|
Hujjat kuchini yo‘qotgan 06.12.2024
|
Hujjat 31.10.2020 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Agrosanoat majmui uchun zaxira kadrlarni qayta tayyorlash va ularning malakasini oshirish tizimini yanada takomillashtirishga doir qoʻshimcha chora-tadbirlar toʻgʻrisida
LexUZ sharhiMazkur qaror Oʻzbekiston Respublikasi Prezidentining 2024-yil 4-dekabrdagi PQ-420-sonli “Qishloq xoʻjaligi hamda veterinariya va chorvachilik sohalari kadrlarining malakasini oshirish va qayta tayyorlash tizimini takomillashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Toshkent davlat agrar universiteti faoliyatini yanada takomillashtirish chora-tadbirlari toʻgʻrisida” 2019-yil 19-avgustdagi PQ-4421-son qarori ijrosini taʼminlash hamda agrosanoat majmui uchun rahbar va mutaxassis kadrlarni qayta tayyorlash va ularning malakasini oshirishning samarali tizimini yaratish maqsadida Vazirlar Mahkamasi qaror qiladi:
1. Oʻzbekiston Respublikasi Qishloq xoʻjaligi vazirligi hamda Oliy va oʻrta maxsus taʼlim vazirligining Toshkent davlat agrar universiteti huzurida davlat muassasasi shaklidagi “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish markazini (keyingi oʻrinlarda Markaz deb ataladi) tashkil etish toʻgʻrisidagi taklifi maʼqullansin.
2. Quyidagilar Markazning asosiy vazifalari etib belgilansin:
agrosanoat majmuida zamonaviy texnika va texnologiyalar, shu jumladan, “aqlli qishloq xoʻjaligi”, raqamli innovatsion texnologiyalar va axborot tizimlarini qoʻllash orqali oʻz faoliyatini samarali tashkil eta oladigan rahbar va mutaxassis kadrlarni qayta tayyorlash hamda ularning malakasini oshirish;
agrosanoat majmui rahbar va mutaxassis kadrlarining egallagan bilimlarini kasbiy faoliyatlarida samarali qoʻllay olishga, agrar sohada olib borilayotgan keng qamrovli chora-tadbirlarning samaradorligini oshirishga, qishloq xoʻjaligi tarmoqlaridagi mavjud dolzarb muammolarni hal etishga qaratilgan taʼlim jarayonini tashkil etish;
xorijiy davlatlar ekspertlari hamda zamonaviy texnologiyalarni joriy etish boʻyicha ilgʻor tajribaga ega boʻlgan tadbirkorlik subyektlari mutaxassislarini jalb etgan holda agrosanoat majmui rahbar va mutaxassis kadrlarini qayta tayyorlash va malakasini oshirish uchun davriy ravishda oʻquv-amaliy seminarlarni tashkil etish;
“Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirishni zamonaviy pedagogik va axborot-kommunikatsiya texnologiyalari vositalari asosida yuqori tashkiliy va kasbiy darajada tashkil etish uchun zarur oʻquv-uslubiy va moddiy-texnik bazani yaratish;
agrosanoat majmui tizimidagi tashkilotlar, shu jumladan, agroklasterlar va xususiy korxonalar bilan hamkorlikda boshqaruv kadrlarini qayta tayyorlash va ularning malakasini oshirish uchun malakaviy amaliyot va stajirovkalarni tashkil etish;
taʼlim jarayonini zamonaviy usullarda sifatli tashkil etish va uning natijalari boʻyicha tizimli tahlil va monitoring yuritish, shuningdek, rahbarlik lavozimlarida ishlash uchun kadrlarni qayta tayyorlash va ularning malakasini oshirishni talab etiladigan darajada taʼminlash maqsadida doimiy ravishda kasbiy koʻnikma va layoqatning rivojlanish dinamikasini baholab borish.
3. Quyidagilar:
“Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirishga qoʻyiladigan davlat talablari 1-ilovaga muvofiq;
Keyingi tahrirga qarang.
“Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga qabul qilish tartibi toʻgʻrisidagi nizom 2-ilovaga muvofiq;
“Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga nomzodlarni tavsiya etish boʻyicha vazirlik va idoralar roʻyxati 3-ilovaga muvofiq tasdiqlansin.
4. Belgilansinki, “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga qabul kvotalari mazkur qarorning 3-ilovasi bilan tasdiqlangan roʻyxatdagi vazirlik va idoralarning takliflari asosida shakllantiriladi va Oʻzbekiston Respublikasi Qishloq xoʻjaligi vazirligi tomonidan tasdiqlanadi.
