmaning daromadlar va xarajatlar smetasi budjet toʻgʻrisidagi qonunchilik hujjatlarida belgilangan tartibda tuziladi, Agentlik direktori tomonidan tasdiqlanadi va roʻyxatdan oʻtkaziladi.
(12-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
13. Jamgʻarmaning daromadlar va xarajatlar smetasiga tegishli oʻzgartirish va qoʻshimchalar faqat Agentlik direktori oʻrinbosarlari, Qoraqalpogʻiston Respublikasi, viloyatlar va Toshkent shahar arxiv ishi hududiy boshqarmalari boshliqlari, Oʻzbekiston milliy arxivlari direktorlari, Markaz direktorining asosli yozma murojaati asosida Jamgʻarmani boshqarish Kengashi roziligi bilan amalga kiritiladi.
Keyingi tahrirga qarang.
4-bob. Jamgʻarma faoliyatini boshqarish
14. Jamgʻarma faoliyatini boshqarish va uning mablagʻlarini taqsimlash uchun Jamgʻarmani boshqarish Kengashi (keyingi oʻrinlarda — Kengash) tashkil etiladi.
Kengash Agentlik, hududiy boshqarmalar va davlat arxivlarining 21 — 23 nafar rahbar va masʼul xodimlaridan iborat tarkibda shakllantiriladi. Kengashning shaxsiy tarkibi, qoidaga koʻra, bir yilda bir marta Agentlik direktori tomonidan tasdiqlanadi.
Kengash aʼzolari Kengash tarkibida oʻz faoliyatini jamoatchilik asosida amalga oshiradi.
Kengash ishtirok etishning ixtiyoriyligi va Kengash vakolatiga tegishli masalalarni hal etishda uning barcha aʼzolarining teng huquqliligi tamoyillari asosida shakllantiriladi.
Kengash, qoidaga koʻra, Kengash raisi, rais oʻrinbosari, kotib va aʼzolaridan iborat tarkibda shakllantiriladi.
Agentlik direktori lavozimiga koʻra Kengash raisi hisoblanadi.
15. Quyidagilar Kengashning asosiy vazifalari hisoblanadi:
hisobot yili yakuni boʻyicha Jamgʻarma mablagʻlarining daromadlari va xarajatlari toʻgʻrisidagi hisobotlarni koʻrib chiqish va tasdiqlash;
Jamgʻarma mablagʻlaridan maqsadli va samarali foydalanilishini nazorat qilish.
16. Kengash aʼzolarining vazifalari quyidagilardan iborat:
Kengash majlislarida koʻrib chiqiladigan masalalarni muhokama qilish va hal etishda ishtirok etish;
arxiv ishi va ish yuritish tizimini rivojlantirishning dolzarb masalalari boʻyicha Kengashga takliflar kiritish;
Kengash tomonidan koʻrib chiqiladigan masalalar boʻyicha ovoz berish.
Kengash aʼzolari majlisda shaxsan qatnashadi. Qatnashishning imkoni boʻlmagan taqdirda, Kengash aʼzosi majlisning kun tartibi boʻyicha oʻz fikrini yozma ravishda taqdim etishga haqlidir.
17. Kengash raisi:
Kengash majlisi kun tartibini belgilaydi va uni chaqiradi;
Kengash qarorlarini tasdiqlaydi va ularning bajarilishini nazorat qiladi;
Kengash aʼzolariga yuklangan vazifalar bajarilishi yuzasidan ularning ishini muvofiqlashtiradi;
Kengashning samarali ishlashini taʼminlash uchun boshqa vakolatlarni amalga oshiradi.
18. Kengash kotibi:
Kengash majlisiga barcha zarur hujjatlarning oʻz vaqtida tayyorlanishini taʼminlaydi;
majlisni oʻtkazish muddatlari va joyini Kengash raisi bilan kelishadi;
kun tartibi masalalari boʻyicha Kengash majlislari oʻtkazilishini tashkil etadi;
Kengash aʼzolari va taklif etilgan shaxslarni majlisning sanasi, vaqti, joyi va kun tartibi loyihasidan xabardor qiladi;
Kengash qarorlari bajarilishi monitoringini yuritadi;
Kengash bayonnomalarini rasmiylashtiradi va tasdiqlangan bayonnomalarni Kengash aʼzolariga va boshqa manfaatdor tashkilotlarga yuboradi.
