PQ-4331-сон 23.05.2019. Oʻzbekiston Respublikasi va xorijiy mamlakatlar oʻrtasida ikki tomonlama hamkorlik boʻyicha hukumatlararo komissiyalar (qoʻmitalar, kengashlar va ishchi guruhlar)ning Oʻzbekistonga oid qismlari faoliyatini yanada takomillashtirish boʻyicha chora-tadbirlar toʻgʻrisida

Hujjat 24.05.2019 sanasi holatiga
Amaldagi versiyaga o‘tish

Oʻzbekiston Respublikasi Prezidentining

Qarori

Oʻzbekiston Respublikasi va xorijiy mamlakatlar oʻrtasida ikki tomonlama hamkorlik boʻyicha hukumatlararo komissiyalar (qoʻmitalar, kengashlar va ishchi guruhlar)ning Oʻzbekistonga oid qismlari faoliyatini yanada takomillashtirish boʻyicha chora-tadbirlar toʻgʻrisida

Oʻzbekiston Respublikasining tashqi iqtisodiy siyosatini amalga oshirish, xorijiy investitsiyalar va ilgʻor texnologiyalarni jalb qilish, mahalliy tovarlar va xizmatlar eksporti hajmlarini oshirish, xorijiy mamlakatlardan turistik oqimni jalb qilish, respublikaning transport-tranzit imkoniyatlarini kengaytirish masalalarida davlat va xoʻjalik boshqaruv organlari, mahalliy davlat hokimiyati organlarining idoralararo muvofiqlashtirish va hamkorlik tizimini samarali tashkil etish, shuningdek, Oʻzbekiston Respublikasi va xorijiy mamlakatlar oʻrtasida ikki tomonlama hamkorlik boʻyicha hukumatlararo komissiyalar (qoʻmitalar, kengashlar va ishchi guruhlar)ning (keyingi oʻrinlarda — hukumatlararo komissiyalar) Oʻzbekistonga oid qismlari faoliyati samaradorligini oshirish maqsadida:

1. Quyidagilar xorijiy mamlakatlar bilan hamkorlik qismidagi faoliyatning asosiy vazifalari va yoʻnalishlari etib belgilansin:

a) hukumatlararo komissiyalar:

savdo hamkorligini rivojlantirish, mahalliy eksportyorlar uchun xorijiy mamlakatlarda qulay savdo rejimlarini shakllantirish, shu jumladan savdo toʻsiqlarini olib tashlash va bojxona tartib-taomillarini soddalashtirish boʻyicha kompleks chora-tadbirlarni amalga oshirish;

savdo-iqtisodiy, investitsiyaviy, texnologik, moliyaviy-texnik, ilmiy-texnik, turistik va madaniy-gumanitar sohalarda hamda boshqa ustuvor yoʻnalishlarda ikki tomonlama hamkorlikni kengaytirish;

tashqi iqtisodiy faoliyatda mahalliy ishtirokchilar tomonidan amalga oshirilayotgan tashqi savdo va investitsiyaviy loyihalarni ilgari surish va qoʻllab-quvvatlash;

oliy va yuqori darajadagi tashriflar chogʻida erishilgan kelishuvlarni amalga oshirish boʻyicha masʼul vazirliklar va idoralar, mahalliy davlat hokimiyati organlari faoliyatining kompleks masalalarini hal qilish va muvofiqlashtirish;

immigratsiya, shu jumladan mehnat migratsiyasi boʻyicha muammoli masalalarni hal qilish;

xorijiy mamlakatlar bilan ikki tomonlama hamkorlik holatini tahlil qilish hamda ikki tomonlama shartnomalar va bitimlarning bajarilishini taʼminlash;

xorijiy mamlakatlar bilan hamkorlikni samarali yoʻlga qoʻyish va rivojlantirish boʻyicha normativ-huquqiy bazani shakllantirish va takomillashtirish;

b) Oʻzbekiston Respublikasi Vazirlar Mahkamasi:

hukumatlararo komissiyalarning Oʻzbekistonga oid qismlari faoliyatini muvofiqlashtirish;

Oʻzbekiston tomonidan hukumatlararo komissiyalar hamraislari darajasi boʻyicha takliflar kiritish;

hukumatlararo komissiyalar faoliyatini takomillashtirish boʻyicha takliflar kiritish;

Investitsiyalar va tashqi savdo vazirligi, Tashqi ishlar vazirligi tomonidan yakuniy bayonnomalar va qabul qilinayotgan “yoʻl xaritalari”ni amalga oshirishning borishi toʻgʻrisida taqdim etiladigan maʼlumotlarni umumlashtirish;

hukumatlararo komissiyalar, hukumatlararo komissiyalarning Oʻzbekistonga oid qismlari hamraislari va aʼzolari faoliyatining natijadorligi va samaradorligini, shuningdek, ular tomonidan tasdiqlangan ish rejalarining bajarilishini tahlil qilish;

hukumatlararo komissiyalarning Oʻzbekistonga oid qismlari hamraislari va aʼzolari faoliyatini tasdiqlangan samaradorlik va natijadorlik mezonlari boʻyicha baholash natijalari asosida ularni moddiy ragʻbatlantirish va intizomiy choralarni koʻrish;

v) Oʻzbekiston Respublikasi Tashqi ishlar vazirligi:

xorijiy tomon bilan tadbirlarni oʻtkazish muddatlari, xorijiy delegatsiyalar tarkibini, chora-tadbirlar ssenariylari, kun tartibi loyihalarini, yigʻilish bayonlari va imzoga tayyorlangan ikki tomonlama hujjatlarning ishlab chiqilishi va kelishilishini taʼminlash, shuningdek, tashkiliy-bayonnoma tusidagi barcha masalalarni hal qilish;

hukumatlararo komissiyalarning Oʻzbekistonga oid qismlarining kun tartiblarini, yakuniy bayonnomalar, ish tarkibi va jadvallarini shakllantirish;

vazirliklar va idoralarning xorijiy mamlakatlar bilan siyosiy, ilmiy-texnik, turistik va madaniy-gumanitar hamkorligi qismidagi, shuningdek, Investitsiyalar va tashqi savdo vazirligi bilan birgalikda Oʻzbekiston Respublikasining xorijiy muassasalaridagi hukumatlararo komissiyalar yigʻilishlari doirasidagi savdo-iqtisodiy masalalar boʻyicha maslahatchilarining faoliyatini muvofiqlashtirish;

hukumatlararo komissiyalarning Oʻzbekistonga oid qismlari hamraisiga yigʻilishlarni oʻtkazish uchun zarur boʻlgan materiallar toʻplamini (axborot maʼlumotnomalari, suhbatlar va chiqishlarga tezislar loyihalarini va boshqalarni) kiritish;

hukumatlararo komissiyalarning Oʻzbekistonga oid qismlari kotibiyati funksiyalarini bajarish;

Oʻzbekiston Respublikasi Bosh vaziri tomonidan tasdiqlanadigan har yilgi hukumatlararo komissiyalar yigʻilishlariga tayyorgarlik koʻrish va uni oʻtkazish boʻyicha ish rejalari amalga oshirilishining borishini monitoring qilish;

hukumatlararo komissiyalarning Oʻzbekistonga oid qismlari aʼzolarini ragʻbatlantirish yoki intizomiy choralar koʻrish boʻyicha takliflar bilan birga hukumatlararo komissiyalar yigʻilishlari yakunlari yuzasidan erishilgan kelishuvlar ijrosi holati toʻgʻrisida Oʻzbekiston Respublikasi Vazirlar Mahkamasiga har chorakda siyosiy, ilmiy-texnik va madaniy-gumanitar hamkorlik boʻyicha hisobotlarni kiritish;

g) Oʻzbekiston Respublikasi Investitsiyalar va tashqi savdo vazirligi:

vazirliklar va idoralarning investitsiyalar, ilgʻor texnologiyalarni jalb qilish, shuningdek, hukumatlararo komissiyalar yigʻilishlari doirasida mahalliy tovarlar va xizmatlar nomenklaturasi va eksport hajmlarini kengaytirish faoliyatini muvofiqlashtirish;

hukumatlararo komissiyalarning savdo-iqtisodiy, investitsiyaviy, bank-moliya, transport-logistika, sanoat-texnologik va texnik hamkorlik qismidagi yigʻilishlari kun tartibi va tarkibi boʻyicha takliflar tayyorlash;

hukumatlararo komissiyalarning Oʻzbekistonga oid qismlari aʼzolarini ragʻbatlantirish yoki intizomiy choralar koʻrish boʻyicha takliflar bilan birga hukumatlararo komissiyalar yigʻilishlari yakunlari yuzasidan erishilgan kelishuvlar ijrosi holati toʻgʻrisida savdo-iqtisodiy, investitsiyaviy, bank-moliya, sanoat-texnologik va texnik hamkorlik boʻyicha hisobotlarni har chorakda Oʻzbekiston Respublikasi Vazirlar Mahkamasiga kiritish va umumlashtirish uchun Tashqi ishlar vazirligiga joʻnatish;

hukumatlararo komissiyalar yigʻilishlari doirasida xorijiy hamkor-mamlakatlar bilan ikki tomonlama biznes-forumlarni majburiy tarzda oʻtkazish masalalarini tayyorlash;

manfaatdor vazirlik va idoralar bilan birgalikda hukumatlararo komissiyalar yigʻilishlari davomida imzolash uchun qatʼiy savdo-investitsiyaviy kelishuvlar va shartnomalar roʻyxatini ishlab chiqishni taʼminlash;

Komissiyalar yigʻilishlarining samaradorligini oshirish va natijadorligini taʼminlash maqsadida Tashqi ishlar vazirligi bilan birgalikda xorijiy hamkor-mamlakatlar bilan (aloqador vazirliklar va idoralar bilan birgalikda ishlab chiqilgan shartnomalar va kelishuvlar asosida) hukumatlararo komissiyalar yigʻilishlari oʻtkazilishining maqsadga muvofiqligi toʻgʻrisida xulosalar va asoslarni Oʻzbekiston Respublikasi Vazirlar Mahkamasiga kiritish;

hukumatlararo komissiyalarning yakuniy bayonnomalariga kiritish uchun Oʻzbekiston Respublikasining iqtisodiy manfaatlari va ustuvorliklarini ilgari surishga yoʻnaltirilgan aniq takliflarni ishlab chiqish;

aniq investitsiyaviy loyihalar va savdo shartnomalarini amalga oshirish boʻyicha bitimlar va kelishuvlarni ishlab chiqishni muvofiqlashtirish va hukumatlararo komissiyalar yigʻilishlari doirasida imzolashga tayyorlash;

d) Oʻzbekiston Respublikasining xorijiy muassasalari:

hukumatlararo komissiyalarning Oʻzbekistonga oid qismlariga xorijiy muassasa boʻlgan mamlakatda yigʻilishlar oʻtkazilishida, ular yakunlari boʻyicha aniq kelishuvlarga erishishda, shuningdek, ularning monitoringi va oʻz vaqtida bajarilishini taʼminlash borasida amaliy yordam koʻrsatish;

hukumatlararo komissiyalar kun tartibi va yakuniy bayonnomalariga kiritish uchun aniq takliflar ishlab chiqish, shuningdek, Oʻzbekiston Respublikasining iqtisodiy manfaatlari va ustuvorliklarini ilgari surishga yoʻnaltirilgan kelishuvlar va savdo-investitsiyaviy shartnomalarni ishlab chiqish;

xorijiy muassasa tomonidan amalga oshirilgan ishlar va xorijiy hamkorlardan kelib tushgan maʼlumotlar tahlili asosida, erishilgan kelishuvlarni amalga oshirish holati toʻgʻrisida har chorakda hisobotlar tayyorlash;

aniq loyihalar, dasturlar va kelishuvlarni amalga oshirish boʻyicha Oʻzbekiston Respublikasi davlat va xoʻjalik boshqaruvi organlari, mahalliy davlat hokimiyati organlari hamda tashrif buyuriladigan davlatlar bilan amaliy hamkorlik qilish;

tashrif buyuriladigan mamlakat iqtisodiy konyunkturasi va bozorlarining rivojlanish dinamikasini tahlil qilish orqali eksportni ilgari surish, investitsiyalarni jalb qilish va turizmni rivojlantirish boʻyicha takliflarni ishlab chiqish;

tashqi iqtisodiy vazifalarni hal etish maqsadida davlatlararo hamkorlik munosabatlarini, shu jumladan tashrif buyuriladigan mamlakatning ishbilarmon doiralari bilan uzviy aloqalarni oʻrnatish va salohiyatli hamkorlarning aloqa bazasini kengaytirish orqali mustahkamlash;

respublikaning eksport, investitsiyaviy va turistik salohiyati haqidagi maʼlumotlarni tarqatish, shuningdek, mamlakatning ijobiy imijini va uning xalqaro reytinglardagi oʻrnini mustahkamlash choralarini koʻrish;

e) Oʻzbekiston Respublikasi Hisob palatasi — hukumatlararo komissiyalar yigʻilishlari yakunlari boʻyicha tasdiqlangan bayonnomalar va “yoʻl xaritalarida” koʻrsatilgan tadbirlarning toʻliq va oʻz vaqtida bajarilishini tashkil qilish va nazoratini amalga oshirish.

2. Oʻzbekiston Respublikasi Vazirlar Mahkamasining Xalqaro hamkorlik boʻlimiga qoʻshimcha 3 ta shtat birligi kiritilsin.

3. Quyidagilar:

Oʻzbekiston Respublikasi va xorijiy mamlakatlar oʻrtasida ikki tomonlama hamkorlik boʻyicha hukumatlararo komissiyalar (qoʻmitalar, kengashlar va ishchi guruhlar)ning Oʻzbekistonga oid qismlari raislari va rais oʻrinbosarlari roʻyxati 1-ilovaga muvofiq;

Xorijiy mamlakatlar va xalqaro tashkilotlar bilan savdo-iqtisodiy, investitsiyaviy va turistik hamkorlik masalalari boʻyicha idoralararo muvofiqlashtirish va oʻzaro hamkorlik toʻgʻrisidagi nizom 3-ilovaga muvofiq tasdiqlansin.