5. Quyidagilar Markaz faoliyatini moliyalashtirish manbalari etib belgilansin:
toʻlov-kontrakt asosida oʻqitishdan tushadigan mablagʻlar;
xoʻjalik faoliyatidan va shartnoma asosida xizmatlar koʻrsatishdan tushadigan tushumlar;
jismoniy va yuridik shaxslarning homiylik xayriyalari;
davlat ilmiy-texnik dasturlari doirasida bajarilayotgan loyihalar mablagʻlari;
Keyingi tahrirga qarang.
xalqaro moliya institutlarining grantlari;
qonun hujjatlarida taqiqlanmagan boshqa manbalar.
Keyingi tahrirga qarang.
6. Belgilab qoʻyilsinki, Markazning bino va inshootlarini rekonstruksiya qilish, asbob-uskunalar bilan jihozlash va axborot-kommunikatsiyalar texnologiyalari vositalari bilan taʼminlash Markaz faoliyatini moliyalashtirish manbalari hisobidan amalga oshiriladi.
7. Toshkent davlat agrar universiteti Oʻzbekiston Respublikasi Qishloq xoʻjaligi vazirligi bilan birgalikda:
bir oy muddatda Markaz ustavi va tashkiliy tuzilmasini;
2020-yil 1-iyunga qadar agrosanoat majmui uchun zaxira kadrlarni tayyorlash boʻyicha “Agrobiznes va boshqaruv” yoʻnalishining oʻquv rejalari va dasturlari ishlab chiqilishini va belgilangan tartibda tasdiqlanishini;
qayta tayyorlash va malaka oshirish kurslari tinglovchilari uchun koʻrgazmali mashgʻulotlar oʻtkazish maqsadida ikki oy muddatda ilgʻor qishloq xoʻjaligi korxonalari, agrofirmalar, agroklasterlar va qayta ishlash korxonalari bilan hamkorlik shartnomalari tuzilishini taʼminlasin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.I. Barnoyev va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 19-mart,
172-son
Vazirlar Mahkamasining 2020-yil 19-martdagi 172-son qaroriga
1-ILOVA
1-ILOVA
“Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirishga qoʻyiladigan davlat talablari
1-bob. Umumiy qoidalar
1. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirishga qoʻyiladigan davlat talablari (keyingi oʻrinlarda Davlat talablari deb ataladi) Toshkent davlat agrar universiteti huzuridagi “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish markazida (keyingi oʻrinlarda Markaz deb ataladi) agrosanoat majmui uchun rahbar va mutaxassis kadrlarni qayta tayyorlash va ularning malakasini oshirishga qoʻyiladigan davlat talablarini belgilaydi.
2. Mazkur Davlat talablarida quyidagi asosiy tushunchalar qoʻllaniladi:
oʻquv jarayoni — buyurtmachining aniq yoʻnaltirilgan dasturlari asosida tegishli vazirlik va idoralar bilan kelishgan holda oʻquv rejalari va dasturlari asosida oʻquv jarayoni tashkil etilib, oʻquv jarayoniga zamonaviy bilim va malakaga ega boʻlgan professor-oʻqituvchilar, amaliyotchi mutaxassislar jalb etiladi hamda oʻqitishning interaktiv usullari, internet jahon axborot tarmogʻidan foydalangan holda, rahbar va mutaxassis kadrlarda tanqidiy va ijodiy tafakkurni ragʻbatlantirishga, mustaqil maʼlumot olishga yoʻnaltirilgan axborot-kommunikatsiya texnologiyalari joriy etiladi;
agrosanoat majmui uchun rahbar va mutaxassis kadrlarni qayta tayyorlash — xalqaro tajribalar, standartlar va talablar asosida ishlab chiqilgan taʼlim dasturlariga muvofiq agrosanoat majmuining rahbar va mutaxassis kadrlarida zamonaviy bilim, koʻnikma va malakalarni shakllantirish kursi;
agrosanoat majmui uchun rahbar va mutaxassis kadrlarni qayta malakasini oshirish — xalqaro tajribalar, standartlar va talablar asosida ishlab chiqilgan taʼlim dasturlariga muvofiq, agrosanoat majmui rahbar va mutaxassis kadrlarining malaka va koʻnikmalarini muntazam ravishda yangilab borish orqali kasbiy mahoratining oʻsishini taʼminlashdan iborat oʻquv kursi;
tajriba orttirish — “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarning tajribasini oshirish taʼlimning ilm-fan va ishlab chiqarish bilan integratsiyalashuvi, taʼlim turlari boʻyicha hamda rahbarlik malakasi va koʻnikmasini amaliy jihatdan uzluksiz takomillashtirib borishni taʼminlash, agrosanoat majmuining rahbar va mutaxassis kadrlarini sohadagi yangi yutuqlar bilan tanishtirish maqsadida aniq yoʻnalishlar boʻyicha kasbiy taʼlim dasturlarini oʻzlashtirishdan iborat.