Kengash kotibi Kengash aʼzosi hisoblanadi.
19. Kengash oʻz majlislarini zaruratga koʻra, biroq har chorakda kamida bir marta oʻtkazadi.
20. Kengash majlisini Kengash raisi, u boʻlmagan taqdirda esa — Kengash raisi oʻrinbosari olib boradi.
21. Kengash majlisi unda Kengash aʼzolarining kamida uchdan ikki qismi qatnashgan taqdirda, oʻtkazilgan hisoblanadi.
22. Majlisni oʻtkazish uchun kvorum yoxud rais yoki uning oʻrinbosari boʻlmaganda, Kengash majlisini oʻtkazishning yangi sanasi eʼlon qilinadi.
23. Kengash majlisida koʻrib chiqiladigan masalalarning xususiyatiga koʻra davlat organlari va boshqa tashkilotlarning rahbarlari va mutaxassislari, davlat arxivlarining xodimlari taklif etilishi mumkin.
24. Kengash qarori Kengashning majlisda qatnashgan aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda, Kengash raisining ovozi hal qiluvchi hisoblanadi.
Jamgʻarmaning daromadlari va xarajatlarining yillik moliyaviy rejasini, shuningdek, Kengash mablagʻlaridan foydalanilishini tasdiqlash masalalari boʻyicha qaror Kengashning majlisda qatnashgan aʼzolari uchdan ikki qismining ovozi bilan qabul qilinadi.
Kengash qarorlari Kengash majlisining bayonnomasi bilan rasmiylashtiriladi. Kengash majlisining bayonnomasi Kengash raisi tomonidan tasdiqlanadi hamda direktor buyrugʻi asosida amalga oshiriladi.
25. Agentlikning buxgalteriya boʻlimi Jamgʻarmaning ishchi organi hisoblanadi.
Jamgʻarma hisobidan uning faoliyatini yuritish uchun ikki nafar bosh mutaxassis lavozimi shtat birligini saqlashga ruxsat etiladi.
Keyingi tahrirga qarang.
26. Ishchi organ:
Jamgʻarmaning daromadlari va xarajatlarining yillik moliyaviy rejasini ishlab chiqadi;
Oldingi tahrirga qarang.
daromadlar va xarajatlar smetalarini tayyorlaydi, shuningdek, ularga qonunchilik hujjatlarida belgilangan tartibda oʻzgartirishlar kiritadi;
(26-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Jamgʻarma tushumlarini koʻpaytirish va uning mablagʻlaridan samarali foydalanish boʻyicha takliflar tayyorlaydi;
hududiy boshqarma boshliqlari va Oʻzbekiston milliy arxivlari, Arxiv ishi va ish yuritish markazi rahbarlarining Jamgʻarmadan mablagʻ ajratishga oid murojaatlarini umumlashtiradi va Kengashga koʻrib chiqish uchun materiallar tayyorlaydi;
Keyingi tahrirga qarang.
Jamgʻarmaning tushumlar manbalari boʻyicha daromadlari hamda asosiy xarajatlari yoʻnalishlari boʻyicha hisobini yuritadi;
har chorak yakuni boʻyicha Jamgʻarma mablagʻlaridan foydalanilishi toʻgʻrisida hisobot tayyorlaydi hamda Kengashga koʻrib chiqish va tasdiqlash uchun taqdim etadi.
27. Jamgʻarma mablagʻlarining hisobi va hisobotini yuritish hamda joriy xizmat koʻrsatish ishlari Agentlikning buxgalteriya boʻlimi tomonidan amalga oshiriladi.
5-bob. Hisob, hisobot va nazorat
28. Jamgʻarma mablagʻlaridan foydalanish boʻyicha hisob va hisobotlar Agentlikning budjetdan tashqari boshqa mablagʻlaridan alohida yuritiladi.