4. Belgilab qoʻyilsinki:

hukumatlararo komissiyalarning Oʻzbekistonga oid qismlari tarkibi Oʻzbekiston Respublikasi Bosh vaziri tomonidan tasdiqlanadi;

hukumatlararo komissiyalarning Oʻzbekistonga oid qismlari tarkibiga majburiy tartibda Tashqi ishlar vazirligi, Investitsiyalar va tashqi savdo vazirligi vakillari va Oʻzbekiston Respublikasi Vazirlar Mahkamasi masʼul xodimlari kiritiladi;

2019-yil 1-iyuldan hukumatlararo komissiyalarning Oʻzbekistonga oid qismlari hamraislari va aʼzolariga nisbatan, ular faoliyatining samaradorligi va natijadorligini baholash yakunlaridan kelib chiqqan holda, ularning lavozim maoshining 50 foizigacha boʻlgan miqdorda moddiy ragʻbatlantirish va intizomiy jazo choralarini qoʻllash tartibi joriy etiladi.

5. Quyidagilar hukumatlararo komissiyalarning Oʻzbekistonga oid qismlari faoliyati samaradorligi va natijadorligini baholashning asosiy mezonlari etib belgilansin:

xorijiy hukumatlar bilan mavjud masalalarni hal qilishga yoʻnaltirilgan kelishuvlar soni;

hisobot davrida oʻtkazilgan “biznes forumlar” doirasida jalb qilingan xorijiy investitsiyalar hajmi;

hisobot davrida oʻtkazilgan “biznes forumlar” doirasida tuzilgan eksport kontraktlari hajmi;

oliy va yuqori darajadagi tashriflar chogʻida erishilgan kelishuvlarni amalga oshirish boʻyicha kompleks masalalarning hal qilinishi.

6. Oʻzbekiston Respublikasi Vazirlar Mahkamasi bir oy muddatda:

hukumatlararo komissiyalar yigʻilishlarini oʻtkazish jadvalini;

har bir mamlakat bilan oʻzaro manfaatli hamkorlikni kengaytirish, respublikaning manfaatlari va tashqi iqtisodiy ustuvorliklarini ilgari surish, shuningdek, investitsiyalarni jalb qilish, eksportni va turistik salohiyatni ilgari surish boʻyicha aniq kelishuvlar va bitimlar imzolash masalasini koʻrib chiqishga qaratilgan amaliy takliflar va chora-tadbirlarni belgilagan holda hukumatlararo komissiyalarning Oʻzbekistonga oid qismlari batafsil ish rejalarini;

hukumatlararo komissiyalar kesimida baholash mezonlarining boshlangʻich qiymatlarini nazarda tutgan holda hukumatlararo komissiyalarning Oʻzbekistonga oid qismlari hamraislari va aʼzolarini moddiy ragʻbatlantirish va javobgarligini oshirish maqsadida ularning faoliyatini baholash tartibi toʻgʻrisidagi nizomni tasdiqlasin.

7. Oʻzbekiston Respublikasi Vazirlar Mahkamasi hukumatlararo komissiyalarning Oʻzbekistonga oid qismlari faoliyati samaradorligini va natijadorligini baholagan holda ular ish rejalari bajarilishining borishini har chorakda Oʻzbekiston Respublikasi Vazirlar Mahkamasi Rayosati majlislarida koʻrib chiqilishini taʼminlasin.

8. Oʻzbekiston Respublikasi Prezidentining 2019-yil 28-yanvardagi “Oʻzbekiston Respublikasi Hukumati ishini tashkil etishning sifat jihatidan yangi tizimini joriy etish toʻgʻrisida”gi PQ-4136-son qaroriga 4-ilovaga muvofiq oʻzgartirishlar kiritilsin.

Keyingi tahrirga qarang.

9. Oʻzbekiston Respublikasi Prezidentining 2018-yil 9-yanvardagi “Oʻzbekiston Respublikasi bilan xorijiy mamlakatlar oʻrtasida ikki tomonlama hamkorlik boʻyicha hukumatlararo komissiyalar (qoʻmitalar, kengashlar va ishchi guruhlar)ning oʻzbek qismlari tarkiblarini tasdiqlash toʻgʻrisida”gi PQ-3470-son qarori oʻz kuchini yoʻqotgan deb hisoblansin.

10. Tashqi ishlar vazirligi bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 23-may,

PQ-4331-son

Oʻzbekiston Respublikasi Prezidentining 2019-yil 23-maydagi PQ-4331-son qaroriga
1-ILOVA

ROʻYXATI

T/r	Tadbir nomi	Oʻzbekistonga oid qismi raisi	Oʻzbekistonga oid qismi raisi oʻrinbosari
1.	Oʻzbekiston Respublikasi va Rossiya Federatsiyasi oʻrtasida ikki tomonlama hamkorlik boʻyicha qoʻshma komissiya	Bosh vazir A.N. Aripov	B. Asadov — Oʻzbekiston Respublikasining Rossiya Federatsiyasidagi Favqulodda va Muxtor Elchisi B. Xodjayev — iqtisodiyot va sanoat vaziri I. Neʼmatov — tashqi ishlar vazirining birinchi oʻrinbosari
	Oʻzbekiston Respublikasi va Qozogʻiston Respublikasi oʻrtasida ikki tomonlama hamkorlik boʻyicha hukumatlararo qoʻshma komissiya		S. Niyazxodjayev — Oʻzbekiston Respublikasining Qozogʻiston Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari I. Neʼmatov — tashqi ishlar vazirining birinchi oʻrinbosari
	Oʻzbekiston Respublikasi va Tojikiston Respublikasi oʻrtasida savdo-iqtisodiy hamkorlik boʻyicha hukumatlararo komissiya		E. Shaismatov — Oʻzbekiston Respublikasining Tojikiston Respublikasidagi Favqulodda va Muxtor Elchisi B. Xodjayev — iqtisodiyot va sanoat vaziri I. Neʼmatov — tashqi ishlar vazirining birinchi oʻrinbosari
	Oʻzbekiston Respublikasi va Xitoy Xalq Respublikasi oʻrtasida hamkorlik boʻyicha hukumatlararo qoʻmita		B. Saidov — Oʻzbekiston Respublikasining Xitoy Xalq Respublikasidagi Favqulodda va Muxtor Elchisi S.Umurzoqov — investitsiyalar va tashqi savdo vaziri D. Axatov — tashqi ishlar vazirining oʻrinbosari
	Germaniya-Oʻzbekiston ishbilarmonlik kengashi		N. Kasimov — Oʻzbekiston Respublikasining Germaniya Federativ Respublikasidagi Favqulodda va Muxtor Elchisi R. Gulyamov — iqtisodiyot va sanoat vazirining birinchi oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Qirgʻiziston Respublikasi oʻrtasida ikki tomonlama hamkorlik boʻyicha hukumatlararo komissiya		K. Rashidov — Oʻzbekiston Respublikasining Qirgʻiziston Respublikasidagi Favqulodda va Muxtor Elchisi S. Saifnazarov — iqtisodiyot va sanoat vazirining oʻrinbosari I. Neʼmatov — tashqi ishlar vazirining birinchi oʻrinbosari
2.	Oʻzbekiston Respublikasi va Eron Islom Respublikasi oʻrtasida savdo-iqtisodiy, ilmiy-texnik hamkorlik boʻyicha hukumatlararo komissiya	Bosh vazirning birinchi oʻrinbosari A.J. Ramatov	B. Abdullayev — Oʻzbekiston Respublikasining Eron Islom Respublikasidagi Favqulodda va Muxtor Elchisi Sh. Vafayev — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Turkmaniston Respublikasi oʻrtasida savdo-iqtisodiy, ilmiy-texnik va madaniy-gumanitar hamkorlik boʻyicha hukumatlararo komissiya		A. Kuchkarov — Oʻzbekiston Respublikasining Turkmaniston Respublikasidagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari I. Neʼmatov — tashqi ishlar vazirining birinchi oʻrinbosari
	Oʻzbekiston Respublikasi va Gruziya oʻrtasida iqtisodiy hamkorlik boʻyicha hukumatlararo komissiya		Sh. Fayziyev — Oʻzbekiston Respublikasining Ozarbayjon Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari I. Neʼmatov — tashqi ishlar vazirining birinchi oʻrinbosari
	Oʻzbekiston Respublikasi va Latviya Respublikasi oʻrtasida iqtisodiy, sanoat va ilmiy-texnik hamkorlik boʻyicha hukumatlararo komissiya		lavozim boʻyicha — Oʻzbekiston Respublikasining Latviya Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
3.	Savdo va sanoat boʻyicha Oʻzbekiston-Britaniya Kengashi SSOʻBK	Bosh vazir oʻrinbosari E.M. Ganiyev	A. Shayxov — Oʻzbekiston Respublikasining Buyuk Britaniyadagi Favqulodda va Muxtor Elchisi S. Umurzoqov investitsiyalar va tashqi savdo vaziri lavozim boʻyicha — tashqi ishlar vazirining oʻrinbosari
	Amerika-Oʻzbekiston savdo palatasi		J. Vaxabov — Oʻzbekiston Respublikasining AQSHdagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	“Oʻzbekiston-YEI” hamkorlik qoʻmitasi		D. Xakimov — Oʻzbekiston Respublikasining Yevropa Ittifoqidagi vakolatxonasi rahbari B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Koreya Respublikasi oʻrtasida savdo-iqtisodiy hamkorlik boʻyicha hukumatlararo qoʻshma qoʻmita		V. Fen — Oʻzbekiston Respublikasining Koreya Respublikasidagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Ispaniya Qirolligi oʻrtasida savdo-iqtisodiy hamkorlik boʻyicha hukumatlararo komissiya		J. Ganiyev — Oʻzbekiston Respublikasining Ispaniya Qirolligidagi Favqulodda va Muxtor Elchisi A. Abdualiyev — investitsiyalar va tashqi savdo vazirining birinchi oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Fransiya Respublikasi oʻrtasida savdo-iqtisodiy hamkorlik boʻyicha hukumatlararo komissiya		S. Rustambayev — Oʻzbekiston Respublikasining Fransiya Respublikasidagi Favqulodda va Muxtor Elchisi S.Umurzoqov — investitsiyalar va tashqi savdo vaziri D. Axatov — tashqi ishlar vazirining oʻrinbosari
	Iqtisodiy hamkorlik boʻyicha Oʻzbekiston-Yaponiya va Yaponiya-Oʻzbekiston qoʻmitasi		G. Fazilov — Oʻzbekiston Respublikasining Yaponiyadagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Turkiya Respublikasi oʻrtasida savdo-iqtisodiy hamkorlik boʻyicha hukumatlararo komissiya		A. Agzamxodjayev — Oʻzbekiston Respublikasining Turkiya Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Ummon Sultonligi oʻrtasida savdo-iqtisodiy hamkorlik boʻyicha hukumatlararo komissiya		A. Abduxalimov — Oʻzbekiston Respublikasining Ummon Sultonligidagi Favqulodda va Muxtor Elchisi Sh. Vafayev — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Belarus Respublikasi oʻrtasida ikki tomonlama hamkorlik boʻyicha hukumatlararo komissiya		N. Yusupov — Oʻzbekiston Respublikasining Belarus Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari I. Neʼmatov — tashqi ishlar vazirining birinchi oʻrinbosari
4.	Oʻzbekiston Respublikasi va Tailand Qirolligi oʻrtasida savdo-iqtisodiy va ilmiy-texnik hamkorlik boʻyicha hukumatlararo komissiya	Bosh vazir oʻrinbosari A.A. Abduxakimov	A. Aliyev — Oʻzbekiston Respublikasining Tailand Qirolligidagi bosh konsuli S. Bekenov — investitsiyalar va tashqi savdo vazirining birinchi oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Malayziya oʻrtasida qoʻshma savdo qoʻmitasi		R. Usmanov — Oʻzbekiston Respublikasining Malayziyadagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Finlyandiya Respublikasi oʻrtasida savdo-iqtisodiy va ilmiy-texnik hamkorlik boʻyicha hukumatlararo komissiya		lavozim boʻyicha — Oʻzbekiston Respublikasining Latviya Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
5.	Oʻzbekiston Respublikasi va Misr Arab Respublikasi oʻrtasida savdo-iqtisodiy va ilmiy-texnik hamkorlikni rivojlantirish boʻyicha hukumatlararo komissiya	Bosh vazir oʻrinbosari J.A. Qoʻchqorov	O. Usmanov — Oʻzbekiston Respublikasining Misr Arab Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Saudiya Arabistoni Qirolligi oʻrtasida savdo, iqtisodiyot, fan va texnologiyalar, madaniyat, sport va yoshlar sohasida kelishuvni nazorat qilish boʻyicha hukumatlararo komissiya		U. Maksudov — Oʻzbekiston Respublikasining Saudiya Arabistoni Qirolligidagi Favqulodda va Muxtor Elchisi Sh. Vafayev — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Quvayt Davlati oʻrtasida savdo-iqtisodiy va ilmiy-texnik hamkorlik boʻyicha hukumatlararo komissiya		B. Aʼloyev — Oʻzbekiston Respublikasining Quvayt Davlatidagi Favqulodda va Muxtor Elchisi Sh. Vafayev — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Qatar Davlati oʻrtasida savdo-iqtisodiy va texnik hamkorlik boʻyicha hukumatlararo komissiya		B. Aʼloyev — Oʻzbekiston Respublikasining Quvayt Davlatidagi Favqulodda va Muxtor Elchisi Sh. Vafayev — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Hindiston Respublikasi oʻrtasida savdo-iqtisodiy va ilmiy-texnik hamkorlik boʻyicha hukumatlararo komissiya		F. Arziyev — Oʻzbekiston Respublikasining Hindiston Respublikasidagi Favqulodda va Muxtor Elchisi A. Ikramov — Savdo-sanoat palatasi raisi I. Neʼmatov tashqi ishlar vazirining birinchi oʻrinbosari
6.	Oʻzbekiston Respublikasi va Ozarbayjon Respublikasi oʻrtasida hamkorlik boʻyicha hukumatlararo komissiya	Bosh vazir maslahatchisi A.S. Sultanov	Sh. Fayziyev — Oʻzbekiston Respublikasining Ozarbayjon Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari I. Neʼmatov — tashqi ishlar vazirining birinchi oʻrinbosari
6.	Oʻzbekiston Respublikasi va Ukraina oʻrtasida har tomonlama hamkorlik boʻyicha hukumatlararo komissiya	Bosh vazir maslahatchisi A.S. Sultanov	lavozim boʻyicha — Oʻzbekiston Respublikasining Ukrainadagi Favqulodda va Muxtor Elchisi A. Abdualiyev — investitsiyalar va tashqi savdo vazirining birinchi oʻrinbosari I. Neʼmatov — tashqi ishlar vazirining birinchi oʻrinbosari
7.	Oʻzbekiston Respublikasi va Avstriya Respublikasi oʻrtasida hukumatlararo komissiya	Investitsiyalar va tashqi savdo vaziri S.U. Umurzoqov	Sh. Asadov — Oʻzbekiston Respublikasining Avstriya Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Chexiya Respublikasi oʻrtasida iqtisodiy, sanoat va ilmiy-texnik hamkorlik boʻyicha hukumatlararo komissiya		N. Kasimov — Oʻzbekiston Respublikasining Germaniya Federativ Respublikasidagi Favqulodda va Muxtor Elchisi J. Aripov — iqtisodiyot va sanoat vaziri oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Isroil Davlati oʻrtasida savdo-iqtisodiy, investitsiya va ilmiy-texnik hamkorlik boʻyicha hukumatlararo komissiya		S. Rustamov — Oʻzbekiston Respublikasining Isroil Davlatidagi Favqulodda va Muxtor Elchisi A. Nazarov — innovatsion rivojlanish vaziri oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Litva Respublikasi oʻrtasida savdo-iqtisodiy hamkorlik boʻyicha hukumatlararo komissiya		lavozim boʻyicha — Oʻzbekiston Respublikasining Latviya Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
	Iqtisodiy hamkorlik boʻyicha Oʻzbekiston-Vengriya hukumatlararo komissiya		Sh. Asadov — Oʻzbekiston Respublikasining Avstriya Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Bolgariya oʻrtasida iqtisodiy va ilmiy-texnik hamkorlik boʻyicha hukumatlararo komissiya		A. Agzamxodjayev — Oʻzbekiston Respublikasining Turkiya Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Indoneziya Respublikasi oʻrtasida ikki tomonlama hamkorlik boʻyicha hukumatlararo komissiya		U. Rozukulov — Oʻzbekiston Respublikasining Indoneziya Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Slovakiya Respublikasi oʻrtasida savdo-iqtisodiy hamkorlik boʻyicha idoralararo komissiya		Sh. Asadov — Oʻzbekiston Respublikasining Avstriya Respublikasidagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Ruminiya oʻrtasida iqtisodiy hamkorlik boʻyicha hukumatlararo komissiya		Sh. Asadov — Oʻzbekiston Respublikasining Avstriya Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Shveysariya oʻrtasida savdo-iqtisodiy hamkorlik boʻyicha hukumatlararo komissiya		N. Kasimov — Oʻzbekiston Respublikasining Germaniya Federativ Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
	Savdo, iqtisodiyot va sanoat hamkorligi va eksport kreditlari masalalari boʻyicha Oʻzbekiston Respublikasi oʻrtasida Oʻzbekiston-Italiya hukumatlararo ishchi guruhi		O. Akbarov — Oʻzbekiston Respublikasining Italiyadagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari D. Axatov — tashqi ishlar vazirining oʻrinbosari
	Oʻzbekiston Respublikasi va Birlashgan Arab Amirliklari oʻrtasida savdo-iqtisodiy va ilmiy-texnik hamkorlik boʻyicha hukumatlararo komissiya		B. Ibragimov — Oʻzbekiston Respublikasining Birlashgan Arab Amirliklaridagi Favqulodda va Muxtor Elchisi Sh. Vafayev — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
8.	Oʻzbekiston Respublikasi va Bangladesh Xalq Respublikasi oʻrtasida savdo-iqtisodiy hamkorlik boʻyicha hukumatlararo komissiya	Qishloq xoʻjaligi vaziri J.A. Xodjayev	F. Arziyev — Oʻzbekiston Respublikasining Hindiston Respublikasidagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Vyetnam Sotsialistik Respublikasi oʻrtasida savdo-iqtisodiy va ilmiy-texnik hamkorlik boʻyicha hukumatlararo komissiya		U. Rozukulov — Oʻzbekiston Respublikasining Indoneziya Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari lavozim boʻyicha — tashqi ishlar vazirining oʻrinbosari
	Oʻzbekiston Respublikasi va Pokiston Islom Respublikasi oʻrtasida savdo-iqtisodiy va ilmiy-texnik hamkorlik boʻyicha hukumatlararo komissiya		F. Sidikov — Oʻzbekiston Respublikasining Pokiston Islom Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari
9.	Oʻzbekiston va YEI oʻrtasida hamkorlik kengashi	Tashqi ishlar vaziri A.X. Kamilov	Xakimov D. — Oʻzbekiston Respublikasining Yevropa Ittifoqidagi vakolatxonasi rahbari B. Abidov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
10.	Oʻzbekiston Respublikasi va Rossiya Federatsiyasi oʻrtasida iqtisodiy hamkorlik boʻyicha hukumatlararo komissiya	Iqtisodiyot va sanoat vaziri B.A. Xodjayev	B. Asadov — Oʻzbekiston Respublikasining Rossiya Federatsiyasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari I. Neʼmatov — tashqi ishlar vazirining birinchi oʻrinbosari
	Oʻzbekiston Respublikasi va Armaniston Respublikasi oʻrtasida hamkorlik boʻyicha hukumatlararo komissiya		B. Asadov — Oʻzbekiston Respublikasining Rossiya Federatsiyasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari I. Neʼmatov — tashqi ishlar vazirining birinchi oʻrinbosari
	Oʻzbekiston Respublikasi va Moldova Respublikasi oʻrtasida hamkorlikni kengaytirish boʻyicha hukumatlararo komissiya		lavozim boʻyicha — Oʻzbekiston Respublikasining Ukrainadagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari I. Neʼmatov — tashqi ishlar vazirining birinchi oʻrinbosari
	Oʻzbekiston Respublikasi va Polsha Respublikasi oʻrtasida iqtisodiy hamkorlik boʻyicha hukumatlararo komissiya		B. Babayev — Oʻzbekiston Respublikasining Polsha Respublikasidagi Favqulodda va Muxtor Elchisi S. Bekenov — investitsiyalar va tashqi savdo vazirining birinchi oʻrinbosari D. Axatov — tashqi ishlar vazirining oʻrinbosari
11.	Moliyaviy va texnik hamkorlik boʻyicha Oʻzbekiston-Germaniya hukumatlararo muzokaralari	Iqtisodiyot va sanoat vazirining birinchi oʻrinbosari R.A. Gulyamov	N. Kasimov — Oʻzbekiston Respublikasining Germaniya Federativ Respublikasidagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
11.	Oʻzbekiston Respublikasi va Germaniya Federativ Respublikasi oʻrtasida savdo va investitsiyalar boʻyicha hukumatlararo ishchi guruh		N. Kasimov — Oʻzbekiston Respublikasining Germaniya Federativ Respublikasidagi Favqulodda va Muxtor Elchisi L. Kudratov — investitsiyalar va tashqi savdo vazirining oʻrinbosari D. Axatov — tashqi ishlar vazirining oʻrinbosari
12.	Oʻzbekiston Respublikasi, Afgʻoniston Islom Respublikasi va Pokiston Islom Respublikasi oʻrtasida savdo va infratuzilma loyihalari boʻyicha uch tomonlama komissiya	Oʻzbekiston Respublikasi Prezidentining Afgʻoniston boʻyicha maxsus vakili I.R. Irgashev	Ya. Shadmanov — Oʻzbekiston Respublikasining Afgʻoniston Islom Respublikasidagi Favqulodda va Muxtor Elchisi I. Maxkamov — transport vazirining birinchi oʻrinbosari lavozim boʻyicha — tashqi ishlar vazirining oʻrinbosari
12.	Oʻzbekiston Respublikasi va Afgʻoniston Islom Respublikasi oʻrtasida ikki tomonlama hamkorlik boʻyicha hukumatlararo komissiya		Ya. Shadmanov — Oʻzbekiston Respublikasining Afgʻoniston Islom Respublikasidagi Favqulodda va Muxtor Elchisi B. Abidov — investitsiyalar va tashqi savdo vazirining oʻrinbosari lavozim boʻyicha — tashqi ishlar vazirining oʻrinbosari