3. Davlat talablari “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirishda oʻquv rejalari va dasturlarini, shuningdek, oʻquv jarayonini, taʼlim sifatini nazorat qilish va baholashni, ularni attestatsiyadan oʻtkazishni tartibga soladigan hujjatlarni ishlab chiqish uchun asos hisoblanadi.
4. Quyidagi hujjatlar Davlat talablari asosida tegishli buyurtmachilar bilan kelishilgan holda ishlab chiqiladi va Toshkent davlat agrar universiteti rektori tomonidan tasdiqlanadi:
mutaxassisliklar boʻyicha oʻquv rejasi va oʻquv rejasidagi fanlar boʻyicha oʻquv dasturlari;
umumiy va mavzuli malaka oshirish kurslarining oʻquv dasturlari.
5. Davlat talablari “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish sohasida Markazning taʼlim faoliyatini tashkiliy, oʻquv-metodik taʼminlash uchun qoʻllaniladi hamda agrosanoat majmui uchun rahbar va mutaxassis kadrlarni qayta tayyorlash va ularning malakasini oshirishning:
asosiy turlari va shakllarini;
mazmuni va sifatiga qoʻyiladigan asosiy talablarni;
oʻquv yuklamasi hajmini;
taʼlim sifatini nazorat qilish, baholash tartibi hamda amalga oshirish mexanizmlarini belgilaydi.
6. Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va malaka oshirish kurslariga qabul qilish va oʻquv jarayoni toʻgʻrisidagi maʼlumotlar Markazning rasmiy veb-saytida oʻquv kurslari boshlanishidan kamida ikki oy oldin joylashtiriladi.
2-bob. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslarini tashkil etish
7. Markaz “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish boʻyicha:
buyurtmachining aniq yoʻnaltirilgan dasturlari asosida tegishli vazirlik va idoralar bilan kelishgan holda oʻquv rejalari va dasturlarini ishlab chiqadi;
oʻquv jarayonini tashkil etadi;
oʻquv jarayoniga zamonaviy bilim va malakaga ega boʻlgan professor-oʻqituvchilarni, amaliyotchi mutaxassislarni jalb etadi;
oʻqitishning interaktiv usullarini, Internet jahon axborot tarmogʻidan foydalangan holda, agrosanoat majmui rahbar va mutaxassis kadrlarining tanqidiy va ijodiy tafakkurini ragʻbatlantirishga, mustaqil maʼlumot olishga yoʻnaltirilgan axborot-kommunikatsiya texnologiyalarini joriy etadi;
tinglovchilar oʻrtasida anketa-soʻrovnomalarni muntazam oʻtkazib boradi, shuningdek, oʻquv jarayoniga yangi pedagogik texnologiyalarning joriy etilishi yuzasidan monitoring olib boradi;
oʻquv-uslubiy asoslarni kafedralar va tegishli mutaxassislar bilan birgalikda ishlab chiqadi;
joriy etilgan xorijiy tajriba va ilgʻor yutuqlar toʻgʻrisidagi maʼlumotlarni oʻquv dasturlariga kiritadi;
qayta tayyorlash va malaka oshirish kurslari auditoriya mashgʻulotlarining barcha turlari 80 daqiqa davom etadi, oʻquv mashgʻulotlari oraligʻidagi tanaffus kamida 10 daqiqani tashkil etadi.
8. Qayta tayyorlash oʻquv kurslarida oʻqish kasbiy faoliyatdan ajralgan holda, malaka oshirish oʻquv kurslarida esa ajralgan yoki ajralmagan holda, shuningdek, masofaviy taʼlim texnologiyalaridan foydalanish asosida amalga oshirilishi mumkin.
9. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga tinglovchilar “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga qabul qilish tartibi toʻgʻrisidagi nizom asosida qabul qilinadi.
3-bob. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash
10. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash xalqaro tajribalar, standartlar va talablar asosida ishlab chiqilgan taʼlim dasturlariga muvofiq agrosanoat majmuining rahbar va mutaxassis kadrlarida zamonaviy bilim, koʻnikma va malakalarni shakllantirishdan iborat.