29. Jamgʻarmaning daromadlar va xarajatlar smetasining ijrosi toʻgʻrisidagi yillik hisobot Kengash tomonidan koʻrib chiqiladi hamda har yili Agentlik hayʼati yigʻilishida 15-aprelgacha tasdiqlanadi.
30. Jamgʻarmaning daromadlar va xarajatlar smetasi hamda uning ijrosi toʻgʻrisidagi hisobotlar, shuningdek, tovarlar (ishlar, xizmatlar)ni xarid qilish boʻyicha tuzilgan shartnomalar roʻyxatlari Agentlikning rasmiy veb-saytlarida eʼlon qilinadi.
Oldingi tahrirga qarang.
31. Jamgʻarma mablagʻlaridan oqilona va maqsadli foydalanilishi yuzasidan davlat moliyaviy nazorati qonunchilik hujjatlarida belgilangan tartibda Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi hamda Agentlik buyrugʻi bilan tashkil etilgan tegishli ishchi guruhlar tomonidan amalga oshiriladi.
(31-band Oʻzbekiston Respublikasi Vazirlar Mahkamasining 2022-yil 5-avgustdagi 431-sonli qarori tahririda — Qonunchilik maʼlumotlari milliy bazasi, 06.08.2022-y., 09/22/431/0716-son)
Keyingi tahrirga qarang.
6-bob. Yakunlovchi qoidalar
Oldingi tahrirga qarang.
32. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.
(32-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
33. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
(33-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oʻzbekiston Respublikasi “Oʻzarxiv” agentligi huzuridagi Arxiv ishini rivojlantirish jamgʻarmasi toʻgʻrisidagi nizomga
ILOVA
ILOVA
Keyingi tahrirga qarang.
Oʻzbekiston Respublikasi “Oʻzarxiv” agentligi huzuridagi Arxiv ishini rivojlantirish jamgʻarmasi faoliyatini tashkil etish
SXEMASI
Keyingi tahrirga qarang.
Oldingi tahrirga qarang.
|
Masʼullar |
Chora-tadbirlar |
Bajarish muddatlari | ||||
|
|
||||||
|
I bosqich |
Davlat arxivlari, |
Davlat arxivlari, Arxiv ishi va ish yuritish markazi tomonidan pulli xizmat koʻrsatishdan olingan daromadlaridan majburiy ajratmalar toʻlanadi. |
har chorakda, keyingi oyning 25 sanasigacha | |||
|
|
||||||
|
II bosqich |
|
Oʻzbekiston Respublikasi “Oʻzarxiv” agentligi |
|
Jamgʻarma faoliyatini boshqarish va uning mablagʻlarini taqsimlash uchun jamoatchilik asosida faoliyat yurituvchi Jamgʻarmani boshqarish Kengashi tuziladi va uning shaxsiy tarkibi tasdiqlanadi. |
|
har yili |
|
|
||||||
|
III bosqich |
|
Oʻzbekiston Respublikasi “Oʻzarxiv” agentligi, |
|
Jamgʻarmaning daromadlar va xarajatlar smetasi budjet tashkilotlari uchun budjetdan tashqari mablagʻlar boʻyicha qonunchilik hujjatlarida belgilangan tartibda tuzilib tasdiqlanadi va Oʻzbekiston Respublikasi Moliya vazirligida roʻyxatdan oʻtkaziladi. |
|
Oʻzbekiston Respublikasi Budjet kodeksida belgilangan muddatlarda |
|
|
||||||
|
IV bosqich |
|
Jamgʻarmani boshqarish Kengashi |
|
1. Jamgʻarmadan mablagʻ ajratish masalalari Jamgʻarmani boshqarish Kengashi majlisida muhokama etiladi, mablagʻ ajratish toʻgʻrisida qaror qabul qilinadi. 2. Kengash qarorlari Kengash majlisining bayonnomasi bilan rasmiylashtiriladi. Kengash majlisining bayonnomasi Kengash raisi tomonidan tasdiqlanadi hamda Oʻzbekiston Respublikasi “Oʻzarxiv” agentligi direktori buyrugʻi asosida amalga oshiriladi. |
|
zaruratga koʻra |
|
|
||||||
|
V bosqich |
|
Oʻzbekiston Respublikasi “Oʻzarxiv” agentligi |
|
Jamgʻarmaning daromadlar va xarajatlar smetasining ijrosi toʻgʻrisidagi yillik hisobot Jamgʻarmani boshqarish Kengashi tomonidan koʻrib chiqiladi hamda har yili Oʻzbekiston Respublikasi “Oʻzarxiv” agentligi Hayʼati yigʻilishida tasdiqlanadi. |
|
har yili 15-aprelga qadar |
(ilova Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Keyingi tahrirga qarang.