Izoh. Komissiyaning Oʻzbekistonga oid qismi aʼzolari boshqa ishga oʻtgan taqdirda, uning tarkibiga tegishli lavozimlarga yangidan tayinlangan yoki ularning oʻrnini bosadigan shaxslar kiritiladi.

Oʻzbekiston Respublikasi Prezidentining 2019-yil 23-maydagi PQ-4331-son qaroriga
2-ILOVA

NIZOM

1-bob. Umumiy qoidalar

1. Ushbu Nizom Oʻzbekiston Respublikasi va xorijiy mamlakatlar oʻrtasida ikki tomonlama hamkorlik boʻyicha hukumatlararo komissiyalar (qoʻmitalar, kengashlar va ishchi guruhlar)ning (keyingi oʻrinlarda — HAK ) Oʻzbekistonga oid qismi faoliyatining huquqiy asoslari, vazifa va funksiyalarini, HAK majlislarini tayyorlash va oʻtkazish, shuningdek, erishilgan kelishuvlarni amalga oshirish va ularning yakunlari boʻyicha qabul qilingan qarorlar monitoringini olib borish tartibini belgilaydi.

2. HAK ikki tomonlama oʻzaro manfaatli savdo-iqtisodiy, investitsiyaviy, texnologik, moliyaviy-texnik, ilmiy-texnik, sayyohlik va madaniy-gumanitar hamkorlik, shuningdek, oʻzaro munosabatlarning boshqa sohalarini rivojlantirish maqsadida Oʻzbekiston Respublikasining xalqaro shartnomalari asosida tashkil qilinadi.

3. HAKning Oʻzbekistonga oid qismi maslahat organi boʻlib, HAKda Oʻzbekiston Respublikasini ifodalaydi.

4. HAKning Oʻzbekistonga oid qismi oʻz faoliyatida Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidenti farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari, ushbu Nizom, qonunchilikning boshqa hujjatlari, Oʻzbekiston Respublikasi xalqaro shartnomalari va xalqaro huquq meʼyorlariga amal qiladi.

5. HAKning Oʻzbekistonga oid qismi oʻz faoliyatini Oʻzbekiston Respublikasi Vazirlar Mahkamasining rahbarligi ostida amalga oshiradi hamda manfaatdor davlat va xoʻjalik boshqaruvi organlari, mahalliy davlat hokimiyati organlari va Oʻzbekiston Respublikasining boshqa tashkilotlari bilan oʻzaro hamkorlik qiladi.

2-bob. HAKning Oʻzbekistonga oid qismi vazifalari, funksiyalari va vakolatlari

6. HAKning Oʻzbekistonga oid qismi asosiy vazifalari quyidagilardan iborat:

ikki tomonlama savdo-iqtisodiy, investitsiyaviy, texnologik, moliyaviy-texnik, ilmiy-texnik, turistik va madaniy-gumanitar hamkorlikni, shuningdek, oʻzaro aloqalarning boshqa sohalarini rivojlantirish boʻyicha davlatlararo va hukumatlararo kelishuvlar, oliy va yuqori darajadagi tashriflar yakuni boʻyicha imzolangan amaliy tadbirlar rejalarini (“Yoʻl xaritalarini”) oʻz vaqtida va toʻliq hajmda amalga oshirish monitoringini taʼminlash;

Oʻzbekiston Respublikasi va xorijiy mamlakatlar oʻrtasida savdo-iqtisodiy, investitsiyaviy, texnologik, moliyaviy-texnik, ilmiy-texnik, turistik va madaniy-gumanitar sohalarida, shuningdek, ikki tomonlama oʻzaro munosabatlarning boshqa ustuvor yoʻnalishlarida hamkorlikning joriy holatini tahlil qilish va uni yanada kengaytirish boʻyicha takliflar ishlab chiqish;

Oʻzbekiston Respublikasining tashqi iqtisodiy faoliyat subyektlari huquqlari va qonuniy manfaatlarini himoya qilish va ilgari surish, Oʻzbekiston Respublikasi va xorijiy mamlakatlarning ishbilarmon doiralari hamkorligini yoʻlga qoʻyish va kengaytirish uchun qulay sharoitlarni yaratish;

birinchi navbatda Oʻzbekiston Respublikasi kompaniyalari va tashkilotlari mahsulotlari va xizmatlarini tashqi bozorlarga barqaror va uzoq muddatli eksport yetkazib berishni tashkil qilish hisobiga xorijiy taraf bilan kelishgan holda oʻzaro tovar almashuv nomenklaturasini kengaytirish va hajmlarini oshirish boʻyicha choralar ishlab chiqish va qabul qilish;

transport va tranzit, xalqaro transport kommunikatsiyalari va logistika infratuzilmasini rivojlantirish sohasida kelishilgan siyosatni olib borish, shu jumladan Oʻzbekiston Respublikasining tashqi savdo yuklarini tashish va tranziti uchun preferensiya rejimlarini qoʻllash;

Oʻzbekiston Respublikasi iqtisodiyoti va infratuzilmasining asosiy tarmoqlarini rivojlantirish va modernizatsiya qilish boʻyicha ustuvor dasturlar va loyihalarni amalga oshirishga toʻgʻridan-toʻgʻri chet el investitsiyalari va ilgʻor texnologiyalar, grantlar, imtiyozli kreditlar va texnik koʻmaklashish vosita larini jalb qilishni taʼminlash;

xorijiy mamlakatlardan Oʻzbekiston Respublikasiga sayyohlar oqimini jalb qilishga, milliy sayyohlik mahsulotlarini ilgari surish boʻyicha qoʻshma dasturlar va loyihalarni amalga oshirishda yetakchi xorijiy sayyohlik kompaniyalarning ishtirok etishiga, shuningdek, sayyohlik infratuzilmasini rivojlantirishga koʻmaklashish;

yetakchi xorijiy tashkilotlar va ilmiy-tadqiqot markazlari bilan eng avvalo milliy taʼlim tizimiga ilgʻor amaliyot va standartlarni joriy qilish, oʻquv jarayoni usullarini takomillashtirish, qoʻshma tadqiqot dasturlari va ishlanmalarini oʻtkazishga yoʻnaltirilgan hamkorlikni oʻrnatish va kengaytirish boʻyicha amaliy choralarni qabul qilish;

biznes-forumlar, ixtisoslashtirilgan koʻrgazmalarni tashkillashtirish va oʻtkazish, xorijiy mamlakatlarda Oʻzbekiston madaniyati kunlari va Oʻzbekistonda xorijiy mamlakatlar kunlarini oʻtkazishda koʻmaklashish;

manfaatlarni oʻzaro hisobga olish, konstruktiv muloqot va xalqaro huquq meʼyorlari asosida Markaziy Osiyo mintaqasida transchegaraviy ochiq suv oqimlaridan oqilona va adolatli foydalanish, shuningdek, ekologik barqarorlikni taʼminlash masalalarini hal qilish;

xorijiy mamlakatlar bilan hamkorlikning shartnomaviy-huquqiy bazasini takomillashtirishda koʻmaklashish, Oʻzbekiston Respublikasining xalqaro shartnomalari va boshqa ikki tomonlama, shu jumladan oliy va yuqori darajada oʻtkazilgan tashriflar jarayonida erishilgan kelishuvlari hamda HAK majlislarida qabul qilingan qarorlarning oʻz vaqtida va sifatli amalga oshirilishini monitoring qilish.