11. Agrosanoat majmui uchun rahbar va mutaxassis kadrlar asosiy ishidan ajralgan holda qayta tayyorlanadi.
12. Agrosanoat majmui uchun rahbar va mutaxassis kadrlarni qayta tayyorlash kursining oʻquv yuklamasi tegishli buyurtmachilar bilan kelishilgan holda, Markaz direktori tomonidan tasdiqlanadigan qayta tayyorlashning oʻquv rejasi asosida belgilanadi.
13. Agrosanoat majmui uchun rahbar va mutaxassis kadrlarni qayta tayyorlash kurslarida oʻqitish davomiyligi toʻrt oyni tashkil etadi, oʻquv yuklamasining eng koʻp hajmi haftasiga 36 soat etib belgilanadi.
Qayta tayyorlash kurslarida umumiy oʻqish vaqti hajmi:
auditoriya mashgʻulotlari (maʼruza, seminar) — 12 hafta (432 soat);
ish oʻrganish amaliyoti va amaliyot sinovi — 2 hafta (72 soat);
bitiruv malakaviy ishini tayyorlash — 1 hafta (36 soat);
bitiruv malakaviy ishi himoyasi va yakuniy imtihon — 1 hafta (36 soat) etib belgilanadi.
14. Agrosanoat majmui uchun rahbar va mutaxassis kadrlarni qayta tayyorlash kursini toʻliq oʻzlashtirgan tinglovchilar yakuniy attestatsiyaga kiritiladi.
15. Agrosanoat majmui uchun rahbar va mutaxassis kadrlarni qayta tayyorlash kursini oʻzlashtirgan va yakuniy attestatsiyadan muvaffaqiyatli oʻtgan tinglovchilarga mazkur Davlat talablariga 1-ilovada keltirilgan namunadagi diplom beriladi.
16. Agrosanoat majmui uchun rahbar va mutaxassis kadrlarni qayta tayyorlash ikkinchi oliy taʼlim hisoblanmaydi.
4-bob. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarning malakasini oshirish
17. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarning malakasini oshirish oʻquv rejasi va dasturlaridan kelib chiqqan holda, agrosanoat majmui rahbar va mutaxassis kadrlarining malaka va koʻnikmalarini muntazam ravishda yangilab borish orqali kasbiy mahoratining oʻsishini taʼminlashdan iborat.
18. Agrosanoat majmui uchun rahbar va mutaxassis kadrlarning malakasini oshirish ishdan ajralgan holda, oʻquv jarayoni davomiyligi toʻrt haftani tashkil etadi.
auditoriya mashgʻulotlari (maʼruza, seminar) — 3 hafta (96 soat);
ish oʻrganish amaliyoti — 1 hafta (36 soat);
yakuniy imtihon — 2 kun (12 soat) etib belgilanadi.
19. Agrosanoat majmui uchun rahbar va mutaxassis kadrlarning malakasini oshirish kursining malaka oshirish muddatlari, oʻquv rejasi va dasturlari buyurtmachi bilan kelishilgan holda, Markaz direktori tomonidan tasdiqlanadi.
20. Agrosanoat majmui uchun rahbar va mutaxassis kadrlarning malakasini oshirish kursining oʻquv yuklamasi buyurtmachi bilan kelishilgan holda, Markaz direktori tomonidan tasdiqlanadigan oʻquv rejasi asosida belgilanadi.
21. Agrosanoat majmui uchun rahbar va mutaxassis kadrlarning malakasini oshirish buyurtmachi bilan kelishilgan dastur boʻyicha amalga oshiriladi va quyidagi maqsadlarni nazarda tutadi:
agrosanoat majmuining rahbar va mutaxassis kadrlarini aniq mavzu boʻyicha kasbiy bilim va koʻnikmalarni chuqurlashtirish;
agrosanoat majmuining rahbar va mutaxassis kadrlarida rivojlangan xorijiy davlatlarning sohadagi yutuqlari va yuzaga kelgan muammolarni tezkor bartaraf etish doirasida qoʻllayotgan innovatsion usullarning mazmun-mohiyatini anglash koʻnikmasini shakllantirish.
22. Agrosanoat majmui uchun rahbar va mutaxassis kadrlarning malakasini oshirish kursidan muvaffaqiyatli oʻtgan tinglovchilarga Davlat talablariga 2-ilovada keltirilgan namunadagi sertifikat beriladi.
