1.08.00.00.00 Uy-joy qonunchiligi. Kommunal xoʻjalik / 08.03.00.00 Kommunal xoʻjalik / 08.03.09.00 Kommunal xizmatlarni toʻlash tartibi va tariflar hamda kompensatsiyalar (imtiyozlar);
2.09.00.00.00 Tadbirkorlik va xoʻjalik faoliyati / 09.20.00.00 Energetika / 09.20.01.00 Umumiy qoidalar]
[TSZ:
1.Ijtimoiy-madaniy masalalar / Uy-joy qonunchiligi. Kommunal xizmat;
2.Iqtisodiyot / Energetika]
Oʻzbekiston Respublikasi Prezidentining
Farmoni
Yoqilgʻi-energetika sohasida oʻzaro hisob-kitoblarni yanada takomillashtirish va moliyaviy barqarorlikni oshirish chora-tadbirlari toʻgʻrisida
Mamlakatimizda iqtisodiyotdagi davlatning ishtirokini qisqartirish, yoqilgʻi-energetika kompleksiga va iqtisodiyotning boshqa asosiy tarmoqlariga xorijiy investitsiyalarni faol jalb qilish boʻyicha institutsional va tarkibiy islohotlar jadal surʼatlar bilan olib borilmoqda.
Shu bilan birga, yoqilgʻi-energetika sohasi boshqaruv tizimini isloh qilish va tarif siyosatini takomillashtirish soha korxonalarining moliyaviy barqarorligini taʼminlash, ular oʻrtasidagi oʻzaro hisob-kitoblarni yaxshilash boʻyicha shoshilinch choralar koʻrilishini taqozo etmoqda.
Elektr energiyasi, tabiiy gaz va issiqlik energiyasi ishlab chiqaruvchilari oʻrtasidagi debitor va kreditor qarzdorlikni qisqartirish orqali ishlab chiqarish samaradorligini oshirish, shuningdek, ushbu sohada moliyaviy intizomni yanada mustahkamlash maqsadida:
gaz taʼminoti tashkilotlari tomonidan tabiiy gazni sotishdan tushadigan mablagʻlardan Majburiy ijro byurosini rivojlantirish jamgʻarmasiga (keyingi oʻrinlarda — Jamgʻarma) ajratmalar, qoʻshilgan qiymat soligʻi va aksiz soligʻini chegirib tashlagan holda, 5 foiz miqdorda amalga oshiriladi;
“Hududiy elektr tarmoqlari” AJ korxonalari tomonidan elektr energiyasini sotishdan tushadigan mablagʻlardan Jamgʻarmaga ajratmalar, qoʻshilgan qiymat soligʻi chiqarib tashlangan holda, 5 foiz miqdorda amalga oshiriladi, qonun hujjatlarida koʻzda tutilgan holatlar bundan mustasno;
tabiiy gaz va elektr energiyasini sotishdan tushadigan mablagʻlarni taqsimlash tijorat banklari tomonidan avtomatik tartibda, ushbu Farmon talablaridan kelib chiqqan holda amalga oshiriladi.
1.09.00.00.00 Tadbirkorlik va xoʻjalik faoliyati / 09.20.00.00 Energetika / 09.20.02.00 Elektrotaʼminot]
2. Elektr energiyasini nazorat qilish va hisobga olishning avtomatlashtirilgan tizimiga (ASKUE) ulangan isteʼmolchilar sonini 1-ilovadagi jadvalga muvofiq 2019-yilning oxirigacha kamida 2,5 millionga yetkazish hamda 2020-yilning oxirigacha umumiy abonentlar sonining 100 foizini ASKUE bilan qamrab olishni taʼminlash uchun 2019-yilda Jamgʻarmadan qoʻshimcha ravishda 100 milliard soʻm mablagʻ ajratilsin.