7. Koʻrsatilgan vazifalarni bajarish uchun HAKning Oʻzbekistonga oid qismi quyidagi funksiyalarni bajaradi:

xorijiy hamkorlar bilan birgalikda ikki tomonlama savdo-iqtisodiy, investitsiyaviy, texnologik, moliyaviy-texnik, ilmiy-texnik, sayyohlik va madaniy-gumanitar hamkorlik dasturlarini ishlab chiqadi va amalga oshiradi;

Oʻzbekiston Respublikasining xoʻjalik yurituvchi subyektlariga tashqi iqtisodiy faoliyatni amalga oshirishda, oʻzaro foydali va uzoq muddatli ishbilarmonlik aloqalarini oʻrnatishga tayyor boʻlgan chet ellik kontragentlarni aniqlashda koʻmaklashadi;

Oʻzbekiston Respublikasining tashqi iqtisodiy faoliyat subyektlari tomonidan amalga oshirilayotgan aniq loyiha va dasturlar boʻyicha ishlarni muvofiqlashtiradi, taraflar oʻz shartnomaviy vazifalarini bajarishiga yordam beradi, yuzaga keladigan muammoli masalalarni hal qilishga koʻmaklashadi;

yetakchi chet el kompaniyalari va ishlab chiqarish korxonalari bilan toʻgʻridan-toʻgʻri kontraktlar tuzish orqali Oʻzbekiston Respublikasi kompaniyalari va tashkilotlari mahsulotlari va xizmatlarining tashqi bozorlarga barqaror va uzoq muddatli eksport yetkazib berilishini tashkillashtirishga har tomonlama koʻmaklashadi;

mahalliy kompaniya va tashkilotlarning xalqaro pudrat, servis va boshqa, shu jumladan sanoat va infratuzilma obyektlarini loyihalashtirish va qurish, davlat xaridlari doirasida tovar va xizmatlarni yetkazib berish boʻyicha bitimlarida, shuningdek, xorijiy mamlakatlar kompaniyalarining ochiq tenderlarida ishtirok etishiga koʻmaklashadi;

Oʻzbekiston Respublikasining tranzit salohiyatini mustahkamlash, uni xalqaro transport-kommunikatsiya tarmoqlariga integratsiya qilish, tashqi savdo yuklarini eksport qilish uchun mavjud transport yoʻnalishlari samaradorligini oshirish va yangilaridan foydalanish, ularni tashishda imtiyozlar va preferensiyalar taqdim qilish boʻyicha takliflarni tayyorlash va amalga oshirishda ishtirok etadi;

xorijiy mamlakatlarning tashkilotlari va kompaniyalarini Oʻzbekiston Respublikasidagi investitsiya jarayonlarida, xususan iqtisodiyot va infratuzilmaning asosiy tarmoqlarini rivojlantirish va modernizatsiya qilish boʻyicha ustuvor dasturlar va loyihalarni amalga oshirishda faol ishtirok etishga jalb qilish boʻyicha aniq maqsadga yoʻnaltirilgan ishlarni amalga oshiradi;

Oʻzbekiston Respublikasida hamkorlikda ishlab chiqarilgan yarim fabrikatlar, butlovchi va ehtiyot qismlar koʻrinishidagi sanoat mahsulotlarini xorijiy ishlab chiqarish korxonalari ehtiyojlari uchun eksport yetkazib berishni taʼminlagan holda xorijiy mamlakatlarning yetakchi kompaniyalari bilan mahalliylashtirish loyihalarini amalga oshirish doirasida hamkorlikni rivojlantirish boʻyicha choralar koʻradi;

Oʻzbekiston Respublikasida ustuvor ijtimoiy ahamiyatga ega boʻlgan dastur va loyihalarni amalga oshirish uchun grantlar, imtiyozli kreditlar, texnik koʻmaklashish vositalarini jalb qilish boʻyicha chora koʻradi;

Oʻzbekiston Respublikasining madaniy-tarixiy va sayyohlik salohiyatini ommalashtirish, shuningdek, xorijiy mamlakatlarni milliy sayyohlik mahsulotlarini ilgari surish va mamlakatning sayyohlik infratuzilmasini rivojlantirish boʻyicha qoʻshma dasturlar va loyihalarni amalga oshirishga jalb qilishiga koʻmaklashadi;

tadqiqot va taʼlim qoʻshma dasturlari va loyihalarini amalga oshirish, ilgʻor texnologiyalar va ilmiy ishlanmalarni Oʻzbekiston Respublikasiga jalb qilish yoʻli bilan yetakchi xorijiy taʼlim tashkilotlari, ilmiy markazlar va yuqori texnologiyali kompaniyalari bilan uzoq muddatli va oʻzaro manfaatli hamkorlikni yoʻlga qoʻyish va kengaytirishga koʻmaklashadi;

Oʻzbekiston Respublikasining transchegaraviy daryolar suv-energiya resurslaridan samarali foydalanishi yuzasidan, shuningdek, qoʻshni davlatlar hududidagi suv-xoʻjalik obyektlariga xizmat koʻrsatish, taʼmirlash-tiklash ishlarini amalga oshirish, ularning xavfsiz va uzluksiz ishlashini taʼminlash boʻyicha choralar koʻradi;

havoni ifloslantiruvchi moddalar chiqishini cheklash va ularning transchegaraviy taʼsirini pasaytirish, ekologik jihatdan asoslangan texnologiyalar, ishlab chiqarish va isteʼmol usullarini ishlab chiqish va qoʻllashga qaratilgan uzoq muddatli loyiha va dasturlarni ishlab chiqishga koʻmaklashadi;

Oʻzbekiston Respublikasining xalqaro shartnomalari, boshqa ikki tomonlama kelishuvlari loyihalarini ishlab chiqish, ularni xorijiy hamkorlar bilan kelishish va tuzish boʻyicha choralar koʻradi, shuningdek, ulardan kelib chiqadigan oʻzaro majburiyatlarning bajarilishini taʼminlaydi;

HAK majlislarida qabul qilinadigan, HAKning Oʻzbekistonga oid qismiga taalluqli boʻlgan bayon qarorlarining bajarilishini monitoring qiladi;

Oʻzbekiston Respublikasi davlat organlari, tashkilotlari, shuningdek, tashqi iqtisodiy faoliyat subyektlarining HAK xorijiy qismlari bilan murojaatlarni koʻrib chiqishda koʻmaklashadi;

Oʻzbekiston Respublikasi hududida HAK majlislarini tayyorlash va oʻtkazishni tashkillashtiradi, ularni chaqirish bilan bogʻliq tashkiliy-texnik, moddiy-moliyaviy va boshqa masalalarning butun kompleksini hal qiladi;

oliy va yuqori darajadagi tashriflar davomida erishilgan kelishuvlarni amalga oshirish boʻyicha kompleks masalalarni hal qiladi hamda masʼul vazirlik va idoralar, mahalliy davlat hokimiyati organlari faoliyatini muvofiqlashtiradi;

biznes-forumlar, ixtisoslashtirilgan koʻrgazmalar, xorijiy mamlakatlarda Oʻzbekiston madaniyati kunlari va Oʻzbekistonda xorijiy mamlakatlar kunlarini oʻtkazishni tashkillashtirishda koʻmaklashadi.

8. Xorijiy mamlakatlar bilan ikki tomonlama kelishuvlar, shuningdek, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlari va topshiriqlariga muvofiq HAKning Oʻzbekistonga oid qismiga boshqa vazifa va funksiyalar yuklatilishi mumkin.

9. HAKning Oʻzbekistonga oid qismi quyidagi vakolatlarga ega:

xorijiy mamlakatlar bilan hamkorlikni kengaytirish masalalari boʻyicha zarur qarorlar qabul qilish hamda Oʻzbekiston Respublikasi Prezidenti va Oʻzbekiston Respublikasi Vazirlar Mahkamasiga takliflar kiritish;

HAKning xorijiy qismlari bilan kelishilgan holda HAK doirasida doimiy va vaqtincha qoʻshma kichik komissiyalar va idoralararo ishchi guruhlarni tuzish;

Oʻzbekiston Respublikasining davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar, shuningdek, xorijdagi muassasalaridan zarur axborot-tahlil va maʼlumotnoma materiallari, meʼyoriy-huquqiy hujjatlar va boshqa maʼlumotlarni soʻrab olish;

Oʻzbekiston Respublikasining davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlari rahbarlari va ekspertlari ishtirokida majlislar chaqirish;

belgilangan tartibda yoki HAKning xorijiy qismlari koʻmagida xorijiy mamlakatlarning hukumat va nohukumat tashkilotlariga ikki tomonlama hamkorlik va HAK faoliyati bilan bogʻliq boshqa masalalar boʻyicha murojaat qilish;

Oʻzbekiston Respublikasining manfaatdor davlat va xoʻjalik boshqaruvining organlari, mahalliy ijro hokimiyati organlari va boshqa tashkilotlarini hamkorlik, kelishuvlar, HAK tomonidan qabul qilinadigan bayonnoma qarorlari loyihalarini ishlab chiqishga jalb qilish.

3-bob. HAKning Oʻzbekistonga oid qismi faoliyatini tashkil qilish

10. HAKning Oʻzbekistonga oid qismi rais, uch nafar oʻrinbosar, kotibiyat, ishchi organ va HAKning Oʻzbekistonga oid qismi aʼzolaridan iborat.

11. HAKning Oʻzbekistonga oid qismi tarkibi Oʻzbekiston Respublikasi Vazirlar Mahkamasi, Oʻzbekiston Respublikasining manfaatdor davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlari rahbarlari va masʼul shaxslari orasidan shakllantiriladi hamda Oʻzbekiston Respublikasi Bosh vaziri tomonidan tasdiqlanadi.

Oʻzbekiston Respublikasining diplomatik vakolatxonalari rahbarlari HAKning Oʻzbekistonga oid qismi raislarining oʻrinbosarlari hisoblanadi va ularning samarali ishlashi hamda kelishuvlar, shu jumladan HAK majlislari yakunlari boʻyicha, oliy va yuqori darajadagi tashriflar yakunlari boʻyicha erishilgan kelishuvlarning amaliy ijrosi uchun shaxsan javobgardir.

12. HAKning Oʻzbekistonga oid qismi tarkiblari Oʻzbekiston Respublikasining xorijiy mamlakatlar bilan ikki tomonlama munosabatlarining joriy holati, savdo-iqtisodiy, investitsiyaviy, texnologik, moliyaviy-texnik, ilmiy-texnik, sayyohlik va madaniy-gumanitar hamkorlik xususiyati va koʻlami, muhokamaga kiritiladigan kun tartibidagi masalalar mazmuni, shuningdek, HAKning xorijiy qismlari tarkibidan kelib chiqqan holda shakllantiriladi.

13. HAKning Oʻzbekistonga oid qismi raislari:

HAKning Oʻzbekistonga oid qismi aʼzolari va Oʻzbekiston Respublikasining diplomatik vakolatxonalari bilan birgalikda HAK majlislarini oʻtkazishga puxta va mazmunli tayyorgarlikni taʼminlagan holda HAK majlislarini tashkillashtirish masalalarining butun kompleksini muvofiqlashtiradi;

HAK majlislarini, zarur hollarda esa majlislar orasidagi davrda HAK raisdoshlari bilan uchrashuvlarni oʻtkazadi;

HAK majlislari yakunlari boʻyicha qabul qilingan majlis bayoni qarorlarini imzolaydi;

HAKning samarali ishlashini tashkillashtirish boʻyicha boshqa choralarni koʻradi.

HAKning Oʻzbekistonga oid qismi raislari yoʻqligida koʻrsatilgan vazifalarni ularning oʻrinbosarlari bajaradi.

14. HAKning Oʻzbekistonga oid qismi aʼzolari:

sherik davlatning salohiyati va imkoniyatlarini tahlil qilish asosida hamda u bilan tashqi iqtisodiy va tashqi siyosiy hamkorlik darajasini hisobga olgan holda HAK majlislarining kun tartibi va yakuniy bayonnomaga kiritish uchun ikki tomonlama hamkorlikni yanada rivojlantirish boʻyicha asoslangan takliflar oʻz vaqtida va sifatli tayyorlanishini taʼminlaydi;

chet el tarafi bilan ikki tomonlama muzokaralar va uchrashuvlar oʻtkazadi, oʻz vakolati doirasida kelishuvlar va boshqa hujjatlarni imzolaydi;

HAKning Oʻzbekistonga oid qismi raislari va kotibiyatiga erishilgan kelishuvlar va qabul qilingan qarorlarni amalga oshirish boʻyicha aniq takliflar bilan birga oʻzining HAK majlislaridagi ishtiroki natijalari toʻgʻrisida batafsil hisobotlarni taqdim qiladi;

har chorakda kamida bir marta HAKning Oʻzbekistonga oid qismi kotibiyatini kelishuvlar hamda HAK majlislari yakunlari boʻyicha qabul qilingan qarorlarni amalga oshirish jarayoni haqida axborot beradi;

HAK ishida samarali ishtirok etish yuzasidan boshqa choralarni koʻradi.