5-bob. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarning tajribasini oshirish
23. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarning tajribasini oshirish taʼlimning ilm-fan va ishlab chiqarish bilan integratsiyalashuvi, taʼlim turlari boʻyicha hamda rahbarlik malakasi va koʻnikmasini amaliy jihatdan uzluksiz takomillashtirib borishni taʼminlash, agrosanoat majmuining rahbar va mutaxassis kadrlarini sohadagi yangi yutuqlar bilan tanishtirish maqsadida aniq yoʻnalishlar boʻyicha kasbiy taʼlim dasturlarini oʻzlashtirishdan iborat.
24. Agrosanoat majmui uchun rahbar va mutaxassis kadrlarning tajribasini oshirish tinglovchilarning davlat va nodavlat tashkilotlarida nazariy va amaliy bilimlari, malaka hamda koʻnikmalarini chuqurlashtirishga qaratilgan.
25. Agrosanoat majmui uchun rahbar va mutaxassis kadrlarning tajribasini oshirishni tashkil etish bilan bogʻliq boʻlgan hujjatlar Markaz tomonidan tasdiqlanadi.
26. Agrosanoat majmui uchun rahbar va mutaxassis kadrlarning tajribasini oshirish Oʻzbekiston Respublikasi Qishloq xoʻjaligi vazirligi, yirik qishloq xoʻjaligi birlashmalari hamda boshqa manfaatdor buyurtmachi tashkilotlar bilan kelishilgan holda, xorijiy davlatlarning taʼlim muassasalarida hamda ixtisoslashgan boshqa muassasalarda tashkil etilishi mumkin.
6-bob. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslarining mazmuni va sifatiga qoʻyiladigan umumiy talablar
27. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslarining mazmuni va sifatiga qoʻyiladigan umumiy talablar sohadagi yangi bilim va koʻnikmalarni oʻzlashtirish hamda chuqurlashtirishga boʻlgan ehtiyoj darajasini, hajmi va mazmunini qamrab oladi.
28. Agrosanoat majmui uchun rahbar va mutaxassis kadrlarni qayta tayyorlash yangi bilim va koʻnikmalarni oʻzlashtirishga, malaka oshirish esa kasbiy bilim va koʻnikmalarni chuqurlashtirishga yoʻnaltiriladi.
29. Agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslarining sifati tinglovchilarning bilimi va amaliy mahorati Davlat talablariga muvofiqligi bilan belgilanadi.
30. Agrosanoat majmui uchun rahbar va mutaxassis kadrlarni qayta tayyorlash kurslari oʻquv rejalariga muvofiq belgilangan fanlardan davlat imtihonlarini topshirish va bitiruv malaka ishini himoya qilish bilan yakunlanadi.
Agrosanoat majmui uchun rahbar va mutaxassis kadrlarning malakasini oshirish kurslari oʻquv rejalariga muvofiq belgilangan fanlardan yakuniy nazorat topshirish bilan yakunlanadi.
7-bob. Taʼlim sifatini nazorat qilish va baholash
31. Agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish sifatini nazorat qilish quyidagilarni oʻz ichiga oladi:
Markaz tomonidan tasdiqlangan ish rejasi asosida oʻquv jarayoni davrida amalga oshiriladigan ichki nazorat;
Agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslari tinglovchilarining fanlar boʻyicha bitiruv malaka ishi himoyasi va attestatsiyasi boʻyicha yakuniy nazorat;
vakolatli davlat organi, nodavlat notijorat tashkilotlari hamda buyurtmachilar tomonidan amalga oshiriladigan jamoatchilik nazorati;
Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi hamda buyurtmachilar tomonidan amalga oshiriladigan tashqi nazorat.
