|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
QIShLOQ XOʻJALIGI VAZIRLIGINING RESPUBLIKA DAVLAT URUFChILIK INSPEKSIYASINI TUGATISh TOʻFRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Urugʻlar sifatini nazorat qilish vazifalari Qishloq xoʻjaligi vazirligining Qishloq xoʻjaligi ekinlari urugʻlarini sertifikatlashtirish va ularning sifatini nazorat qilish davlat markazi zimmasiga yuklatilganligi munosabati bilan Vazirlar Mahkamasi qaror qiladi:
1. Qishloq xoʻjaligi vazirligining respublika davlat urugʻchilik inspeksiyasi belgilangan tartibda tugatilsin.
2. Sertifikatlashtirish va urugʻlar sifatini nazorat qilish davlat markazi oʻn kun muddatda asbob-uskunalarni, binolar va inshootlarni, transport vositalarini, shuningdek xodimlarni belgilangan tartibda balansga qabul qilsin.
3. Moliya vazirligi koʻrsatib oʻtilgan inspeksiya uchun ajratilgan mablagʻlarning butun hajmini Qishloq xoʻjaligi ekinlari urugʻlarini sertifikatlashtirish va ularning sifatini nazorat qilish davlat markaziga oʻtkazsin.
4. Qishloq xoʻjaligi vazirligi koʻrsatib oʻtilgan Markazning yangi tuzilmasi va shtat jadvalini qayta koʻrib chiqsin va tasdiqlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R. Giniyatullin zimmasiga yuklansin.
Oʻzbekiston Respublikasining Bosh vaziri Oʻ. SULTONOV
Toshkent sh.,
1996-yil 6-iyun,
212-son
