|
Hujjat kuchini yo‘qotgan 20.01.2026
|
Hujjat 01.09.2019 sanasi holatiga
Amaldagi versiyaga o‘tish |
Oʻzbekiston Respublikasi Moliya vazirining
buyrugʻi
Uy-joy-kommunal xizmatlar haqini toʻlash boʻyicha kompensatsiya pul toʻlovlarining mexanizmi toʻgʻrisidagi nizomga oʻzgartirishlar kiritish haqida
[Oʻzbekiston Respublikasi Adliya vazirligi tomonidan 2019-yil 12-iyulda roʻyxatdan oʻtkazildi, roʻyxat raqami 2175-5]
LexUZ sharhiMazkur buyruq Oʻzbekiston Respublikasi iqtisodiyot va moliya vazirining 2026-yil 12-yanvardagi 319-sonli “Uy-joy-kommunal xizmatlar haqini toʻlash boʻyicha kompensatsiya pul toʻlovlarining mexanizmi toʻgʻrisidagi nizomni tasdiqlash haqida”gi buyruq, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 2175-9, 19.01.2026-y.) asosan oʻz kuchini yoʻqotgan.
Oʻzbekiston Respublikasi Prezidentining 2019-yil 21-maydagi PF-5723-son “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida”gi Farmoniga muvofiq buyuraman:
1. Oʻzbekiston Respublikasi moliya vazirining 2010-yil 30-noyabrdagi 102-son buyrugʻi (roʻyxat raqami 2175, 2010-yil 30-dekabr) (Oʻzbekiston Respublikasi qonun hujjatlari toʻplami, 2010-y., 52-son, 531-modda) bilan tasdiqlangan Uy-joy-kommunal xizmatlar haqini toʻlash boʻyicha kompensatsiya pul toʻlovlarining mexanizmi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq 2019-yil 1-sentabrdan kuchga kiradi.
Vazir D. KUCHKAROV
Toshkent sh.,
2019-yil 1-iyul,
81-son
Oʻzbekiston Respublikasi moliya vazirining 2019-yil 1-iyuldagi 81-son buyrugʻiga
ILOVA
ILOVA
Uy-joy-kommunal xizmatlar haqini toʻlash boʻyicha kompensatsiya pul toʻlovlarning mexanizmi toʻgʻrisidagi nizomga kiritilayotgan oʻzgartirishlar
1. 1 va 11-bandlardagi “eng kam ish haqining” degan soʻzlar “pensiyani hisoblash bazaviy miqdorining” degan soʻzlar bilan almashtirilsin.
2. 2-banddagi “Eng kam ish haqining” degan soʻzlar “Pensiyani hisoblash bazaviy miqdorining” degan soʻzlar bilan almashtirilsin.
3. 11-banddagi “pochta aloqasi tashkiloti” degan soʻzlar “kompensatsiyani yetkazib berish (topshirish) yuklatilgan tashkilot” degan soʻzlar bilan almashtirilsin.
4. 14-banddagi “bosh boshqarmasi” degan soʻzlar “departamenti” degan soʻz bilan almashtirilsin.
(Qonun hujjatlari maʼlumotlari milliy bazasi, 12.07.2019-y., 10/19/2175-5/3412-son)