8-bob. Yakunlovchi qoidalar
32. Mazkur talablarni buzganlikda aybdor shaxslar qonun hujjatlarida belgilangan tartibda javobgar boʻladi.
Agrosanoat majmui uchun mutaxassis va rahbar kadrlarni qayta tayyorlash va malakasini oshirishga qoʻyiladigan davlat talablariga
1-ILOVA
1-ILOVA
|
Toshkent davlat agrar universiteti huzurida “Agrobiznes va boshqaruv” yoʻnalishida agrosanoat majmuasi mutaxassis va rahbar kadrlarini tayyorlash, qayta tayyorlash va malakasini oshirish Markazida Rahbar va mutaxassis kadrlarning qayta tayyorlash kurslarini yakunlagani haqida diplom tavsifi | ||||||||
|
Toshkent davlat agrar universiteti huzurida “Agrobiznes va boshqaruv” yoʻnalishida agrosanoat majmuasi mutaxassis va rahbar kadrlarini tayyorlash, qayta tayyorlash va malakasini oshirishMarkazining qayta tayyorlash kurslarini yakunlaganligi toʻgʻrisidagi diplom A4 formatli oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och pushti rangda bosib chiqariladi. | ||||||||
|
| ||||||||
|
________________________________________________________________________________________________ | ||||||||
|
(Tinglovchining familiyasi, ismi, otasining ismi) | ||||||||
|
20____ yil ________ _____________________ dan |
20____yil ________ _____________________ gacha | |||||||
|
| ||||||||
|
________________________________________________________________________________ soatga moʼljallangan | ||||||||
|
________________________________________________________________________________________________ (Qayta tayyorlash kursining nomi) | ||||||||
|
qayta tayyorlash kursida taʼlim olib, ____________________________________________________________________ _______________________________________________________________ mavzusida bitiruvishini Davlat attestatsiya komissiyasida ______________________ bahoga himoya qildi va qayta tayyorlash oʼquv kursini muvaffaqiyatli tamomladi. | ||||||||
|
Muhr oʼrni |
||||||||
|
Davlat attestatsiya komissiyasi raisi |
____________________ |
__________________________________________ | ||||||
|
(imzo) |
(F.I.O.) | |||||||
|
Taʼlim muassasasi rahbari |
____________________ |
__________________________________________ | ||||||
|
(imzo) |
(F.I.O.) | |||||||
|
Shahar _______________________________ |
Sana _____________ |
Qayd raqami ________ | ||||||
Agrosanoat majmui uchun mutaxassis va rahbar kadrlarni qayta tayyorlash va malakasini oshirishga qoʻyiladigan davlat talablariga
2-ILOVA
2-ILOVA
|
Toshkent davlat agrar universiteti huzurida “Agrobiznes va boshqaruv” yoʻnalishida agrosanoat majmuasi mutaxassis va rahbar kadrlarini tayyorlash, qayta tayyorlash va malakasini oshirish Markazida Rahbar va mutaxassis kadrlarning malaka oshirish kurslariniyakunlagani haqida sertifikat tavsifi | ||||||||
|
Toshkent davlat agrar universiteti huzurida “Agrobiznes va boshqaruv” yoʻnalishida agrosanoat majmuasi mutaxassis va rahbar kadrlarini tayyorlash, qayta tayyorlash va malakasini oshirishMarkazining Malaka oshirish kurslarini yakunlaganligi toʻgʻrisidagi sertifikati A4 formatli oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och kul rangda bosib chiqariladi. Varaqning chap qismida chetidan 10 mm chekingan holda eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa — 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan. Sertifikat: yorugʻlik vositasida nusxa koʻchirishni qiyinlashtirish uchun ochiq ranglar; naqshli rastr; har xil rangli rastrlardan foydalanish yoʻli bilan turli ranglarni tashkil etish; maxsus qogʻozlar; oʻzgaradigan raqamlardan iborat tartib raqami qoʻllangan holda oltita himoyaga ega. | ||||||||
|
| ||||||||
|
________________________________________________________________________________________________ | ||||||||
|
(Tinglovchining familiyasi, ismi, otasining ismi) | ||||||||
|
20____ yil ________ _____________________ dan |
20____yil ________ _____________________ gacha | |||||||
|
| ||||||||
|
jami ______________ soatli _____________________________________________________boʼyicha malakasini oshirdi. | ||||||||
|
(malaka oshirish kursining nomi) | ||||||||
|
|
||||||||
|
Taʼlim muassasasi rahbari |
____________________ |
__________________________________________ | ||||||
|
(imzo) |
(F.I.O.) | |||||||
|
Shahar _______________________________ |
Sana ____________ |
Qayd raqami _________ | ||||||
Keyingi tahrirga qarang.
Vazirlar Mahkamasining 2020-yil 19-martdagi 172-son qaroriga
2-ILOVA
2-ILOVA
“Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga qabul qilish tartibi toʻgʻrisidagi
NIZOM
1-bob. Umumiy qoidalar
1. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga qabul qilish tartibi toʻgʻrisidagi nizom (keyingi oʻrinlarda Nizom deb ataladi) “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish markaziga (keyingi oʻrinlarda Markaz deb ataladi) agrosanoat majmui uchun rahbar va mutaxassis kadrlarni qayta tayyorlash hamda ularning malakasini oshirish kurslariga qabul qilish tartibini belgilaydi.