Vazirlar Mahkamasining 2020-yil 19-martdagi 174-son qaroriga
3-ILOVA
3-ILOVA
Arxiv ishi va ish yuritish holati boʻyicha davlat nazoratini amalga oshirish tartibi toʻgʻrisida
NIZOM
1-bob. Umumiy qoidalar
1. Ushbu Nizom davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va davlat boshqa tashkilotlarida (keyingi oʻrinlarda — davlat tashkilotlari) arxiv ishi va ish yuritish holati boʻyicha davlat nazoratini amalga oshirish tartibini belgilaydi.
2. Ushbu Nizomning qoidalari tadbirkorlik subyektlariga nisbatan tatbiq etilmaydi.
3. Oʻzbekiston Respublikasi “Oʻzarxiv” agentligi (keyingi oʻrinlarda — Agentlik) davlat tashkilotlarida arxiv ishi va ish yuritish holati boʻyicha davlat nazoratini (keyingi oʻrinlarda — davlat nazorati) amalga oshirish uchun masʼul hisoblanadi.
Keyingi tahrirga qarang.
4. Viloyatlar, tumanlar va shaharlar miqyosidagi davlat tashkilotlarida davlat nazorati tegishlicha Qoraqalpogʻiston Respublikasi, viloyatlar va Toshkent shahar arxiv ishi hududiy boshqarmalari (keyingi oʻrinlarda — hududiy boshqarmalar) tomonidan tegishli mahalliy ijro etuvchi hokimiyat organlari bilan hamkorlikda amalga oshiriladi.
Arxiv ishi va ish yuritish holati boʻyicha meʼyorlar va qoidalarning barcha buzilishlari toʻgʻrisida davlat nazoratini amalga oshiruvchi organlar mahalliy ijro etuvchi hokimiyat organlarini xabardor qiladi, shuningdek, koʻrsatib oʻtilgan buzilishlarning oldini olish boʻyicha ularning takliflarini hisobga oladi.
Oldingi tahrirga qarang.
Davlat nazorati Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari, ushbu Nizom va boshqa qonunchilik hujjatlari asosida amalga oshiriladi.
(4-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
5. Agentlikning davlat nazoratini amalga oshirish sohasidagi asosiy vazifalari quyidagilardan iborat:
Oldingi tahrirga qarang.