15. HAKning Oʻzbekistonga oid qismi kotibiyati funksiyalarini Oʻzbekiston Respublikasi Tashqi ishlar vazirligi amalga oshiradi va u quyidagi vazifalarni bajaradi:

HAK majlislarini har tomonlama va sifatli tayyorlash boʻyicha ishlarning butun kompleksi muvofiqlashtirilishini taʼminlaydi;

Oʻzbekiston Respublikasining manfaatdor davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlariga HAK faoliyati doirasida ikki tomonlama hamkorlik masalalari boʻyicha soʻrovlar yuboradi, kelib tushgan takliflarni umumlashtiradi va tahlil qiladi, ular asosida kun tartibi loyihasini ishlab chiqadi;

HAKning xorijiy qismlari tarkibidagi oʻzgarishlarni monitoring qiladi va HAKning Oʻzbekistonga oid qismi raislarini bu haqida oʻz vaqtida xabardor qiladi;

zarur hollarda Oʻzbekiston Respublikasining boshqa davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlari vakillari HAK ishiga jalb qilinishini taʼminlaydi;

HAKning bayonnoma qarorlari loyihalarini tayyorlash hamda davlat va xoʻjalik boshqaruvi organlari bilan kelishish, majlis yakunlari boʻyicha ularni qabul qilishni taʼminlaydi;

HAK majlislari yakunlari boʻyicha erishilgan kelishuvlar va bayonnoma qarorlarining amalga oshirilishi ustidan monitoringini olib boradi;

HAKning samarali ishlashini tashkil qilish boʻyicha boshqa choralarni koʻradi.

16. Oʻzbekiston Respublikasining xorijiy mamlakatlardagi diplomatik vakolatxonalari (bundan buyon — Ishchi organ deb yuritiladi):

ushbu Nizomning 6-bandida nazarda tutilgan HAK vazifalarini amalga oshirishda koʻmaklashadi;

xorijiy taraf bilan xorijiy delegatsiya tarkibi, tadbirlar ssenariysi, kun tartibi loyihalari, majlis bayonnomasi va imzolash uchun rejalashtirilayotgan ikki tomonlama hujjatlarni ishlab chiqish va kelishish, shuningdek, barcha tashkiliy-protokol masalalarni hal qilishni taʼminlaydi;

oliy va yuqori darajadagi tashriflar hamda HAK majlislari yakunlari boʻyicha erishilgan kelishuvlarning amaliy ijrosi monitoringini amalga oshiradi.

4-bob. HAK majlislariga tayyorgarlik koʻrish va oʻtkazish tartibi

17. HAK majlislariga tayyorgarlik koʻrish va oʻtkazish tartibi ushbu Nizomning 1-ilovasiga muvofiq sxema boʻyicha amalga oshiriladi.

18. HAK majlislari, qoidaga koʻra, Oʻzbekiston Respublikasining manfaatdor davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarining tashabbus takliflari, shuningdek, xorijiy taraf bilan kelishuvlarni hisobga olgan holda 1-fevralga qadar shakllantiriladigan va Oʻzbekiston Respublikasi Vazirlar Mahkamasi tomonidan tasdiqlanadigan HAK majlislarini oʻtkazish boʻyicha yillik jadval asosida oʻtkaziladi.

19. HAK majlisi oʻtkazilishidan kamida toʻqson kun avval HAKning Oʻzbekistonga oid qismi raislari majlisga tayyorgarlik koʻrish boʻyicha asosiy vazifalarni taqsimlash uchun HAKning Oʻzbekistonga oid qismi aʼzolari ishtirokida majlis oʻtkazadi.

Oʻtkazilgan majlis Oʻzbekiston Respublikasining manfaatdor davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlariga HAKning rejalashtirilayotgan majlisiga tayyorgarlik koʻrish boʻyicha aniq topshiriqlarni nazarda tutuvchi bayonnoma bilan rasmiylashtiriladi.

20. Bayonnomaga muvofiq Tashqi ishlar vazirligi, Investitsiyalar va tashqi savdo vazirligi hamda Oʻzbekiston Respublikasining boshqa manfaatdor davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlari quyidagilar boʻyicha takliflarni tayyorlash maqsadida oʻz vakolatiga kiradigan masalalarni ishlab chiqishga kirishadi:

xalqaro shartnomalar, ikki tomonlama kelishuvlar va tashqi iqtisodiy bitimlarni tuzish;

ikki tomonlama hamkorlik, shu jumladan oliy va yuqori darajadagi tashriflar doirasida erishilgan kelishuvlarni amalga oshirishning muammoli jihatlarini hal qilish;

ikki tomonlama hamkorlikning “yoʻl xaritasi”, majlis kun tartibi va bayonnomasi bandlari;

HAKning Oʻzbekistonga oid qismi tarkibi;

HAK majlisi davomida muhokama qilish uchun zarur boshqa masalalar.

Tashqi ishlar vazirligi hamda Investitsiyalar va tashqi savdo vazirligi Oʻzbekiston Respublikasining boshqa daxldor davlat va xoʻjalik boshqaruvi organlari bilan birgalikda mahalliy ijro hokimiyati organlari va boshqa tashkilotlari majlis bayonnomasiga muvofiq Oʻzbekiston Respublikasi Vazirlar Mahkamasiga ushbu Nizomning 2-ilovasiga muvofiq hujjatlar toʻplamini taqdim qiladi.

21. Tashqi ishlar vazirligi HAKning rejalashtirilayotgan majlisidan kamida oltmish kun avval xorijiy taraf bilan tadbir oʻtkazilishining aniq muddatlari, HAK majlisining kun tartibi, majlis doirasida imzolanishi rejalashtirilayotgan ikki tomonlama hujjatlar roʻyxatini ishlab chiqadi.

22. Tashqi ishlar vazirligi HAKning Oʻzbekistonga oid qismi raisi bilan kelishilgan holda xorijiy tomon tasdiqnomasi olingan sanadan eʼtiboran uch kun ichida Oʻzbekiston Respublikasi Vazirlar Mahkamasiga xorijiy taraf bilan majlisni oʻtkazishning kelishilgan muddatlari, kun tartibi loyihasi, shuningdek, majlis doirasida imzolanadigan ikki tomonlama hujjatlar roʻyxati toʻgʻrisidagi maʼlumotlar bilan birga HAK majlisini oʻtkazish toʻgʻrisidagi taklifni kiritadi.

23. Tashqi ishlar vazirligi Oʻzbekiston Respublikasi Vazirlar Mahkamasining tegishli roziligi berilgan sanadan eʼtiboran ikki kundan kechiktirmay Oʻzbekiston Respublikasining barcha daxldor davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlariga HAKning kelgusi majlisi toʻgʻrisidagi xabarnomani hamda nutqlar matni, muzokaralar uchun materiallar, imzolanishi rejalashtirilayotgan ikki tomonlama hujjatlarning loyihalari, shuningdek, majlis bayonnomasi loyihasi va HAKning Oʻzbekistonga oid qismi tarkibi yuzasidan takliflarni taqdim qilish toʻgʻrisida soʻrov yuboradi.

24. Oʻzbekiston Respublikasi Investitsiyalar va tashqi savdo vazirligi, davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlari HAK majlisidan kamida yigirma besh kun avval Tashqi ishlar vazirligiga majlis bayonnomasi loyihasi va HAKni oʻtkazish ssenariysini tayyorlash uchun zarur hujjatlar toʻplami hamda muzokaralar boʻyicha materiallarni yuboradi.

25. Tashqi ishlar vazirligi HAKning Oʻzbekistonga oid qismi raisi bilan kelishilgan holda majlisdan kamida yigirma kun avval Oʻzbekiston Respublikasi Vazirlar Mahkamasiga HAKning yakuniy kun tartibi, oʻtkazish ssenariysi va HAKning Oʻzbekistonga oid qismi tarkibini kiritadi. HAK majlisining bayonnomasi loyihasi bir vaqtning oʻzida xorijiy tarafga ham yuboriladi.

26. Oʻzbekiston Respublikasi Vazirlar Mahkamasi HAK majlisdan kamida oʻtkazish masalasini koʻrib chiqadi va maʼqul boʻlgan taqdirda Tashqi ishlar vazirligi tomonidan tegishli taklif kiritilgan sanadan eʼtiboran besh kun ichida Tashqi ishlar vazirligini qabul qilingan qaror toʻgʻrisida xabardor qiladi.

27. Tashqi ishlar vazirligi Oʻzbekiston Respublikasi Vazirlar Mahkamasining tegishli roziligini olgan kundan eʼtiboran ikki kun ichida HAKning rejalashtirilayotgan majlisi toʻgʻrisidagi maʼlumotni Oʻzbekiston Respublikasi Prezidenti Administratsiyasiga kelishish uchun kiritadi.

28. Tashqi ishlar vazirligi kelishuvga qarab, biroq HAK majlisidan kamida oʻn kun avval Vazirlar Mahkamasiga HAK majlisini oʻtkazish toʻgʻrisidagi farmoyish loyihasini kiritadi.

29. Oʻzbekiston Respublikasi Vazirlar Mahkamasi HAK majlisi oʻtkazilishidan kamida yetti kun avval HAK majlisini oʻtkazish haqida Tashqi ishlar vazirligi tomonidan kiritilgan farmoyishni qabul qiladi.

30. Oʻzbekiston Respublikasi Tashqi ishlar vazirligi HAK majlisi yakunlangandan soʻng bir kun ichida Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasiga HAK majlisi yakunlari toʻgʻrisidagi axborotni va bayonnomani kiritadi.

31. Ayrim istisno holatlarda HAK majlisini oʻtkazish masalasi Oʻzbekiston Respublikasi Prezidenti, Oʻzbekiston Respublikasi Bosh vaziri yoki xorijiy taraf tomonidan koʻtarilgan taqdirda ushbu bobda koʻrsatib oʻtilgan muddatlar oʻzgartirilishi mumkin.

5-bob. HAK majlislarida erishilgan kelishuvlar, shuningdek, ularning yakunlari boʻyicha qabul qilingan qarorlarni ijrosining monitoringi

32. Oʻzbekiston Respublikasi Vazirlar Mahkamasi HAK majlisi yakunlari toʻgʻrisidagi axborot va bayonnoma kiritilgandan soʻng uch kundan kechiktirmasdan Oʻzbekiston Respublikasi Investitsiyalar va tashqi savdo vazirligi, boshqa daxldor davlat va xoʻjalik boshqaruvining organlari, mahalliy ijro hokimiyati organlari va boshqa tashkilotlariga har chorakda hisobot oyidan keyingi oyning 5-sanasidan kechiktirmasdan erishilgan kelishuvlar hamda ularning yakunlari boʻyicha qabul qilingan qarorlar ijrosining borishi toʻgʻrisidagi maʼlumotlarni taqdim qilishni topshiradi.

33. HAKning Oʻzbekistonga oid qismi ishchi organlari xorijiy taraf tomonidan HAK majlislari yakunlari boʻyicha erishilgan kelishuvlar hamda qabul qilingan qarorlar ijrosining borishini doimiy monitoring qiladi va har chorakda hisobot oyidan keyingi oyning 5-sanasidan kechiktirmasdan kiritilgan hisobot maʼlumotlarini va ikki tomonlama hamkorlikning yuzaga kelishi mumkin boʻlgan muammoli jihatlarini bartaraf qilish boʻyicha takliflarni Tashqi ishlar vazirligiga taqdim qiladi.

34. Tashqi ishlar vazirligi har chorakda hisobot oyidan keyingi oyning 10-sanasidan kechiktirmasdan keyinchalik axborot olingan sanadan eʼtiboran besh kun ichida Oʻzbekiston Respublikasi Vazirlar Mahkamasiga, agar HAKning Oʻzbekistonga oid qismi raisi Oʻzbekiston Respublikasi Bosh vaziri yoki uning oʻrinbosari boʻlsa — Oʻzbekiston Respublikasi Prezidenti Administratsiyasiga axborot berish uchun HAKning Oʻzbekistonga oid qismi raisiga umumlashtirilgan hisobot maʼlumotlarini taqdim qiladi.

6-bob. Yakuniy qoidalar

35. HAKning Oʻzbekistonga oid qismi raislari va ularning oʻrinbosarlari zimmasiga yuklatilgan vazifa va funksiyalarni lozim darajada bajarish hamda HAKning Oʻzbekistonga oid qismi ishining natijadorligi uchun shaxsan javobgar hisoblanadi.