3. Moliya vazirligi va Bosh prokuratura 2020-yilgi Davlat budjeti parametrlari va 2020–2021-yillarga budjet moʻljallarini shakllantirishda 2020-yil 1-yanvardan boshlab prokuratura organlari xodimlari bir qismining taʼminoti xarajatlarini, mehnatga haq toʻlash fondining amaldagi miqdorlarini saqlab qolgan holda, Jamgʻarmadan Oʻzbekiston Respublikasi Davlat budjetiga oʻtkazish boʻyicha takliflar kiritsin.
4. Iqtisodiyot va sanoat vazirligi, Moliya vazirligi, Investitsiyalar va tashqi savdo vazirligi Bosh prokuratura huzuridagi Majburiy ijro byurosi bilan birgalikda Oʻzbekiston Respublikasining 2020 — 2022-yillarga moʻljallangan Investitsiya dasturi loyihasini shakllantirish doirasida Jamgʻarma mablagʻlari hisobidan amalga oshirilayotgan yildan yilga oʻtuvchi va yangi boshlanayotgan investitsiya loyihalarini budjet tizimining budjet mablagʻlari hisobidan moliyalashtirish masalasini koʻrib chiqsin.
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2020-yilning 1-yanvariga qadar:
issiqlik taʼminoti tashkilotlarining energiya resurslari yetkazib beruvchilari va kommunal korxonalari oldidagi 2019-yil 1-aprel holatiga mavjud boʻlgan kreditor qarzdorligining qolgan qismi issiqlik taʼminoti tashkilotlarining oʻz mablagʻlari hisobidan isteʼmolchilarning yalpi inventarizatsiyasini oʻtkazish va koʻrsatilgan xizmatlar uchun toʻliq hajmda pul mablagʻlari tushumini qatʼiy nazorat qilish, shuningdek, qarzdorlikni qisqartirish uchun qoʻshimcha rezervlarni izlab topish va ularni moliyaviy sogʻlomlashtirish boʻyicha amaliy choralarni koʻrish orqali qoplanishini;
issiqlik taʼminoti tashkilotlarining energiya resurslari yetkazib beruvchilar va kommunal korxonalari oldida kreditor qarzdorligining qolgan qismi, ularning oʻz mablagʻlari yetarli boʻlmagan taqdirda, Qoraqalpogʻiston Respublikasining respublika budjeti, viloyatlar va Toshkent shahrining mahalliy budjetlari qoʻshimcha manbalari hisobidan moliyalashtirilishini taʼminlasin.
[OKOZ:
1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.02.00.00 Oʻzbekiston Respublikasi Prezidentining farmon va qarorlari]
6. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirishlar kiritilsin.
7. Moliya vazirligi bir oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi energetika vaziri A.S. Sultanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 9-iyul,
PF-5761-son
Oʻzbekiston Respublikasi Prezidentining 2019-yil 9-iyuldagi PF-5761-son Farmoniga 1-ILOVA
2019-2020-yillarda Elektr energiyasini nazorat qilish va hisobga olishning avtomatlashtirilgan tizimiga mos keluvchi oʻlchov asboblarini oʻrnatish
grafigi
Hududlar
Jami
2019-yilda
2020-yilda
1-chorak
2-chorak
3-chorak
4-chorak
jami
1-chorak
2-chorak
3-chorak
4-chorak
jami
Respublika boʻyicha jami
6 949 753
317 688
534 709
870 276
777 458
2 500 131
1 005 000
1 202 623
1 226 000
1 015 999
4 449 622
Qoraqalpogʻiston Respublikasi
357 100
-
-
31 332
55 448
86 780
65 000
70 000
70 000
65 320
270 320
Andijon viloyati
607 221
-
35 000
35 670
-
70 670
135 000
135 000
135 000
131 551
536 551
Buxoro viloyati
419 337
70 987
82 000
137 705