arxiv ishi va ish yuritish sohasidagi qonunchilik hujjatlari talablari buzilishining oldini olish, uni aniqlash va unga chek qoʻyish;
(5-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
davlat tashkilotlarida arxiv ishi va ish yuritish holati boʻyicha davlat nazoratini amalga oshirish hamda mazkur sohadagi faoliyatni muvofiqlashtirish;
arxiv ishi va ish yuritish sohasidagi normativ-huquqiy hujjatlar ijrosi nazoratini, arxivlarga hujjatlarni topshirishning belgilangan tartibiga va ularni saqlash rejimiga rioya etilishini taʼminlash;
idoraviy saqlov va arxiv saqlovi bosqichida arxiv fondlari va arxiv hujjatlari saqlovini takomillashtirish boʻyicha chora-tadbirlarni amalga oshirish, shuningdek, arxiv hujjatlarini saqlash muddati tugamasdan turib noqonuniy yoʻq qilinishining oldini olish;
axborot tashuvchilarning turidan qatʼi nazar, arxiv hujjatlari va hujjat aylanishi bilan ishlashni tashkil etish, axborot-kommunikatsiya texnologiyalari yordamida hujjatlarni tayyorlash, roʻyxatdan oʻtkazish, hisobga olish va ijrosini nazorat qilish, ularni joriy saqlashni tashkil etish boʻyicha uslubiy hujjat ishlab chiqish va tarqatish;
davlat tashkilotlarining hududiy boshqarmalarida ish yuritishni taʼminlash holati boʻyicha tashkiliy-uslubiy rahbarlikni va nazoratni amalga oshirish;
arxiv ishi va ish yuritishning samaradorligini oshirish boʻyicha koʻrilayotgan tegishli chora-tadbirlar toʻgʻrisida davlat tashkilotlarini xabardor qilish va ular tomonidan arxiv ishi va ish yuritish bilan bogʻliq majburiyatlarning oʻz vaqtida va sifatli bajarilishini taʼminlash;
tizimli asosda arxiv ishi va ish yuritish sohasida huquqiy savodxonlikni va qonunchilikni qoʻllash madaniyatini oshirish, ushbu sohadagi qonunbuzarliklarning oldini olishga qaratilgan axborot-tushuntirish va maʼrifiy-tarbiyaviy ishlarni amalga oshirish.
6. Quyidagilar mahalliy ijro etuvchi hokimiyat organlarining davlat nazoratini amalga oshirish sohasidagi asosiy vazifalari hisoblanadi:
tegishli hududlarda joylashgan arxiv va idoraviy arxivlardagi Milliy arxiv fondi tarkibiga kiritilgan arxiv hujjatlarining holati boʻyicha davlat nazoratini amalga oshirish;
idoraviy saqlov va arxiv saqlovi bosqichida arxiv hujjatlarining saqlanishini, shuningdek, davlat tashkilotlarning arxiv hujjatlarini noqonuniy yoʻq qilishga yoʻl qoʻyilmasligini taʼminlashni takomillashtirish chora-tadbirlarini amalga oshirishga koʻmaklashish.
7. Davlat tashkilotlarida, ularning idoraviy arxivlarida hamda davlat arxivlarida saqlanayotgan arxiv hujjatlari davlat nazoratining obyektlari hisoblanadi.
8. Davlat nazoratining shakllari quyidagilardan iborat:
Oldingi tahrirga qarang.
davlat tashkilotlari tomonidan arxiv ishi va ish yuritish toʻgʻrisidagi qonunchilik hujjatlari talablariga amal qilinishini, davlat dasturlari va sohaga oid boshqa dasturlar bajarilishini tekshirish;
(8-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
obyektda arxiv hujjatlarini saqlash holatini koʻrikdan oʻtkazish va ularni qayd etish;
soʻrovnomalar yoʻllash, zarur boʻlgan axborot, hujjat va materiallarni olish va tahlil qilish;
arxiv hujjatlarini jamlash, hisobga olish, saqlash va ulardan foydalanish boʻyicha hujjat va materiallarni taftish qilish.
Oldingi tahrirga qarang.
9. Agentlik va mahalliy ijro etuvchi hokimiyat organlarining davlat nazoratini amalga oshiruvchi mansabdor shaxslari oʻz vakolatlarini amalga oshirishda fuqarolarning shaxsiy hayoti toʻgʻrisidagi maʼlumotlarni, shuningdek, davlat yoki qonun bilan qoʻriqlanadigan boshqa sirni va boshqa axborotni qonunchilik hujjatlarida belgilangan tartibda oshkor etmasliklari shart.
(9-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
10. Davlat tashkilotlari Agentlik va uning hududiy boshqarmalari, shuningdek, mahalliy ijro etuvchi hokimiyat organlarining davlat nazoratini amalga oshiruvchi mansabdor shaxslariga ish uchun zarur boʻlgan shart-sharoitlar yaratadi, tegishli hujjatlarni taqdim etadi hamda Agentlik vakolatiga kiruvchi masalalar yuzasidan tushuntirishlar beradi.
