Oʻzbekiston Respublikasi Prezidentining 2019-yil 23-maydagi “Oʻzbekiston Respublikasi va xorijiy mamlakatlar oʻrtasida ikki tomonlama hamkorlik boʻyicha hukumatlararo komissiyalar (qoʻmitalar, kengashlar va ishchi guruhlar)ning Oʻzbekistonga oid qismlari faoliyatini yanada takomillashtirish boʻyicha chora-tadbirlar toʻgʻrisida”gi PQ-4331-son va 2019-yil 24-maydagi “Eksport faoliyatini moliyalashtirish va sugʻurta himoyasi mexanizmlarini kengaytirish chora-tadbirlari toʻgʻrisida”gi PQ-4337-son qarorlariga muvofiq, shuningdek, davlat aktivlaridan foydalanish samaradorligini oshirish maqsadida:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar kiritilsin.

2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2017-yil 15-dekabrdagi PF-5286-son Farmoni bilan tasdiqlangan Oʻzbekiston Respublikasi Prezidentining yoki Oʻzbekiston Respublikasi Hukumatining qarorlari asosida eksport qilinadigan buyumlar va mahsulotlar roʻyxatining rus tilidagi matni “Kod TN VED” ustunida:

1-pozitsiyadagi “0101 — 0105” raqamlari “0101 — 0105 (krome 010511, 0105940000)” soʻzlari bilan almashtirilsin;

2-pozitsiyadagi “0208 90 700 0” raqamlari “0208 90 700 0, 0209” raqamlari bilan almashtirilsin.

2. Oʻzbekiston Respublikasi Prezidentining 2018-yil 17-avgustdagi PF-5515-son Farmoni bilan tasdiqlangan Toshkent shahrining boshqaruv tizimini tubdan isloh qilish boʻyicha “yoʻl xaritasi”ning rus tilidagi matni 31-pozitsiyasi “Naimenovaniye meropriyatiy” ustuni uchinchi xatboshisidan “na usloviyax gosudarstvenno-chastnogo partnerstva” soʻzlari chiqarib tashlansin.

3. Oʻzbekiston Respublikasi Prezidentining 2017-yil 18-yanvardagi “Oʻzbekiston Respublikasining xorijdagi diplomatik vakolatxonalari va xorijiy mamlakatlar bilan ikki tomonlama hamkorlik boʻyicha hukumatlararo komissiyalar (qoʻmitalar va kengashlar)ning Oʻzbekistonga oid qismlari faoliyatini yanada takomillashtirishga doir qoʻshimcha chora-tadbirlar toʻgʻrisida”gi PQ-2732-son qarorining rus tilidagi matnida:

a) nomlanishidan “i uzbekskix chastey mejpravitelstvennix komissiy (komitetov i sovetov) po dvustoronnemu sotrudnichestvu s zarubejnimi stranami” soʻzlari chiqarib tashlansin;

b) muqaddimada:

ikkinchi xatboshidan “i uzbekskix chastey mejpravitelstvennix komissiy (komitetov i sovetov) po dvustoronnemu sotrudnichestvu s zarubejnimi stranami” soʻzlari chiqarib tashlansin;

uchinchi xatboshidan “i uzbekskiye chasti mejpravitelstvennix komissiy” soʻzlari chiqarib tashlansin;

v) 1-bandning birinchi xatboshisidan “i uzbekskix chastey mejpravitelstvennix komissiy (komitetov i sovetov) po dvustoronnemu sotrudnichestvu s zarubejnimi stranami (daleye — uzbekskiye chasti mejpravitelstvennix komissiy)” soʻzlari chiqarib tashlansin;

g) 2-bandning toʻrtinchi xatboshisi chiqarib tashlansin;

d) 3-bandning birinchi xatboshisidan “i uzbekskiye chasti mejpravitelstvennix komissiy” soʻzlari chiqarib tashlansin;

e) 4-banddan “i predsedateli uzbekskix chastey mejpravitelstvennix komissiy” soʻzlari chiqarib tashlansin;

j) 3-ilova oʻz kuchini yoʻqotgan deb topilsin.

4. Oʻzbekiston Respublikasi Prezidentining 2019-yil 29-apreldagi “Respublika iqtisodiyotiga toʻgʻridan-toʻgʻri xorijiy investitsiyalarni jalb qilish mexanizmlarini yanada takomillashtirish chora-tadbirlari toʻgʻrisida”gi PQ-4300-son qaroriga 1-ilovaning “Oziq-ovqat ishlab chiqarish sanoati” boʻlimi oʻz kuchini yoʻqotgan deb topilsin.