Oʻzbekiston Respublikasi va xorijiy mamlakatlar oʻrtasida ikki tomonlama hamkorlik boʻyicha hukumatlararo komissiyalar (qoʻmitalar, kengashlar va ishchi guruhlar)ningmajlislariga tayyorgarlik koʻrish va ularni oʻtkazish

sxemasi

Bosqichlar	Subyektlar	Tadbirlar	Muddatlar*

1-bosqich	Vazirlar Mahkamasi	Manfaatdor davlat va xoʻjalik boshqaruvi organlari takliflari hamda xorijiy tomon bilan kelishuvlarni hisobga olgan holda shakllantiriladigan HAK majlislarini oʻtkazish yillik jadvalini tasdiqlash (Oʻzbekiston Respublikasi Prezidenti Administratsiyasi bilan kelishilgan holda)	1-fevralgacha
1-bosqich	Vazirlar Mahkamasi		1-fevralgacha

2-bosqich	HAK oʻzbek qismlari raisi	HAK majlisini oʻtkazishga tayyorgarlik koʻrigarlik koʻrish boʻyicha vazifalarni taqsimlash uchun oʻzbek qismlari aʼzolari ishtirokida majlis oʻtkazish. Yakuni boʻyicha majlis bayonnomasini qabul qilish.	HAK majlisidan kamida 90 kun avval
2-bosqich	HAK oʻzbek qismlari raisi		HAK majlisidan kamida 90 kun avval

3-bosqich	Investitsiyalar va tashqi savdo vazirligi, boshqa aloqador davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlar	Majlis bayonnomasiga muvofiq, quyidagilar boʻyicha takliflar tayyorlash yuzasidan aloqador tashkilot faoliyatiga tegishli masalalarni koʻrib chiqish: xalqaro shartnomalar, ikki tomonlama kelishuvlar va tashqi iqtisodiy bitimlarni tuzish; ikki tomonlama hamkorlikning muammoli jihatlarini hal etish; ikki tomonlama hamkorlikning “yoʻl xaritasi”, kun tartibi va majlis bayonnomasining bandlari; HAK oʻzbek qismlari tarkibi; HAK majlisi davomida muhokama qilinishi zarur boʻlgan boshqa masalalar. Tashqi ishlar vazirligiga ushbu Nizomning 2-ilovasiga muvofiq materiallar paketini taqdim etish.	Majlis bayonnomasida koʻrsatilgan muddatlarda
3-bosqich			Majlis bayonnomasida koʻrsatilgan muddatlarda

4-bosqich	Tashqi ishlar vazirligi	Xorijiy tomon bilan tadbirlarni oʻtkazishning aniq muddatlari, HAK majlislari kun tartibi, majlis doirasida imzolanishi rejalashtirilgan ikki tomonlama hujjatlar roʻyxatini ishlab chiqishni boshlash.	HAK majlisidan kamida 60 kun avval
4-bosqich	Tashqi ishlar vazirligi		HAK majlisidan kamida 60 kun avval

5-bosqich	Tashqi ishlar vazirligi	HAK oʻzbek qismi raisi bilan kelishilgan holda HAK majlisini oʻtkazish boʻyicha xorijiy tomon bilan kelishilgan majlis oʻtkazish muddatlari, kun tartibi loyihasi, shuningdek, majlis doirasida imzolanadigan ikki tomonlama hujjatlar roʻyxati toʻgʻrisida Vazirlar Mahkamasiga takliflar kiritish.	xorijiy tomonning tasdiqnomasi olingan sanadan boshlab 3 kun ichida
5-bosqich	Tashqi ishlar vazirligi

6-bosqich	Tashqi ishlar vazirligi	Investitsiyalar va tashqi savdo vazirligi va boshqa aloqador davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlarga nutqlar matnlariga, muzokaralar materiallariga takliflarni, imzolanishi rejalashtirilayotgan ikki tomonlama hujjatlar loyihalarini, shuningdek, majlis bayonnomasi va HAK oʻzbek qismi tarkibiga takliflarni berish toʻgʻrisida soʻrovnoma yuborish.	Oʻzbekiston Respublikasi Vazirlar Mahkamasining tegishli roziligi olingan sanadan boshlab 2 kun ichida
6-bosqich	Tashqi ishlar vazirligi

7-bosqich	Investitsiyalar va tashqi savdo vazirligi, boshqa aloqador davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlar	Tashqi ishlar vazirligiga majlis bayonnomasi loyihasini va oʻtkazish ssenariysini tayyorlash uchun zarur boʻlgan hujjatlar paketini, shuningdek, muzokaralarga tegishli materiallarni joʻnatish.	HAK majlisidan kamida 25 kun avval
7-bosqich			HAK majlisidan kamida 25 kun avval

8-bosqich	Tashqi ishlar vazirligi	Oʻzbekiston Respublikasi Vazirlar Mahkamasiga HAK majlisiningyakuniy kun tartibi, oʻtkazish ssenariysi va HAK oʻzbek qismi tarkibini kiritish. Bir vaqtning oʻzining oʻzida HAK majlisi bayonnomasi loyihasini xorijiy tomonga joʻnatish.	HAK majlisidan kamida 20 kun avval
8-bosqich	Tashqi ishlar vazirligi		HAK majlisidan kamida 20 kun avval

9-bosqich	Tashqi ishlar vazirligi	Oʻzbekiston Respublikasi Prezidenti Administratsiyasiga HAK majlisi oʻtkazish toʻgʻrisidagi axborotni kiritish.	HAK majlisidan kamida 20 kun avval
	Tashqi ishlar vazirligi		HAK majlisidan kamida 20 kun avval

	PrezidentAdministratsiyasi	HAK majlisini oʻtkazish toʻgʻrisidagi masalani kelishish.	rozilik berilishiga qarab
	PrezidentAdministratsiyasi	HAK majlisini oʻtkazish toʻgʻrisidagi masalani kelishish.	rozilik berilishiga qarab

10-bosqich	Tashqi ishlar vazirligi	Oʻzbekiston Respublikasi Prezidenti Administratsiyasi bilan kelishilgan holda, HAK majlisi oʻtkazish toʻgʻrisidagi farmoyish loyihasini ishlab chiqish va Vazirlar Mahkamasiga kiritish.	rozilik berilishiga qarab, HAK majlisidan kamida 10 kun avval
10-bosqich	Tashqi ishlar vazirligi

11-bosqich	Vazirlar Mahkamasi	HAK majlisini oʻtkazish toʻgʻrisidagi farmoyishni qabul qilish.	HAK majlisidan kamida 7 kun avval
11-bosqich	Vazirlar Mahkamasi		HAK majlisidan kamida 7 kun avval

12-bosqich	Tashqi ishlar vazirligi	Oʻzbekiston Respublikasi Prezidenti Administratsiyasi va Vazirlar Mahkamasiga HAK majlisi yakunlari toʻgʻrisidagi axborotni va majlis bayonnomasini kiritish.	HAK majlisi oʻtkazilganidan keyin 1 kun ichida
12-bosqich	Tashqi ishlar vazirligi		HAK majlisi oʻtkazilganidan keyin 1 kun ichida

13-bosqich	Vazirlar Mahkamasi	Investitsiyalar va tashqi savdo vazirligi, boshqa aloqador davlat va xoʻjalik boshqaruvi organlari, mahalliy ijro hokimiyati organlari va respublikadagi boshqa tashkilotlarga erishilgan kelishuvlarni amalga oshirishning borishi toʻgʻrisidaTashqi ishlar vazirligiga axborot taqdim etishni topshirish.	axborot kiritilganidan keyin 3 kun ichida
13-bosqich	Vazirlar Mahkamasi		axborot kiritilganidan keyin 3 kun ichida

14-bosqich	Investitsiyalar va tashqi savdo vazirligi, boshqa aloqador davlat va xoʻjalik boshqaruvi organlari, mahalliy ijro hokimiyati organlari va boshqa tashkilotlar hamda diplomatik vakolatxonalar	HAK majlisi davomida erishilgan kelishuvlarni hamda ularning yakuni boʻyicha qabul qilingan qarorlarni amalga oshirishning borishi toʻgʻrisida hisobot axborotini Tashqi ishlar vazirligiga taqdim etish.	har chorakda, biroq hisobot oyidan keyingi oyning 5-sanasidan kechiktirmasdan
14-bosqich

15-bosqich	Tashqi ishlar vazirligi	HAK majlisi davomida erishilgan kelishuvlarni hamda ularning yakuni boʻyicha qabul qilingan qarorlarni amalga oshirishning borishi toʻgʻrisida umumlashtirilgan hisobot axborotni HAK oʻzbek qismi raisiga va Vazirlar Mahkamasiga kiritish.	har chorakda, biroq hisobot oyidan keyingi oyning 15 -sanasidan kechiktirmasdan
15-bosqich	Tashqi ishlar vazirligi

* Alohida hollarda, ushbu sxemada koʻrsatilgan muddatlar Oʻzbekiston Respublikasi Prezidenti, Oʻzbekiston Respublikasi Bosh vaziri yoki xorijiy tomonning HAK majlisini oʻtkazish masalasidagi tashabbusiga koʻra oʻzgartirilishi mumkin.

Hukumatlararo komissiya majlislariga tayyorgarlik koʻrish va ularni oʻtkazish munosabati bilan shakllantiriladigan hujjatlar hamda axborot-tahliliy materiallar

roʻyxati

1. Oʻzbekiston Respublikasi Iqtisodiyot va sanoat vazirligi, Investitsiyalar va tashqi savdo vazirligi, Moliya vazirligi, Tashqi ishlar vazirligi hamda boshqa aloqador davlat va xoʻjalik boshqaruvi organlari, mahalliy ijro hokimiyati organlari oʻz vakolatlari doirasida axborot-tahliliy materiallar koʻrinishidagi quyidagi axborotni umumlashtirish uchun Oʻzbekiston Respublikasi Vazirlar Mahkamasiga, zarur hollarda esa Oʻzbekiston Respublikasi Prezidenti Administratsiyasiga taqdim etadi:

Oʻzbekiston Respublikasi va hamkor mamlakatning oʻtgan yil yakunlari boʻyicha rivojlanish makroiqtisodiy koʻrsatkichlari;

Oʻzbekiston Respublikasi va hamkor mamlakatning sanoat, qishloq xoʻjaligi, xizmatlar sohasidagi yetakchi tarmoqlari, ularning YAIM tarkibidagi ulushi, eksport-import operatsiyalari toʻgʻrisida maʼlumotlar;

Oʻzbekiston Respublikasining hamkor mamlakat bilan tashqi savdosi dinamikasining tahlili, ularning asosiy tashqi savdo hamkorlarining batafsil yoritilgan eksport/import nomenklaturasini ilova qilgan holda;

hamkor mamlakatning Oʻzbekiston Respublikasi bilan hamkorlikni rivojlantirishga qiziqish bildirayotgan yetakchi tashkilotlari faoliyati toʻgʻrisidagi axborot;

xorijiy mamlakat davlat tuzilmalari, banklari, tashkilotlarining respublikamiz davlat organlari, banklari va tashkilotlari bilan iqtisodiyot tarmoqlarining ustuvor yoʻnalishlarini rivojlantirish boʻyicha hamkorligi toʻgʻrisidagi axborot;

davlat tuzilmalari bilan moliyaviy-texnik va gumanitar yordam masalalari boʻyicha hamkorlikni rivojlantirish toʻgʻrisidagi axborot;

xalqaro iqtisodiy va moliyaviy tashkilotlar doirasidagi hamkorlik boʻyicha axborot va takliflar;

hamkor mamlakatning Oʻzbekiston Respublikasi hududida savdo-iqtisodiy va investitsiyaviy faoliyatni amalga oshirayotgan qoʻshma korxonalari, kompaniyalar vakolatxonalari va boshqa tijoriy tuzilmalari faoliyati toʻgʻrisida axborot;

mamlakatdagi mavjud transport yoʻllaridan respublikamizning eksport-import operatsiyalari uchun foydalanish toʻgʻrisidagi axborot (dengiz portlarining yuk bilan bandligi, tranzit yoʻlaklar, temir yoʻl va boshqa transport turlaridan foydalanish, transmilliy yoʻllar boʻyicha loyihalarni birgalikda amalga oshirishda mamlakatlarning ishtiroki toʻgʻrisidagi axborot mavjud boʻlsa);

kichik va xususiy tadbirkorlik sohasida hamkorlikni rivojlantirish boʻyicha takliflar;

xalqaro shartnomalar va tashqi iqtisodiy bitimlarning loyihalari hamda ularni imzolashning maqsadga muvofiqligi toʻgʻrisida xulosalar;

hukumatlararo komissiya majlislari doirasidagi muzokaralar uchun savdo-iqtisodiy, moliyaviy-texnik va investitsiyaviy hamkorlik boʻyicha materiallar, qoʻyiladigan masalalar va takliflar, shuningdek, taqdimot materiallari va asosiy maʼruzachilarning nutqlari matnlari;

hamkor mamlakat tomonidan qoʻyilishi mumkin boʻlgan masalalar va ular boʻyicha oʻzbek tomonining asoslangan pozitsiyalari;

oliy va yuqori darajadagi tashriflar yakunlari boʻyicha “yoʻl xaritalari”ga kiritilgan erishilgan kelishuvlar va imzolangan shartnomalar ijrosining borishi toʻgʻrisidagi axborot;

xorijiy delegatsiyaning taxminiy tarkibi va majlisni oʻtkazish ssenariysi boʻyicha takliflar;

hukumatlararo komissiya majlislari kun tartibi loyihasi va bayonnomasiga takliflar.

2. Tashqi ishlar vazirligi ushbu ilovaning 1-bandida koʻrsatilgan materiallar bilan bir qatorda, Oʻzbekiston Respublikasi Vazirlar Mahkamasiga, zarur hollarda esa Oʻzbekiston Respublikasi Prezidenti Administratsiyasiga quyidagi axborot-tahliliy materiallarni taqdim etadi:

tarixiy va mamlakatshunoslik maʼlumotlari;

mamlakatdagi ichki siyosiy vaziyat;

tashqi siyosatning, shu jumladan Markaziy Osiyo mamlakatlariga nisbatan asosiy yoʻnalishlari, muhim hamkorlar bilan oʻzaro munosabat, xalqaro tashkilotlar ishida ishtirok etish va ulardagi pozitsiya;

Oʻzbekiston Respublikasi bilan diplomatik va tarixiy-madaniy aloqalar;

ikki tomonlama munosabatlarning mavjud huquqiy-shartnomaviy bazasi;

parlamentlararo aloqalar;

ikki tomonlama va koʻp tomonlama siyosiy va harbiy hamkorlikning rivojlanishi.

Oʻzbekiston Respublikasi Prezidentining 2019-yil 23-maydagi PQ-4331-son qaroriga
3-ILOVA

Xorijiy mamlakatlar va xalqaro tashkilotlar bilan savdo-iqtisodiy, investitsiyaviy va turistik hamkorlik masalalari boʻyicha idoralararo muvofiqlashtirish va oʻzaro hamkorlik toʻgʻrisida

NIZOM

1-bob. Umumiy qoidalar

1. Mazkur Nizom Oʻzbekiston Respublikasining tashqi iqtisodiy siyosatini amalga oshirishda, uning iqtisodiy manfaatlarini himoya qilish va olgʻa surish, chet el investitsiyalari va ilgʻor texnologiyalarini, imtiyozli kreditlar, grantlar va texnik koʻmaklashish vositalarini jalb qilish, mahalliy tovar va xizmatlar eksporti hajmlarini oshirish, ikki tomonlama tovar almashinuvi turlarini kengaytirish, chet ellardan sayyohlar oqimini jalb qilish, shuningdek, respublikaning transport-tranzit salohiyatini oshirishda davlat va xoʻjalik boshqaruvi organlari, mahalliy davlat hokimiyati organlari (keyingi oʻrinlarda — masʼul tashkilotlar) bilan Oʻzbekiston Respublikasining xorijdagi muassasalari oʻrtasidagi idoralararo muvofiqlashtirish va hamkorlik (keyingi oʻrinlarda — idoralararo hamkorlik) tartibini belgilaydi.