2-bob. Davlat nazoratini amalga oshiruvchi davlat organlari va ularning mansabdor shaxslari
11. Davlat nazorati Agentlikning mansabdor shaxslari tomonidan amalga oshiriladi.
Agentlik nomidan:
“Oʻzarxiv” agentligining Arxiv ishi va ish yuritish boʻyicha davlat nazorati boʻlimi boshligʻi;
“Oʻzarxiv” agentligi Arxiv ishi va ish yuritish boʻyicha davlat nazorati boʻlimi bosh mutaxassisi;
hududiy boshqarmalar boshliqlari va bosh mutaxassislari Arxiv ishi va ish yuritish holati boʻyicha davlat nazoratini amalga oshiruvchi mansabdor shaxslar hisoblanadi.
12. Davlat nazoratini amalga oshiruvchi mansabdor shaxslar:
davlat tashkilotlaridan arxiv ishi va ish yuritishga oid zarur maʼlumot, axborot, tushuntirish va hujjatlarni soʻrash hamda bepul olish;
davlat nazoratini amalga oshirish davomida zarur hujjatlarni oʻrganish, arxiv saqlovxonalarini foto, videotasvirga tushirish;
Oldingi tahrirga qarang.
arxiv hujjatlariga zarar yetkazgan, qonunchilik hujjatlarini buzgan va boshqa shaxslardan yozma ravishda tushuntirish olish;
(12-bandning toʻrtinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
davlat tashkilotlarining bino va inshootlariga arxiv ishi va ish yuritish sohasidagi faoliyati boʻyicha davlat nazoratini amalga oshirish uchun mazkur bino va inshootlarda boʻlish qoidalariga rioya qilgan holda kirish va koʻzdan kechirish;
Oldingi tahrirga qarang.
arxiv ishi va ish yuritish qonunchilik hujjatlarining buzilish sabablari hamda arxiv hujjatlarining saqlov sharoitlarini aniqlash;
(12-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
arxiv ishi va ish yuritish toʻgʻrisidagi qonunchilik hujjatlari talablari buzilganligini bartaraf qilish haqida davlat tashkilotlariga koʻrib chiqilishi majburiy boʻlgan taqdimnomalar kiritish;
(12-bandning yettinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
davlat nazorati natijalari boʻyicha maʼlumotnoma, dalolatnoma, xulosa, hisobotlar tuzish va tasdiqlash;
Oldingi tahrirga qarang.
arxiv ishi va ish yuritish toʻgʻrisidagi qonunchilik hujjatlari talablarini buzgan shaxslarni javobgarlikka tortish toʻgʻrisidagi materiallarni tegishli huquqni muhofaza qiluvchi organga yuborish;
(12-bandning toʻqqizinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
qonunchilik hujjatlarida koʻrsatilgan boshqa huquqlarga ega.
(12-bandning oʻninchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
13. Davlat nazoratini amalga oshiruvchi mansabdor shaxslar:
davlat tashkilotlariga davlat nazoratini oʻtkazish toʻgʻrisidagi nazorat qiluvchi organ rahbarining buyrugʻi nusxasi, xizmat guvohnomasini koʻrsatishga;
davlat tashkiloti faoliyatiga toʻsqinlik qilmaslikka;
davlat siri, tijorat yoki boshqa sirlar saqlanishini taʼminlashga;
davlat nazorati natijasini dalolatnoma (maʼlumotnoma) bilan rasmiylashtirishga, uning bir nusxasi davlat nazorati tamom boʻlgan kunda davlat nazoratidan oʻtgan davlat tashkilotiga taqdim etishga;
Oldingi tahrirga qarang.
huquqbuzarlik holatlari aniqlanganda unga taʼsir koʻrsatishning qonunchilik hujjatlarida nazarda tutilgan choralarini koʻrishga majbur.