2. Mazkur Nizomda quyidagi asosiy tushunchalar qoʻllaniladi:
tinglovchilar — agrosanoat majmui tarkibidagi vazirlik va idoralar tomonidan “Agrobiznes va boshqaruv” yoʻnalishi boʻyicha qayta tayyorlash va malaka oshirish kurslariga tavsiya etilib, tanlovdan muvaffaqiyatli oʻtgan nomzodlar;
agrosanoat majmui uchun rahbar va mutaxassis kadrlarni qayta tayyorlash — xalqaro tajribalar, standartlar va talablar asosida ishlab chiqilgan taʼlim dasturlariga muvofiq agrosanoat majmuining rahbar va mutaxassis kadrlarida zamonaviy bilim, koʻnikma va malakalarni shakllantirish kursi;
agrosanoat majmui uchun rahbar va mutaxassis kadrlarning malakasini oshirish — xalqaro tajribalar, standartlar va talablar asosida ishlab chiqilgan taʼlim dasturlariga muvofiq agrosanoat majmui rahbar va mutaxassis kadrlarining malaka va koʻnikmalarini muntazam ravishda yangilab borish orqali kasbiy mahoratining oʻsishini taʼminlashdan iborat oʻquv kursi;
tanlov komissiyasi — tanlov komissiyasi tarkibi agrosanoat majmui tarkibiga kiruvchi vazirlik va idoralarning tavsiyasi asosida universitet rektori tomonidan tasdiqlanadi.
3. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslarida ishlab chiqarishdan ajralgan holda taʼlim olayotgan tinglovchilarning oʻqish davrida asosiy ish joyi va oylik ish haqi miqdori saqlanadi.
2-bob. Agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga tinglovchilarni qabul qilish tartibi
4. Toshkent davlat agrar universiteti (keyingi oʻrinlarda Universitet deb ataladi) huzuridagi “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga tinglovchilar oliy maʼlumotli hamda agrosanoat majmuining soha va tarmoqlarida kamida ikki yillik mehnat stajiga ega boʻlgan xodimlar tarkibidan toʻlov-kontrakt asosida qabul qilinadi.
5. Oʻquv dasturlarining davomiyligidan kelib chiqqan holda, “Agrobiznes va boshqaruv” yoʻnalishida agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga tinglovchilarni qabul qilish va oʻqitishni tashkil etish Universitetning ilmiy kengashi qarori bilan belgilanadi va tegishli oʻquv yili uchun tinglovchilar Universitetning tanlov komissiyasi tomonidan qabul qilinadi.
Tanlov komissiyasining tarkibi va ish tartibi Universitet rektori tomonidan tasdiqlanadi.
6. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish manfaatdor vazirlik va boshqa tashkilotlar (buyurtmachilar) bilan tuzilgan toʻgʻridan-toʻgʻri shartnomalar asosida amalga oshiriladi.
7. Manfaatdor vazirlik va boshqa tashkilotlarning tegishli yozma murojaatlari asosida “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish dasturlari doirasida oʻqish uchun tavsiya etilgan nomzodlar Tanlov komissiyasiga quyidagi hujjatlarni taqdim etadi:
ariza;
oliy maʼlumoti toʻgʻrisida diplom nusxasi;
Keyingi tahrirga qarang.
ish joyidan tavsifnoma;
3,5 x 4,5 hajmdagi fotosurat (6 dona);
mehnat daftarchasidan nusxa (elektron baza orqali);
pasport nusxasi (aslini koʻrsatgan holda).
8. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga nomzodlar Tanlov komissiyasi tomonidan suhbat oʻtkazish orqali tanlab olinadi. Bunda nomzodlarning mutaxassisligi boʻyicha nazariy va amaliy bilimi, boshqaruv koʻnikmalari, mantiqiy, tahliliy va kreativ fikrlashga ega ekanligiga, shuningdek, ularning yetakchilik sifatlariga alohida eʼtibor qaratiladi.
“Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga qabul qilish boʻyicha “Zamonaviy menejment, boshqaruv psixologiyasi va yetakchilik”, “Mutaxassislik” va “Amaliy ingliz tili” fanlaridan oʻtkaziladigan suhbat tartibi hamda ularning natijalarini baholash mezonlari Universitetning ilmiy kengashi tomonidan tasdiqlanadi.
9. “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga nomzodlar bilan oʻtkaziladigan suhbat natijalari 100 balli tizim boʻyicha baholanadi. Bunda belgilangan maksimal ballning 55 foizidan yuqori natijaga ega boʻlgan nomzodlar tanlovdan muvaffaqiyatli oʻtgan hisoblanadi.