2. Idoralararo hamkorlikning asosiy vazifalari quyidagilar hisoblanadi:

Oʻzbekiston Respublikasi Tashqi ishlar vazirligi, Investitsiyalar va tashqi savdo vazirligi, Turizmni rivojlantirish davlat qoʻmitasi, Oʻzbekiston Respublikasining xorijdagi muassasalari (keyingi oʻrinlarda — xorijdagi muassasalar), mahalliy davlat hokimiyati organlari va boshqa masʼul tashkilotlar orasida birgalikdagi samarali va tezkor ishni tashkil qilish;

eksportni jadallashtirish, avvalo toʻgʻridan-toʻgʻri chet el investitsiyalarini jalb qilish, Oʻzbekiston Respublikasiga sayyohlar oqimini kengaytirish hamda mamlakatning transport va tranzit salohiyatini rivojlantirish sohasida xorijdagi muassasalarning faoliyatini faollashtirish va takomillashtirish;

masʼul tashkilotlar tomonidan chet ellardagi muassasalarning axborot-maʼlumot taʼminotini yaxshilash;

eksportni jadallashtirish, investitsiyalarni jalb qilish, transport va tranzit salohiyatini rivojlantirish va sayyohlar oqimini kengaytirish borasida tashqi iqtisodiy faoliyat subyektlarining murojaatlari, soʻrovlari va loyiha takliflarining masʼul tashkilotlar tomonidan oʻz vaqtida va samarali koʻrib chiqilishini taʼminlash;

mahalliy tovar va xizmatlarning tashqi bozorlarga chiqarishning taʼsirchan mexanizmini yaratishga qaratilgan chet el investitsiyalarini jalb qilish va eksportni jadallashtirish tizimini takomillashtirish, shuningdek, mamlakat iqtisodiyotiga chet el investitsiyalarini maksimal darajada jalb qilish.

3. Idoralararo hamkorlik Oʻzbekiston Respublikasi Prezidentining 2018-yil 5-apreldagi “Oʻzbekiston Respublikasi Tashqi ishlar vazirligi tizimini tubdan takomillashtirish hamda tashqi siyosiy va tashqi iqtisodiy faoliyatning ustuvor yoʻnalishlarini amalga oshirishda uning masʼuliyatini kuchaytirish chora-tadbirlari toʻgʻrisida”gi PF-5400-son Farmonining 1-ilovasiga asosan tasdiqlangan Sxemaga muvofiq amalga oshiriladi.

2-bob. Idoralararo hamkorlikda masʼul tashkilotlarning asosiy vazifalari

4. Tashqi ishlar vazirligi mamlakatning tashqi siyosiy va tashqi iqtisodiy yoʻnalishini amalga oshirish va taʼminlashga javob beruvchi davlat organlari tizimida markaziy boʻgʻin hisoblanadi.

5. Idoralararo hamkorlikda quyidagilar Tashqi ishlar vazirligining asosiy vazifalari hisoblanadi:

davlat va xoʻjalik boshqaruvi organlari, mahalliy davlat hokimiyati organlari va boshqa xoʻjalik yurituvchi subyektlar bilan birgalikda Oʻzbekiston Respublikasining tashqi iqtisodiy faoliyat strategiyasi boʻyicha takliflarni ishlab chiqish va tashqi iqtisodiy yoʻnalishni amalga oshirishni taʼminlash;

sohaga tegishli vazirliklar, muassasalar, mahalliy ijro hokimiyati organlarining yagona tashqi iqtisodiy faoliyatni amalga oshirish boʻyicha faoliyatini muvofiqlashtirish, ularning samarali amalga oshirilishiga toʻsqinlik qiluvchi omillarni aniqlash va bartaraf qilish;

eksportni jadallashtirish, investitsiyalarni jalb qilish va turizmni rivojlantirish uchun qulay tashqi sharoitlarni yaratish boʻyicha siyosiy-diplomatik choralar koʻrish;

respublikaning eksport salohiyatini rivojlantirishda, Oʻzbekistonga chet el investitsiyalarini jalb qilish va sayyohlar oqimini kuchaytirishda amaliy yordam koʻrsatish;

xorijdagi muassasalar, masʼul tashkilotlar hamda tadbirkorlik subyektlaridan keluvchi xalqaro iqtisodiy vaziyat, xorijiy mamlakatlarning bozor konyunkturasi toʻgʻrisidagi maʼlumotlarni umumlashtirish va tahlil qilish, uning asosida ustuvor yoʻnalishlar boʻyicha tashqi iqtisodiy manfaatlarni ilgari surish boʻyicha takliflar toʻplamini ishlab chiqish;

mamlakatda amalga oshirilayotgan katta miqyosdagi islohotlar va oʻzgarishlar, respublikaning eksport, investitsiya va turistik salohiyati toʻgʻrisida xolis maʼlumotlarni keng tarqatish, shuningdek, dunyo reytinglarida Oʻzbekistonning mavqeyini yaxshilash borasida takliflarni ishlab chiqish va mamlakatning ijobiy imijini mustahkamlash;

xorijiy davlatlar, xalqaro moliyaviy institutlar va tashkilotlar bilan tashqi iqtisodiy aloqalarni rivojlantirish borasida xorijdagi muassasalarning faoliyatini takomillashtirish, xorijdagi muassasalar diplomatik xodimlarining tashqi iqtisodiy faoliyat boʻyicha ishini nazorat qilish.

6. Investitsiyalar va tashqi savdo vazirligi tashqi savdo sohasida strategiyani shakllantirish va yagona siyosatni amalga oshirish hamda chet el investitsiyalarini, kredit va moliyaviy-texnik koʻmaklashish vositalarini jalb qilishni muvofiqlashtirishda masʼul organ hisoblanadi.

7. Oʻzbekiston Respublikasi Investitsiyalar va tashqi savdo vazirligining idoralararo hamkorlikdagi asosiy vazifalari quyidagilar hisoblanadi:

toʻgʻridan-toʻgʻri chet el investitsiyalari, kreditlar, shuningdek, moliyaviy-texnikaviy koʻmaklashish vositalarini jalb qilish strategiyasini belgilash;

investitsiya salohiyatini rivojlantirish, qulay investitsion muhitni shakllantirish, mamlakatning ishonchli investitsion sherik sifatidagi imijini mustahkamlash va uning investitsion jozibadorligini oshirish boʻyicha dasturlarni ishlab chiqish va chora-tadbirlarni amalga oshirish;

xorijiy sheriklar bilan investitsion hamkorlik yoʻnalishlarini rivojlantirish va diversifikatsiyalash chora-tadbirlarini koʻrish;

investitsiya loyihalari va takliflarining yagona bazasini shakllantirish, chet ellik sarmoyadorlarni, shuningdek kredit va moliyaviy-texnik koʻmaklashish vositalarini izlab topish va jalb qilishda yordam berish;

xorijiy davlatlar bilan hukumatlararo komissiya yigʻilishlari doirasida tuzish maqsadida qatʼiy savdo-investitsiya bitimlari va shartnomalarining roʻyxati ustida ishlashni muvofiqlashtirish va ishlab chiqish (tegishli vazirliklar va idoralar bilan birgalikda);

taqdimot va axborot-maʼlumot materiallari bilan birgalikda sifatli ishlab chiqilgan investitsiya takliflari va loyihalarning pasportlarini Tashqi ishlar vazirligiga va xorijdagi muassasalarga taqdim qilish;

respublikaning tashqi iqtisodiy faoliyat subyektlariga chet ellik investorlarni qidirish, ular bilan oʻzaro manfaatli aloqalarni oʻrnatish, shuningdek, toʻgʻridan-toʻgʻri xorijiy investitsiyalarni jalb qilish boʻyicha loyiha takliflari va boshqa kerakli materiallarni tayyorlashda koʻmaklashish;

ustuvor mintaqaviy va tarmoq yoʻnalishlari boʻyicha respublikaning tashqi savdo faoliyati strategiyasini shakllantirish;

respublikaning eksport salohiyatini rivojlantirish, tarif va notarif toʻsiqlarni bartaraf qilish, transport-kommunikatsiya aloqalarini rivojlantirish boʻyicha dasturlarni ishlab chiqish va chora-tadbirlarni amalga oshirish;

eksport qilinadigan tovarlar (ish, xizmatlar)ning hajmini oshirish, turlarining xilma-xilligi va geografiyasini kengaytirish boʻyicha vazifalarni amalga oshirish;

chet ellarda eksportchilarning huquqlari va qonuniy manfaatlarini himoya qilish, ishbilarmon sheriklarni qidirishda, shartnomalar tuzishda, tender (tanlov) savdolarida, yarmarka, biznes-forumlarda va boshqa tadbirlarda yordam berish;

Tashqi ishlar vazirligiga va xorijdagi muassasalarga eksport qilinadigan tovarlar (ish, xizmatlar)ning roʻyxatini ularning chet el valyutasidagi narxi, texnik koʻrsatkichlari va mintaqalar kesimida tavsiflarini koʻrsatgan holda taqdim qilish;

dunyo bozorlari boʻyicha marketing tadqiqotlarini amalga oshirish, xoʻjalik yurituvchi subyektlar tomonidan ishlab chiqarilgan mahsulot turlari va nomenklaturasini tizimli asosda tahlil qilish hamda mahalliy ishlab chiqaruvchilarning eksport qilinadigan tovar va xizmatlari yagona elektron maʼlumotlar bazasini shakllantirish.

8. Turizmni rivojlantirish boʻyicha davlat qoʻmitasi turizm sohasida, mamlakatning turistik salohiyatini tubdan oshirish va turizmga iqtisodiyotning strategik sohasi maqomini berish siyosatini amalga oshirishni taʼminlovchi organ hisoblanadi.

9. Idoralararo hamkorlikda Turizmni rivojlantirish boʻyicha davlat qoʻmitasining asosiy vazifalari quyidagilardan iborat:

turindustriyani rivojlantirish strategiyasini ishlab chiqish, shuningdek, ustuvor chet el bozorlarida turistik xizmatlarni ilgari surish;

turistik infratuzilmani rivojlantirish, milliy turistik brendni va turistik mahsulotlarni ilgari surish boʻyicha dasturlarni ishlab chiqish;

turistik bozorlarni kengaytirish va diversifikatsiya qilish, turistik yarmarkalarda qatnashishda va sheriklik aloqalarini oʻrnatishda milliy turoperatorlarga yordam berish;

respublikaning tegishli infratuzilmasini rivojlantirish va ilgari surish boʻyicha qoʻshma dasturlar va loyihalarni amalga oshirishda yetakchi chet ellik turistik kompaniyalarning ishtirokini taʼminlash;

Tashqi ishlar vazirligiga va xorijdagi muassasalarga mamlakat hududlari kesimida turistik salohiyat toʻgʻrisidagi taqdimotlarni tashkil qilish maqsadida sifatli axborot (foto va video) materiallarini taqdim qilish.

10. Xorijdagi muassasalar oʻzlari joylashgan davlatda yoki xalqaro tashkilotda Oʻzbekiston Respublikasini ifodalovchi davlat organlari hisoblanadi.

11. Idoralararo hamkorlikda xorijdagi muassasalarning asosiy vazifalari quyidagilardan iborat:

borgan davlatdagi iqtisodiy konyunkturani, iqtisodiyot tarmoqlari va bozorlar rivojlanishining dinamikasi va tendensiyalarini tahlil qilish hamda eksportni rivojlantirish, investitsiyalarni jalb etish va turizmni avj oldirish boʻyicha takliflar ishlab chiqish;

tashqi iqtisodiy vazifalarni hal qilish uchun samarali davlatlararo hamkorlikni mustahkamlash;

ishbilarmon doiralar bilan yaqin munosabatlar oʻrnatish va salohiyatli sheriklarning manzil maʼlumotlari bazasini kengaytirish;

davlat va xoʻjalik boshqaruvi organlari, mahalliy davlat hokimiyati organlari va boshqa xoʻjalik yurituvchi subyektlar bilan aniq loyihalar, dasturlar va kelishuvlarni amalga oshirish boʻyicha oʻzaro amaliy hamkorlik qilish;

respublikaning eksport, investitsion va turistik salohiyati toʻgʻrisidagi maʼlumotlarni tarqatish, shuningdek, mamlakatning ijobiy imiji va dunyo reytinglaridagi mavqeyini mustahkamlash chora-tadbirlarni koʻrish.

12. Mahalliy davlat hokimiyati organlari, davlat va xoʻjalik boshqaruvi organlari va boshqa xoʻjalik yurituvchi subyektlar:

iqtisodiyotning ustuvor sohalarini rivojlantirishdagi ehtiyojlardan kelib chiqqan holda investitsiyalarni jalb qilish, tovarlar (ish, xizmatlar) eksportini jadallashtirish, turizmni rivojlantirish sohasida taklif va loyihalarni, ishlab chiqish;

sohalar kesimida eksport, investitsiya va turistik salohiyatni rivojlantirish boʻyicha amaliy chora-tadbirlarni qabul qilish;

xorijiy sheriklar tashabbusi bilan boshlangan loyihalar va takliflar, talablar bilan ishlash holati toʻgʻrisida Tashqi ishlar vazirligini vaqti-vaqti bilan xabardor qilish;

xorijiy sheriklar bilan aloqalar oʻrnatish, ular bilan aniq bitimlar tuzish orqali idoralararo hamkorlikni amalga oshirishadi.

13. Vazirliklar va idoralar, mahalliy davlat hokimiyati organlari Tashqi ishlar vazirligi soʻrovi bilan kerakli maʼlumotlarni belgilangan muddatlarda taqdim qilishi kerak.