(13-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
3-bob. Arxiv ishi va ish yuritish holati boʻyicha davlat nazoratini tashkil etish
14. Davlat nazorati ushbu Nizomga ilovadagi sxemaga muvofiq quyidagi tartibda oʻtkaziladi:
respublika ahamiyatiga molik davlat tashkilotlarida, shuningdek, Oʻzbekiston milliy arxivlarida — Agentlikning tegishli mansabdor shaxslari (respublika darajasida);
mahalliy ijro etuvchi hokimiyat organlari, davlat boshqaruvi organlarining tegishli hududiy boshqarmalari va viloyat ahamiyatiga molik davlat tashkilotlari, shuningdek, Qoraqalpogʻiston Respublikasi, Toshkent shahar markaziy davlat arxivi va viloyat davlat arxivlarida — tegishli mahalliy ijro etuvchi hokimiyat organlari bilan hamkorlikda hududiy boshqarmalarning mansabdor shaxslari (hududiy darajada);
tuman va shahar ahamiyatiga molik davlat tashkilotlari, shuningdek shahar va tumanlar davlat arxivlarida — tegishli mahalliy ijro etuvchi hokimiyat organlari bilan hamkorlikda hududiy boshqarmalarning mansabdor shaxslari (tuman (shahar) darajasida).
15. Agentlik va uning hududiy boshqarmalari tomonidan mahalliy ijro etuvchi hokimiyat organlari bilan hamkorlikda davlat tashkilotlari faoliyatida arxiv ishi va ish yuritish sohasidagi qonun buzilishlarining profilaktikasi va oldini olish maqsadida rejali tartibda ishchi va oʻquv seminarlarda axborot-tushuntirish ishlari amalga oshiriladi.
16. Davlat nazorati kalendar yil uchun 15-yanvardan kechiktirmasdan, yilning boshida tasdiqlanadigan davlat nazorati rejasiga muvofiq ikki yilda kamida bir marta amalga oshiriladi.
Davlat nazorati rejasi:
respublika darajasidagi reja — Agentlik direktori tomonidan tasdiqlanadi;
viloyat va tuman (shahar) darajasidagi reja — tegishli hududiy boshqarmalar boshliqlari tomonidan tasdiqlanadi;
barcha darajadagi davlat nazorati rejalarini oʻz ichiga olgan davlat nazoratining umumiy rejasi tasdiqlangandan soʻng bir hafta muddatda Agentlik veb-saytining tegishli boʻlimida joylashtiriladi.
17. Davlat nazoratini amalga oshirish rejalashtirilgan davlat tashkilotiga rasmiy (yozma) bildirishnoma uning olganligini tasdiqlashni soʻragan holda:
ushbu davlat tashkilotini davlat nazorati rejasiga kiritish toʻgʻrisida joriy yil uchun reja tasdiqlanganidan keyin — bir hafta ichida, biroq tashkilotda davlat nazorati oʻtkazilishidan oʻn kun oldin;
davlat nazoratini oʻtkazish boʻyicha — davlat nazorati oʻtkazilishidan bir hafta oldin yuboriladi.
Davlat tashkiloti oʻz vaqtida xabardor qilinmagan taqdirda, rejaga muvofiq tashkilotda davlat nazoratini oʻtkazish muddati ushbu tashkilotni bevosita xabardor qilish orqali keyingi oyga qoldiriladi.
18. Davlat nazorati oʻn besh kundan koʻp boʻlmagan muddat davomida amalga oshiriladi.
Oldingi tahrirga qarang.
19. Davlat nazorati natijalari boʻyicha arxiv ishi va ish yuritish sohasidagi qonunchilik hujjatlarining bajarilish holati va aniqlangan qonun buzilishi toʻgʻrisida davlat tashkilotlari va ularning mansabdor shaxslari tomonidan dalolatnoma (maʼlumotnoma) tuziladi.
