Hujjat kuchini yo‘qotgan 11.04.2019

Oʻzbekiston Respublikasi Vazirlar Mahkamasining

qarori

OʻZBEKISTON RESPUBLIKASI DAVLAT SOLIQ QOʻMITASINING BOSH BOJXONA BOSHQARMASI XODIMLARINI IJTIMOIY HIMOYA QILISHNI KUCHAYTIRISHNING BAʼZI MASALALARI TOʻGʻRISIDA

LexUZ sharhi

Mazkur qaror Oʻzbekiston Respublikasi Vazirlar Mahkamasining 2019-yil 10-apreldagi 296-sonli “Oʻzbekiston Respublikasi Hukumatining ayrim qarorlariga oʻzgartishlar kiritish, shuningdek, baʼzilarini oʻz kuchini yoʻqotgan deb hisoblash haqida (Oʻzbekiston Respublikasining “Davlat bojxona xizmati toʻgʻrisida”gi Oʻzbekiston Respublikasi qonuniga oʻzgartish va qoʻshimchalar kiritish haqida” 2018-yil 18-oktabrdagi OʻRQ-502-son Qonuni va Oʻzbekiston Respublikasi Prezidentining “Oʻzbekiston Respublikasi bojxona organlari kadrlarini tayyorlash tizimini tubdan takomillashtirish chora-tadbirlari toʻgʻrisida” 2018-yil 2-noyabrdagi PQ-3995-son qarori)” qaroriga asosan oʻz kuchini yoʻqotgan.

Bojxona xizmati xodimlarini ijtimoiy himoya qilishni kuchaytirish maqsadida Vazirlar Mahkamasi qaror qiladi:

1.Oʻzbekiston Respublikasi Davlat soliq qoʻmitasining bojxona xizmati xodimlariga Bosh bojxona boshqarmasi tizimining oddiy va boshliqlar tarkibiga kiruvchi barcha toifadagi shaxslarni pul taʼminoti, pul mukofotidan daromad soligʻi, boʻydoqlar soligʻi toʻlashdan, yolgʻiz va kichik oilali fuqarolardan olinadigan soliq toʻlashdan, xizmat vazifasini bajarish munosabati bilan ular oladigan boshqa toʻlovlardan soliq toʻlashdan ozod qilish haqidagi Oʻzbekiston Respublikasi Prezidenti huzuridagi Vazirlar Mahkamasining 1991-yil 16-noyabrdagi 294-son qarori 3-bandining amal qilishi joriy etilsin.

2.Oʻzbekiston Respublikasi Adliya vazirligi 10 kun muddatda Oʻzbekiston Respublikasining tegishli qonun hujjatlariga oʻzgartirish va qoʻshimchalar kiritish yuzasidan taklifni belgilangan tartibda taqdim etsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S.Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1995-yil 4-iyul,

253-son