LexUZ sharhi

Qarang: Oʻzbekiston Respublikasi Vazirlar Mahkamasining 2022-yil 20-sentabrdagi 516-son “Idoralararo elektron hamkorlik tizimi va maʼlumotlarning axborot almashinuvini yanada takomillashtirish chora-tadbirlari toʻgʻrisida”gi qarori.

Vazirliklar va idoralar, mahalliy davlat hokimiyati organlari talab qilingan maʼlumotlarni oʻz vaqtida taqdim qilmagan taqdirda, Tashqi ishlar vazirligi masʼul rahbarlarga nisbatan intizomiy jazo qoʻllash masalasini kiritishga haqlidir.

14. Masʼul tashkilotlar idoralararo hamkorlik davomida oʻz vakolatini belgilab beruvchi qonun hujjatlarida zimmasiga yuklatilgan boshqa vazifalarni ham bajaradi.

3-bob. Xorijiy sheriklar bilan loyiha va takliflarni ishlab chiqish hamda kelishish tartibi

15. Oʻzbekiston Respublikasi Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa masʼul tashkilotlar oʻz vakolati doirasida Savdo-sanoat palatasi va tashqi iqtisodiy faoliyatning boshqa subyektlari bilan birgalikda chet ellik sheriklar bilan amalga oshirish maqsadida takliflar va loyihalarni ishlab chiqadi.

16. Oʻrnatilgan tartibda ishlab chiqilgan takliflar va loyihalar Tashqi ishlar vazirligiga yuboriladi. Mazkur Nizomning 17-bandida nazarda tutilgan hollarda esa keyinchalik Tashqi ishlar vazirligini xabardor qilish orqali ular xorijiy sheriklar bilan ishlab chiqilgan holda toʻgʻridan-toʻgʻri xorijdagi muassasalarga yuborilishi mumkin.

17. Davlat va xoʻjalik boshqaruvi organlari, mahalliy davlat hokimiyati organlari va boshqa xoʻjalik yurituvchi subyektlar quyidagi holatlarda toʻgʻridan-toʻgʻri xorijiy muassasalar bilan hamkorlikni amalga oshiradi, shuningdek, chet ellik sheriklar bilan puxta ishlab chiqish maqsadida oʻrnatilgan tartibda ishlab chiqilgan taklif va loyihalarni ularga yuboradi:

Oʻzbekiston Respublikasining xalqaro shartnomalari va boshqa erishilgan kelishuvlar, ikki tomonlama hamkorlik boʻyicha “Yoʻl xaritalari” doirasida loyiha/takliflarning amalga oshirilishida yoki ishlab chiqilishida;

oliy va yuqori darajadagi rasmiy aloqalar, shuningdek, hukumatlararo komissiya (qoʻmita va kengashlar) yigʻilishlari natijalari boʻyicha erishilgan kelishuvlarni amalga oshirish doirasida.

18. Tashqi ishlar vazirligiga, mazkur Nizomning 17-bandida nazarda tutilgan hollarda esa, xorijdagi muassasalarga yuboriladigan taklif va loyihalarga quyidagilar ilova qilinadi:

investitsiyalarni jalb qilish sohasida — mintaqalar kesimida sohaning investitsiya, shu jumladan turistik salohiyatiga bagʻishlangan taqdimot (video va/yoki slaydlar), tarqatma materiallar (flayer, buklet va broshyuralar) va boshqa axborot-maʼlumot materiallarini (mavjud infratuzilma, loyihani amalga oshirish shartlari va boshqalar toʻgʻrisida maʼlumot) ilova qilgan holda sifatli ishlab chiqilgan investitsiya takliflari va loyihalarning pasportlari;

tovar va xizmatlarning (turizm sohasini oʻz ichiga olgan holda) eksportini ilgari surish sohasida — chet el valyutasidagi narxini, texnik koʻrsatkichlari va xususiyatlarini, sifat sertifikatini koʻrsatish bilan birgalikda taqdimot (video va/yoki slaydlar), tarqatma materiallar (flayer, buklet va broshyuralar) va mintaqalar kesimida tarmoqning eksport, shu jumladan turistik salohiyatini namoyish qiluvchi boshqa axborot-maʼlumot materiallari ilova qilingan holda ishlab chiqariladigan/koʻrsatiladigan va eksportga yuboriladigan tovar va xizmatlar roʻyxati.

Takliflar va loyihalar hamda ularga ilova qilinadigan materiallar:

Mustaqil Davlatlar Hamdoʻstligi mamlakatlari uchun — rus tilida;

boshqa mamlakatlar uchun — ingliz tilida, yoki zarur hollarda boshqa tillarda tayyorlanishi lozim.

19. Taklif va loyihalar mazkur Nizomning 18-bandida koʻrsatib oʻtilgan talablarga muvofiq kelmagan taqdirda, Tashqi ishlar vazirligi, mazkur Nizomning 17-bandida bilan nazarda tutilgan talablarga muvofiq kelmagan taqdirda esa xorijdagi muassasalar, ish tartibida ularning kamchiligini toʻldirish imkoniyati boʻlmaganda, ularni bartaraf qilish uchun tashabbuskorlariga qaytarishga haqli.

20. Tashqi ishlar vazirligi masʼul tashkilotlardan taklif va loyihalar kelgan paytdan eʼtiboran, qoidaga koʻra, uch kunlik muddatda (diplomatik pochtani joʻnatish imkoniyatini hisobga olgan holda) ularni xorijiy muassasalarga yuboradi.

21. Xorijiy muassasalar ushbu taklif va loyihalarni olgach, zudlik bilan ularni xorijiy sheriklar bilan puxta ishlab chiqishga kirishadi.

22. Xorijiy muassasalar, tashabbus bilan berilgan taklif va loyihalarni hamda respublikaning masʼul tashkilotlari tomonidan taklif qilingan loyihalarni xorijiy sheriklar bilan ishlab chiqish holati toʻgʻrisida Tashqi ishlar vazirligiga har oy axborot kiritadi.

Tashabbuskorlar Tashqi ishlar vazirligi talabi, mazkur Nizomning 17-bandida nazarda tutilgan hollarda esa xorijiy muassasalarning talabiga binoan chet ellik sheriklar bilan taklif va loyihalarni ishlab chiqish uchun zarur boʻlgan qoʻshimcha maʼlumot va materiallarni taqdim qiladi.

23. Mazkur Nizomning 22-bandida koʻrsatib oʻtilgan maʼlumotlarning xorijiy muassasalardan kelib tushishiga qarab, Tashqi ishlar vazirligi muntazam ravishda, ammo har chorakda kamida bir marta Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa masʼul tashkilotlarni taklif va loyihalarni koʻrib chiqish holati toʻgʻrisida ular boʻyicha kelishuvlarga erishilguniga qadar xabardor qilib boradi.

4-bob. Xorijiy muassasalar tomonidan tashabbus koʻrsatilgan soʻrovlar, taklif va loyihalarni ishlab chiqish tartibi

24. Chet ellik sheriklardan xorijiy muassasalarga kelib tushgan soʻrovlar, takliflar va loyihalar, qoidaga koʻra, uch kunlik muddatda (diplomatik pochtani joʻnatish imkoniyatini hisobga olgan holda) Tashqi ishlar vazirligiga yuboriladi, mazkur Nizomning 17-bandida nazarda tutilgan hollarda esa, bir kunlik muddatda hammabop aloqa vositalari (elektron pochta, faks va boshqalar) orqali bir vaqtning oʻzida Tashqi ishlar vazirligini xabardor qilgan holda toʻgʻridan-toʻgʻri davlat va xoʻjalik boshqaruvi organlariga, mahalliy davlat hokimiyati organlariga va boshqa xoʻjalik yurituvchi subyektlarga yuboriladi.

25. Tashqi ishlar vazirligi xorijiy muassasalardan yoki Oʻzbekiston Respublikasida akkreditatsiyadan oʻtgan xalqaro tashkilotlar va chet davlatlarning vakolatxonalaridan kelgan soʻrovlar, taklif va loyihalarni ular kelib tushgan vaqtdan eʼtiboran uch kun muddat ichida Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa masʼul tashkilotlarning vakolatiga taalluqli masalalar boʻyicha yuboradi.

26. Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa masʼul tashkilotlar, mazkur Nizomning 17-bandida nazarda tutilgan hollarda esa davlat va xoʻjalik boshqaruvi organlari, mahalliy davlat hokimiyati organlari va boshqa xoʻjalik yurituvchi subyektlar:

uchrashuv va muzokaralarni tashkil etish, maʼlumot va materiallarni olish bilan bogʻliq soʻrovlarni — uch kunlik muddatda;

investitsiyalar, moliyaviy-texnik koʻmaklashish vositalarini jalb qilish, tovar va xizmatlarning eksportini nazarda tutgan taklif va loyihalarni — yetti kunlik muddatda koʻrib chiqadi.

Taklif va loyihalarda koʻproq davrda koʻrib chiqilishini talab qiladigan masalalar mavjud boʻlgan taqdirda, Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa masʼul tashkilotlar uch kunlik muddatda bu haqda Tashqi ishlar vazirligini, mazkur Nizomning 17-bandida nazarda tutilgan hollarda esa, xorijdagi muassasalarni keyinchalik xorijiy sheriklarga maʼlumot berish uchun xabardor qiladi va bu haqda Tashqi ishlar vazirligiga axborot beradi.

27. Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa masʼul tashkilotlar:

chet ellik sheriklar tomonidan tashabbus koʻrsatilgan soʻrovlar, taklif va loyihalarning ishlab chiqilishi holati, shuningdek, keyinchalik ularni amalga oshirish jarayoni haqidagi maʼlumotlarni Tashqi ishlar vazirligiga har oy kiritib boradi;

taklif va loyihalarni mustaqil ravishda chet ellik sheriklar bilan ishlab chiqadi yoki zarur hollarda Tashqi ishlar vazirligidan yordam soʻrashi mumkin.

28. Investitsiyalar va tashqi savdo vazirligi har oy Oʻzbekiston Respublikasi Prezidenti Administratsiyasiga, Oʻzbekiston Respublikasining Hisob palatasiga, Vazirlar Mahkamasi va Bosh prokuraturasiga investitsiya loyihalarining amalga oshirilish jarayoni toʻgʻrisida umumlashtirilgan axborotni kiritib boradi.

5-bob. Xorijiy muassasalar faoliyatining axborot taʼminoti va mamlakatning iqtisodiy manfaatlarini ilgari surishda ularga koʻmaklashish

29. Investitsiyalar va tashqi savdo vazirligi, Turizmni rivojlantirish davlat qoʻmitasi, Savdo-sanoat palatasi va boshqa masʼul tashkilotlar har chorakda xorijiy muassasalarni mazkur Nizomning 18-bandiga muvofiq taqdimot materiallari (video va/yoki slaydlar), tijorat takliflari va boshqa axborot-maʼlumot materiallari bilan taʼminlaydi.

30. Investitsiyalar va tashqi savdo vazirligi quyidagilarning yagona elektron maʼlumotlar bazasiga kirish imkoniyatini taqdim etish orqali Tashqi ishlar vazirligi va xorijiy muassasalar bilan elektron shaklda hamkorlikni taʼminlaydi:

mahsulot nomi, narxi, yetkazib berish shartlari, sifat sertifikatining mavjudligi, oʻrami, markasi va boshqalarni nazarda tutgan milliy ishlab chiqaruvchilarning eksport qilinadigan tovar va xizmatlarning elektron bazasi;

loyiha nomi, loyiha narxi, investitsiya taklifi va pasportining mavjudligi, tashkilotning gektarda koʻrsatilgan hududi (agar mavjud boʻlsa), infratuzilmaning mavjudligi va boshqalarni koʻzda tutuvchi investitsiya takliflari va loyihalarining elektron bazasi.

31. Masʼul tashkilotlar Tashqi ishlar vazirligining soʻroviga binoan mahalliy tovar va xizmatlarning eksportini ilgari surishda, investitsiya va turistlar oqimini jalb qilishda yordam koʻrsatish maqsadida xorijiy muassasalarga yuqori malakali mutaxassislarni qisqa muddatli xizmat safariga yuborish boʻyicha takliflarini kiritadi.

32. Tashqi ishlar vazirligi har yili 1-fevralga qadar masʼul tashkilotlarning takliflari asosida xorijiy muassasalar ehtiyojiga qarab qisqa muddatli xizmat safarlari rejasini tasdiqlaydi.

33. Masʼul tashkilotlar mutaxassislarining xizmat safari bilan bogʻliq xarajatlar har yili budjetdan ushbu maqsadlar uchun ajratiladigan ajratmalar yoki mazkur tashkilotlarning oʻz mablagʻlari hisobidan qoplanadi.

6-bob. Yakuniy qoida

34. Masʼul tashkilotlarning rahbarlari va vakolatli shaxslari mazkur Nizomga muvofiq ularning zimmasiga yuklatilgan vazifa va funksiyalarning bajarilishi uchun shaxsan javobgar hisoblanadi.

Oʻzbekiston Respublikasi Prezidentining 2019-yil 23-maydagi PQ-4331-son qaroriga
4-ILOVA

Oʻzbekiston Respublikasi Prezidentining 2019-yil 28-yanvardagi “Oʻzbekiston Respublikasi Hukumati ishini tashkil etishning sifat jihatidan yangi tizimini joriy etish toʻgʻrisida”gi PQ-4136-son qaroriga kiritilayotgan oʻzgartirishlar

1. 3-banddagi “178 nafar” soʻzlari “181 nafar” soʻzlari bilan almashtirilsin.

2. 1-ilovaning rus tilidagi matnida:

a) “Otdel mejdunarodnogo sotrudnichestva” blokidagi “4” raqami “7” raqami bilan almashtirilsin;

b) “216” va “178” raqamlari tegishli ravishda “219” va “181” raqamlari bilan almashtirilsin.

Keyingi tahrirga qarang.

(Qonun hujjatlari maʼlumotlari milliy bazasi, 24.05.2019-y., 07/19/4331/3176-son; Qonunchilik maʼlumotlari milliy bazasi, 30.04.2021-y., 06/21/6218/0398-son)