(19-bandning birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Xulosaga asosan Agentlik tomonidan davlat tashkilotlariga va (yoki) ularning yuqori turuvchi tashkilotlariga arxiv ishi va ish yuritish sohasidagi qonunchilik hujjatlari buzilishi, ularni yuzaga keltirib chiqarayotgan shart-sharoitlarni bartaraf etish, ilmiy-tarixiy va amaliy ahamiyatga ega boʻlgan hujjatlarning yoʻqolishi yoki noqonuniy yoʻq qilinishining oldini olish boʻyicha tashkilotlarga nisbatan qonunchilik hujjatlarida belgilangan tartibda choralar koʻrish toʻgʻrisidagi takliflar bilan taqdimnoma kiritiladi.
(19-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Arxiv hujjatlarini topshirish, saqlash va ulardan foydalanishning, shuningdek, arxivlar va idoraviy arxivlar tomonidan xizmat koʻrsatishning belgilangan tartibini buzganlik holatlari aniqlanganda, Agentlik organlarining mansabdor shaxslari oʻz vakolatlari doirasida mazkur holatlar boʻyicha maʼmuriy huquqbuzarlik toʻgʻrisidagi bayonnomalarni tuzadi va aybdor shaxslarni javobgarlikka tortish masalasini koʻrib chiqish uchun belgilangan tartibda sud yoki huquqni muhofaza qiluvchi organlarga yuboradi.
20. Respublika darajasidagi davlat nazoratini tashkil etishda Oʻzbekiston milliy arxivlarining tajribali xodimlari jalb etiladi.
Hududiy va tuman (shahar) darajalaridagi davlat nazoratini samarali tashkil etish uchun viloyat, shahar va tuman davlat arxivlarining tajribali xodimlari jalb etilgan holda hududiy komissiyalar tashkil etiladi.
21. Hududiy komissiyalar quyidagi tarkibda tuziladi:
tegishli hududiy boshqarmaning bosh mutaxassisi;
Qoraqalpogʻiston Respublikasi markaziy davlat arxivi, Toshkent shahar markaziy davlat arxivi va tegishli viloyatlar davlat arxivlari xodimlari;
tegishli mahalliy ijro etuvchi hokimiyat organlari vakili.
22. Arxivlarda (Oʻzbekiston Milliy arxivi, Oʻzbekiston Kinofotofono hujjatlari milliy arxivi, Oʻzbekiston Ilmiy-texnika va tibbiyot hujjatlari milliy arxivi, Qoraqalpogʻiston Respublikasi va Toshkent shahar markaziy davlat arxivlari, viloyatlar davlat arxivlari) davlat nazoratini oʻtkazishda tekshirilayotgan arxiv asosiy ish joyi boʻlgan arxiv xodimini, shuningdek, oʻrindoshlik asosida mehnat faoliyatini amalga oshiruvchi arxiv xodimlari komissiya tarkibiga kiritilishiga yoʻl qoʻyilmaydi.
23. Hududiy komissiya oʻz faoliyatida Agentlikka hisobdordir.
4-bob. Yakunlovchi qoidalar
24. Nazorat qiluvchi organ mansabdor shaxslarining hatti-harakatlari va qarorlari yuzasidan bevosita sudga yoki boʻysunish tartibida yuqori turuvchi organga yoxud mansabdor shaxsga shikoyat qilinishi mumkin.
Oldingi tahrirga qarang.
25. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.
(25-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
26. Ushbu Nizom talablarini buzgan aybdor shaxslar qonunchilik hujjatlariga muvofiq javobgar boʻladi.
(26-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Arxiv ishi va ish yuritish holati boʻyicha davlat nazoratini amalga oshirish tartibi toʻgʻrisidagi nizomga
ILOVA
ILOVA
Arxiv ishi va ish yuritish holati boʻyicha davlat nazoratini amalga oshirish
SXEMASI
(Qonun hujjatlari maʼlumotlari milliy bazasi, 20.03.2020-y., 09/20/174/0343-son; Qonun hujjatlari maʼlumotlari milliy bazasi, 04.06.2021-y., 09/21/345/0522-son; 05.04.2022-y., 09/22/153/0266-son; 06.08.2022-y., 09/22/431/0716-son; 03.03.2025-y., 09/25/135/0208-son; 19.03.2025-y., 09/25/171/0258-son; 21.07.2026-y., 09/26/393/0764-son)