128 645
419 337
-
-
-
-
-
Jizzax viloyati
255 095
44 981
55 875
84 001
70 238
255 095
-
-
-
-
-
Qashqadaryo viloyati
640 408
-
-
29 731
35 346
65 077
140 000
145 000
146 000
144 331
575 331
Navoiy viloyati
180 783
-
-
8 009
11 386
19 395
30 000
47 623
50 000
33 765
161 388
Namangan viloyati
575 628
-
75 000
62 822
39 676
177 498
80 000
100 000
110 000
108 130
398 130
Samarqand viloyati
817 862
91 176
85 000
123 106
124 283
423 565
120 000
125 000
125 000
24 297
394 297
Surxondaryo viloyati
498 517
-
-
33 491
1 333
34 824
100 000
125 000
125 000
113 693
463 693
Sirdaryo viloyati
178 503
-
-
9 019
20 110
29 129
30 000
45 000
45 000
29 374
149 374
Toshkent viloyati
704 204
43 308
500
61 000
58 171
162 979
100 000
150 000
160 000
131 225
541 225
Fargʻona viloyati
787 733
54 367
39 334
41543
30 483
165 727
130 000
170 000
170 000
152 006
622 006
Xorazm viloyati
382 488
-
-
20 000
25 181
45 181
75 000
90 000
90 000
82 307
337 307
Toshkent shahri
544 874
12 869
162 000
192 847
177 158
544 874
-
-
-
-
-
Oʻzbekiston Respublikasi Prezidentining 2019-yil 9-iyuldagi PF-5761-son Farmoniga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2017-yil 29-maydagi “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek ijro ishi yuritish tizimini tubdan takomillashtirish chora-tadbirlari toʻgʻrisida”gi PF-5059-son Farmonning 6-bandida:
a) beshinchi xatboshi quyidagi mazmundagi beshinchi va oltinchi xatboshilar bilan almashtirilsin:
“respublika isteʼmolchilariga energiya resurslarini sotishdan tushadigan mablagʻlarning 5 foizi;
respublika isteʼmolchilariga suv taʼminoti va suv chiqarish xizmatlari koʻrsatishdan tushadigan mablagʻlarning 10 foizi”;
2. Oʻzbekiston Respublikasi Prezidentining 2017-yil 15-iyundagi PQ-3060-son qarori bilan tasdiqlangan Majburiy ijro byurosini rivojlantirish jamgʻarmasi toʻgʻrisidagi nizomning 4-bandida:
a) ikkinchi xatboshi quyidagi mazmundagi ikkinchi — toʻrtinchi xatboshilar bilan almashtirilsin:
“respublika isteʼmolchilariga elektr energiyasi va tabiiy gazni sotishdan tushadigan mablagʻlarning 5 foizi;
respublika isteʼmolchilariga suv taʼminoti va suv chiqarish xizmatlari koʻrsatishdan tushadigan mablagʻlarning 10 foizi”;
Mazkur bandning ikkinchi va uchinchi xatboshilarida koʻrsatilgan tartib Oʻzbekiston Respublikasi Prezidentining qarorlariga asosan ajratiladigan maqsadli mablagʻlarga, shu jumladan Oʻzbekiston Respublikasi Suv xoʻjaligi vazirligining suv xoʻjaligi tashkilotlari tomonidan elektr energiya isteʼmoli uchun toʻlovlarga hamda “Issiqlik elektr stansiyalari” AJ, “Oʻzkimyosanoat” AJ, “Navoiy KMK” DK va “Olmaliq KMK” AJ korxonalaridan tushadigan mablagʻlarga tatbiq etilmaydi”;
3. Oʻzbekiston Respublikasi Prezidentining 2018-yil 23-oktabrdagi “Elektr energetikasi tarmogʻini jadal rivojlantirish va moliyaviy barqarorligini taʼminlash chora-tadbirlari toʻgʻrisida”gi PQ-3981-son qarorida:
“2019 — 2021-yillar davomida Majburiy ijro byurosini rivojlantirish jamgʻarmasidan har yili” soʻzlari “2019-yilda Majburiy ijro byurosini rivojlantirish jamgʻarmasidan” soʻzlari bilan almashtirilsin;