10. Tanlovdan muvaffaqiyatli oʻtgan nomzodlar Tanlov komissiyasi tomonidan “Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslarining tinglovchilari safiga tavsiya qilinadi hamda Universitet rektorining buyrugʻi bilan rasmiylashtiriladi.
3-bob. Yakunlovchi qoidalar
11. Markaz agrosanoat majmui rahbar va mutaxassis kadrlarining kasbiy bilim va qobiliyatlariga qoʻyilayotgan talablarni hisobga olgan holda, sayyor oʻquv-amaliy seminarlarni tashkil etadi;
tinglovchilarda ish faoliyatini rejalashtirish va ish rejalari (“yoʻl xarita”)ni sifatli bajarish boʻyicha koʻnikmalarni shakllantirish uchun doimiy ravishda interfaol mashgʻulotlar va mahorat darslarini oʻtkazadi;
tinglovchilarda mahalliy boshqaruv va hududlarning ijtimoiy-iqtisodiy rivojlantirish dasturlarini samarali amalga oshirish hamda normativ-huquqiy hujjatlarni sifatli bajarish boʻyicha koʻnikmalarni shakllantiradi;
“Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslarini tashkil etish hamda davriy ravishda oʻquv-amaliy seminarlarni oʻtkazish jarayonida aniqlangan muammo va takliflar boʻyicha axborot-tahliliy materiallarni tayyorlaydi.
12. Mazkur Nizom talablarini buzganlikda aybdor shaxslar qonun hujjatlarida belgilangan tartibda javobgar boʻladi.
Keyingi tahrirga qarang.
Vazirlar Mahkamasining 2020-yil 19-martdagi 172-son qaroriga
3-ILOVA
3-ILOVA
“ Agrobiznes va boshqaruv” yoʻnalishi boʻyicha agrosanoat majmui uchun rahbar va mutaxassis kadrlarni qayta tayyorlash va ularning malakasini oshirish kurslariga nomzodlarni tavsiya etadigan vazirlik va idoralar
ROʻYXATI
Oldingi tahrirga qarang.
|
Oʻzbekiston Respublikasi Qishloq xoʻjaligi vazirligi | |
|
2. |
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi |
|
3. |
Oʻzbekiston Standartlashtirish, metrologiya va sertifikatlashtirish agentligi |
|
4. |
Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi |
|
5. |
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi |
|
6. |
“Oʻzbekoziqovqatxolding” xolding kompaniyasi |
|
7. |
“Oʻzdonmahsulot” aksiyadorlik kompaniyasi |
|
9. |
“Oʻzagroservis” aksiyadorlik jamiyati |
|
10. |
“Oʻzagrolizing” aksiyadorlik jamiyati |
|
11. |
“Oʻzagroeksport” aksiyadorlik jamiyati |
|
12. |
“Oʻzagrosugʻurta” aksiyadorlik jamiyati |
|
13. |
“Oʻzbekoziqovqatzaxira” uyushmasi |
|
14. |
“Oʻzbekipaksanoat” uyushmasi |
|
15. |
“Oʻzbekbaliqsanoat” uyushmasi |
|
16. |
“Parrandasanoat” uyushmasi |
|
17. |
“Oʻzbekiston asalarichilari” uyushmasi |
|
18. |
“Yongʻoq ishlab chiqaruvchilar va eksport qiluvchilar” uyushmasi |
|
19. |
“Sitrus, subtropik va tropik oʻsimlik yetishtiruvchilar va eksport qiluvchilar” uyushmasi |
|
20. |
“Kartoshka yetishtiruvchilar” uyushmasi |
|
21. |
Oʻzbekiston fermer, dehqon xoʻjaliklari va tomorqa yer egalari kengashi |
(3-ilova Oʻzbekiston Respublikasi Vazirlar Mahkamasining 2020-yil 30-oktabrdagi 666-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/666/1433-son)
Keyingi tahrirga qarang.
(Qonun hujjatlari maʼlumotlari milliy bazasi, 20.03.2020-y., 09/20/172/0342-son; 31.10.2020-y., 09/20/666/1433-son; Qonunchilik maʼlumotlari milliy bazasi, 04.06.2021-y., 09/21/345/0522-son, 28.08.2021-y., 09/21/545/0832-son, 16.12.2021-y., 09/21/752/1166-son, 22.12.2021-y., 09/21/766/1182-son,27.12.2021-y., 09/21/774/1198-son, 05.04.2022-y., 09/22/153/0266-son; 13.12.2023-y., 09/23/653/0931-son)
